Shendetesi

Rakacolli: Shqipëria nuk është pjesë e asnjë studimi për vaksinën ndaj COVID-19, lajmi i pavërtetë

Zv.ministrja e Shëndetësisë dhe Mbrojtjes Sociale, Mira Rakacolli, në një nga mediet e vendit deklaroi se lajmi që ka qarkulluar në disa medie lidhur me testimin e vaksinave të COVID-19 në vendin tonë, është i pavërtetë.

Rakacolli hodhi poshtë këto aludime, duke theksuar se nuk ekziston një studim i tillë.

“Më vjen shumë keq, kur e kam parë të shpërndarë në portale më ka ardhur keq, është e pavërtetë dhe këtë e them me përgjegjësi. Shqipëria nuk është pjesë e asnjë studimi për vaksinën ndaj COVID-19. Nëpërmjet televizionit tuaj dua të theksoj se jo vetëm që nuk ka një studim për vaksinën, po as që është diskutuar një gjë e tillë”, tha Rakacolli.

Duke folur për situatën aktuale të epidemisë në Shqipëri, Rakacolli u shpreh se në vend është rasti i një epidemie të kontrolluar.

“Është rasti tipik i një epidemie të kontrolluar. Statistikat interpretohen në bazë të disa të dhënave në interval kohor. Epidemia është kontrolluar. Piku nuk vlerësohet kurrë nga piku ditor. Analiza e kurbës, me ato intervalet, tregon se ajo ka qenë e qëndrueshme. Të shtruarit në spital janë ata që tregojnë sa e rëndë është situata. Mosshtimi i tyre tregon se epidemia ka rënie”, tha Rakacolli./atsh

Rakacolli: Shqipëria nuk është pjesë e asnjë studimi për vaksinën ndaj COVID-19, lajmi i pavërtetë Read More »

Pipero flet me optimizëm për situatën në vend: Të shtruarit sa vijnë e pakësohen

Mjeku i njohur infeksionit Pëllumb Pipero u shpreh se piku i koronavirusit në Shqipëri është arritur në fund të marsit dhe në fillim të prillit.

Në një intervistë në “Mbrëmje në Abc” me Mirela Milorin, mjeku tha se në gjykimin e tij, kemi të bëjmë me një ecuri shumë të butë të epidemisë, dhe sipas tij është nën kontroll.

“Në fazën e parë kishim një paralelizëm midis rasteve të konfirmuara dhe atyre që shtroheshin në spital, në fazën e dytë këto paralele janë ndarë. Numri i rasteve në spital, vjen duke u ulur, numri i rasteve të shëruar vjen duke u rritur. Testi që përdorim aktualisht, tamponi është test diagnostikues dhe konfirmues. Ka luhatje. Unë kriter, apo indikator i rëndësishëm i ecurisë së epidemisë është numri i rasteve të shtruara në spital, numri është 10 herë më i ulët.

Në këtë këndvështrim, unë besoj se kemi të bëjmë me një ecuri shumë të butë të epidemisë, dhe totalisht nën kontroll. Nëse do të pyesim si është kurba dhe grafiku. Grafiku është tjetër gjë dhe kurba tjetër gjë. Në opinionin tim ne e kemi kaluar atë që do e quanim pik. Ne e kemi kaluar atë fazës në fund të marsit dhe në fillim të prillit, ku kishim 13 raste në ditë të shtruar në spital”, u shpreh Pipero.

Mjeku tha më tej se numri i tamponeve është i lartë dhe ata gjurmojnë kontaktet e afërta. Siç thotë ai kjo është edhe arsyeja që disa ditë kemi shumë raste dhe disa ditë më pak.

“Numri i tamponëve, që në opinionin tim është e lartë, kjo për arsye se ne gjurmojnë kontakte e afërta. Kjo është arsyeja që disa ditë kemi shumë raste dhe më pas nuk kemi. Në këtë aspekt ndodhin këto”, u shpreh Pipero.

Pipero flet me optimizëm për situatën në vend: Të shtruarit sa vijnë e pakësohen Read More »

A do bëjmë pushime këtë vit apo jo? Mjeku Pëllumb Pipero jep lajmin që e prisnin të gjithë

Mjeku infeksionit Pëllumb Pipero në një intervistë për “Mbrëmje në ABC”, shprehet se piku i koronavirusit në vend ka kaluar dhe sipas mjekut këtë verë shqiptarët do të kenë mundësinë të bëjnë pushime.

Pipero tha se do të ketë turizëm të brendshëm, por mund të bëhet një marrëveshje edhe me vendet e rajonit.

“Unë besoj se do të kemi sezon turistik, natyrisht të brendshëm. Por mendoj se janë të gjitha gjasat që me një mirëkuptim me vendet e rajonit, ku kemi pak a shumë të njëjtën mënyrë jetese, unë mendoj se mund të arrihet që jo vetëm ne të mund të shkojmë por edhe ata të vinë te ne.

Do të inkurajoja edhe një marrëveshje të mundshme”, tha Pipero.

A do bëjmë pushime këtë vit apo jo? Mjeku Pëllumb Pipero jep lajmin që e prisnin të gjithë Read More »

Mjeku Pipero: Epidemia e mirëkontrolluar, hyn në fazën e dytë

Mjeku infeksionist, Prof. Pëllumb Pipero, që prej më shumë se 45 ditësh është në vijën e parë të “zjarrit”, në Spitalin Infektiv të Qendrës Spitalore Universitare “Nënë Tereza” në Tiranë, thotë për DW, se treguesit kryesorë të kësaj faze shfaqen në dy aspekte, në aspektin epidemiologjik dhe atë klinik.

Në aspektin e parë vlerësohen – koha që ka kaluar nga rasti i parë që u prek me COVID – 19, ecuria e epidemisë në bazë të numrit të rasteve të reja të konfirmuara dhe piku i saj, që për viruset respiratore përkon nga java e katërt deri në javën e gjashtë. Në aspektin klinik tregues është numri i shtrimeve në spital që tregon për ecurinë e butë të epidemoisë, uljen e kurbës së rasteve të shtruara dhe rritjen e rasteve të shëruara. Ndërkohë që rastet e rënda me rrezik jete, kanë filluar të ulen” thotë për DW, Prof. Pëllumb Pipero.

Ai thekson se në fazën e dyte, që është më e gjatë se e para, barrën më të rëndë e ka shërbimi epidemiologjik, “që duhet të hetojë në mënyrë inteligjente për të parandaluar shpërthimin e vatrave të reja. Shërbimi spitalor pritet të jetë më i lehtësuar, nëse qytetarët vazhdojnë të respektojnë si deri më tani rregullat, që edhe pse disi të lehtësuara nuk duhet të ulin vigjilencën dhe kujdesin. “Rastet e reja janë asimptomatike (pa simptoma), kontakte të kontakteve me të infektuarit zbulohen nga shtimi i testimeve. Kemi më shumë raste pozitive, por më pak të sëmurë. Ky është një trend normal dhe i qëndrueshëm i epidemisë, që mendoj se është menaxhuar më mirë sesa në vende të tjera të rajonit” sqaron Dr. Pipero për DW./atsh

Mjeku Pipero: Epidemia e mirëkontrolluar, hyn në fazën e dytë Read More »

5 gabimet e rre zikshme që bëni me vendosjen e maskës

Maskat tani kanë marrë rëndësi në jetën e gjithësecilit. Madje duhet të mësohemi se do “jetojmë” gjatë me to të paktën derisa të gjendet një vaksinë për virusin.

Është shumë e rëndësishme që maska të vendoset në mënyrën e duhur. Në këtë mënyrë edhe shmangim përhapjen e pandemisë.

Këto janë gabimet që duhen shmangur kur vendosni maskën:

Gabimi 1. Maska ju mbulon vetëm gojën.

Nëse e keni vendosur kështu gjatë kësaj kohe, keni bërë gabim. Maska duhet të mbulojë dhe pjesën e hundës, pasi në të kundërt gjasat që të infektoheni nga vetë maska juaj përmes hundës janë të mëdha.

Gabimi 2. Maska juaj është në kontakt me pjesë të tjera të trupit apo gjëra tuaja personale

Maska s’duhet të jetë në kontakt me rrobat tuaja, pjesë të tjera të fytyrës apo të trupit. Nëse veproni kështu, funksioni i saj nuk po kryhet siç duhet. Një tjetër gabim i madh është vendosja rreth zonës së qafës kur nuk e keni në fytyrë.

Gabimi 3. Maska nuk qëndron mirë në fytyrën tuaj.

Ideja e maskës është të krijojë një barrierë që nuk lejon ajrin të futet brenda. Në të njëjtën kohë duhet të jetë e rehatshme dhe të mos ju besdisë gjatë kohës që e keni vendosur. Nuk ka rëndësi nëse e blini apo e bëni vetë, thjesht duhet të përputhet me fytyrën tuaj në mënyë që të mos jetë më e madhe seç duhet.

Gabimi 4. Maska mbulon vetëm majën e hundës tuaj.

Maska duhet të përfundojë në kurrizin e hundës suaj, as në fund dhe as tek maja e saj. Nëse mbuloni vetëm majën e hundës, po lejoni që ajri jashtë të futet në gojën tuaj, shkruan anabel.

Gabimi 5. Nuk e lani siç duhet pasi e hiqni.

Nëse do ta përdorni disa herë, sigurohuni që ajo të mos bëhet burim infektimi. Kur ta hiqni lëreni të ziejë për 10 minuta para se ta përdorni për herën e dytë.

Nëse e shihni që maska është dëmtuar pas disa larjesh, është koha ta zëvendësoni.

5 gabimet e rre zikshme që bëni me vendosjen e maskës Read More »

Kategoritë më të rrezikuara nga COVID-19, si të zvogëlohet rreziku

Pensionisët dhe të sëmurët kronikë janë kategoritë më të rrezikuara nga COVID-19 ndërsa ministria e Shëndetësisë dhe Mbrojtjes Sociale ka sugjeruar mënyrat për të zvogëluar riskun nga prekja e infeksionit.

Virusi që shkakton COVID-19 pëhapet nga një person tek tjetri para se të shfaqen simptomat e sëmundjes.

Për të zvogëluar përhapjen e virusit vendosni maska në ambjente të populluara, mbani mbi 1 metër distancë, lani shpesh duart dhe dezifektoni objektet që prekni më shpesh’.
Ministria e Shëndetësisë nënvizon se më të rrezikuar nga infeksioni janë personat mbi 65 vjec, persona me gjendje shëndetësore me sëmundje të zemrës, sëmundje kronike të mushkërive, asmë, diabet. Persona që janë në trajtim për kancer dhe persona me sistem imunitar të dobët.

Çfarë duhet të bëni nëse ju apo të dashurit tuaj janë të rrezikuar? Ministria e Shëndetësisë sugjeron që të shmangen kontaktet e ngushta me personat e tjerë. Shmangni vendet e populluara dhe qëndroni në shtëpi si dhe lani shpesh duart./atsh

Kategoritë më të rrezikuara nga COVID-19, si të zvogëlohet rreziku Read More »

Ja 5 këshillat estetike për stinën e pranverës

Edhe nëse jemi të mbyllur në shtëpi për karantinën e koronavirusit, koha kalon dhe jashtë jemi në stinën e pranverës. Nëse shikojmë lulet në kopsht, pemët në rrugë dhe lulet në ballkon gjithçka është në lulëzim të plotë.

Këtu janë disa sugjerime që periudha të rilindet dhe të kujdeseni për veten falë ndihmës së luleve dhe bimëve, protagonistë të vërteta të kësaj periudhe.

1. Rinovoni dhe zgjoni lëkurën me scrub dhe peeling

Në dimër, rënia e temperaturave dhe një dietë më e pasur shkaktojnë një tendosje tek lëkura duke shkaktuar skuqje, thatësi dhe, shpesh, një prodhim më të madh të yndyrës duke favorizuar fillimin e papërsosmërive.

Me pranverën është koha për të zgjuar lëkurën dhe për ta rinovuar atë: prandaj shkoni përpara me pastrime, lëvozhgje dhe maska ​​pastruese që nxisin eliminimin e qelizave të vdekura dhe ju lejojnë të riaktivizoni mikrocirkulacionin si të fytyrës ashtu edhe në trup.

2. Ndryshoni kremin e ditës

Me ardhjen e pranverës është mirë të preferoni kremrat me një strukturë të lehtë, për këtë arsye produktet ideale janë ato që janë në gjendje të hidratojnë.

Mbi të gjitha është mirë të përdoren zgjidhje me vetitë ndriçuese, në mënyrë që të hiqni errësirën dhe çehren e shkaktuar nga mungesa e vitaminës D, aq më mirë nëse ndihmojnë gjithashtu në eliminimin e njollave.

3. Përdorni një llak për hidratimin e fytyrës

Për të përgatitur më mirë lëkurën përpara se të aplikoni përbërjen, spray hidratues janë aleatë të shkëlqyeshëm, sepse ato shpesh karakterizohen nga një strukturë e gazuar që ju lejon të hidratoni, freskoni dhe relaksoni lëkurën përpara se të aplikoni përbërjen.

Jo vetëm kaq, mund të përdorni gjithashtu edhe një llak fiks: një mënyrë praktike dhe e shpejtë për të rregulluar përbërjen dhe për ta bërë atë të zgjasë më gjatë, edhe kur temperaturat rriten.

4. Kujdesuni për buzët

Në pranverë buzët duhet të rilindin dhe të çelin. Një aleat i shkëlqyeshëm në këtë rast është një balsam që gjithmonë duhet të mbahet me vete dhe të jetë i aftë të zbusë dhe të bëjë mbushjen në çdo kohë të ditës.

5. Ndihmoni flokët me maska ​​forcuese

Edhe flokët i nënshtrohen ndryshimit të stinës dhe me ardhjen e pranverës është më lehtë të bien ose të prishen.

Për t’i mbrojtur dhe forcuar ato, në rutinën e bukurisë, maskat e kondicionimit të bazuara në komplekse multi-vitaminash të aminoacideve, të cilat ushqejnë flokët duke i dhënë një butësi të re dhe shkëlqim të humbur gjatë muajve të ftohtë, nuk mund të mungojnë. /atsh

Ja 5 këshillat estetike për stinën e pranverës Read More »

394 të shëruar nga COVID-19/ 9 pacientë të tjerë fitojnë betejën në 24 orë

Gjatë 24 orëve të fundit, 9 pacientë të tjerë i janë shtuar listës së të shëruarve, duke e çuar totalin e të shëruarve nga COVID-19 në 394 ose 58.1% e totalit të të prekurve.

Aktualisht në vendin tonë 257 ose 41.9% e totalit të të prekurve janë persona aktivë me COVID-19 dhe siç shihet përqindja e të shëruarve është më e lartë. Sipas Ministrisë së Shëndetësisë, kjo tendencë tashmë vazhdon të jetë e qëndrueshme.

“Ju informojmë se, në shërbimin infektiv aktualisht janë 30 të shtruar nga të cilët 4 pacientë janë në terapi intensive. Në spitalin COVID 2 “Shefqet Ndroqi”, janë 8 pacientë të shtruar. 4 pacientë janë në terapi intensive në gjendje të rënduar, ndërsa 4 pacientë janë në pavijon”-tha Eugena Tomini, eksperte pranë ISHP-së.

Në dy spitalet COVID aktualisht po marrin shërbim 38 pacientë./atsh

394 të shëruar nga COVID-19/ 9 pacientë të tjerë fitojnë betejën në 24 orë Read More »