Shendetesi

“coronavirus.al”/ 562 të infektuar me COVID-19, 314 të shëruar, 26 të vdekur dhe 5 542 teste

Në vendin tonë deri tani janë evidentuar 562 të infektuar me COVID-19, 222 raste aktive, 314 të shëruar, 26 të vdekur, ndërsa janë kryer 5 542 teste gjithsej.

Shifrat bëhen të ditura nga adresa zyrtare e platformës “coronavirus.al”, e krijuar me qëllim informimin e qytetarëve për shifrat zyrtare, vetëm për situatën e të prekurve me COVID-19 në Shqipëri.

Përmes kësaj platforme qytetarët kanë mundësi të ndjekin në kohë reale të rejat nga fronti i luftës kundër COVID-19. /atsh

“coronavirus.al”/ 562 të infektuar me COVID-19, 314 të shëruar, 26 të vdekur dhe 5 542 teste Read More »

Nga sot lejedaljet për arsye shëndetësore përmes e-Albania, qytetari duhet të ketë me vete një dokument mjekësor

Kryeministri Edi Rama informoi sot qytetarët se nga sot në “e-Albania” do të lëshohen edhe lejedaljet për arsye shëndetësore, ndërsa paralajmëroi se “qytetari duhet të ketë me vete një dokument mjekësor për vizitën”.

Rama tha se “qytetarin mund ta shoqërojë vetëm një person tjetër”. “Autorizimi vlen vetëm për rrugën shtëpi-Qendër Shëndetësore-shtëpi, Ndiqni procedurën e thjeshtë në e-Albania”, tha Rama.

Ai shtoi se “aplikimi do të kryhet përmes shërbimit online “Leje për dalje“ për arsye shëndetësore, në e-Albania”.

Kryeministri tregoi edhe hapat që ndiqen për të marrë një leje të tillë. “Identifikohuni në portalin e-Albania përmes llogarisë tuaj; klikoni shërbimin “Leje për Dalje”; zgjidhni opsionin “Leje për arsye shëndetësore”; shkruani saktë datën, orën e lëvizjes dhe itinerarin me destinacionin përkatës”, tha Rama.

Në rastet kur lëvizja për arsye shëndetësore do të bëhet me automjet, Kryeministri tha se “nëse mjeti është në pronësinë e aplikuesit, do t’ju shfaqet direkt në listë”. “Nëse jo, ju mund të shtoni manualisht të dhënat e mjetit: targën dhe numrin e shasisë së tij dhe shtypni “Dërgo” për të përfunduar aplikimin”, tha Rama.

Ai shtoi se “miratimi do të dërgohet në adresën e-mail dhe në numrin e telefonit të regjistruar në portal”.

“Kërkesa për leje për arsye shëndetësore bëhet vetëm në e-Albania. Ata, që lëvizin pa lejen nga e-Albania dhe nuk zotërojnë dokument mjekësor për të justifikuar lejedaljen për arsye shëndetësore, kryejnë një shkelje që ndëshkohet në bazë të Aktit Normativ dhe masave të reja në Kodin Penal”, tha Rama./atsh

blob:https://www.facebook.com/931eb312-9607-441b-b8d7-cddc191856d6

Nga sot lejedaljet për arsye shëndetësore përmes e-Albania, qytetari duhet të ketë me vete një dokument mjekësor Read More »

60 infermierë në ndihmë të Italisë, Ambasada: Faleminderit Shqipëri

Ambasada italiane në Tiranë ka falënderuar Shqipërinë për ndihmën prej 60 infermierësh në luftë kundër COVID-19.

Ambasada italiane shprehet: “Faleminderit Shqipëri që kontribuove sërish për të luftuar së bashku këtë betejë!”

“Sot, 60 infermierë shqiptarë në Itali, në krye të radhës në spitalet italiane. Faleminderit!”, shprehet Ambasada.

Ministria e Shëndetësisë dhe Mbrojtjes Sociale ka dërguar sot drejt Italisë për t’i ndihmuar në luftë kundër COVID-19, grupin e dytë prej 60 infermierësh. /atsh

60 infermierë në ndihmë të Italisë, Ambasada: Faleminderit Shqipëri Read More »

E bija e Dr. Petrit Kokalarit nga SHBA mesazh mjekëve: Sot, ju jeni heronjtë e Shqipërisë

“Sot, ju jeni heronjtë e Shqipërisë, drita e shpresës dhe misioni juaj, na jep forcë të gjithëve”, është mesazhi që e bija e mjekut dhe e pedagogut të shquar, Dr. Petrit Kokalari, Drejtor i Institutit të Mjekësisë Popullore, i ka drejtuar doktorit, Tritan Kalo, e përmes tij edhe të gjithë mjekëve të spitalit Infektiv.

Doktor Kalo e ka cilësuar, mallëngjyes mesazhin e marrë sot përmes një emisioni televiziv, ndërsa shprehet se mirënjohja është virtyt i fisnikëve ndërshekullorë të trojeve arbërore dhe jo i shumë harbutërve të demonkracisë sonë.

“Sot ju jeni heronjtë e Shqipërisë, drita e shpresës dhe misioni juaj, na jep forcë të gjithëve. Më vjen keq që duhej kjo tragjedi dhe një krizë e këtij niveli, që t’ju shprehnim publikisht vlerësimin që ndjejmë, por më lejoni t’ju siguroj se ky vlerësim dhe respekt për ju, jam e sigurt se ka qenë, është dhe do të ngulitet thellë në koshiencën e të gjithë shqiptarëve” thuhet në mesazhi e znj. Kokalari.

Doktor Kalo shpreh bindjen se ekipi mjekësor shqiptar do t’ja dalë të fitojë betejën me COVID -19.

“Shqiptari i vërtetë mbetet shqiptar, i lidhur përjetësisht me dheun amë, kudo ku ai frymon. Së bashku ne do ja dalim me siguri mbanë”, deklaroi Kalo.//atsh

E bija e Dr. Petrit Kokalarit nga SHBA mesazh mjekëve: Sot, ju jeni heronjtë e Shqipërisë Read More »

“Do fitojmë”, mesazhi i ekipit mjekësor të spitalit “Shefqet Ndroqi” në këtë ditë shprese

Ekipi mjekësor i spitalit “Shefqet Ndroqi” që sot janë në vijën e parë duke u përballur me luftën kundër COVID-19, përcollën një mesazh shprese në këtë ditë të Pashkës Ortodokse.

“Do fitojmë“, ishte mesazhi i shpresës që ata përcjellin te çdo qytetar.

Mesazhi i ekipit shëndetësor u përcoll nga ministrja e Shëndetësisë dhe Mbrojtjes Sociale, Ogerta Manastirliu.

“Do fitojmë“. Mesazhi i ekipit mjekësor të spitalit “Shefqet Ndroqi”, që përballen me rastet e vështira me COVID-19 në këtë ditë shprese”, tha ministrja Manastirliu , teksa publikoi foton e ekipit./atsh

“Do fitojmë”, mesazhi i ekipit mjekësor të spitalit “Shefqet Ndroqi” në këtë ditë shprese Read More »

Zjarrfikësit vizitojnë personelin e Spitalit Infektiv/ Rama: Prekëse dhe domethënëse

Zjarrfikësit vizituan sot personelin e spitalit Infektiv në Tiranë për ti shprehur solidaritetin e tyre, pasi që prej muajit mars ata po përballen në vijën e parë me COVID-19.

Lajmi u bë i ditur nga Kryeministri Edi Rama, i cili publikoi sot disa fotografi nga vizita e zjarrfikësve në spitalin Infektiv duke e cilësuar atë prekëse dhe domethënëse.

“Prekëse, domethënëse. Zjarrfikësit vizitojnë personelin e Spitalit Infektiv, për t’u shprehur mirënjohjen e solidaritetin e tyre luftëtarëve të vijës së zjarrit”, – shprehet Rama./atsh

Zjarrfikësit vizitojnë personelin e Spitalit Infektiv/ Rama: Prekëse dhe domethënëse Read More »

Tre qytetet “vatra” të nxehta në Shqipëri

Tirana, Shkodra dhe Fieri janë rrethet me numrin më të lartë të vatrave me Covid-19.

Në një intervistë për Televizionin Klan, shefja e Epidemiologjisë në Institutin e Shëndetin Publik, Eugena Tomini tha se vatrat janë kryesisht familjare.

Përhapjen e Covid-19 nëpër fasoneri, Tomini e sheh të lidhur me mungesën e distancimit fizik.

Kjo ka çuar edhe në mbylljen e tyre.

Lidhur me lehtësimin e masave nga qeveria, Tomini tha se janë ndërmarrë pas vlerësimit të kritereve epidemiologjike.Ndërkohë po vijon gjurmimi dhe testimi i kontakteve për personat e rezultuar pozitive me Covid-19.

Tre qytetet “vatra” të nxehta në Shqipëri Read More »

Të hënën nis testimi i ri për grupet e rrezikuara nga COVID-19/ Manastirliu: Gati testimi serologjik për stafet mjekësore në laboratorin e QSUT

Një testim i ri serologjik do të nisë të kryhet nga java tjetër në laboratorin e dytë që do të jetë gati edhe për testimet për COVID-19, laboratori i Qendrës Spitalore Universitare “Nënë Tereza”.

Deklarata u bë sot nga Ministrja e Shëndetësisë dhe Mbrojtjes Sociale, Ogerta Manastirliu, gjatë inspektimit të laboratorit mikrobiologjik të QSUT-së, i cili do të kryejë testin e ri për konfirmimin e diagnozës dhe vlerësimin e imunizimit, duke filluar nga grupet e rrezikut.

“Komiteti Teknik i Ekspertëve i ngritur në Ministrinë e Shëndetësisë për epideminë e koronavirusit, ka vendosur që të përfshijë një testim të ri, që është testimi serologjik, i cili do të nisë pikërisht nga grupet e rrezikuara, siç janë mjekët, por edhe strukturat e policisë. “Janë përcaktuar protokollet dhe nga dita e hënë do të nisë testimi i ri”, tha Manastirliu.

Në laboratorin e mikrobiologjisë në QSUT janë siguruar aktualisht 6 mijë teste, që janë disponibël. E gjithë struktura e laboratorit e certifikuar është e ngritur për të filluar këtë testim të ri.

Duke theksuar se testimi serologjik do të kryhet në QSUT por nën lidershipin e Institutit të Shëndetit Publik, Manastirliu tha se mbetet prioritet mbrojtja e personelit shëndetësor.

“Dua të them që mbetet prioritet për ne mbështetja dhe mbrojtja e stafit tonë të shëndetësisë. Prandaj dhe ky testim serologjik për të vlerësuar krijimin e antitrupave do të fillojë në grupet më të riskuara që janë personeli mjekësor dhe gjithashtu grupet që janë në shërbime siç janë Policia e Shtetit e të tjerë”, tha ministrja.

Dr. Vjollca Duro u shpreh se laboratori i QSUT-së është i ndërtuar sipas standardeve ndërkombëtare dhe stafi që do të punojë është i trajnuar.

“Laboratori i QSUT-së është ndërtuar sipas standardeve ndërkombëtare, niveli i dytë i biosigurisë. Stafi është i trajnuar, do të punojnë tre mjekë dhe katër staf teknik laborator”, tha dr. Vjollca Duro.

Laboratori i QSUT-së, në një fazë të dytë, do të shërbejë edhe për testimin e kampioneve të dyshuara për COVID-19, me metodën e biologjisë molekulare të Real-Time PCR. /atsh

Të hënën nis testimi i ri për grupet e rrezikuara nga COVID-19/ Manastirliu: Gati testimi serologjik për stafet mjekësore në laboratorin e QSUT Read More »