Shendetesi

“Shëndet për të gjithë”/ Miratohet marrëveshja mes Shqipërisë dhe Zvicrës

Këshilli i Ministrave vendosi sot miratimin e një marrëveshjeje, ndërmjet Këshillit të Ministrave të Republikës së Shqipërisë dhe qeverisë së Konfederatës së Zvicrës.

Kështu në mbështetje të Kushtetutës dhe të ligjit “Për marrëveshjet ndërkombëtare në Republikën e Shqipërisë”, me propozimin e ministrit të Shëndetësisë dhe Mbrojtjes Sociale, Këshilli i Ministrave vendosi miratimin e një marrëveshjeje, ndërmjet Këshillit të Ministrave të Republikës së Shqipërisë dhe qeverisë së Konfederatës së Zvicrës të përfaqësuar nga agjencia Zvicerane për Zhvillim dhe Bashkëpunim (SDC) e Departamentit Federal të Punëve të Jashtme të Zvicrës, duke vepruar nëpërmjet Ambasadës Zvicerane në Shqipëri, për programin “Shëndet për të gjithë – HAP”, faza e dytë, prill 2019 – mars 2023, një projekt dypalësh bashkëpunimi dhe zhvillimi.

Që prej vitit 2015, Projekti Shëndet për të Gjithë (HAP), i financuar nga Agjencia Zvicerane për Bashkëpunim dhe Zhvillim (SDC) po ndihmon në promovimin e shëndetit publik në qarqet e Dibrës dhe Fierit. Faza e parë e projektit e cila u zbatua nga konsorciumi i përbërë nga 3 organizata: Instituti Zviceran i Shëndetit Publik dhe Mjekësisë Tropikale, Save the Children dhe Terre des Hommes, u finalizua në 31 mars 2019.

Faza e dytë e projektit shtrihet në afatin kohor prill 2019-mars 2023 dhe po zbatohet nga Instituti Zviceran i Shëndetit Publik dhe Mjekësisë Tropikale (Sëiss TPH) përmes qendrës HAP.

Parashtruar edhe në Strategjinë e SDC-së për Bashkëpunimin me Shqipërinë 2018-2021, qëllimi i fazës 2 të Projektit është “Popullsia shqiptare përfiton nga shëndetësia më e mirë falë shërbimeve të përmirësuara të kujdesit shëndetësor parësor.”

HAP po punon ngushtësisht me Ministrinë e Shëndetësisë dhe Mbrojtjes Sociale dhe entitetet e saj në nivel kombëtar dhe vendor, ofruesit e kujdesit shëndetësor parësor, pushtetin vendor dhe organizatat lokale të shoqërisë civile për arritjen e dy rezultateve kryesore.

MSHMS-ja dhe strukturat e saj rajonale menaxhojnë me më shumë efektshmëri dhe eficiencë shërbimin e kujdesit shëndetësor parësor.

Qytetarët në qarqet e synuara kanë akses dhe përdorin me efektshmëri shërbimet e kujdesit shëndetësor parësor e një cilësie më të mirë./atsh

“Shëndet për të gjithë”/ Miratohet marrëveshja mes Shqipërisë dhe Zvicrës Read More »

Fizioterapi dhe shërbim i dedikuar për 13 vjeçarin me aftësi ndryshe që i shpëtoi tërmetit në Thumanë

Anteo, 13 vjeçari me aftësi ndryshe që i shpëtoi fatmirësisht tërmetit në Thumanë është strehuar bashkë me familjen në Shëngjin.

Ai ndjek shkollën si një nga nxënësit më të shkëlqyer, ndërkohë që prej dy javësh merr edhe orët e fizioterapisë së nevojshme për problemin e tij shëndetësor.

Deputetja e qarkut Lezhë, Ardiana Jaku vizitoi 13-vjeçarin e strehuar në Shëngjin, i cili i tha se ëndërron të bëhet mjek në të ardhmen.

Jaku u interesua për gjendjen e Anteos, i cili tashmë ka filluar të marrë edhe shërbimin e fizioterapisë.

Për ERTV, prindërit e Anteos treguan sfidat me të cilat përballen për kurimin e sëmundjes së Anteos, ndërsa folën për optimizmin dhe kurajon që ka vetë Anteo, i cili dëshiron që në të ardhmen të bëhet mjek.

Për fundvit, 13-vjeçari i shprehu Alteos (gazetarit të ERTV-së) dëshirën për një dhuratë të preferuar, e cila do t’i dorëzohet përpara Vitit të Ri./atsh

Fizioterapi dhe shërbim i dedikuar për 13 vjeçarin me aftësi ndryshe që i shpëtoi tërmetit në Thumanë Read More »

Kafeina agjentja kundër obezitetit

Kafeina mund të konsiderohet si një agjente kundër obezitetit, pasi kafeja zvogëlon konservimin e lipideve, prodhimin e triglicerideve dhe kufizon shtimin në peshë, sipas studiuesve të Universitetit të Illinoisit, botuar në revistën ”Functional Foods”.

Ky eksperiment u aplikua te minjtë të cilët ndoqën një dietë me 40% yndyrë, 45% karbohidrate dhe 15% proteina.

Ata gjithashtu konsumuan kafeinën në një sasi të barabartë me atë të një qenieje njerëzore, që e merr atë në katër filxhanë në ditë.

Minjtë që konsumuan kafeinën grumbulluan më pak yndyrë të trupit sesa grupi tjetër: ata fituan 16% më pak peshë dhe grumbulluan 22% më pak yndyrë trupore sesa minjtë që konsumuan produktin e dekafeinuar.

Studiuesit vunë në dukje se kafeina zvogëloi grumbullimin e lipideve në qelizat yndyrore midis 20% dhe 41%./ atsh

Kafeina agjentja kundër obezitetit Read More »

Anaidi vetëm 15-muajsh, në gjendje të mirë shëndetësore pas ndërhyrjes me sukses për glaukomën në sy

Ministrja e Shëndetësisë dhe Mbrojtjes Sociale, Ogerta Manastirliu ka ndarë një lajm të mirë për Anaidin vetëm 15-muajsh, i cili ka kryer me sukses ndërhyrjen për glaukomën në sy, një sëmundje që e kishte që në lindje dhe tashmë është kthyer pranë familjes.

Ministrja ka bërë të ditur se doktoreshë Arjeta Grezda ka realizuar ndërhyrjen delikate në Qendrën Spitalore Universitare “Nënë Tereza” në Tiranë, duke e shpëtuar të voglin nga verbëria.

Ministrja e ndau këtë lajm të mirë në vigjilje Krishtlindjesh. /atsh

Anaidi vetëm 15-muajsh, në gjendje të mirë shëndetësore pas ndërhyrjes me sukses për glaukomën në sy Read More »

Festat e Fundvitit/ Spitalet dhe Urgjenca Mjekësore, në gatishmëri 24 orë

Spitalet dhe Urgjenca Mjekësore do të jenë në gatishmëri 24 orë në ditët festive.

Deklarata u bë nga Ministrja e Shëndetësisë dhe Mbrojtjes Sociale Ogerta Manastirliu, e cila vizitoi në vigjiljen e Krishtlindjes Qendrën Spitalore Universitare “Nënë Tereza” në Tiranë. “Gjatë gjithë ditëve festive kemi marrë masat për rastet e urgjencës që mund të ndodhin duke garantuar shërbimin shëndetësor 24 orë në 24 nëpër spitale. Janë marrë masat, për të mos munguar medikamentet dhe ekipi i mjekëve dhe infermierëve do te jetë në gjendje gatishmërie për festat e fundvitit”, -tha Manastirliu.

Urdhëri i ministres përcakton sigurimin e gatishmërisë së transportit mjekësor me autoambulancë për të sëmurët që kanë nevojë për këtë shërbim dhe përcaktimin e listës së mjekëve të gatishmërisë “on call” për secilin shërbim. Gjithashtu në ditët e festave vendoset në gatishmëri edhe shërbimi i autoambulancave dhe Njësisë së Helikopterëve.

Shefi i Shërbimit të Urgjencës në QSUT, prof. Eqerem Hasani tha se janë marrë të gjitha masat për të përballuar fluksin e pritshëm në rritje në ditët e festave.
Vigjiljen e Krishtlindjes Ministrja Manastirliu e festoi me fëmijët e shtruar në Pediatrinë e Qendrës Spitalore Universitare “Nënë Tereza”.

Festës në Pediatrinë e QSUT-së ju bashkuan aktorët e Teatrit të Kukullave, të cilët realizuan shfaqjen “Tre derrkucët” për të sjellë atmosferën e festës në Pediatrinë e Tiranës. Në repartin e Onko-Hematologjisë në Pediatri u krijua një atmosferë festive me dhurata dhe lojëra me personazhet e dashur për fëmijë. Manastirliu falenderoi ekipin e mjekëve, infermierëve, të gjithë personelin e spitaleve që këto ditë do të jenë në gatishmëri 24/7 për t’iu ardhur në ndihmë atyre që do të kenë nevojë për shërbim shëndetësor./atsh

Festat e Fundvitit/ Spitalet dhe Urgjenca Mjekësore, në gatishmëri 24 orë Read More »

Buxheti 2020/ 34 miliardë lekë për shërbimet shëndetësore për qytetarët

Buxheti i vitit 2020 për shëndetësinë konsolidon dhe zgjeron programet e parandalimit falas, për të ruajtur shëndetin e qytetarëve.

“Për vitin 2020 parashikohet një buxhet prej 62 miliardë lekësh, nga të cilat 34 miliardë lekë do të shkojnë për të siguruar shërbimet parësore dhe dytësore shëndetësorë për qytetarët, – deklaroi ministrja e Financave dhe Ekonomisë, Anila Denaj gjatë një konference për shtyp.

Për vitin 2020 parashikohet rikonstruksioni i 120 qendrave shëndetësore, rehabilitohet dhe zgjerohet materniteti “Mbretëresha Geraldinë”, vijon puna për ndërtimin e maternitetet të Beratit, Lezhës dhe Kuksit, pediatrisë së Durrësit, vijon modernizimi i Qendrës Spitalore Universitare “Nënë Tereza” .

Sipas Denajt, përmes fondeve buxhetore sigurohen ilaçe të rimbursuara për 1000 pacientë më shumë se sa vitet më parë si dhe shërbimin e kontrollit bazë (check-up) falas për 475 mijë qytetarë./atsh

Buxheti 2020/ 34 miliardë lekë për shërbimet shëndetësore për qytetarët Read More »

130 mjekë specialistë u punësuan këtë vit në spitalet rajonale

130 mjekë specialistë u punësuan në spitalet rajonale gjatë vitit të fundit, ndërsa 70 mjekë të tjerë përfundojnë specializimin në dhjetor. Ata do të punësohen në spitalet rajonale vitin e ardhshëm.

Shifrat e bëra publike në “Pasqyrën e Qeverisjes” të kësaj jave flasin për punën e një viti, ku spitalet rajonale përveç investimeve në infrastrukturë dhe në pajisje të fjalës së fundit, kanë njohur edhe pasurimin me burime njerëzore.

Kështu, brenda një viti janë punësuar 130 mjekë specialistë, ndërsa 70 të tjerë do të bashkohen me ekipet mjekësore gjatë vitit të ardhshëm. /atsh

130 mjekë specialistë u punësuan këtë vit në spitalet rajonale Read More »

Në shtëpi pas terapisë intensive/ Krishtlindje të paharrueshme për familjet e e dy foshnjeve të lindura para kohe

Foshnja që lindi vetëm 690 gramë në maternitetin “Koço Gliozheni”në kryeqytet, tashmë është gati që së bashku me nënën e tij të kthehet në shtëpi për të pritur Krishtlindjet e para.

Lajmin e dha ministrja e Shëndetësisë, Ogerta Manastirliu e cila tha se këto do të jenë festa të paharrueshme për këtë familje.

“E pamendueshme se si Amarisi që në ditët e para të jetës ishte vetëm 690 gramë, pas 115 ditësh në terapi intensive, nën kujdesin shembullor të mjekëve dhe infermierëve të maternitetit “Koço Gliozheni” sot është në krahët e mami Pranverës dhe janë gati të kthehen në shtëpi për Krishtlindjet e para”, tha Manastirliu.

“Festa të paharrueshme do të jenë dhe për Seanën dhe mamin e saj, që do të lënë spitalin pas 70 ditësh në terapi intensive”, tha ministrja Manastirliu. /atsh

Në shtëpi pas terapisë intensive/ Krishtlindje të paharrueshme për familjet e e dy foshnjeve të lindura para kohe Read More »