Shendetesi

Shefja e Reanimacionit te “Shefqet Ndroqi”: U ndeshëm me një realitet jashtë imagjinatës, mirënjohje kolegëve

Shefja e Reanimacionit të Spitali “Shefqet Ndroqi”, profesoreshë Alma Cani, ka reaguar për situatën e krijuar nga koronavirusi, ku jep dhe një mesazh falënderues për gjithë ekipin që po përballet me këtë virus të rëndë.

Duke kujtuar me shumë dhimbje ata që nuk mundën dot të shpëtohen, e duke pranuar se sa vuajtje u shkakton bluzave të bardha kjo humbje, ajo thekson se “nuk kemi kohë të vajtojmë, të lëshohemi, ne na duhet të ngrihemi, të vrapojmë pasi një jetë tjetër duhet shpëtuar!”.

“Në këto ditë të vështira të pandemisë mbarëbotërore të gjithë ne u ndeshëm me një realitet që ishte jashtë imagjinatës, përpara një lufte misterioze e të padukshme që na tjetërsoj jetën. Na bëri të kuptojmë që fjala e urtë e popullit se: “Çfarë sjell minuti nuk e sjell sahati”, kishte ndodhur tashmë. Prej vitesh në spitalin SUSN, stafi i reanimacionit është marrë me pacientët që në situatat gripale trajton kryesisht komplikacionet nga gripi që atakojnë mushkërinë duke alternuar frymëmarrjen dhe duke kërkuar asistenca të respiracionit me ventilator. Ky ritual i përvitshëm ishte bërë pjesë e punës sonë, sapo temperaturat uleshin e ditët e dimrit afroheshin. Por sivjet ishte ndryshe, kjo ishte një përballje që u shfaq në botën mbarë dhe lufta ishte e fortë. Përveç ngarkesës dhe dinakërisë të këtij virusi të padukshëm, na duhej të përballeshim emocionalisht dhe psikologjikisht me gjëra të panjohura më parë për mbarë njerëzimin”, shprehet ajo.

Cani shpeh mirënjohje për të gjithë mjekët, specializant të reanimacionit, infermierë e sanitarë që sipas saj, dhanë shpirt, dhanë ndihmë, u gjendën çdo ditë, orë, minut, natë e ditë e nuk pyetën për orën, nuk patën diferencë kur ishte ditë apo natë, por u gjendën në çdo moment aty për të ndihmuar jetët e atyre pacientëve ku e keqja nga jeta ndaheshe me një vizë.

Me tej, shefja e Reanimacionit thekson se “do t’i shërbejmë deri në frymën e fundit pacientëve duke bërë përpjekjet maksimale në ndihmë të jetës njerëzore”.

“Unë do doja sot t’ju prezantoj secilin nga ju me emër, pavarësisht se e di që ju do thoni: ne bëmë detyrën, dhe këtë punë e kemi bërë e do vazhdojmë ta bëjmë pasi që në fillimet e studimeve tona kemi bere një betim, betimin e Hipokratit që do t’i shërbejmë deri në frymën e fundit pacientëve duke bërë përpjekjet maksimale në ndihmë të jetës njerëzore. E ndjej si obligim moral e qytetar që t’ju prezantoj me krenari juve kolegë e mjekë të shkëlqyer: Alban Hatibi, Fahri Kokici, Eljana Shima Mezini e Arjan Vyshka! Ne ishim të gjithë bashkë në një rrahje zemre, në një ritëm sinusal kardiak , pa çrregullime ritmi, diskutuam, debatuam, për të bërë më të mirën e mundshme duke qenë në unison në mendim e veprim! Ishim të gjithë bashkë ditën, natën duke ndjekur me ankth ndryshimet e situatave klinike të pacientet, që çuditërisht alternoheshin në mënyrë të menjëhershme duke na befasuar dhe duke na bërë të vepronim teknikisht në terapi e në invazionin e mjekimit për të shmangur të keqen. Një suport i jashtëzakonshëm nga specializantet e reanimacionit: Alsa Gjoka, Holta Kraja, Anri Troja, Luna Nasipi, Genta Zotaj dhe Malvina Shkurta!”, shprehet ajo.

“Ju dëshmuat që jeni të aftë të jepni maksimumin tuaj në ndihmë të jetës të qytetarëve duke treguar profesionalizëm e shkathtësi, gatishmëri e inteligjencë, duke e ezauruar faktin e dhënies së testit të provimit. Pasi ju u përballët në fushën e betejës për fitorën e jetës! Dhe nuk mund mos lë pa falënderuar e theksuar pjesën e ekipit të reanimacionit më të rëndësishme dhe që bëjnë punën kryesore pranë pacientit: Merita Toci Lika (Kryenfermierja), Aida Shehu, Laje Janku, Elsa Imerati, Shpresa Korumi, Besarta Bardhoshi, Alma Qefalia, Brikena Xhini, Klaudia Doga, Miranda Tosku, Blerina Mara, Migena Rakipi, Sose Selmani, Adela Belba, Arjola Ilnica, Marsela Dashi, Vjollca Metani, Bukurie Husha, Lume Luzi, Sofie Stafa, Luljeta Bitri! Mirënjohje pafund për punën dhe përkushtimin tuaj!”.

“ Ju jeni ato që qëndruat në frymëmarrjen e atyre pacientëve duke dhënë jo vetëm terapi, por edhe dashuri, duke u përkujdesur me përkushtim, profesionalizëm, pa hezituar asnjë moment pavarësisht rrezikut që mund të kishit për jetët tuaja! Të gjithë së bashku ne u përpoqëm të japim ndihmë, të japim zemër, të japim frymë të gjithë atyre qytetarëve të cilët folën më ne, na besuan jetën e tyre, shtrënguan duart me ne për ta sfiduar virusin, që me djallëzinë e tij në mënyrë të papritur të ndaltë jetën atëherë kur kishim menduar se kishim fituar”, deklaron ajo.

Duke qenë të ndërgjegjshëm deri në dhimbje që nuk mund të kënaqim deri në fund shpresat njerëzore, ajo deklaron se “për bluzat e bardha shkalla e vuajtjes është e pamatshme! Prandaj ne na quajnë “shëruesit e sëmurë”.

“E them këtë se për ne shpëtimi i jetëve sfumohet nga humbja e tyre. Në memoriet tona mbeten humbjet e jetëve njerëzore duke përjetuar me dhimbje ndalimin e një frymëmarrje, rrahje zemre, ndalimin e jetës. Ashtu si familjarët e pacientëve që ndiejnë dhimbje për humbjen e të dashurve të familjeve të tyre dhe për ne stafin mjekësor ndiejmë keqardhje për humbjen e jetës ashtu siç do ta kishim ndjerë për një pjesëtar të familjeve tona”, shprehet mjekja Cani.

Sipas saj, pavarësisht nga dhimbja e humbjes të familjarëve të tyre të shtrenjtë, qytetarët nuk nguruan të shprehin falenderimet nëpërmjet mesazheve duke shprehur mirënjohjen e shpirtrave fisnik për punën e palodhur, duke na obliguar me shumë e duke na dhënë forcë për ta vazhduar më tej luftën.

“Por ne nuk kemi kohë të vajtojmë, të lëshohemi, ne na duhet të ngrihemi, të vrapojmë pasi një jete tjetër duhet shpëtuar! Sot quhemi heronj! Ne kemi bërë një betim, ne po kryejmë detyrën që e kemi bërë e do vazhdojmë ta bëjmë pasi ky është misioni i bluzave të bardha, të shpëtojmë jetën, të sjellin buzëqeshje, të lehtësojnë dhimbjen, e të oksigjenojnë frymën njerëzore!

“Mirënjohje për ju të gjithë mjek, specializantë, infermierë e sanitarë për punën tuaj, përkushtimin, profesionalizmin tuaj! Ju jeni heronj jo të heshtur, por të shumëshkolluar që keni investuar prej vitesh në dijet tuaja, duke studiuar, trajnuar për të dhënë maksimumin e mundshëm për Triumfin e Jetës! E nderuar që jam pjesë e këtij stafi të mrekullueshëm! Puna jonë vazhdon! Të gjithë bashkë do ja dalim”, përfundon ajo. /atsh

Shefja e Reanimacionit te “Shefqet Ndroqi”: U ndeshëm me një realitet jashtë imagjinatës, mirënjohje kolegëve Read More »

Këshilla për të moshuarit dhe personat me probleme shëndetësore

Të moshuarit dhe personat me probleme shëndetësore janë në rrezik më të lartë për të zhvilluar forma të rënda të COVID.

Ministria e Shëndetësisë dhe Mbrojtjes Sociale ka ndarë disa këshilla, me qëllim edhe mbrojtjen nga rreziku i infeksionit për kategoritë më të rrezikuara.

“Lani duart. Kollituni, tështini në gropën e berrylit ose përdorni kartopecetë. Ndiqni masat e rekomanduara të distancimit. Pastroni dhe dezinfektoni shpesh sipërfaqet. Shmangni aktivitetet publike të panevojshme por komunikoni cdo ditë nëpërmjet telefonit dhe miqtë dhe familjarët. Evitoni grumbullimet publike dhe cdo aktivitet tjetër publik të panevojshëm. Mbani në shtëpi rezerva ushqimore dhe medikamente të mjaftueshme për të paktën 2 javë. Blini ushqime nëpërmjet internetit ose kërkoni ndihmë tek vullnetarët apo të afërmit. Evitoni vizitat tek të afërmit gjatë epidemisë së covid 19. Disa njerëz shfaqin simptoma të lehta dhe nuk e dinë që janë të infektuar. Kontaktet me miqtë dhe të afërmit mbajini nëpërmjet telefonit”, rekomandon ministria./atsh

Këshilla për të moshuarit dhe personat me probleme shëndetësore Read More »

Ministria e Shëndetësisë: 9 raste të reja, shkon në 782 numri i të prekurve

Ministria e Shëndetësisë dhe Mbrojtjes Sociale bëri të ditur sot se “gjatë 24 orëve të fundit janë testuar 245 persona të dyshuar me COVID-19 nga veriu në jug dhe vetëm në dy bashki kemi të prekur, ku përkatësisht në Tiranë kemi 5 persona që kanë rezultuar pozitivë prekur dhe në Krujë kemi 4 të prekur”,

Dr. Rovena Daja nga Instituti i Shëndetit Publik tha se “që nga fillimi i epidemisë deri më sot janë konfirmuar pozitivë me COVID-19 në të gjithë vendin 782 qytetarë. Prej tyre janë 488 të shëruar”.

“Duke parë të dhënat, momentalisht situata epidemiologjike në vendin tonë paraqitet e qëndrueshme. Harta e të shëruarve është zgjeruar në të gjithë vendin. Për këtë arsye, përveç zonave që kanë qenë të paprekura nga COVID-19, është zgjeruar harta e ‘zonave të gjelbra’, edhe me ato bashki që momentalisht paraqesin risk më të ulët të transmetimit të infeksionit. Aktualisht në vendin tonë janë 263 pacientët aktivë me COVID-19 dhe pjesa më e madhe prej tyre po ndiqen nga mjeku i familjes ose janë asimptomatikë, ndërsa momentalisht në dy spitalet COVID, në spitalin infektiv dhe spitalin “Shefqet Ndroqi” janë të shtruar 33 pacientë dhe vetëm 7 prej tyre janë në terapi intensive”, tha Daja.

Ajo tha se ky është një tregues që masat e marra kanë bërë të mundur që sistemi shëndetësor të mos mbingarkohet dhe të përballojë me sukses rastet të cilat kanë pasur nevojë për trajtim të specializuar në spitale.

Deri tani 31 qytetarë e kanë humbur betejën me këtë sëmundje, megjithë përpjekjet e stafit mjekësor.

Shpërndarja gjeografike e rasteve aktive, është si vijon:

Bashkia – Raste aktive

Tiranë 100

Shkodër 24

Krujë 93

Durrës 0

Fier 1

Kurbin 27

Korçë 1

Elbasan 2

Kukës 8

Lezhë 1

Has 0

Kavajë 0

Lushnjë 1

Vlorë 0

Pukë 0

Mirditë 2

Rrogozhinë 0

Tropojë 0

Berat 2

Mallakastër 0

Mat 1 /atsh

Ministria e Shëndetësisë: 9 raste të reja, shkon në 782 numri i të prekurve Read More »

Lehtësimi i masave nga e hëna/ Ministria e Shëndetësisë thirrje qytetarëve: Respektoni distancimin fizik

Pavarësisht se nga e hëna do të ketë një lehtësim tjetër të masave, Ministria e Shëndetësisë dhe Mbrojtjes Sociale u bën thirrje të gjithë qytetarëve që të vazhdojnë të respektojnë distancimin fizik dhe të mbajnë higjienën personale.

“Është shumë e rëndësishme të respektohen këto masa, pasi deri në momentin që nuk kemi një vaksinë apo trajtim të përcaktuar, vigjilenca duhet të jetë maksimale”, apeloi sot dr. Rovena Daja nga Instituti i Shëndetit Publik.

Ajo tha se “të moshuarit apo dhe qytetarët me sëmundje kronike duhet të vazhdojnë të komunikojnë me mjekun e familjes për recetat me rimbursim, duke evituar sa më shumë të jetë e mundur kontaktet me institucionet shëndetësore, përveç rasteve kur është e domosdoshme”.

“Për pyetjet që mund të keni për sëmundjet kronike apo COVID-19 ju lutem telefononi në linjën e gjelbër 0800-40-40. Por nëse keni shenja të sëmundjes COVID-19 duhet të telefononi numrin e urgjencës 127”, u shpreh Daja./atsh

Lehtësimi i masave nga e hëna/ Ministria e Shëndetësisë thirrje qytetarëve: Respektoni distancimin fizik Read More »

Tetë bashkitë në Shqipëri që nuk kanë asnjë rast aktiv me koronavirus

Situata epidemiologjike në vendin tonë paraqitet e qëndrueshme ndërsa në tetë bashki si: Durrësi, Hasi, Kavaja, Vlora, Puka, Rrogozhina, Tropoja dhe Mallakastra nuk ka asnjë rast aktiv me COVID-19.

Referuar të dhënave të publikuara sot nga Ministria e Shëndetësisë dhe Mbrojtjes Sociale, harta e të shëruarve është zgjeruar në të gjithë vendin. Për këtë arsye, përveç zonave që kanë qenë të paprekura nga COVID 19, është zgjeruar harta e zonave të gjelbra, edhe me ato bashki që momentalisht paraqesin risk më të ulët të transmetimit të infeksionit.

Aktualisht në vendin tonë janë 263 pacientë aktivë me COVID-19 dhe pjesa më e madhe prej tyre po ndiqen nga mjeku i familjes ose janë asimptomatikë, ndërsa momentalisht në dy spitalet COVID, në spitalin infektiv dhe spitalin “Shefqet Ndroqi” janë të shtruar 33 pacientë dhe vetëm 7 prej tyre janë në terapi intensive./atsh

Tetë bashkitë në Shqipëri që nuk kanë asnjë rast aktiv me koronavirus Read More »

Ministria e Shëndetësisë: 9 raste të reja, shkon në 782 numri i të prekurve

Ministria e Shëndetësisë dhe Mbrojtjes Sociale bëri të ditur sot se “gjatë 24 orëve të fundit janë testuar 245 persona të dyshuar me COVID-19 nga veriu në jug dhe vetëm në dy bashki kemi të prekur, ku përkatësisht në Tiranë kemi 5 persona që kanë rezultuar pozitivë prekur dhe në Krujë kemi 4 të prekur”,

Dr. Rovena Daja nga Instituti i Shëndetit Publik tha se “që nga fillimi i epidemisë deri më sot janë konfirmuar pozitivë me COVID-19 në të gjithë vendin 782 qytetarë. Prej tyre janë 488 të shëruar”.

“Duke parë të dhënat, momentalisht situata epidemiologjike në vendin tonë paraqitet e qëndrueshme. Harta e të shëruarve është zgjeruar në të gjithë vendin. Për këtë arsye, përveç zonave që kanë qenë të paprekura nga COVID-19, është zgjeruar harta e zonave të gjelbërta, edhe me ato bashki që momentalisht paraqesin risk më të ulët të transmetimit të infeksionit. Aktualisht në vendin tonë janë 263 pacientët aktivë me COVID-19 dhe pjesa më e madhe prej tyre po ndiqen nga mjeku i familjes ose janë asimptomatikë, ndërsa momentalisht në dy spitalet COVID, në spitalin infektiv dhe spitalin “Shefqet Ndroqi” janë të shtruar 33 pacientë dhe vetëm 7 prej tyre janë në terapi intensive”, tha Daja.

Ajo tha se ky është një tregues që masat e marra kanë bërë të mundur që sistemi shëndetësor të mos mbingarkohet dhe të përballojë me sukses rastet të cilat kanë pasur nevojë për trajtim të specializuar në spitale.

Deri tani 31 qytetarë e kanë humbur betejën me këtë sëmundje, megjithë përpjekjet e stafit mjekësor.

Shpërndarja gjeografike e rasteve aktive, është si vijon:

Bashkia – Raste Aktive

Tiranë 100

Shkodër 24

Krujë 93

Durrës 0

Fier 1

Kurbin 27

Korçë 1

Elbasan 2

Kukës 8

Lezhë 1

Has 0

Kavajë 0

Lushnje 1

Vlorë 0

Pukë 0

Mirditë 2

Rrogozhinë 0

Tropojë 0

Berat 2

Mallakastër 0

Mat 1 //atsh

Ministria e Shëndetësisë: 9 raste të reja, shkon në 782 numri i të prekurve Read More »

Manastirliu pret 30 mjekët dhe infermierët e rikthyer nga Italia: Shkruat një faqe të re në historinë e marrëdhënieve mes Shqipërisë dhe Italisë

Sapo kanë mbërritur në Shqipëri 30 mjekët dhe infermierët shqiptarë që para një muaji u nisën në Itali për të ndihmuar fqinjët tanë për përballimin e situatës së krijuar nga përhapja e COVID-19.

Ministrja e Shëndetësisë dhe Mbrojtjes Sociale, Ogerta Manastirliu, ka pritur në aeroportin ndërkombëtar “Nënë Tereza” 30 mjekët dhe infermierët duke u uruar atyre mirëseardhjen u shprehur se me vajtjen e tyre kanë shkruar një faqe të re në historinë e marrëdhënies mes Italisë dhe Shqipërisë.

“Jam shumë e emocionuar që jeni këtu pasi ishim në merak për ju pasi po shkonit në vendet më të prekura. Di që keni bërë një punë të lavdërueshme. Keni lënë mbresa tek stafi aty në spitalet në Breshia. Keni lënë mbresa tek pacientet. Ju keni shkruar një faqe të re në historinë e marrëdhënies mes Italisë dhe Shqipërisë”, tha Manastirliu.

Duke i falenderuar për kontributin e tyre, Manastirliu tha se lufta kundër COVID-19 nuk ka mbaruar dhe eksperienca e mjekëve dhe infermierëve në Itali do t’u shërbejë jo vetëm atyre por edhe sistemit shëndetësor shqiptar.

“Jam e sigurt që kjo eksperiencë do t’u shërbejë shumë ju, por edhe sistemit tonë shëndetësor. Ka nevojë për ju, ka nevojë për eksperiencën tuaj këtu. Ju jeni heronjtë modern të Shqipërisë. Dhe në këtë kohë të jesh hero dmth të tregosh solidaritet, sakrificë në një mision sublim në emër të jetës”, tha Manastirliu.

Ju do të vetëkarantinoheni brenda banesave tuaja sipas standardid dhe udhëzimit që kemi përcaktuar, më të gjitha mjetet e mbrojtjes personale. Për 14 ditë do të qëndroni brenda banesave tuaja, duke respektuar dhe standarded e sigurisë brenda familjeve tuaja.

Grupi i parë prej 30 mjekësh dhe infermierësh shërbeu për një muaj në spitalet e Breshiash, një akt solidarteti që u vlerësua nga Italia. Ata do të qëndrojnë për 14 ditë në vetëkarantimin, sipas protokolleve të përcaktuara, pavarësisht se të gjithë ata kanë rezultuar negativë për COVID-19 pas testimit të kryer para se të niseshin për Shqipëri. Aktualisht në Itali po shërbejnë dhe 60 infermierë shqiptarë, pjesë e grupit të dytë të dërguar nga vendi ynë në ndihmë të Italisë. /atsh

Manastirliu pret 30 mjekët dhe infermierët e rikthyer nga Italia: Shkruat një faqe të re në historinë e marrëdhënieve mes Shqipërisë dhe Italisë Read More »

“Për fansat e teorive konspirative”/ Kalo: Koronavirusi nuk është prodhuar nga dora e njeriut

Mjeku infeksionist, Tritan Kalo thekson se “koronavirusi nuk është prodhuar nga dora e njeriut”.

Duke iu drejtuar fansave të teorive konspirative të Sars-Cov2 / Covid-19, Kalo ka publikuar edhe një pjesë të deklaratës së Shërbimeve Inteligjente Amerikane, të cilët dolën në përfundimin se koronavirusi nuk është prodhuar nga dora e njeriut.

“Për fansat e teorive konspirative të Sars-Cov2 / Covid-19. E thonë Shërbimet Inteligjente Amerikane dhe jo unë. Komuniteti i Shërbimeve të Inteligjencës së SHBA ka mbërritur në përfundimin se koronavirusi nuk është prodhuar nga dora e njeriut ose i modifikuar gjenetikisht “……” Ëashington – Komuniteti i inteligjencës amerikane ka përfunduar se koronavirusi ” nuk ishte i manbërë apo i modifikuar gjenetikisht,” por hetimet për origjinën e shpërthimit po vazhdojnë, Zyra e Drejtorit të Inteligjencës Kombëtare (ODNI) tha të enjten”, shprehet Kalo duke shtuar se “i gjithë Komuniteti i Inteligjencës ka ofruar vazhdimisht mbështetje kritike për politikëbërësit amerikanë dhe ata që i përgjigjen virusit COVID-19, i cili ka origjinën në Kinë,” tha ODNI në një deklaratë”.

“Komuniteti i Inteligjencës gjithashtu ka konsensusin e gjerë shkencor se virusi COVID-19 nuk ishte i manbërë ose i modifikuar gjenetikisht.” (Nga: ” Inteligjenca amerikane thotë koronavirus ” jo i manmade ose i modifikuar gjenetikisht “. Olivia Gazis, CBC New 30.04.2020.)”, citon Kalo./atsh

“Për fansat e teorive konspirative”/ Kalo: Koronavirusi nuk është prodhuar nga dora e njeriut Read More »