Shendetesi

Shpeshherë shohim që na bien qerpikët ose kemi një rrallim të tyre, dhe nuk u kushtojmë vëmendje pasi mendojmë se është diçka normale. Por kjo gjë mund të paralajmërojë probleme shëndetësore.

Arsyet më poshtë tregojnë se diçka nuk shkon mirë me shëndetin tuaj apo me kujdesin e fytyrës:

Alopecia. Rënia e qerpikëve mund të vijë nga alopecia ose një tjetër sëmundje autoimune. Kjo gjendje pengon rritjen e flokëve në trupin, kokën ose fytyrën tuaj. Mjekët besojnë se kjo sëmundje bën që trupi të sulmojë folikulat e qimeve.

Sëmundjet kronike inflamatore. Të ngjashme me alopecinë, sëmundjet kronike inflamatore janë rastet kur trupi “sulmon” veten.

Problemet me tiroiden. Tiroidja kontrollon prodhimin e hormoneve të trupit, por ndonjëherë niveli më i lartë apo i ulët i tyre shkakton jo pak probleme. Si hipotiroidizmi ashtu edhe hipertiroidizmi shkaktojnë këtë problem.

Inflamacion i gjendrës së lotit. Bllokimi i gjendrave të lotit çon në një inflamacion kronik të folikulave të qerpikëve, duke bërë që këto të fundit të bien. Në rastin e parë që vëreni skuqje, lëngëzim të syve, ndjeni djegie apo kruarje, trajtojeni problemin në kohë para se të bëhet shkak për shqetësime të tjera.

Zakonet e këqija të bukurisë. Kur pastroni grimin nga sytë mos ushtroni forcë kur përdorni pambukun, sepse kjo gjë dëmton rrënjët e qerpikëve duke nxitur rënien e tyre. /atsh

Kolesteroli i lartë mund të çojë në sëmundje koronare të zemrës, e cila është shkaku më i madh i sulmeve në zemër.

Kolesteroli mund të ulet duke bërë ndryshime dietike, siç është zvogëlimi i yndyrës së ngopur, por duke përfshirë edhe ushqimet e tjera në dietën tuaj.

Super ushqimet e mëposhtme do ju ndihmojnë të ulni kolesterolin e lartë:

Ushqime soje. Ushqimet e sojës janë plot me proteina, vitamina dhe minerale, dhe janë me pak yndyrë të ngopur.

Arrat. Arrat janë të pasura me proteina, vitaminë E, magnez dhe kalium, dhe përmbajnë sterole natyrale të bimëve dhe ushqyesve të tjera bimore që ndihmojnë në mbajtjen e trupit të shëndetshëm dhe largimin e sëmundjes.

Tërshëra dhe elbi. Tërshëra dhe elbi janë të pasura me një lloj fibre të quajtur beta glucan – që mund të ndihmojë në uljen e kolesterolit. Kur beta glukani konsumohet, ajo formon një xhel që lidhet me kolesterolin dhe bile në zorrë. Kjo ndihmon në kufizimin e sasisë së kolesterolit që absorbohet nga zorrë në gjak.

Fruta dhe perime. Fruta dhe perimet janë të pasura me vitamina dhe minerale dhe kimikate bimore të cilat ju ndihmojnë të qëndroni të shëndetshëm dhe parandaloni sëmundjet. Ato përmbajnë pak ose aspak yndyrë dhe janë gjithashtu të lartë në fibra, disa prej të cilave mund të ndihmojnë në uljen e kolesterolit.

Ushqime të pasura me yndyrë të pangopur. Zëvendësoni ushqimet e larta në yndyrna të ngopura me ushqime të larta në yndyra të pangopura, të tilla si vajra bimore, avokado, arra dhe peshk. /atsh

Nuk është e provuar që tabletat e magnezit mund të jenë të dobishme për shëndetin mendor, ndërsa konfirmohet efikasiteti i shtesave Omega-3 si një trajtim plotësues kundër depresionit, janë konkluzionet e bëra nga Instituti i Kërkimit Shëndetësor i Universitetit të Sidnejit Perëndimor.

Studimi, i udhëhequr nga docenti Jerome Sarris dhe sapo i botuar në revistën ”World Psychiatry”, analizoi të dhënat e më shumë se 10 mijë njerëzve me çrregullime të shëndetit mendor, të mbledhura përmes provave rastësore.

“Nuk ka prova bindëse se magnezi ndihmon në trajtimin e çdo çrregullimi mendor. Megjithëse mungesa e magnezit ka tendencë të jetë më e zakonshme te njerëzit me gjendje psikiatrike, nuk vërtetohet se minerali është i dobishëm për trajtimin”, përfundon Sarris.

Përkundrazi, ka prova më të forta mbi përdorimin e omega-3 për trajtimin e depresionit.

Përdoren në kombinim me antidepresantët dhe janë më efektive sesa ilaçet të vetëm.

Disa studime tregojnë gjithashtu se ka përfitime modeste në trajtimin e simptomave të çrregullimit të deficitit të vëmendjes, por jo në trajtimin e skizofrenisë ose kushteve të tjera./atsh

Ministrja e Shëndetësisë dhe Mbrojtjes Sociale, Ogerta Manastirliu ka vizituar një 27–vjeçare nga Tirana, e cila para një muaji ka kryer me sukses transplantin e veshkës falas. Nëpërmjet një postimi në rrjetet sociale, Manastirliu ka ndarë lajmin e mirë për Megin, e cila ishte diagnostifikuar që në lindje me probleme të theksuara renale.

“Kalvari i vuajtjeve për 27 vite me rradhë për Megin dhe familjen e saj, ka marrë fund! Sot më tregoi se nuk e besonte kur e telefonuan për t’i thënë që është gati për ndërhyrjen pa pagesë dhe përputhshmëria me motrën që i dhuroi veshkën ishte e plotë. Fatmirësisht çdo gjë ka shkuar mirë dhe ditë pas dite Megi po i kthehet jetës normale, si bashkëmoshataret e saj”, shkruan Manastirliu.

Nga Janari 2019, 16 pacientë kanë kryer transplantin e veshkave falas në spitalet jopublike, me financim 100% nga shteti. Që prej fillimit të financimit të paketës së transplantit të veshkave falas në 2015, kanë kryer transplantin 79 pacientë. /atsh

Për rastet e planifikuara, radha e koronarografisë është ulur në rang vendi në 3 javë.

Ministrja e Shëndetësisë dhe Mbrojtjes Sociale, Ogerta Manastirliu thekson se për urgjencat kardiake, shërbimi jepet 24 orë në shtatë ditë Qendrën Spitalore Universitare “Nënë Tereza” në Tiranë.

“Punë e shkëlqyer e ekipit mjekësor në Shkodër ku po ofrohet shërbimi i koronarografisë për rajonin e veriut.4 qendrat e hemodinamikës në vend kanë mundësuar shërbimin në kohë, në cilësi, afër vendbanimit, falas për qytetarët”, -thotë Manastirliu.

Më tej, ministrja nënvizon se “për rastet e planifikuara, radha e koronarografisë është ulur në rang vendi në 3 javë”./atsh