Shendetesi

Konsumi i rregullt i perimeve njihet si gur themeli i një regjimi të shëndetshëm ushqimor. Perimet janë të pasura me vitamina dhe minerale të cilat janë thelbësore për shëndetin.

Ato përmbajnë gjithashtu shumë antioksidantë, të cilët mbrojnë qelizat nga dëmet e shkaktuara prej radikaleve të lira. Një studim, konfirmon se konsumi i perimeve ka lidhje të fortë me shëndetin e enëve të gjakut në zonën e qafës.

Këto enë gjaku luajnë një rol thelbësor në furnizimin e trurit me gjak. Nëse këto enë ngushtohen dhe bllokohen, atëherë truri bëhet shënjestër më e lehtë e ishemisë.

Panxhari

Panxhari i kuq ka shumë vlera shëndetësore, duke qenë se është i pasur me vitamina, minerale dhe përbërës organikë si karotenoidi, vitamina C, magnezi, hekuri, bakri dhe fosfori, duke qenë në të njëjtën kohë dhe një burim i shkëlqyer me antioksidues. Ata kanë shumë pak kalori, nuk përmbajnë kolesterol.

Lakra

Lakra është një perime e shëndetshme për zemrën. Ajo është shumë e pasur me ushqyes të dobishëm për shëndetin e enëve të gjakut.

Lakra përmban shumë vitaminë C që lufton inflamacionin dhe përmirëson tretjen.

Përveç shëndetit të zemrës, lakra ndihmon në uljen e tensionit të gjakut dhe të kolesterolit, dy faktorë kyç në shfaqjen e sëmundjeve të zemrës dhe ishemisë.

Lulelakra

Një racion me lulelakër ofron 12 për qind të dozës ditore të fibrës. Lulelakra është një burim i mirë i vitaminës C dhe K.

Vitamina K është e domosdoshme për një zemër të shëndetshme dhe kocka të forta. Folati dhe vitamina B6 që gjenden tek lulelakra janë gjithashtu të rëndësishme për një metabolizëm dhe gjak të shëndetshëm.

Brokoli

Një racion me brokoli ofron 20% e dozës së rekomanduar të fibrës dhe plotëson nevojat ditore për vitaminë C, K dhe A. Brokoli është i pasur me vitaminë B6, kalcium, hekur dhe vitaminë E.

Vitamina E luan një rol thelbësor për një lëkurë të shëndetshme, por ajo gjithashtu është e mirë dhe për zemrën, shikimin dhe trurin. /atsh

Shpeshherë shohim që na bien qerpikët ose kemi një rrallim të tyre, dhe nuk u kushtojmë vëmendje pasi mendojmë se është diçka normale. Por kjo gjë mund të paralajmërojë probleme shëndetësore.

Arsyet më poshtë tregojnë se diçka nuk shkon mirë me shëndetin tuaj apo me kujdesin e fytyrës:

Alopecia. Rënia e qerpikëve mund të vijë nga alopecia ose një tjetër sëmundje autoimune. Kjo gjendje pengon rritjen e flokëve në trupin, kokën ose fytyrën tuaj. Mjekët besojnë se kjo sëmundje bën që trupi të sulmojë folikulat e qimeve.

Sëmundjet kronike inflamatore. Të ngjashme me alopecinë, sëmundjet kronike inflamatore janë rastet kur trupi “sulmon” veten.

Problemet me tiroiden. Tiroidja kontrollon prodhimin e hormoneve të trupit, por ndonjëherë niveli më i lartë apo i ulët i tyre shkakton jo pak probleme. Si hipotiroidizmi ashtu edhe hipertiroidizmi shkaktojnë këtë problem.

Inflamacion i gjendrës së lotit. Bllokimi i gjendrave të lotit çon në një inflamacion kronik të folikulave të qerpikëve, duke bërë që këto të fundit të bien. Në rastin e parë që vëreni skuqje, lëngëzim të syve, ndjeni djegie apo kruarje, trajtojeni problemin në kohë para se të bëhet shkak për shqetësime të tjera.

Zakonet e këqija të bukurisë. Kur pastroni grimin nga sytë mos ushtroni forcë kur përdorni pambukun, sepse kjo gjë dëmton rrënjët e qerpikëve duke nxitur rënien e tyre. /atsh

Mëngjesi i bollshëm dhe i shëndetshëm ka aftësinë të parandalojë dhjamosjen e mëlçisë dhe të riparojë dëmet e shkaktuara në këtë organ.

Dhjamosja e mëlçisë është një sëmundje e cila po transformohet dalëngadalë në një nga kërcënimet më të mëdha të shëndetit të njeriut.

Sipas të dhënave, ajo mund të përbëjë pikënisjen e shumë sëmundjeve të tjera më të rrezikshme.

Akumulimi i yndyrnave në qelizat e mëlçisë shkakton inflamacion dhe një dëmtim të pariparueshëm në këtë organ të rëndësishëm.

Në fillimet e saj, kjo sëmundje manifestohet me plogështi dhe dhimbje të mprehtë në anën e sipërme dhe të djathtë të barkut.

Nëse sëmundja kapet herët, dëmet e saj mund të riparohen. Nëse sëmundja diagnostikohet në fazë më të avancuar, pasojat mund të jenë vërtetë të rënda.

Përzgjedhja e ushqimeve të duhura e të shëndetshme është e një rëndësie të madhe për shëndetin e mëlçisë.

Mëngjesi konsiderohet si vakti më i rëndësishëm i ditës dhe sipas ekspertëve ai ofron përfitime të larmishme në organizëm.

Një mëngjes i mirë dhe i bollshëm arrin të:

– Rrisë nivelet e energjisë,

– Përmirësojë metabolizmin,

– Zvogëlojë masën trupore,

– Përmirësojë aftësitë e të nxënit,

– Stabilizojë nivelet e sheqerit në gjak,

– Ulë ndjeshmërinë ndaj insulinës,

– Zvogëlojë sasitë e depozitave dhjamore në mëlçi.

Ushqimet e duhura për një mëlçi të shëndetshme

Ekspertët thonë se njerëzit duhet të hanë shumë ushqime me nivel të ulët glicemie. Kjo nënkupton hequr dorë nga buka e bardhë dhe duhet zgjedhur bukë me drithëra të plota.

Tërshëra është një nga shembujt më të mirë të ushqimeve me nivel të ulët glicemie, sepse tretet ngadalë dhe nuk rrit nivelin e sheqerit në gjak.

Frutat si: qershia, qitro, kumbulla, portokalli, rrushi, pjeshka, dardha dhe molla janë të rekomanduara çdo mëngjes.

Kosi është një tjetër ushqim që nuk duhet të mungojë në tryezën tuaj, sepse është i shëndetshëm jo vetëm për stomakun, por sidomos për mëlçinë. /atsh

Agjencia Kombëtare e Barnave dhe Pajisjeve Mjekësore njoftoi sot profesionistët e shëndetit dhe pacientët për një shtim efekti anësor të rëndësishëm në barin me lëndë aktive “Ranitidinë” tabletë.

Në faqen zyrtare të Administratës Amerikane për Barna dhe Ushqime (FDA-Food and Drug Administration) si dhe të Agjencisë Europiane të Barnave (EMA- European Medicines Agency) është publikuar njoftimi lidhur me përmbajtjen e lëndës N-Nitrosodimetlamine (NDMA), papastërti e gjendur në barna me lëndë aktive “Ranitidinë” tabletë duke përfshirë këtu edhe barin “Zantac”. “NDMA” është një lëndë që klasifikohet si kancerogjene, bazuar në disa teste laboratorike të kryera.

“Për momentin ka vetëm këshillim dhe jo bllokim apo tërheqje të barit. Agjencia Kombëtare e Barnave dhe Pajisjeve Mjekësore njofton profesionistët e shëndetit si dhe pacientët për këtë efekt anësor të rëndësishëm në barin me lëndë aktive “Ranitidinë” tablete 150 mg dhe 300 mg . Njoftimi është bërë edhe për Urdhrin e Farmacistit të Shqipërisë si dhe Urdhrin e Mjekut në mënyrë që për barin e rekomanduar apo përshkruar të jepet informacion për efektet anësore që mund të shfaqen tek pacienti”, theksohet në njoftimin për shtyp të Agjencisë Kombëtare e Barnave dhe Pajisjeve Mjekësore.

AKBPM këshillohen pacientët që nëse e marrin “Ranitidinë” si bar pa recetë, pra me vetëmjekim, mund të zgjedhin një bar tjetër që jepet pa recetë dhe që përdoret për shqetësimin shëndetësor që ata kanë.

Po ashtu nëse pacientët e marrin “Ranitidinë” me recetë dhe duan ta ndërpresin marrjen e saj, duhet të flasin me mjekun personal në mënyrë që ai t’iu përshkruajë një mjekim tjetër opsional.

“Profesionistët e shëndetit janë të lutur që të përdorin formularin e raportimit në faqen zyrtare të Agjencisë Kombëtare të Barnave dhe Pajisjeve Mjekësore, për çdo efekt të padëshiruar që ata mësojnë, lidhur me barin në fjalë, ose dhe barna të tjera, dhe ta dërgojnë atë në adresën: [email protected]”, thuhet në njoftimin e AKBPM./atsh

Zëvendësimi një pjese të ushqimit me ushqime jo të shëndetshme( të skuqura, mish të përpunuar, salsiçe e tjerë) me 14 gramë fruta të thata në ditë ndihmon dhe zvogëlon rrezikun e mbipeshës, sipas një studimi të botuar në revistën ”BMJ Nutrition, Prevention & Health”, i cili përfshinte tre grupe individësh, 51 529 meshkuj të moshës 40-75 vjeç; 121 700 gra të moshës 35-55 vjeç dhe 116 686 gra të moshës 24-44 vjeç.

”Strategjitë e thjeshta ndonjëherë ndihmojnë për të parandaluar shtimin gradual të peshës dhe mund të jenë një armë e rëndësishme në favor të shëndetit tonë dhe në parandalimin e sëmundjeve kardiovaskulare”, sipas studimit.

Ekspertët monitoruan grupmoshat për 20 vjet me radhë, shëndetin, peshën dhe ushqimin e tyre në çdo 4 vjet.

Doli se ata që shtuan të paktën 14 gramë fruta të thata në dietën e tyre kishin një rrezik më të ulët për të marrë 2 ose më shumë kile në 4 vjet.

Në veçanti, konsumimi i një grushti arrash në ditë shoqërohet me një rrezik prej 15% më të ulët për t’u bërë obez.

Efekti mbrojtës i frutave të thata është më i dukshëm nëse konsumohet në vend të disa ushqimeve jo të shëndetshme si patatet e skuqura.

Edhe pse ky është një studim thjesht vëzhgues, rezultatet përforcojnë idenë se konsumimi i rregullt i frutave të thata (të pasura me vitamina, kripëra minerale të mira) është i dobishëm për shëndetin dhe ndihmon në kontrollin e peshës pasi rrit ndjenjën e ngopjes./atsh

Demenca ose humbja e kujtesës do të jetë rreziku kryesor i shëndetit në shekullin e ardhshëm duke pasur në konsideratë incidencat në rritje të sëmundjes.

‘’Aktualisht 50 milionë njerëz në botë vuajnë nga sëmundjet mendore’’, theksoi mjeku Ghokan Ekol.

“Pothuajse një në çdo dy persona, midis moshave 85-90 vuan nga demenca”, tha Erkol.

Ndërsa numri i incidencave të sëmundjes dyfishohet pas çdo 5 vitesh, studiuesit vlerësojnë se deri në vitin 2050, kjo sëmundje do të ndikojë në një pjesë të konsiderueshme të popullsisë me 150 milionë.

Erkol e përshkroi Alzheimerin si shkaktarin më të zakonshëm të demencës. Ai tha se sëmundja përbën 60 % të shkaqeve të demencës.

Neurologu thekson se sëmundja mendore nuk njeh kufijtë social, as ekonomikë dhe as kufijtë gjeografikë.

“Mund të prekë të gjitha shoqëritë, pavarësisht niveleve socio-ekonomike. Studimet kanë treguar gjithashtu se dy nga tre persona nuk dinë asgjë për demencën”, shtoi ai.

‘’Për më tepër, simptomat e sëmundjes mashtrojnë edhe mjekët për ta diagnostikuar atë në një fazë të hershme. Ata e trajtojnë sëmundjen si një rezultat normal të pleqërisë”, theksoi Erkol.

Pacientët, vetë hezitojnë të raportojnë problemin tek mjekët, pasi kjo sëmundje shoqërohet edhe me njollë sociale. /atssh

Mëngjesi i bollshëm dhe i shëndetshëm ka aftësinë të parandalojë dhjamosjen e mëlçisë dhe të riparojë dëmet e shkaktuara në këtë organ.

Dhjamosja e mëlçisë është një sëmundje e cila po transformohet dalëngadalë në një nga kërcënimet më të mëdha të shëndetit të njeriut.

Sipas të dhënave, ajo mund të përbëjë pikënisjen e shumë sëmundjeve të tjera më të rrezikshme.

Akumulimi i yndyrnave në qelizat e mëlçisë shkakton inflamacion dhe një dëmtim të pariparueshëm në këtë organ të rëndësishëm.

Në fillimet e saj, kjo sëmundje manifestohet me plogështi dhe dhimbje të mprehtë në anën e sipërme dhe të djathtë të barkut.

Nëse sëmundja kapet herët, dëmet e saj mund të riparohen. Nëse sëmundja diagnostikohet në fazë më të avancuar, pasojat mund të jenë vërtetë të rënda.

Përzgjedhja e ushqimeve të duhura e të shëndetshme është e një rëndësie të madhe për shëndetin e mëlçisë.

Mëngjesi konsiderohet si vakti më i rëndësishëm i ditës dhe sipas ekspertëve ai ofron përfitime të larmishme në organizëm.

Një mëngjes i mirë dhe i bollshëm arrin të:

– Rrisë nivelet e energjisë,

– Përmirësojë metabolizmin,

– Zvogëlojë masën trupore,

– Përmirësojë aftësitë e të nxënit,

– Stabilizojë nivelet e sheqerit në gjak,

– Ulë ndjeshmërinë ndaj insulinës,

– Zvogëlojë sasitë e depozitave dhjamore në mëlçi.

Ushqimet e duhura për një mëlçi të shëndetshme

Ekspertët thonë se njerëzit duhet të hanë shumë ushqime me nivel të ulët glicemie. Kjo nënkupton hequr dorë nga buka e bardhë dhe duhet zgjedhur bukë me drithëra të plota.

Tërshëra është një nga shembujt më të mirë të ushqimeve me nivel të ulët glicemie, sepse tretet ngadalë dhe nuk rrit nivelin e sheqerit në gjak.

Frutat si: qershia, qitro, kumbulla, portokalli, rrushi, pjeshka, dardha dhe molla janë të rekomanduara çdo mëngjes.

Kosi është një tjetër ushqim që nuk duhet të mungojë në tryezën tuaj, sepse është i shëndetshëm jo vetëm për stomakun, por sidomos për mëlçinë. /atsh