Shendetesi

Në dy spitalet COVID po marrin shërbim 49 pacientë, 7 janë të intubuar

Ministria e Shëndetësisë dhe Mbrojtjes Sociale ka bërë të ditur se gjatë 24 orëve të fundit, 20 pacientë të tjerë i janë shtuar listës së të shëruarve , duke e çuar numrin e të shëruarve nga COVID-19 në 217.

Në shërbimin infektiv aktualisht janë 41 të shtruar. 6 pacientë janë në terapi intensive, ndërsa 2 prej tyre janë të intubuar. Në spitalin COVID 2 “Shefqet Ndroqi”, janë 8 pacientë të shtruar. 6 pacientë janë në terapi intensive, ndërsa 5 prej tyre pacientë janë të intubaur.

Në dy spitalet COVID aktualisht po marrin shërbim 49 pacientë. Ndërkaq, betejën me këtë sëmundje e kanë humbur deri tani 23 qytetarë, megjithë përpjekjet e jashtëzakonshme të personelit shëndetësor. /atsh

Në dy spitalet COVID po marrin shërbim 49 pacientë, 7 janë të intubuar Read More »

Manastirliu: Në këtë ditë mendimet tona shkojnë për ata që sakrifikojnë e sakrifikohen në spitalet tona

Ministrja e Shëndetësisë dhe Mbrojtjes Sociale, Ogerta Manastirliu ka cituar fjalët e Papa Françeskut për festën e Pashkës së Shenjtë.

“Siç thotë Papa Françesku: “Fjala e fundit nuk do t’i mbetet as errësirës dhe as vdekjes”, tha Manastirliu.

“Në këtë ditë simbol të triumfit të jetës mbi vdekjen, mendimet tona shkojnë për ata që sakrifikojnë e sakrifikohen në spitalet tona, në këto ditë të vështira në përballjen me COVID-19. Ky gjest domethënës në spitalin COVID 2 “Shefqet Ndroqi” na jep shpresë dhe forcë, se do t’ja dalim bashkë që jeta të triumfojë kudo dhe kurdoherë”, shprehet Manastirliu. /atsh

Manastirliu: Në këtë ditë mendimet tona shkojnë për ata që sakrifikojnë e sakrifikohen në spitalet tona Read More »

Edhe 2 mjekë mposhtin COVID-19/ Shkon në 32 numri i personelit mjekësor të shëruar

Shërimi i plotë edhe i 2 mjekëve në Tiranë të prekur nga COVID-19 e ka çuar numrin e personelit mjekësor të shëruar në 32.

Lajmi u bë i ditur nga ministrja e Shëndetësisë dhe Mbrojtjes Sociale, Ogerta Manastirliu.

“Shërimi i plotë edhe i 2 mjekëve në Tiranë të prekur nga COVID-19 është një lajm shpresëdhënës në këtë ditë simbol të triumfit të jetës. Shkon në 32 numri i personelit mjekësor të shëruar nga COVID-19. Deri tani janë 217 pacientë dhe staf mjekësor që e kanë fituar betejën me COVID -19”, tha Manastirliu. /atsh

Edhe 2 mjekë mposhtin COVID-19/ Shkon në 32 numri i personelit mjekësor të shëruar Read More »

“Kemi të shëruar, por edhe të shtruar në gjendje të rëndë”/ Apeli i mjekes Çomo: Lufta nuk ka mbaruar ende

“Kemi të shëruar, por edhe të shtruar në gjendje të rëndë. Lufta nuk ka mbaruar, ju lutem respektoni masat, duke qëndruar të distancuar, sepse kjo sëmundje ka pabesi të jashtëzakonshme”.

Kështu shprehet shefja e spitalit Infektiv në Qendrën Spitalore Universitare “Nënë Tereza” në Tiranë, prof. Najada Çomo, në një mesazh drejtuar qytetarëve të publikuar nga ministrja e Shëndetësisë dhe Mbrojtjes Sociale, Ogerta Manastirliu.

“Natyrisht në bazë të njohurive që keni marrë në përditshmërinë tuaj është ulur numri i personave të shtuar në shërbim. Unë do paraqes atë që është reale, në shërbim ne kemi të sëmurë të rënduar. Të bën pak optimiste shifra e ulët e personave të shtruar në Spitalin Infektiv dhe të bën optimist numri i personave të shëruar të dalë nga Infektivi, por unë do citoja dy elementë të rëndësishëm: së pari, mjekimin që ne u kemi ofruar personave të sëmurë nga COVID-19 ka qenë mjekim mjaft bashkëkohor, me të gjitha standardet që ofrohen në vendet e Europës”, – tha Çomo.

Shefja e Infektivit shprehet se “ky mjekim i është ofruar të gjithë pacientëve pas nevojës që ata kanë pasur, por natyrisht duhet të dini që në shërbim ka pasur edhe jetë të humbura, pavarësisht mjekimit intensiv, që është ofruar në shërbimin tonë”.

Çomo u bën thirrje gjithashtu qytetarëve të respektojnë masat.

“Vazhdoni të ruani masat duke qëndruar të izoluar, të distancuar dhe respektoni ato që u thuhen, sepse sëmundja ka vështirësi, pabesi të jashtëzakonshme dhe është shumë tinzare në kohën që prek një pacient”, – tha Çomo.

Ajo u shpreh se “arma e vetme që keni në dorë është të mbroheni dhe arma që kemi ne është të mjekojmë pacientët që shtrohen pranë shërbimit tonë, i cili ka ofruar një ndihmë maksimale, duke filluar nga sanitaret, infermierët, reanimatorët, mjekët. Gjithçka ka qenë në shërbim të këtyre pacientëve”./atsh

“Kemi të shëruar, por edhe të shtruar në gjendje të rëndë”/ Apeli i mjekes Çomo: Lufta nuk ka mbaruar ende Read More »

Infermierët e Infektivit, mesazh Manastirliut: Faleminderit për mbështetjen në këto ditë të vështira

Infermieret e Shërbimit Infektiv në QSUT kanë përshëndetur Ministren e Shëndetësisë dhe Mbrojtjes Sociale përmes një mesazhi inkurajues dhe falënderues ndaj mbështetjes që po u jep ekipit mjekësor.

Ministrja e Shëndetësisë dhe Mbrojtjes Sociale, Ogerta Manastirliu falënderoi ekipin për mesazhin e përzemërt drejtuar saj, ku sipas ministres bluzat e bardha meritojnë respekt të tillë për mënyrën sesi po përballen me armikun e padukshëm COVID-19.

“Zonja ministre, një përshëndetje të përzemërt nga infermierët e Shërbimit Infektiv në QSUT. Faleminderit që na mbështesni në këto ditë të vështira!”.

“Më gëzoi pa masë ky mesazh inkurajues dhe kjo foto që më erdhi sot nga ekipi i jashtëzakonshëm i infermierëve të spitalit Infektiv, që meritojnë RESPEKT të thellë për mënyrën se si po përballen me armikun e padukshëm COVID-19 në shërbim të pacientëve”, thotë Manastirliu./atsh

Infermierët e Infektivit, mesazh Manastirliut: Faleminderit për mbështetjen në këto ditë të vështira Read More »

15 të shëruar nga COVID-19, 197 në total

Në 24 orët e fundit, 15 pacientë të tjerë i janë shtuar listës së të shëruarve nga COVID-19 duke e çuar numrin në 197.

Lajmi u bë i ditur nga zv/ministrja e Shëndetësisë dhe Mbrojtjes Sociale, Mira Rakacolli në një komunikim për mediet.

Betejën me këtë sëmundje e kanë humbur deri tani 23 qytetarë, megjithë përpjekjet e jashtëzakonshme të personelit shëndetësor.

Rakacolli tha se “vazhdon puna në terren për identifikimin e rasteve të reja dhe gjurmimin e kontakteve të rasteve, të konfirmuara pozitive”.

Ministria e Shëndetësisë dhe Mbrojtjes Sociale i kërkon qytetarëve të vijojnë të respektojnë masat e distancimit social.//atsh

15 të shëruar nga COVID-19, 197 në total Read More »

“Bukuri njerëzore”/ Rama ndan historinë frymëzuese të kryeinfermieres Ana Luca, që la postin e administratores së spitalit dhe u kthye në detyrë

“Bukuri njerëzore”, kështu e cilësoi Kryeministri Edi Rama historinë e Ana Lucës, kryeinfermieres në Spitalin Infektiv, e cila la me dëshirë postin si administratore e spitalit polivalent në QSUT dhe shkoi drejt e në zemër të Covid -19.

Ana Luca u rikthye në profesionin e saj, duke zëvendësuar kolegen që u prek nga koronavirus. “Isha me leje të zakonshme, kur mora vesh lajmin për rastet e para të infektuar në Shqipëri . Të nesërmen u ktheva menjëherë në punë dhe kërkova të rikthehesha në profesionin tim, atë të infermieres në spitalin Infektiv”, shprehet Ana”.

“Unë besoj në Zot”, kjo është thënia që Ana nuk harron asnjë ditë ta shkruaj te maska e saj, kur futet për të kryer shërbimin në ambientet e Spitalit Infektiv.

Orët e gjata të punës, 12 por ndonjëherë edhe 14 orë, nuk ja kanë zbehur shpresën se çdo gjë do kalojë shpejt e do takojë sërish të birin, të cilin nuk e ka parë prej 1 muaji nga frika se mos sëmuret dhe infekton edhe atë.

Momenti kur flet për merakun e të birit, është i vetmi kur heq buzëqeshjen nga fytyra dhe përlotet.

Brenda ambienteve të spitalit ku kurohen të prekurit me COVID, Ana nuk harron të shpërndajë edhe optimizmin dhe pozitivitetin e saj, pasi siç thotë ajo ai staf mjekësor është e vetmja familje për të prekurit nga COVID-19.

Ana Luca e mbyll rrëfimin me fjalët: “Dalshim të gjithë faqebardhë”./atsh

“Bukuri njerëzore”/ Rama ndan historinë frymëzuese të kryeinfermieres Ana Luca, që la postin e administratores së spitalit dhe u kthye në detyrë Read More »

Mjeku shqiptar në SHBA: Pastërtia dhe higjiena, të rëndësishme për t’u mbrojtur nga COVID-19

“Kujdesi kurrë nuk është i tepruar; pastërtia dhe higjiena janë të rëndësishme për t’u mbrojtur nga COVID-19”

Mjeku kardiolog Sulejman Çele në një intervistë televizive nga Neë York tregon për betejën profesionale me Covid-19.

I veshur me veshjen speciale, ai u shpreh se ka frikë edhe për familjen kur shkon në shtëpi, duke u ndërruar në garazh.

“Po kemi frikë, pasi frika është një ndjenjë humane, është e vërtetë që frikë kemi të gjithë. Do të bëjmë ç’është e mundur për pacientët. Siç e shihni tani jam me uniformë dhe po mbrohem siç e kërkojnë të gjitha standardet, por kemi frikë, por edhe kujdes me pacientët. Kujdesi kurrë nuk është i tepruar, pastërtia higjiena. Kam frikë kur shkoj në shtëpi, për familjen, ndërrohem në garazh, bëj dush, që të mbrohem” u shpreh mjeku.

Çele shpreson që situata të mbarojë sa më shpejt dhe sipas tij në zona e New York është në momentin e kulmit. Por Amerika është një kontinent dhe nuk mund të thuhet se do e kalojë shpejtë COVID-19./atsh

Mjeku shqiptar në SHBA: Pastërtia dhe higjiena, të rëndësishme për t’u mbrojtur nga COVID-19 Read More »