Politike

Serbia kohë pas kohe e rindez debatin për marrjen e një pjese të territorit të Kosovës.

Mirëpo, një institut kredibil amerikan i udhëhequr nga një ish-ambasador me detyrë në Beograd, po ia tërheqë vërejtjen qeverisë në Washington të mos lejojë ndryshime kufinjsh.

Dokumenti 20 faqësh i titulluar “Koha për veprim në Ballkanin Perendimor” vend kyç i jep shtetndërtimit të Kosovës dhe rrezikut potencial që ky vend mund të hyjë në “status quo”.

Dokumenti i cili është vetëm këshillues për Administratën Amerikane sjellë detaje pikante. Aty tregohet se Presidenti i Serbisë, Aleksandër Vuçiq ka përmendur si ide finale të pajtimit me Kosovën, shkëmbimin e territoreve.

Urdhëri ishte ky: Kërcimin në pallatin e Kulturës, përgatitjen në kazerma, e anuloi Rama
Kemi qeshur e nuk e kemi besuar, kur kemi lexuar dëshminë e mjekut të shkëlqyer, të ndjerit Ylvi Vehbiu, i cili pohonte në vitet 1991-1992, se ishte lodhur shumë me Sali Berishën deri në klinikat psikiatrike të Austrisë, duke u kujdesuar që t’i “mbante mendjen në vend”, por bindjen që Sali është i lajthur, na i krijuan dy vendime qeverie, të urdhëruar e miratuar prej tij, njeri në muajin e çeljes së luleve (mars 2010) dhe tjetri, në pikun e vapës (korrik 2011).

Bëhet fjalë, për ndarjen në dy copa të Teatrit të Operas, Baletit dhe Ansamblit Popullor, sipas të cilit, artistët balerinë, koreografë, solistë e valltarë do të qëndronin në Pallatin e Kulturës kur të kishin shfaqje, ndërsa gjithë repartet ndihmëse që përgatisnin artistët dhe realizonin shfaqjet, duhej të çoheshin në depot ushtarake, të ish-Uzinës së Artilerisë, në fshatin Brar të Tiranës.

Mund t’ju duket e pabesueshme, por dy vendimet që po publikojmë, tregojnë se para 8 vitesh, kur ishte në euforinë moshore, në ekstazën dhe krizën e pushtetit, dy vite pas Tragjedisë së Gërdecit dhe 6 muaj pas vrasjeve të 21 janarit, Sali Berisha paska qenë në gjendje të rënduar e të rrënuar psikike, duke “dalë nga faza” krejt.

Me vendimin e parë, VKM nr.634, Nr.198, datë 16.3.2011, Sali Berisha urdhëroi “internimin” e Teatrit të Operas e Baletit, që të largohej nga Pallati Kulturës dhe të ushtronte aktivitet, në depot e repartit ushtarak në Brar, duke u dhënë një kapanon me sipërfaqe 980 m2, ku sipas mendjes së Berishës, do të ushtronin aktivitetin artistik punonjësit dhe specialisët e dekorit, rekuizitës, ndriçimit, kostumeve, koreografia, fonia, ekipet që bënin provat e deri tek grimi i Operas, Baletit dhe Ansamblit Popullor.

Nisur prej anormalitetit të përmbajtjes, ky vendim u la në heshtje prej sektorit të kulturës, nga marsi 2010 deri në korrik 2011, kur “skuthat” që mbante rrotull Berisha, ia kujtuan që nuk ishte zbatuar dhe ai, kërkoi shkakun, por shefat e cultures u justfikuan, duke i thënë, se nuk mjaftonte sipërfaqja e akorduar.
Kaq u desh dhe Berisha, firmosi vendimin e dytë me VKM nr.634, datë 23.7.2010, ku urdhronte Ministrinë e Mbrojtjes, që nga 980 m2 depo, Teatrit të Operas dhe Baletit, t’i jepeshin 1031 m2.

Ky vendim nisi zbatimin, por u shty e u la në harresë, përsëri me justikime, por edhe vetë Berisha nuk ia kishte terezinë asaj pune, pasi në vitin 2011 ishte zhytur në “halle” të shumta qeverisëse e personale, me 21 janarin, me videon e pazareve të Ilir Metës, me korrupsionin e ministrave dhe sidomos, me aferat e shumta korruptive të fëmijëve të tij.

Këto dy vendime, u shfuqizuan nga Edi Rama, me VKM nr. 757, datë 12.11.2014, duke ia rikthyer ushtrisë, depot që Saliu i caktoi për aktiviteitn e Teatrit të Operas e Baletit./Pamfleti

Kreu i PD, Lulzim Basha ka reaguar ndaj deklaratës së kryeministrit Rama për Vetingun.

Basha shprehet se Rama mbron dhe nuk ndëshkon politikanët e korruptuar e të lidhur me krimin.

“Tani Edi Rama po mbron nga vetingu gjyqtarët e korruptuar si Toska, Dvorani dhe Faqolli, si shpërblim për dosjet që mbyllën dhe si kapar për dosjet që duhen mbyllur. Sa herë PD denoncon me fakte konfirmimin në detyrë në kundërshtim me ligjin e Vettingut të shërbëtorit të Edi Ramës në Gjykatën e Lartë, Ardian Dvorani, Edi Rama, reagon me akuza të dala boje kundër opozitës”, shprehet ai

Basha shton se “Vettingu i kontrolluar politikisht prej Ramës, ka konfirmuar në detyrë gjyqtarë e prokurorë të korruptuar, pavarësisht rekomandimit të Operacionit Ndërkombëtar të Monitorimit për shkarkimin e tyre”. /atsh

Partia Demokratike e cilëson jo thjesht një lajm të keq konfirmimin në detyrë të Ardian Dvoranit, por një vendim që i ka vënë Vetingut, vulën e një procesi politik. Kështu, sipas deputetes së partisë Demokratike, Izmira Ulqinaku, në një komunikim nga selia blu, Ardian Dvorani është “shërbëtori politik i Edi Ramës në Gjykatën e Lartë”.

“Ardian Dvorani, simbol i korrupsionit financiar dhe politik në sistemin e drejtësisë, me 100 milionë lekë pasuri të padeklaruar apo me, të paktën, 3 shtëpi të privatizuara në kushtet e konfliktit të pastër të interesit, simboli i gjyqtarit që nuk zbaton vendimin e Gjykatës Kushtetuese për mbarimin e mandatit të tij, është edhe simbol i persekutorit të regjimit komunist në sistemin e ri të drejtësisë.

Shkodranët e njohin mirë prokurorin e diktaturës Ardian Dvorani, por çdo qytetar tjetër ka të drejtë ta dijë se Ardian Dvorani është një shërbëtor i vjetër i Partisë së Punës sa herë ajo ka qenë në pushtet, në diktaturë dhe më demokraci,me emrin Partia Socialiste apo Rilindje!”, tha Ulqinaku.

Sipas saj, Ardian Dvorani ka qenë prokurori që 1 ditë, pas krijimit të partisë së parë opozitare në vend, pas 45 vitesh diktaturë, akuzoi për terrorizëm dhe kërkoi 15 vjet për shkodranët që rrëzuan bustin e Enver Hoxhës.

“Qytetarët që kanë vuajtur nga persekutimi i prokurorit politik të diktaturës, Ardian Dvorani, janë ende gjallë dhe janë dëshmi ulëritëse sesi Edi Rama po mban në sistem shërbëtorët e diktaturës më të egër në Europë.  Ardian Dvorani është simbol i kalbjes së sistemit të drejtësisë në vend”, tha ajo. /atsh

Ish-ministri i Drejtësi Ylli Manjani ka komentuar sulmin e fundit të mazhorancës ndaj Presidentit Ilir Meta, i cili i ktheu mbrapsh kreut të qeverisë, ligjin për shembjen e teatrit Kombëtar.

“Çfarë llogjike! – shkruan Manjani. – Nëse do ta dekretonte ligjin, Presidenti nuk do të ishte palë. Tani që e ktheu, quhet palë!

Rilindasit nuk quhen as palë tashmë. Hajde, hajde! Logjikë tepsie! Do të bëjnë mirë t’i thërrasin fiqirit, rradakes, e të lexojnë Kushtetutën, jo Kushte Kullën!”përfundon Manjani me ironi.

Reagimi i Manjanit erdhi një ditë pasi PS-ja deklaroi nëpërmjet Taulant Ballës, kreu të Grupit parlamentar, lidhur me mosdekretimin e ligjit të Teatrit se “fatkeqësisht sot thirrjeve te Lulit e Mones iu pergjigj Presidenti i Republikes, i cili, deri me sot, ka patur nje sjellje te admirueshme, duke mos u bere pale as e politikave te familjes se tij, as e lojrave te partise se tij. Presidenti zgjodhi te mbaje gjalle farsen e opozites me Teatrin. Te po te njejteve individe qe protestonin kunder parkut te lodrave, kunder bulevardit te ri, kunder Rilindjes Urbane ne cdo qytet te Shqiperise.