Shendetesi

Koronavirusi/ Dyfishohet personeli shëndetësor në terminalet e trageteve Durrës

Aktualitet, Lajmi i fundit, Shendetesi / /

Instituti i Shëndetit Publik dhe Autoriteti Portual i Durrësit (APD) kanë bashkërenduar masat për të përballuar rrezikun e koronavirusit në pikëkalimin kufitar të portit më të madh të vendit.

Ministria e Infrastrukturës dhe Energjisë, njofton për një kujdes të shtuar shëndetësor në terminalin e trageteve në Portin e Durrësit.

Sipas MIE, në terminalin e trageteve është dyfishuar numri i personelit shëndetësor, si pjesë e grupit kombëtar të Task Forcës, me anëtarë nga sektori i Mbrojtjes së Shëndetit në APD, si dhe nga ISHP dhe Drejtoria vendore e Shëndetit Publik.

Statistikat për 3 ditët e fundit, bëjnë të ditur se: në datën, 23.02.2020 në Portin e Durrësit kanë hyrë 3 tragete ( 2 Bari- Durrës + 1 Ankona- Durrës); gjithësej 945 pasagjerë kanë hyrë në vendin tonë.

Në datën, 24.02.2020, hyrë 2 tragete (Bari- Durrës) 446 pasagjerë, në hyrje dhe në datën 25.02.2020, hynë 2 tragete (Bari- Durrës) gjithësej 452 pasagjerë, hynë në vendin tonë. /atsh

Koronavirusi/ Dyfishohet personeli shëndetësor në terminalet e trageteve Durrës Read More »

Kafeja zvogëlon rrezikun e tumoreve te disa organe

Kuriozitete, Shendetesi / /

Pirja e kafesë mund të zvogëlojë rrezikun e tumorit në aparatin tretës dhe mëlçinë, sipas studimit të botuar në revistën shkencore ”Food Research International” dhe realizuar nga Universiteti Shtetëror i Sao Paolos në Brazil dhe Universiteti i Granadës.

Në këtë studim u theksuan faktorët pozitivë, të përfshirë në një filxhan kafe, që shoqërojnë format e tumoreve që ndikojnë në mëlçi, ezofag dhe stomak.

Sipas studiuesve brazilianë dhe spanjollë, te kafeja ekzistojnë disa molekula (të tilla si alkaloide kafeine dhe të trigonelinës, esterit polifenolik, acid klorogjenik) që janë ndër komponimet bioaktive më të rëndësishme dhe të përfshira drejtpërdrejt në karakteristikat kryesore të zhvillimit të kancerit.

Për shkencëtarët, ky studim mund të jetë i dobishëm për të provuar se si të luftoni metastazat dhe recidivat e tumoreve që janë më agresivë dhe që rezistojnë ndaj terapive konvencionale siç janë radio dhe kimioterapia./atsh

Kafeja zvogëlon rrezikun e tumoreve te disa organe Read More »

Shtim i mjeteve mbrojtëse për koronavirusin/ Ministria e Shëndetësisë rialokon 1 milion dollarë për spitalet

Lajmi i fundit, Shendetesi / /

Pas mbledhjes së pasdites së sotme të Komitetit Teknik të Ekspertëve, me fokus masat paraprake për parandalimin dhe përhapjen e koronavirusit të ri, Ministria e Shëndetësisë dhe Mbrojtjes Sociale ka vendosur të rialokojë një fond shtesë prej 1 milion dollarë buxhetit të spitaleve, që do të shkojë për rritjen e stokut aktual të mjeteve të mbrojtjes personale.

Ky fond shtesë shërben vetëm për qëllimin e sipërpërmendur të rritjes së stokut të mjeteve të mbrojtjes personale në strukturat tona spitalore.

Ministria e Shëndetësisë dhe Mbrojtjes Sociale siguron personelin shëndetësor dhe qytetarët se aktualisht, të gjitha strukturat spitalore, kanë në dispozicion sasinë e nevojshme të mjeteve të mbrojtjes personale, për të përballuar situatën.

Ministria e Shëndetësisë siguron se deri në këto momente, nuk ka raste të konfirmuara të koronavirusit COVID 19 në vendin tonë.

Ministria e Shëndetësisë dhe Mbrojtjes Sociale dhe taskforca për parandalimin e depërtimit dhe përhapjes së koronavirusit të ri, u bën thirrje të gjithë qytetarëve që kanë udhëtuar nga vendet e prekura, të telefonojnë në numrin e Urgjencës Kombëtare 127, në rast të shfaqjes së çdo shqetësimi apo shenje klinike.

Ministria e Shëndetësisë dhe Mbrojtjes Sociale informon qytetarët se do të ofrojë informacione të përditshme, ashtu siç ka bërë deri më tani, në funksion të transparencës dhe informimit të publikut./atsh

Shtim i mjeteve mbrojtëse për koronavirusin/ Ministria e Shëndetësisë rialokon 1 milion dollarë për spitalet Read More »

OBSH në Shqipëri: Hapat që duhen ndjekur kur sëmureni në udhëtim

Aktualitet, Lajmi i fundit, Shendetesi / /

Organizata Botërore e Shëndetësisë në Shqipëri (OBSHSH) po ndjek me vëmendje hap pas hapi zhvillimet rreth përhapjes së koronavirusit në rajon e botë. Në këtë aspekt ajo informon qytetarët shqiptarë për hapat që duhet të ndjekin në rast se sëmuren gjatë kohës kur janë në udhëtim.

“Kujdesuni për shëndetin në udhëtim!”, është apeli që bën OBSHSH-ja.

OBSHSH informon se nëse sëmureni gjatë kohës kur jeni në udhëtim, duhet të informoni ekuipazhin dhe të kërkoni menjëherë ndihmë mjekësore.

“Kur kërkoni vëmendje mjekësore, ndajeni historinë e udhëtimit tuaj me ofruesin tuaj të kujdesit shëndetësor”, shprehet OBSHSH.

Më herë OBSHSH-ja dha disa këshilla të higjienës personale që ndihmojnë për mbrojtjen e vetes dhe të të tjerëve nga sëmundja.

– Mbuloni gojën dhe hundën me bërrylin e përkulur apo letër higjienike kur kolliteni dhe teshtini;
– Hidhni çdo letër higjienike të përdorur në një kosh të mbyllur;
– Pastroni duart me larës të lëngshëm me bazë alkooli ose sapun dhe ujë pas kollitjes ose teshtitjes dhe kur ofroni kujdes shëndetësor.

OBSHSH-ja është zyrë përfaqësuese e Organizatës Botërore të Shëndetësisë, e hapur në vitin 1991, me objekt parësor shëndetin publik./atsh

OBSH në Shqipëri: Hapat që duhen ndjekur kur sëmureni në udhëtim Read More »

Psikologët: Ankthi nga koronavirusi dobëson sistemin imunitar

Shendetesi / /

Përballë një situate si ajo e koronavirusit ekziston rreziku i një frike objektive apo i një ankth të përgjithësuar.

”Por, ky ankth dhe ky panik mund të ulë mbrojtjen imunitare”, deklaroi David Lazzari, president i Urdhrit Kombëtar italian të Psikologëve.

“Nuk mund të mohohet kjo situatë që po përjetojmë, por duhet të përballohet pa përhapjen e frikës në mënyrë të panevojshme”, shtoi ai.

Urdhri i Psikologëve ka aktivizuar udhëzues për qytetarët mbi menaxhimin psikologjik të problemit për përballimin sa më të lehtë ndaj tij./ atsh

Psikologët: Ankthi nga koronavirusi dobëson sistemin imunitar Read More »

Përhapën panik duke mbyllur shkollën në mënyrë të jashtëligjshme, ministria i heq licencën/Shahini: Drejtuesit do ndiqen penalisht

Aktualitet, Arsim, Lajmi i fundit, Shendetesi / /

Ministria e Arsimit i ka hequr licencën një shkolle private pasi morën vendim për të mbyllur shkollën si masë ndaj koronavirusit pa një urdhër nga ministria.

Ministrja Besa Shahini deklaron se shkolla mbyllet jashtë planit të vitit shkollor vetëm më urdhër ministri, duke njoftuar se drejtuesit e shkollës do të ndiqen në organet e drejtësisë.

“Shkolla mbyllet jashtë planit të vitit shkollor VETËM me urdhër ministri. Udhëheqësit e një shkolle private kishin vendosur të mos respektonin këtë dhe e kanë mbyllur shkollën për 2 javë. Në kushte të kësaj paligjshmërie, jemi të detyruar që shkollës t’ia heqim licencën. Nxënësit do të transferohen në një shkollë tjetër. Ndërsa udhëheqësit e shkollës që përhapin panik duke mbyllur shkollën në mënyrë të jashtëligjshme, për gjoja parandalim të një situate virale e cila NUK ekziston në Shqipëri, duhet të ndiqen nga organet e drejtësisë”, njofton ministrja Shahini./atsh

Përhapën panik duke mbyllur shkollën në mënyrë të jashtëligjshme, ministria i heq licencën/Shahini: Drejtuesit do ndiqen penalisht Read More »

Ministria e Shëndetësisë: Asnjë rast të koronavirusit në Shqipëri deri më tani, informacionet në rrugë jo zyrtare nuk duhen konsideruar

Aktualitet, Shendetesi / /

Ministria e Shëndetësisë dhe Mbrojtjes Sociale ftoi sot të gjithë qytetarët që të shmangin informacionet e rreme që në këto momente po përhapen për koronavirusin me qëllim rritjen e panikut.

“Të gjitha informacionet që përhapen në rrugë jo zyrtare, në rrjete sociale, media, nuk duhet të merren në konsideratë pasi nuk referojnë situatën reale dhe dëmtojnë mbi të gjitha sigurinë publike, duke përhapur panik të panevojshëm. Aq më pak duhen besuar mesazhe zanore dashakeqe, të sajuara dhe hedhur në qarkullim njësoj si ato të pak muajve më parë pas situatës së tërmetit”, thuhet në një deklaratë për shtyp.

Ministria e Shëndetësisë dhe Mbrojtjes Sociale bën me dije se të gjitha informacionet mbi situatën e koronavirusit publikohen në faqen zyrtare të MSHSH dhe në profilet e saj në rrjete sociale dhe media.

MSHMS publikon çdo ditë informacionin zyrtar mbi koronavirusin në përputhje me udhëzimet e Organizatës Botërore të Shëndetësisë.

Ministria e Shëndetësisë rekomandon të gjithë qytetarët që kanë udhëtuar nga vendet e prekura, të telefonojnë në numrin e Urgjencës Kombëtare 127 në rast të shfaqjes së çdo shqetësimi apo shenje klinike./atsh

Ministria e Shëndetësisë: Asnjë rast të koronavirusit në Shqipëri deri më tani, informacionet në rrugë jo zyrtare nuk duhen konsideruar Read More »

Ministria e Shëndetësisë: 10 këshilla për t’u mbrojtur nga koronavirusi

Aktualitet, Shendetesi / /

Mënyra më e mirë për t’u mbrojtur nga koronavirusi është duke u kujdesur për higjienën personale.

Ja 10 këshilla për t’u mbrojtur nga koronavirusi, publikuar nga Ministria e Shëndetësisë:
Larja e shpështe e duarve, mbulimi i gojës kur tështini, shmangia e prekjes me dorë të hundës, gojës dhe syve janë disa nga këshillat që Ministria e Shëndetësisë ka shpërndarë për qytetarët. Gjithashtu këshillohet që sipërfaqet të pastrohen me dezinfektantë me bazë klori ose alkooli.

Ministria e Shëndetësisë këshillon qytetarët të shmangin kontaktin e afërt me persona të prekur nga infeksionet aspiratore akute dhe sugjeron që të përdoren maskat vetëm nëse dyshojnë se janë të sëmurë apo po ndihmojnë njërëz të tjerë të sëmurë, duke shtuar se nuk është e nevojshme të përdoren antibiotikë përveç rasteve kur përshkruhet nga mjeku.

Në fund Ministria e Shëndetësisë dhe Mbrojtjes Sociale këshillon që çdo qytetar të kontaktojnë në numrin 127 të urgjencës kombëtare mjekësore në rast se keni më pak se 14 që jeni kthyer nga vendet e prekura dhe keni shenja të sëmundjes./atsh

Ministria e Shëndetësisë: 10 këshilla për t’u mbrojtur nga koronavirusi Read More »