Shendetesi

2200 dëshmitarë/ “Infermierë për Shqipërinë” ndryshoi një herë e mirë mënyrën e rekrutimit të profesionistëve të shëndetit

Kryeministri Edi Rama, pasditen e stë enjtes ka risjellë në fokus portalin “Infermierë për Shqipërinë”, që u ka mundësuar që prej çeljes së tij, 2 200 infermierëve të bëhen pjesë e sistemit të shëndetësisë publike, në bazë të meritës.

Kryeministri Edi Rama thekson se vetëm 2 muajt e fundit, 191 infermierë dhe profesionistë të shkencave mjekësore teknike janë bërë pjesë e sistemit shëndetësor publik.

“191 infermierë dhe profesionistë të shkencave mjekësore teknike janë bërë pjesë e sistemit shëndetësor publik vetëm gjatë dy muajve të fundit. Sot, sistemi i shëndetësisë publike është i hapur për çdo profesionist që kërkon të punësohet në bazë të meritës në qendrat shëndetësore dhe spitalet tona, duke klikuar në portalin “Infermierë për Shqipërinë” http://infermierepershqiperine.al/”, – theksoi Rama.

“2200 infermierë janë punësuar nga hapja e portalit që ndryshoi një herë e mirë mënyrën e rekrutimit të profesionistëve të shëndetit. Pa ryshfet, pa parti, pa krushqi. Si ka mundësi?! Ja pra që ka mundësi dhe janë plot 2 200 dëshmitarë që mund t’ua tregojnë po t’i pyesni“,- përfundoi Kryeministri Edi Rama. /atsh

2200 dëshmitarë/ “Infermierë për Shqipërinë” ndryshoi një herë e mirë mënyrën e rekrutimit të profesionistëve të shëndetit Read More »

Koronavirusi, mjeku Kalo: Asnjë rast i dyshuar, kemi laboratorë që përcaktojnë virusin

Në Shqipëri nuk ka asnjë rast të dyshuar të koronavirusit të ri, ndërkohë që vendi ynë ka laboratorë e teste që përcaktojnë praninë ose jo të këtij virusi.

Kështu u shpreh mjeku infeksionist Tritan Kalo i ftuar në një studio televizive, nga ku theksoi se “çdo i sëmurë ose çdo individ qoftë edhe nga ato që kanë udhëtuar në Kinë dhe që kanë ardhur në Shqipëri, nuk janë të përjashtuar të kontaktojnë gripin dhe të shfaqin gripin, jo koronavirusin. Këta njerëz duke ndenjur ne mjedisin familjar, nuk përjashtohen në ato 14 ditë që mendohet se mund të shfaqen edhe simptomat klinike, të bien në kontakt me gripin që qarkullon”.

“Është vështirë të thuash që këta që infektohen ose këta që vijnë të infektuar në shërbimi e sëmundjeve infektive janë të prekur nga koronavirusi. Pa u izoluar dhe pa u përcaktuar prania e tij,nuk mund të jepet asgjë. Ne, hë për hë nuk kemi asnjë rast i cili është përcaktuar ose izoluar koronavirusi i ri në përmbajtjen e sekrecioneve ose në gjak. Ka laboratorë të mirëpërcaktuar ose laboratorë të referencës në Institutin e Shëndetit Publik që përcakton mire me testet që ka, përcakton praninë ose jo të këtij virusi në organizmin tonë. Janë teste që bëjnë diagnostikimin”, u shpreh ai.

Më tej, mjeku informoi se koronavirusi është virus i ri i një familjeje të vjetër.
“Virusi është virus njëlloj, nuk do ndonjë veçanti të madhe njohja. Është një virus i ri i një familje të vjetër që njihet që nga 1960, qarkullon si grip ose probleme më shumë tek kafshët. Ka dhënë dy epidemi si të Sarsit ku ka pasur edhe raste kufitare në Shqipëri, 4 në Itali dhe 1 në Rumani por që asnjë prej tyre nuk ka pasur vdekje. Asnjë i sëmurë me SARS i diagnostikuar në Europë ose në Kanada ku ka pasur një numër të madh rastesh, nuk ka pasur mortalitet”, -shpjegoi ai.

Doktori u shpreh se këtyre njerëzve që kthehen nga Kina fillimisht i është bërë skrinimi në Shangai, më pas në ndalesën që kanë bërë në Abu-Dabi, skrinimi i tretë është bërë në Athinë para se të hyjnë në Shqipëri. “Pra, kanë kaluar 3 filtra dhe kanë marrë informacion mjaft që të mund të kenë parasysh që në të gjithë botën nuk i kanë karantinojnë në mjediset spitalore”.

Sipas doktorit, Shqipëria mund të ndjekë të njëjtën taktikë siç po ndjek Anglia e Kanadaja ku individët e ardhur nga Kina qëndrojnë për 14 ditë për skrining, për të shmangur çdo indicje të mundshme.

“Shërbimi i Urgjencës po trajnohet që të këtë kujdes në mënyrën e vajtjes, pritjes, diagnostikimit, të transportimit dhe sjelljes së shërbimit të sëmundjeve infektive”, -tha ndër të tjera ai./atsh

Koronavirusi, mjeku Kalo: Asnjë rast i dyshuar, kemi laboratorë që përcaktojnë virusin Read More »

Ministria e Shëndetësisë: Nuk ka asnjë studente të shtruar në spitalin infektiv në Tiranë të dyshuar me koronavirus

Ministria e Shëndetësisë dhe Mbrojtjes Sociale deklaroi sot se nuk ka asnjë studente të shtruar në spitalin infektiv në Tiranë, të dyshuar me koronavirus.

Në një deklaratë për shtyp MSHMS bën të ditur se “rasti i spitalit infektiv është një grua që ka udhëtuar 10 ditë më parë nga Kina dhe pas testimit mbrëmjen e djeshme rezulton me grip të thjeshtë dhe negative ndaj testit për koronavirus”.

Shqipëria ka një survejancë shumë të mirë të infeksioneve respiratore të rënda si dhe atyre akute në të gjithë vendin dhe sistemi i kapjes së hershme dhe njoftimit të hershëm është i mirëpërcaktuar dhe funksionon më së miri.

Në zbatim të taskforcës së MSHMS datë 27.01.2020, me drejtues të institucioneve shëndetësore, mjekë dhe ekspertë të shëndetit publik, drejtues të njësive tona në pikat e kalimit kufitar, përfaqësues të policisë kufitare është shtuar survejanca e sëmundjeve të rënda respiratore në bashkëpunim me gjithë spitalet. /atsh

Ministria e Shëndetësisë: Nuk ka asnjë studente të shtruar në spitalin infektiv në Tiranë të dyshuar me koronavirus Read More »

Fatjona Vogli, infermierja që shërben me përkushtim në repartin delikat të neonatologjisë

Fatjona Vogli ka fituar me meritë vendin e punës përmes portalit “Infermierë për Shqipërinë” dhe sot shërben me përkushtim në repartin delikat të neonatologjisë, tek bebet e porsalindura në maternitetin “Koço Gliozheni”.

Ministrja e Shëndetësisë dhe Mbrojtjes Sociale, Ogerta Manastirliu thotë se 191 infermierë dhe profesionistë të shkencave mjekësore teknike janë punësuar me meritë dhe transparencë vetëm gjatë 2 muajve të fundit dhe më shumë se 2000 infermierë prej momentit të ndërtimit të platformës unike për punësim “Infermierë për Shqipërinë”.

Manastirliu ka informuar se thirrja e radhës për aplikim në portal për punësim ka afat datën 5 shkurt.

Platforma “Infermierë për Shqipërinë” është lançuar në janar të 2018 për punësimin e profesionistëve të shëndetësisë dhe është pjesë e ligjit të ri të kujdesit shëndetësor./atsh

Fatjona Vogli, infermierja që shërben me përkushtim në repartin delikat të neonatologjisë Read More »

Peripecitë e bebes Lois përfundojnë me sukses/ Kryhet në QSUT operacioni i parë i korrigjimit të një defekti madhor në zemër

Një ndërhyrje e ndërlikuar kirurgjikale është kryer me sukses në Qendrën Spitalore Universitare “Nënë Tereza”, operacioni i parë i korrigjimit të një defekti madhor në zemër tek një bebe.

Ministrja e Shëndetësisë dhe Mbrojtjes Sociale, Ogerta Manastirliu ka ndjekur nga afër peripecinë e Loisit, bebes që ka ardhur në jetë 6 muaj më parë me një defekt të lindur në zemër.

Kryeministri Rama ka publikuar fotot e Loisit, i cili iu nënshtrua një ndërhyrje delikate dhe tejet komplekse, e cila nuk ishte realizuar më parë në vendin tonë.

Operacioni ka zgjatur disa orë dhe është kryer me sukses nga doktor Altin Veshti dhe ekipi i kardiokirurgjisë në QSUT, duke realizuar për herë të parë në Shqipëri korrigjimin e një defekti madhor.

“Ogerta ka ndjekur nga afër peripecinë e Loisit, bebes që ka ardhur në jetë 6 muaj më parë me një defekt të lindur në zemër. Një patologji shumë e rrallë, që kërkonte një ndërhyrje delikate dhe tejet komplekse, e cila nuk ishte realizuar më parë në vendin tonë. Operacioni që zgjati disa orë, u krye me sukses nga dr. Altin Veshti dhe ekipi i kardiokirurgjisë në QSUT, duke realizuar për herë të parë në Shqipëri korrigjimin e një defekti madhor (Gerbode defect)”, -thotë Rama./atsh

Peripecitë e bebes Lois përfundojnë me sukses/ Kryhet në QSUT operacioni i parë i korrigjimit të një defekti madhor në zemër Read More »

Situata e gripit, ISHP: Rritet numri i të prekurve në javën e tretë të janarit

Gripi është një sëmundje ngjitëse e rrugëve të frymëmarrjes e cila mund të çojë në gjendje të rëndë shëndetësore me shtrime në spital, e ndonjëherë deri në vdekje.

Instituti i Shëndetit Publik informon se në rrethin e Tiranës prirja e infeksioneve respiratore paraqitet në rritje në javën e tretë të 2020.

Prej fillimit të vitit në vend është evidentuar qarkullimi i viruseve A/H1pdm09, A/H3 dhe B të gripit. Sipas ISHP-së, në javën e tretë të vitit 2020 vërehet një prirje në rritje e numrit të infeksioneve Respiratore të Sipërme dhe të Poshtme dhe ky numër është pothuajse i njëjtë krahasuar me të njëjtën periudhë të vitit të kaluar.

Ministria e Shëndetësisë dhe Mbrojtjes Sociale dhe Institutit i Shëndetit Publik i ka bërë apel të gjithë qytetarët të kujdesen për higjienën vetjake dhe të informohen për kujdes ndaj gripit dhe të ftohtit në faqet zyrtare të këtyre institucioneve, ku që prej fillimit të sezonit të gripit ka nisur sensibilizimin me këshilla dhe orientim për periudhën e sezonit të gripit. /atsh

Situata e gripit, ISHP: Rritet numri i të prekurve në javën e tretë të janarit Read More »

Koronavirusi/ Manastirliu: Shqipëria me risk të ulët, kemi marrë të gjitha masat si pjesë e OBSH-së

“Vendi ynë nuk hyn tek vendet me risk, por qeveria shqiptare ka ndërmarrë të gjitha masat për t’i bërë ballë koronavirusit”, pohoi sot ministrja e Shëndetësisë, Ogerta Manastirliu e ftuar në një emision televiziv.

Manastirliu tha se fakti që me Kinën nuk ka linjë direkte, do të thotë se ka filtra mbrojtës, pasi udhëtarët që vijnë nga ky vend kalojnë në ‘skaner’ në Itali apo dhe Turqi.

“Shqipëria për fat të mirë është vend me risk të ulët për koronavirus. Ne nuk kemi linja direkte me Kinën. Ky është një filtër i parë që pengon marrëdhënien direkte të pasagjerëve. Jemi një vend me risk të ulët, për arsye të filtrave që bëhen më parë, në Itali, apo në Stamboll. Ka një sistem karantine për ato vende me risk të mesëm. Qeveria shqiptare, ministria, ka marrë masat që në momentet e para, pasi ne jemi pjesë e OBSH-së. Shqipëria nuk është më një nga ato vendet që një situatë emergjence e gjen të papërgatitur. Ajo organizohet njësoj si vendet e tjera. Qoftë në burimet njerëzore, sa i takon trajnimeve. Pasi në rastin konkret menjëherë sapo OBSH ka nxjerrë udhëzuesit e vet, ne nxorëm urdhër për të marrë masat dhe për të bërë studime”, tha ajo.

Po ashtu, ministrja shtoi se: “Ekspertët kanë trajnuar ato persona që qëndrojnë dhe realizojnë filtrin. Në aeroportin “Nënë Tereza” kemi pajisje të tilla, si termometrat me lazer. Çdo protokoll realizohet në bazë të shkallës së rrezikshmërisë. Ne kemi një shkallë të riskut të ulët. Me linjat ajrore, njoftohen strukturat e ministrisë dhe aty bëhen filtrat e parë. Në momentin e vendosjes së këtij protokolli, ne kemi vendosur linja komunikimi kemi vendosur linja protokolli për të na informuar për pasagjerët që vijnë tranzit. Jemi me të gjitha linjat në dispozicion në raport me personat që udhëtojnë tranzit”.

Në lidhje me studentët në kthim, Manastirliu tha ne “kemi informacion që është duke mbërritur apo ndodhet në rrugën për në kthim një vajzë, Xhesila. Jemi të angazhuar për të marrë të gjithë kontaktet dhe për të kaluar të gjitha protokollet edhe në raport me hyrjen e saj në Shqipëri. Sigurisht ajo ka kaluar filtrin nga Kina dhe me sa jemi të informuar ajo do përshkonte rrugën e Romës dhe më pas do të hynte në Shqipëri. Gjithashtu, kemi informacion që janë edhe disa raste të tjera që kanë kaluar nga Kroacia. Praktikisht nga të dhënat që kemi nga ambasada jonë numri rezidentëve në Kinë është 400 ku 60 janë studentë, por rezulton se kanë qenë kthyer edhe për shkak të Vitit të Ri kinez, pra dhe kanë qenë në Shqipëri. Sigurisht, identifikimi po bëhet hap pas hapi nëpërmjet ambasadës tonë në Kinë, nëpërmjet Ministrisë së Punëve të Jashtme dhe ne si Ministri Shëndetësie jemi duke u kujdesur për të gjithë ato protokolle dhe skeda. Kemi kontrolle të pasagjerëve dhe kur vijnë këtu, plotësohet dhe skeda e shëndetit të pasagjerit ku ka disa informacione të përgjithshme të pyetjeve dhe disa informacione të tjera lidhur me çështjet që lidhen me interesin publik. Ne rastet kur nuk paraqiten me probleme me shëndetin dhe kualifikohen, ndiqet në dinamikë çdo rast”.

“Ne jemi në kontakte dhe struktura e Inspektoriatit Shëndetësor është qoftë në aeroportin “Nënë Tereza”, si dhe strukturat e tjera që janë në porte dhe pikat kufitare janë duke plotësuar të njëjtin format të protokollit në raport me skedat dhe të gjitha ata elementë që kanë të bëjnë me marrjen e informacionit në kohë, verifikimin në kohë, për të patur informacionin e duhur dhe më pas gjurmuar dhe menaxhuar rastin”, tha ajo. /atsh

Koronavirusi/ Manastirliu: Shqipëria me risk të ulët, kemi marrë të gjitha masat si pjesë e OBSH-së Read More »

Vokshi: Kontrata e check-up mbahet sekret, PD do e anulojë

Ish-deputetja e Partisë Demokratike, Albana Vokshi tha sot se shqiptarët kanë të drejtë të njihen nga gjykata edhe me kontratën koncesionare të checkup-it prej 120 milionë euro.

Duke folur nga selia e PD-së, ajo tha se kjo kontratë mbahet sekrete.

“Shqiptarët kanë të drejtë të njihen nga gjykata edhe me kontratën koncesionare të checkup-it prej 120 milionë euro, të cilën Edi Rama refuzon ta bëjë publike duke urdhëruar vartësit e tij që ta mbajnë atë sekret në mënyrë skandaloze, si sekret tregtar”, tha ajo.

Sipas Vokshit, Partia Demokratike do ta anulojë këtë koncesion.

“Herët a vonë, sekreti i Edi Ramës do të zbulohet. Partia Demokratike do ta anulojë këtë koncesion. Ata që kanë vjedhur me vulën e qeverisë së tij do të dalin para drejtësisë”, tha ajo./atsh

Vokshi: Kontrata e check-up mbahet sekret, PD do e anulojë Read More »