Shendetesi

5900 pacientë kanë kryer koronarografinë falas nga 1 janari 2019

Falë lehtësimit të procedurave për kryerjen e koronarografisë, 5900 pacientë e kanë kryer atë falas nga 1 janari 2019.

Kryeministri Edi Rama u shpreh sot se ky është një tjetër inovacion që lehtëson qytetarët në marrjen e kujdesit shëndetësor.

“Mirëmëngjes dhe me një tjetër inovacion që lehtëson qytetarët në marrjen e kujdesit shëndetësor, ju uroj një javë të mbarë”, tha Rama.

Me lehtësimin e procedurave për kryerjen e koronarografisë, shmangen sorollatjet e pacientëve. Tashmë rezervimi online bëhet nga mjeku kardiolog.

Ndërsa referimi për angiografinë koronare kryhet direkt nga poliklinikat e specialiteteve në Tiranë.

Për pacientët nga rrethet, referimi kryhet direkt nga spitali rajonal apo bashkiak.

Me 3 qendrat e hemodinamikës dhe sistemin elektronik ulen radhët e pritjes nga 1 në 3 javë./atsh

5900 pacientë kanë kryer koronarografinë falas nga 1 janari 2019 Read More »

Cigaret elektronike me rrezik për sistemin kardiovaskular

Cigaret elektronike mund të kenë efekte të dëmshme për sistemin kardiovaskular, sipas një studimi, që e gjykon si të parakohshme që ato të konsiderohen si alternativë e sigurt për cigaret e zakonshme.

“Cigaret elektronike përmbajnë nikotinë, grimca shumë të vogla, metale dhe aroma, nuk janë vetë avuj uji të padëmshëm”, theksoi autori kryesor i këtij studimi, Loren Wold i Universitetit të Ohajos.

“Studimet mbi ndotjen e ajrit tregojnë se grimcat e imëta (më pak se 2,5 mikronë) depërtojnë në qarkullimin e gjakut dhe kanë ndikim te zemra. Të dhënat mbi cigaret elektronike anojnë nga ky drejtim”, vazhdon ai.

Autorët e këtij studimi vënë theksin mbi veprimin e nikotinës, që rrit tensionin e gjakut dhe ritmin kardiak, si edhe mbi grimcat e imëta, që mund të shkaktojnë ngurtësim të arterieve dhe malcime.

Sipas studiuesve, të gjitha këto efekte sugjerojnë se përdorimi kronik i cigareve elektronike mund të rrisë zhvillimin e sëmundjeve kardiovaskulare./ atsh

Cigaret elektronike me rrezik për sistemin kardiovaskular Read More »

Pirja e ujit me stomakun bosh ndihmon në mirëfunksionimin e trupit

Uji, edhe pse joushqyes, parandalon ndryshimet e papritura të temperaturës së trupit dhe ndihmon në largimin e nxehtësisë përmes djersës.

Në të njëjtën kohë, ai rregullon peshën e trupit dhe ndihmon në parandalimin e dehidratimit. Në lindje, 75% e peshës sonë është e përbërë nga uji, por ndërsa plakemi zvogëlohet në 60%.

Nevojat ditore për ujë ndryshojnë në varësi të moshës sonë, pavarësisht nëse jemi gra apo burra, dhe aktivitetet tona të përditshme. Si rezultat, duhet të pimë 7-8 gota ujë çdo ditë në mënyrë që trupat tanë të jenë të hidratuar.

Gota e parë e ujit duhet të konsumohet sapo të zgjohemi.

Natën trupat tanë lëshojnë lëngje. Prandaj dehidratohet. Pirja e gotës së parë me stomakun bosh ndihmon trupin tonë të funksionojë siç duhet.

Në të njëjtën kohë ne arrijmë:

– Të rrisim prodhimin e qelizave të reja;

– Të kemi lëkurë me shkëlqim;

– Shëndet më të mirë të sistemit limfatik;

– Peshë fikse ose humbje nëse kombinohet me një dietë të shëndetshme;

– Rezistencë më të madhe të trupit ndaj sëmundjeve. /atsh

Pirja e ujit me stomakun bosh ndihmon në mirëfunksionimin e trupit Read More »

Te flokët ekziston një “spiun” molekular që zbulon skizofreninë

Te flokët ekziston një ”spiun” molekular që lejon të zbulohet skizofrenia edhe para shfaqjes së halucinacioneve.

Është enzima Mpst, prania e të ciles në nivele të larta zbulon një ndryshim biokimik të trurit që duket se lind në fazat e hershme të zhvillimit në përgjigje të stresit inflamator.

Zbulimi, i cili mund të hapë rrugën për ilaçe të reja dhe teste për diagnostikimin e hershëm, është botuar në revistën ”Embo Molecular Medicine” nga studiues të qendrës japoneze ”Riken”.

Studimi nxjerr në pah për herë të parë se reaktiviteti i tepërt i zhurmës tipik për pacientët me skizofreni është për shkak të pranisë së tepërt në tru të enzimës Mpst, e cila prodhon sasi të mëdha të një molekule antioksiduese, sulfid hidrogjeni.

Zbulimi, i bërë tek minjtë laboratorikë, gjeti konfirmim edhe në analizën pas vdekjes së trurit të disa pacientëve në krahasim me njerëzit e shëndetshëm./ atsh

Te flokët ekziston një “spiun” molekular që zbulon skizofreninë Read More »

Rikonstruksion 120 qendrave shëndetësore në 2020/ Rritje e përfituesve nga skema e rimbursimit të ilaçeve

Qeveria do të vijojë të mbështesë me fonde sektorin e Shëndetësisë në vitin që vjen duke e konsideruar atë si sektor strategjik.

Sipas projektbuxhetit të vitit 2020, i cili u prezantua të premten nga ministrja e Financave dhe Ekonomisë, Anila Denaj në Konferencën e Kryetarëve, buxheti për sektorin e Shëndetësisë do të rritet me 2.75 miliardë lekë krahasuar me buxhetin e vitit 2019. Në total programohen 63.3 miliard lekë për vitin 2020.

Përmes investimeve të planifikuara synohet mbulimi universal i popullsisë me shërbim cilësor, diagnostikimi dhe parandalimi i sëmundjeve, si dhe shtimi i gamës së medikamenteve që trajtohen me recetë rimbursimi, reflektuar kjo në rritjen e jetëgjatësisë mesatare të grave dhe burrave mbi nivelet aktuale prej respektivisht 80 dhe 77 vjeç.

120 qendra shëndetësore do të rikonstruktohen për vitin 2020, me një vlerë të përllogaritur rreth 350 milionë lekë në vit. Këto qendra do të mobilohen dhe pajisen me pajisje mjekësore me një vlerë prej 64 milionë lekë për vitin 2020 dhe 30 milionë lekë për vitin 2021.

Për këtë periudhë do të bëhet rikonstruksioni i godinave spitalore me një vlerë 2.4 miliardë lekë. Rreth 660 milionë lekë do të shkojnë për blerjen e pajisjeve mjekësore spitalore për spitalet.

Qeveria po ashtu programon shtimin e flotës së autoambulancave me 100 copë për periudhën 2020-2021, me një vlerë të përllogaritur rreth 474 milionë lekë.

Ndër rezultatet që synohet të arrihen për periudhën afatmesme 2020-2022 janë ofrimi i shërbimit të kontrollit bazë (check-up) për mesatarisht 475 mijë pacientë në vit, trajtimi me recetë rimbursimi i një numri më të lartë pacientësh nga 475 mijë pacientë aktualisht (2019) në 478 mijë pacientë në vitin 2022, si dhe rritja e numrit të pacientëve të trajtuar nga 290 mijë pacientë në vitin 2019 në 330 mijë pacientë në vitin 2022.

Po ashtu, synohet rritja e numrit të pacientëve që përfitojnë nga paketat e kardiokirurgjisë dhe kardiologjisë, konkretisht 200 pacientë më shumë çdo vit, për periudhën 2020-2022, si dhe rritje e ndjeshme e numrit të seancave për pacientët që përfitojnë nga trajtimi me dializë nga 170 mijë seanca në vitin 2019, në 234 mijë në vitin 2022. 1 pacient kryen mesatarisht 13 seanca në muaj.

Ndër objektivat e Ministrisë së Shëndetësisë është edhe ulja e nivelit aktual prej 15% të pacientëve të ri shtruar për të njëjtën diagnozë brenda 72 orësh, nëpërmjet urgjencës, reduktimi i kohës aktuale prej 45 ditësh të pritjes për ekzaminime të rëndësishme si rezonancë magnetike, skaner etj, ulja nën 5,3 për 1000 lindje të gjalla të indeksit aktual të vdekshmërisë foshnjore, si rritja me më shumë se 40% të nivelit të numrit të pacientëve të vizituar për herë të parë brenda vitit nga personeli shëndetësor./atsh

Rikonstruksion 120 qendrave shëndetësore në 2020/ Rritje e përfituesve nga skema e rimbursimit të ilaçeve Read More »

Efektet shëndetësore të ndryshimit të orës

Ndryshimi i orës ka efekte të pafavorshme shëndetësore që mund të zgjasin për disa muaj nga momenti i hyrjes në fuqi dhe për këtë arsye duhet të shfuqizohet, sipas katër studiuesve të Universitetit të Vanderbiltit dhe Universitetit të Pensilvanisë, shkruar në një editorial në revistën ”Jama Neurology”.

‘’Ndryshimi i orës, mund të shoqërohet me një rrezik të shtuar të sulmeve në zemër dhe iktuseve dhe ul gjumin mesatarisht me 15-20 minuta në ditët pas hyrjes në fuqi të tij. Këto efekte mund të rrisin edhe rrezikun e aksidenteve rrugore’’, theksuan autorët e studimit.

Për disa tema më të brishta, artikulli përmend fëmijët me autizëm, ku efektet negative mbeten me javë dhe madje muaj.

“Njerëzit mendojnë se një tranzicion prej një ore nuk është asgjë, se ai mund të kapërcehet brenda një dite, por ajo që ata nuk e kuptojnë është se ora e tyre biologjike nuk është më e sinkronizuar me dritën’’, shpjegon Ann Malow, një nga autorët.

”Nuk është një orë dy herë në vit, është një keqpërdorim i orës biologjike për tetë muaj në vit. Kur flasim për ndryshimin e orës dhe marrëdhënien me dritën natyrale, flasim për ndikime të thella me orën biologjike , të rrënjosura mirë në tru, dhe për këtë arsye ka ndikime në funksionet e trurit si energjia ose gatishmëria”, thekson ajo./atsh

Efektet shëndetësore të ndryshimit të orës Read More »

Check-up falas, më shumë se 411 mijë qytetarë kanë kryer kontrollin mjekësor bazë në 10 muaj

Më shumë se 411 mijë qytetarë kanë kryer kontrollin mjekësor bazë në 10 muajt e parë të 2019, ose 12% më shumë krahasuar me të njëjtën periudhë të vitit të kaluar.

Aktualisht ka dyfishim të qytetarëve që kanë kryer kontrollin mjekësor bazë që nga viti 2015, kur nisi ky program kombëtar për shëndetin e popullatës dhe parandalimin e sëmundjeve.

Kryeministri Edi Rama uroi sot mirëmëngjes me shifrat e kontrollit mjekësor bazë të kryera nga qytetarët në janar-tetor 2019.

“411,503 qytetarë kanë kryer check up falas këtë 10 mujor të 2019. Më shumë se 12% më shumë krahasuar me 10 mujorin 2018”, thekson Rama.

Vitet e fundit ka ndryshuar qasja e qytetarëve që vijnë tek mjeku i familjes jo vetëm kur kanë problematika me shëndetin, por për kontrollin mjekësor periodik dhe këtë e tregojnë të dhënat. Ka një ndërgjegjësim në rritje të qytetarëve pasi vihet re se këtë vit ka një rritje të qytetarëve që kanë kryer kontrollin mjekësor bazë në qarqet Kukës, Dibër, Berat dhe Gjirokastër.

Të dhënat tregojnë se në rang kombëtar 26,2% e qytetarëve që kanë kryer Kontrollin Mjekësor Bazë kanë vlera të larta të Kolesterolit (yndyrna të larta) që rrezikojnë të preken nga probleme të enëve të gjakut, zemrës dhe trurit nëse nuk ndryshojnë stilin e jetesës.

Në rang kombëtar 14,5 % e qytetarëve që kanë kryer Kontrollin Mjekësor Bazë janë pre-diabetik ndërsa 8,6 % janë me diabet.

Në rang kombëtar 13,4 % e qytetarëve që kanë kryer Kontrollin Mjekësor Bazë janë anemikë; 6,73 % e qytetarëve që kanë kryer Kontrollin Mjekësor Bazë rezultojnë me rritje të vlera të larta të enzimave të mëlçisë.

Janë zbuluar nga Kontrolli Mjekësor Bazë 400 raste me forma të ndryshme të leucemisë, të cilat janë ndjekur në kohë.

Prej prillit 2015 zbatohet në të gjithë vendin programi i kontrollit shëndetësor bazë pa pagesë për të gjithë shtetasit rezident të grupmoshës 35-70 vjeç. Përveçse qytetarët e kanë përfituar falas këtë shërbim shëndetësor, kontrolli mjekësor bazë ka ndikuar edhe në uljen e kostove të trajtimit të tyre, duke ulur invaliditetin dhe mortalitetin nga sëmundjet jo të transmetueshme./atsh

Check-up falas, më shumë se 411 mijë qytetarë kanë kryer kontrollin mjekësor bazë në 10 muaj Read More »

12% më shumë qytetarë kryen Kontrollin Mjekësor Bazë krahasuar me 2018

Në vetëm dhjetë muaj të këtij viti, 411,503 qytetarë kanë kryer kontrollin mjekësor pa pagesë.

Shifrat u bënë publike nga ministrja e Shëndetësisë dhe Mbrojtjes Sociale, Ogerta Manastirliu e cila ka bërë apel për kontroll falas për të gjithë qytetarët ndërmjet moshës 35-70 vjeç. Sipas ministres, aktualisht ka dyfishim të qytetarëve që kanë kryer kontrollin mjekësor bazë që nga viti 2015, kur nisi ky program kombëtar për shëndetin e popullatës dhe parandalimin e sëmundjeve.

Sipas ministrisë së Shëndetësisë, të dhënat tregojnë se në rang kombëtar 26.2% e qytetarëve që kanë kryer Kontrollin Mjekësor Bazë kanë vlera të larta të kolesterolit që rrezikojnë të preken nga probleme të enëve të gjakut, zemrës dhe trurit nëse nuk ndryshojnë stilin e jetesës. Në rang kombëtar 14.5 % e qytetarëve që kanë kryer Kontrollin Mjekësor Bazë janë pre-diabetik ndërsa 8.6 % janë me diabet.

Në rang kombëtar 13.4 % e qytetarëve që kanë kryer Kontrollin Mjekësor Bazë janë anemik, 6.73 % e qytetarëve që kanë kryer Kontrollin Mjekësor Bazë rezultojnë me rritje të vlera të larta të enzimave të mëlcisë. Janë zbuluar nga Kontrolli Mjekësor Bazë 400 raste me forma të ndryshme të leuçemisë, të cilat janë ndjekur në kohë.

Prej Prillit 2015 zbatohet në të gjithë vendin programi i kontrollit shëndetësor bazë pa pagesë për të gjithë shtetasit rezident të grupmoshës 35-70 vjeç. Përveçse qytetarët e kanë përfituar falas këtë shërbim shëndetësor, kontrolli mjekësor bazë ka ndikuar edhe në uljen e kostove të trajtimit të tyre, duke ulur invaliditetin dhe mortalitetin nga sëmundjet jo të transmetueshme. /atsh

12% më shumë qytetarë kryen Kontrollin Mjekësor Bazë krahasuar me 2018 Read More »