Shendetesi

” 4 faza me periudha 2 javore”/ Manastirliu: Premisë pozitive nga masat e marra, hapje e ngadaltë dhe e kujdesshme

Ministrja e Shëndetësisë dhe Mbrojtjes Sociale, Ogerta Manastirliu theksoi sot se “kemi premisa pozitive falë masave që u morën nga qeveria dhe falë përgjigjes dhe reagimit të qytetarëve”.

Në një intervistë televizive, ministrja Manastirliu tha se “ende nuk ka mbaruar jemi në mesin e kësaj lufte, në hapat që po ndërmarrim në mënyrë shumë të kujdesshme , komiteti teknik i ekspertëve është duke i vlerësuar hap pas hapi ka ndërtuar strategjinë e rihapjes që përcakton të gjithë elementët e rëndësishëm në raport me fazat e hapjes”.

“Janë katër faza që parashikon komiteti i ekspertëve, faza të cilat shkojnë në drejtimin e një hapje të ngadaltë e të kujdesshshëm, duke vlerësuar kritere specifike, duke u bazuar në kritere të cilat janë sot kritere universale, pasi e gjithë bota ecën me këto kritere, kurba epidemiologjike, rastet e infektuarve , të fataliteteve dhe në këtë mënyrë ne jemi të sigurt drejt rrugës që ne ndërmarrim, por nga ana tjetër kemi të gjithë ato elementë që na duhen që janë shumë të rëndësishme për të ditur si është situata dhe çfarë vendimesh të marrim, qoftë edhe për t’u kthyer mbrapa sepse në këtë situatë ne duhet të ecim me hapa të sigurt”, – tha Manastirliu.

Sipas saj, hapat e sigurt bazohen vetëm në treguesit, shifrat edhe me të gjithë pjesën që ka të bëjë me situatën epidemiologjike në terren.

“Kjo pastaj na orienton ne drejt fazave të hapjes apo rikthimit mbrapa. 4 fazat e hapjes janë faza që përcaktojnë linjat e një rihapje të kujdesshëm dhe shumë të ngadaltë, por nuk përcaktojnë datat specifike. Ata përcaktojnë një hark kohor të vlerësimit periodik të masave të marra nga hapja e parë dhe se çfarë impakti kanë ato në një periudhë 2 javore. E tillë është edhe hapja që ndodhi këtë javë me hapjen e disa biznese apo krijimin e zonave të gjelbra. Nuk është se po jetojmë pa rregulla, madje dhe në zonat e gjelbra ka rregulla që duhen të respektohen. Që nga dita e hënë qytetarët janë treguar të kujdesshëm, ruajnë distancat kur kalojnë në rrugë, por duhet të jemi të kujdesshëm se asgjë nuk ka kaluar jemi në mes luftës dhe duhet të jetojmë çdo ditë me rregullat që ne i kemi vendosur që ky virus të mos shpërndahet”.

“Nëse do të kemi shpërndarje të virusit do të përballemi me valë të tjera që nuk mund t’i përballojmë dot. Është shumë e rëndësishme të ruajmë distancën sociale dhe higjienën në këtë fazë që ndodhemi në mënyrë që të kemi një panoramë të qartë dhe të plotë të masave por dhe kthimit në normalitetin e ri. Vetëm vaksina është ajo që do të garantojë uljen e transmetimit deri në shuarjen e kësaj epidemia”, tha Manastirliu.

Ministrja Manastirliu u shpreh se “qytetarët në shumicën dërrmuese i kanë respketuar masat dhe është falë faktit që qytetarët kanë treguar rezistencën e nevojshme për të përballuar këtë situatë që ne jemi sot në këtë moment dhe flasim për numra fatalitetesh që në krahasim me vendet e rajonit jemi më mirë përsa i përket numrit të fataliteteve për 1 milion banorë apo nëse flasim për kurbën epidemike , rastet e të prekurve”.

E pyetur në lidhje me vatrat e virusit në fasoneri, Manastirliu tha “është ngritur një task-forcë që monitoron punën në të gjitha fasoneritë e vendit dhe janë marrë edhe masa administrative, disa dhe janë mbyllur aty ku kushtet nuk rezultojnë të duhura për sigurinë e punonjësve. Task-forca po bën një punë në teren dhe një punë të imtësishëm në lidhje me këto vlerësime. Vatrat në një fasoneri është vatër e izoluar duke mos lejuar shpërthimin e epidemisë dhe të mbajmë një kurbë të qëndrueshme”/atsh

” 4 faza me periudha 2 javore”/ Manastirliu: Premisë pozitive nga masat e marra, hapje e ngadaltë dhe e kujdesshme Read More »

“coronavirus.al”/ Shërohen të gjithë të prekurit nga COVID-19 në Mallakastër, Lezhë, Rrogozhinë dhe Tropojë

Deri tani janë shëruar 431 persona të prekur nga COVID-19 në Shqipëri.

Shifrat bëhen të ditura nga adresa zyrtare e platformës “coronavirus.al”, e krijuar me qëllim informimin e qytetarëve për shifrat zyrtare, vetëm për situatën e të prekurve me COVID-19 në Shqipëri.

Gjatë 24 orëve të fundit, 9 pacientë të tjerë i janë shtuar listës së të shëruarve, duke e çuar totalin e të shëruarve nga COVID-19 në 431.

Nga puna e bërë e mjekëve, rezulton se Mallakastra, Lezha, Rrogozhina dhe Tropoja janë zonat ku të gjithë të prekurit deri tani, janë aktualisht të shëruar.

Po sipas shifrave të publikuar në coronavirus.al, aktualisht në vendin tonë janë 289 persona të infektuar aktivë dhe siç shihet numri i të shëruarve është më i lartë. Kjo tendencë tashmë vazhdon pa luhatje prej më shumë se një jave.

Ndërkaq po vijon hetimi epidemiologjik dhe gjurmimi i kontakteve në Krujë ku kanë gjatë 25 orëve të fundit kanë rezultuar 5 raste pozitive, ndërsa rastet e tjera janë 7 në Tiranë dhe 2 raste në Shkodër. Pra, në total nga rezultatet e testimeve janë konfirmuar 14 raste pozitive me COVID-19.

Deri në këto momente janë testuar 7758 raste të dyshuara dhe prej tyre janë të konfirmuar pozitivë me COVID-19, 750 raste. Mosha mesatare e rasteve të konfirmuara është 46.8 vjeç.

Në vendin tonë deri tani janë evidentuar 750 të infektuar me COVID-19, 289 raste aktive, 431 të shëruar, 30 të vdekur, ndërsa janë kryer 7758 teste gjithsej.

Përmes platformës coronavirus.al, qytetarët kanë mundësi të ndjekin në kohë reale të rejat nga fronti i luftës kundër COVID-19./atsh

“coronavirus.al”/ Shërohen të gjithë të prekurit nga COVID-19 në Mallakastër, Lezhë, Rrogozhinë dhe Tropojë Read More »

Ministria e Shëndetësisë: 14 raste të reja, shkon në 750 numri i të prekurve

Ministria e Shëndetësisë dhe Mbrojtjes Sociale ka informuar se 24 orët e fundit janë identifikuar 14 raste të reja me COVID-19, duke e çuar numrin e të infektuarve në 431

Drejtoresha e Institutit të Shëndetit Publik, Albana Fico u shpreh se “gjatë 24 orëve të fundit janë testuar 267 persona të dyshuar me COVID-19.

Nga rezultatet e testimeve janë konfirmuar 14 raste pozitive me COVID-19, nga të cilat 7 raste janë në Tiranë, 5 raste në Krujë dhe 2 raste në Shkodër.

Deri në këto momente janë testuar 7758 raste të dyshuara dhe prej tyre janë të konfirmuar pozitivë me COVID-19, 750 raste. Mosha mesatare e rasteve të konfirmuara është 46,8 vjeç./atsh

Ministria e Shëndetësisë: 14 raste të reja, shkon në 750 numri i të prekurve Read More »

9 pacientë të tjerë i shtohen listës së të shëruarve, totali shkon në 431

Gjatë 24 orëve të fundit, 9 pacientë të tjerë i janë shtuar listës së të shëruarve, duke e çuar totalin e të shëruarve nga COVID-19 në 431.

Aktualisht në vendin tonë, 289 persona janë aktivë me COVID-19 dhe siç shihet numri i të shëruarve është më i lartë. Kjo tendencë tashmë vazhdon të jetë e qëndrueshme.

Në shërbimin infektiv aktualisht janë 27 të shtruar. 3 pacientë janë në terapi intensive. Në spitalin COVID 2 “Shefqet Ndroqi”, janë 5 pacientë të shtruar. 2 pacientë janë në terapi intensive në gjendje më të rënduar. Në dy spitalet COVID aktualisht po marrin shërbim 32 pacientë.

Ministria e Shëndetësisë dhe Mbrojtjes Sociale informon se pavarësisht luhatjeve në numra ditorë situata vazhdon të jetë e kontrolluar.

Tregues për këtë janë numri i qëndrueshëm i shtrimeve në spitale dhe numri i ulët i qytetarëve që kanë pasur nevojë për frymëmarrje të drejtuar.

Që kjo situatë të vazhdojë të jetë e kontrolluar dhe në kushtet e lehtësimit të disa masave, Ministria e Shëndetësisë dhe Mbrojtjes Sociale i bën thirrje të gjithë qytetarëve që të vazhdojnë të respektojnë masat e vendosura, të respektohet distancimi fizik dhe ruajtja e higjienës personale.

Këto masa duhet të respektohen maksimalisht edhe brenda rretheve familjare, duke shmangur vizitat tek të afërmit për çdo lloj arsye.

Nëse keni shenja të sëmundjes COVID-19 telefononi numrin e urgjencës 127. Për çdo pyetje apo informacion rreth COVID-19 telefononi në linjën e gjelbër 0800 40 40″./atsh

9 pacientë të tjerë i shtohen listës së të shëruarve, totali shkon në 431 Read More »

90% e stafit mjekësor i prekur nga COVID-19 shërohet plotësisht

Ministrja e Shëndetësisë dhe Mbrojtjes Sociale, Ogerta Manastirliu ka ndarë lajmin e mirë se 1 mjeke dhe 2 infermiere janë shëruar nga COVID-19, pas testit konfirmues.

Gati 90% e stafit mjekësor të prekur nga COVID-19 janë tashmë plotësisht të shëruar. Në total deri tani janë shëruar 53 personel shëndetësor.

‘Më gëzon pa masë lajmi se gati 90% e stafit mjekësor i prekur nga COVID-19 është plotësosht i shëruar nga ky armik i rrezikshëm. 1 mjekë dhe 2 infermiere janë shëruar nga COVID-19, mes 9 të shëruarve të 24 orëve të fundit”, thotë ministrja./atsh

90% e stafit mjekësor i prekur nga COVID-19 shërohet plotësisht Read More »

Ministria e Shëndetësisë: 10 raste të reja me COVID-19, shkon në 736 numri i të infektuarve

Gjatë 24 orëve të fundit janë shënuar 10 raste të reja me COVID-19 në vendin tonë. Zv.ministrja e Shëndetësisë dhe Mbrojtjes Sociale, Mira Rakacolli, tha sot në përditësimin e të dhënave se 9 prej rasteve të reja janë shënuar në Tiranë, ndërsa 1 rast i ri është shënuar në Shkodër.

Zv.ministrja Mira Rakacolli, gjatë deklaratës për mediet, bëri me dije se numri total i të infektuarve shkon në 734.

“Gjatë 24 orëve të fundit janë testuar 212 persona të dyshuar me COVID-19.
Nga rezultatet e testimeve janë konfirmuar 10 raste pozitive me COVID-19, nga të cilat 9 raste janë në Tiranë, shumica kontakte familjare, dhe 1 rast i ri është në Shkodër.
Deri në këto momente janë testuar 7491 raste të dyshuara dhe prej tyre janë të konfirmuar pozitivë me COVID-19, 736 raste”, – tha Rakacolli./Atsh

Ministria e Shëndetësisë: 10 raste të reja me COVID-19, shkon në 736 numri i të infektuarve Read More »

12 pacientë të shëruar gjatë 24 orëve të fundit, 422 në total

Gjatë 24 orëve të fundit, 12 pacientë të tjerë i janë shtuar listës së të shëruarve, duke e çuar totalin e të shëruarve nga COVID-19 në 422 ose 57,3 % e totalit të të prekurve.

Zv.ministrja e Shëndetësisë dhe Mbrojtjes Sociale, Mira Rakacolli, tha se në vendin tonë 42,7 % e të prekurve janë aktualisht aktivë me COVID-19.

“Gjatë 24 orëve të fundit, 12 pacientë të tjerë i janë shtuar listës së të shëruarve, duke e çuar totalin e të shëruarve nga COVID-19 në 422 ose 57,3 % e totalit të të prekurve”, – theksoi Rakacolli.

“Aktualisht në vendin tonë, 286 ose 42,7 % e totalit të të prekurve janë persona aktivë me COVID19 dhe siç shihet përqindja e të shëruarve është më e lartë. Kjo tendencë tashmë vazhdon të jetë e qëndrueshme. Deri sot, 28 qytetarë e kanë humbur betejën me këtë sëmundje megjithë përpjekjet e stafit mjekësor”, – bëri të ditur Rakacolli.

Bashkia Të prekur Të shëruar
Tiranë 302 187
Shkodër 105 61
Krujë 92 8
Durrës 42 37
Fier 37 27
Kurbin 31
Korçë 19 18
Elbasan 18 15
Kukës 18 10
Lezhë 14 14
Has 14 12
Kavajë 9 8
Lushnjë 7 4
Vlorë 5 4
Pukë 5 4
Mirditë 5 3
Rrogozhinë 4 4
Tropojë 4 4
Berat 3 2
Mallakastër 1
Mat 1 /atsh

12 pacientë të shëruar gjatë 24 orëve të fundit, 422 në total Read More »

Hapja e bllokut të dytë të bizneseve, Ministria e Shëndetësisë: Akoma më i rëndësishëm zbatimi me përpikmëri i rregullave

Distancimi fizik dhe ruajtja e higjienës personale mbeten të vetmet armë që ne kemi në dorë si komunitet për të frenuar përhapjen e COVID-19.

Ministria e Shëndetësisë dhe Mbrojtjes Sociale iu bëri apel qytetarëve dhe posaçërisht sipërmarrësve, që në kushtet e hapjes së aktivitetit ekonomik të respektojnë rigorozisht rregullat.

“Rikujtojmë të gjithë qytetarët se deri kur të kemi vaksinën, do të na duhet të gjithëve të jetojmë dhe të punojmë duke ruajtur në nivelin maksimal vigjilencën ndaj rrezikut të infektimit”, thuhet në njoftimin e Ministrisë së Shëndetësisë dhe Mbrojtjes Sociale.

Sipas MSHMS, në kushtet e lehtësimit të disa masave, bëhet akoma më e rëndësishme të zbatohen me përpikëri të gjitha udhëzimet e autoriteteve shëndetësore, të respektohet distancimi fizik dhe ruajtja e higjienës personale.

“Nëse keni shenja të sëmundjes COVID-19 telefononi numrin e urgjencës 127. Për çdo pyetje apo informacion rreth COVID-19 telefononi në linjën e gjelbër 0800 40 40”, apelon ministria./atsh

Hapja e bllokut të dytë të bizneseve, Ministria e Shëndetësisë: Akoma më i rëndësishëm zbatimi me përpikmëri i rregullave Read More »