Shendetesi

Studimi: Qëndrimi në shtëpi, rrezik për bulemikët dhe anoreksikët

Qëndrimi në shtëpi, për disa njerëz është më e vështirë se të tjerët. Për shembull, për anoreksikët dhe bulemikët, izolimi i detyruar rrezikon të bëhet tragjedi, sipas studiuesve të Studimeve Kognitive në Milano.

Qendra aktivizoi menjëherë një tryezë të ndihmës në internet, e hapur për të gjithë, për të ofruar ndihmë falas për dhjetëra kërkesa për ndihmë.

“Për bulimikët që aktualisht janë të mbyllur në shtëpi shpesh përdorimi i ushqimit, është mënyra e vetme për të qetësuar gjendjet e ankthit, e rënduar nga urgjenca koronavirus, ndërsa anoreksikët, e shohin gjendjen e tyre përkeqësohet në këtë periudhë të pasigurisë”, thekson Rosaria Nocita, drejtore e Qendrës.

Për të gjithë ata, por edhe për familjarët, mësuesit dhe trajnerët, qendra ka organizuar një takim online me synim është që të diskutohet mbi kambanat e alarmit, indikacionet për masat e para që duhet të merren dhe gabimet që duhen shmangur.

Vazhdimësia e terapisë është bërë e mundur javët e fundit falë aplikimit të masave të largësisë dhe sigurisë dhe synon të vazhdojë të ofrojë ndihmë për të shmangur shtrimin në spital, gjë që do t’i bënte spitalet tashmë në krizë edhe më të rënda./atsh

Studimi: Qëndrimi në shtëpi, rrezik për bulemikët dhe anoreksikët Read More »

Koronavirusi përdor bllokues molekular për të pushtuar organizmin

Ekziston një mënyrë tjetër e hyrjes së koronavirusit të ri në trup: është receptori Dpp4, një bllokues molekular që virusi përdor për të pushtuar qelizat, ai gjendet në të gjitha llojet e qelizave njerëzore dhe është i njëjti në të cilin veprojnë shumë ilaçe kundër diabetit, sipas qendrës ”Diabetes Research and Practice Clinical”, drejtuar nga Gianluca Iacobellis nga Universiteti i Miamit.

Kjo tregon se të njëjtat ilaçe mund të përdoren kundër COVID-19, të paktën në raste më të buta.

”Pas receptorit Ace2, i cili gjendet kryesisht në qelizat e sistemit të frymëmarrjes njerëzore dhe që është identifikuar që nga fillimi si porta kryesore e koronavirusit të ri në organizmin e njeriut, zbulimi që SarsCoV2 lidhet me receptorin Dpp4 tregon se “ekziston gjithashtu një mekanizëm tjetër, i cili mund të hapë një rrugë terapeutike për ata që kanë sëmundje Covid-19 në formë të moderuar”, theksoi drejtori Iacobellis.

Receptori Dpp4 dihet se është i pranishëm në sipërfaqen e të gjitha qelizave, siç janë ato të bronkeve dhe zemrës, dhe se ka një lidhje me sistemin imunitar dhe inflamator, si dhe përfshirja e tij në sëmundjen që u shfaq në 2002 e njohur me emrin Sars. /atsh

Koronavirusi përdor bllokues molekular për të pushtuar organizmin Read More »

Lufta ndaj COVID-19/ Shqipëria e vogël mund të bëjë një histori suksesi që të mbahet mend gjatë

“Ne nuk mund ta humbim këtë luftë për qejfin e atyre që akoma s’po duan të marrin vesh dhe ne mund vetëm ta fitojmë e do ta fitojmë me se s’bën këtë luftë, ku deri tani kemi provuar botërisht se Shqipëria e vogël, me të gjitha mangësitë e veta, është në gjendje të bëjë një histori suksesi që të mbahet mend gjatë, falë popullit të saj dhe qeverisë që po udhëheq luftën”.

Kështu u shpreh kryeministri Rama në mesazhin e tij drejtuar qytetarëve ndërsa theksoi se për sa kohë që ende kjo luftë nuk ka përfunduar, ende duhet të bëjmë durim për t’a fituar luftën ndaj virusit vdekjeprurës.

Ai tha se numri i të shëruarve në Shqipëri është optimizmi pas çdo dite rraskapitëse.

“Ka ndodhur gjithë këto javë që Policia e Shtetit të kapë e të ndëshkojë me gjobë e me mbyllje lokale shërbimi, ku u ofrohet kafe e raki trimave të lagjes. Janë pak raste, po për natyrën e kësaj lufte janë aq shumë, sa për të bërë hatanë, duke nxitur përhapjen e infeksionit që pastaj bëhet zinxhir pa fund. Kështu që nuk mund dhe nuk do të lejojmë më që të ketë mbyllje e gjobitje, por dhe konfiskim dhe deri heqje lirie për autorët e këtyre akteve kriminale në kohë lufte”, tha Rama.

“Më vjen shumë keq po na duhet të përshkallëzojmë të gjitha këto masa, që një pakicë absurde të mos marrë në qafë shumicën dërrmuese, të cilën duhet ta lehtësojmë sadopak, sepse është krejtësisht e vetëdijshme sepse po lufton e po reziston në mënyrë shembullore”, theksoi Kryeministri.

“Sot kemi një numër shërimesh që na jep shumë optimizëm krahasuar dhe me shumë vende të tjera, në fund të çdo ditë rraskapitëse. Por teksa po shkojmë përditë drejt një pike kulmore të luftës që ende nuk e kemi arritur, duhet të mos e harrojmë kurrë, asnjë çast, se bilancet e luftërave bëhen në fund dhe s’ka ndeshje që fitohet pa rënë bilbili. Kështu që deri kur të bjerë bilbili i fundit, duhet të vazhdojmë të rezistojmë në këtë mbrojtje të fortë e të mbështesim fort njëri-tjetrin, ndërsa bilbili le të vazhdojë të bjerë fort e më fort për të gjithë sabotatorët e papërgjegjshëm të kësaj lufte për jetë a vdekje dhe prej të cilës ne kemi detyrimin të dalim kryelartë përpara njëri-tjetrit e përpara brezave që do të flasin për ne”, theksoi Rama. /atsh

Lufta ndaj COVID-19/ Shqipëria e vogël mund të bëjë një histori suksesi që të mbahet mend gjatë Read More »

Shqipëria e dyta në rajon me numrin më të lartë të të shëruarve, Rama: S’do lejojmë askënd të sabotojë çfarë kemi arritur deri këtu

Pas Sllovenisë, Shqipëria njeh përqindjen më të lartë të pacienteve të shëruar nga COVID-19 ndërsa përqindjen më të ulët në numrin e të vdekurve e ka vendi ynë, me vetëm 6% për 1 milion banorë.

Referuar bilancit paraprak të publikuar nga Kryeministri Rama, ai thekson ndër të tjera se “bilanci i luftës bëhet në fund. Nuk do të lejojmë askënd të sabotojë çfarë kemi arritur deri këtu”.

Sllovenia njeh me 35% për 1 milion banorë numrin e të shërurave në raport me 11% të vdekjeve prej COVID-19.

Përqindja e të vdekurve në Shqipëri është 6% ndërsa i pacientëve të shëruar 33%.

Kroacia me 3% lidhur me numrin e vdekjeve dhe 23% atë të të shëruarve prej COVID-19.

Mali i Zi me 3.17% lidhur me numrin e të vdekurve dhe 1,5% atë të të shëruarve.

Maqedonia me 6% për numrin e të vdekurve dhe 10% atë të shëruarve.

Serbia shënon 5,57% lidhur me numrin e vdekjeve për 1 milion banorë dhe 7,7% atë të të shëruarve.

Greqia njeh 6,3% numrin e të vdekurve në raport me 7,3% numrin e të shëruarve./atsh

Shqipëria e dyta në rajon me numrin më të lartë të të shëruarve, Rama: S’do lejojmë askënd të sabotojë çfarë kemi arritur deri këtu Read More »

Manastirliu jep lajmin e mirë: Nënë Veziko nga Vlora shërohet pas 14 ditëve

Ministrja e Shëndetësisë Ogerta Manastirliu me anë të një postimi në rrjetet sociale, ka publikuar foton e daljes nga Spitali Infektiv të Nënë Vezikos, 80 vjece nga Vlora

Manastirliu shprehet se Nënë Veziko ishte në gjendje të rëndë me Covid-19, me vështirësi më frymëmarrje, por u shërua, pas një kujdesi intensiv në Spitalin Infektiv në Tiranë.

Postimi i ministres të Shëndetësisë Ogerta Manastirliu:

Nënë Veziko u shtrua në spitalin infektiv 14 ditë më parë, me #COVID19, në gjendje shumë të rëndë, me vështirësi në frymëmarrje. Pas disa ditësh në terapi intensive, (CPAP) falë trajtimit me terapi mjekimi bashkëhore, 80-vjeçarja nga Vlora sot kthehet në shtëpi, e #shëruar🙏🏼

#FORCA ekipit të Infektivit

Manastirliu jep lajmin e mirë: Nënë Veziko nga Vlora shërohet pas 14 ditëve Read More »

“Super lajm, 99 pacient të shëruar nga COVID-19″/ Spiropali: Nuk duhet lëshuar pe, veçse kurajo dhe disiplinë të hekurt për këtë luftë

Ministrja e Shtetit për Marrëdhëniet me Parlamentin, zëdhënëse e Qeverisë, Elisa Spiropali, e ka konisideruar si super lajm shërimin e 99 pacientëve nga COVID-19 në vendin tonë.

“Super lajm, 99 pacientë në total kanë fituar betejën me armikun por nuk duhet lëshuar pe, e as duhet marrë me nge, veçse me kurajo dhe disiplinë të hekurt kjo luftë”, shprehet Spiropali.

Ajo apelon për qytetarët që të vazhdojnë të respektojnë rregullat e qëndrimit në shtëpi. /atsh

https://www.facebook.com/espiropali/videos/208227313795322/?t=0

“Super lajm, 99 pacient të shëruar nga COVID-19″/ Spiropali: Nuk duhet lëshuar pe, veçse kurajo dhe disiplinë të hekurt për këtë luftë Read More »

Ministria e Shëndetësisë: 333 të infektuar me COVID-19, 29 raste të reja në 24 orët e fundit

Ministria e Shëndetësisë dhe Mbrojtjes Sociale ka përditësuar shifrat e të prekurve nga infeksioni COVID-19, ku të shtunën e 4 prillit raportohen 333 të infektuar, prej të cilave brenda 24 orëve janë evidentuar 29 raste të reja.

Përfaqësuesja e Institutit të Shëndetit Publik, Marjeta Dervishi, tha në komunikimin për mediet se “në 24 orët e fundit janë testuar 216 persona të dyshuar, prej të cilëve janë konfirmuar 29 raste të reja me COVID-19”.

“Deri në këto momente janë testuar 2247 raste të dyshuara dhe prej tyre janë të konfirmuar pozitivë me COVID-19, 333 raste. Mosha mesatare e rasteve pozitive me COVID-19 është 50 vjeç”, – tha Dervishi.

Harta e të prekurve nga COVID-19 zgjerohet në Tiranë, Durrës, Elbasan, Has, Lushnjë, Kavajë, Lezhë, dhe Shkodër.

Shpërndarja gjeografike e rasteve pozitive, është si vijon:

– Tiranë 157 raste
– Durrës 33 raste
– Lushnjë 5 raste
– Elbasan 9 raste
– Fier 25 raste
– Kavajë 8 raste
– Rrogozhinë 4 raste
– Korçë 16 raste
– Vlorë 5 raste
– Shkodër 31 raste
– Lezhë 14 raste
– Berat 1 rast
– Has 9 raste
– Krujë 5 raste
– Tropojë 4 raste
– Pukë 4 raste
– Mirditë 3 raste

Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social. Është po kaq e rëndësishme që masat e kontrollit të infeksionit të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye për të parandaluar transmetimin e COVID-19. Nëse keni shenja të sëmundjes COVID-19 telefononi numrin e urgjencës 127. Për çdo pyetje apo informacion rreth COVID-19 telefononi në linjën e gjelbër 0800 40 40./atsh

https://web.facebook.com/Agjencia.Telegrafike.Shqiptare/videos/2690306214582550/?t=0

Ministria e Shëndetësisë: 333 të infektuar me COVID-19, 29 raste të reja në 24 orët e fundit Read More »

Shërimi i profesor Dhimitër Krajës, Meta: Një lajm i mirë që na gëzon të gjithëve

Presidenti i Republikës, Ilir Meta e cilësoi sot si një lajm të mirë që na gëzon të gjithëve shërimin e Profesor Dhimitër Krajës

Duke i uruar shërim të shpejtë edhe të gjithë të prekurve nga pandemia COVID-19, Meta vuri theksin edhe njëherë në rëndësinë e forcimit të masave mbrojtëse për të gjithë mjekët, infermierët, sanitarët dhe personelin mbështetës, të cilët janë në vijën e parë të frontit, duke shërbyer me përkushtim, profesionalizëm dhe sakrifica në mbrojtje të shëndetit të çdo qytetari.

“Shërimi i Profesor Dhimitër Krajës është një lajm i mirë që na gëzon të gjithëve! Duke i uruar shërim të shpejtë edhe të gjithë të prekurve nga pandemia COVID-19, theksoj edhe njëherë rëndësinë e forcimit të masave mbrojtëse për të gjithë mjekët, infermierët, sanitarët dhe personelin mbështetës, të cilët janë në vijën e parë të frontit, duke shërbyer me përkushtim, profesionalizëm dhe sakrifica në mbrojtje të shëndetit të çdo qytetari. Mjekët janë heronj”, tha Meta./atsh

Shërimi i profesor Dhimitër Krajës, Meta: Një lajm i mirë që na gëzon të gjithëve Read More »