Politike

Në nderim të figurës së ish-deputetit të Kuvendit të Shqipërisë, ish-ministrit të Mbrojtjes Luan Hajdaraga, i cili u nda nga jeta ditën e djeshme, pas një beteje të gjatë me sëmundjen, Kuvendi i Shqipërisë organizoi sot homazhe në sallën e seancave plenare, ku morën pjesë personalitete të njohura të politikës.

I pranishëm në ceremoninë e homazheve që u zhvillua në sallën e seancave plenare në Kuvendin e Shqipërisë ishte edhe Kryeministri Edi Rama, i cili ka takuar familjarët dhe u ka shprehur ngushëllimet, si dhe ka nderuar figurën e Hajdaragës.

Më herët edhe Presidenti lir Meta zhvilloi homazhe në sallën e seancave plenare të Kuvendit të Shqipërisë në nderim të jetës dhe veprës së ish-ministrit dhe ish-deputetit Luan Hajdaraga.

Presidenti Meta, pasi u përkul me respekt para trupit të pajetë të të ndjerit duke vendosur një kurorë me lule, i përcolli famijes Hajdaraga ngushëllimet më të ndjera e të sinqerta për këtë humbje të parakohshme të njeriut të tyre të dashur.

Në prani të mediave Presidenti i Republikës u shpreh për bashkëpunëtorin e tij të vjetër duke theksuar se, “Duket si një moment që nuk i takon botës reale për arsye sepse kujtimet me të janë kaq të shumta dhe kaq të jashtëzakonshme. Ai ishte kaq mendjehapur dhe po kështu me një sens të lartë humori saqë vërtet për mua do të mbetet gjithmonë i gjallë, i këndshëm dhe një njeri i përkushtuar për të përmbushur përgjegjësitë e tij dhe gjithmonë mjaft miqësor me të gjithë”.

Në ceremoni kanë marrë pjesë edhe ministra të kabinetit qeveritar si dhe deputetë të Kuvendit të Shqipërisë, të cilët i shprehën ngushëllimet familjarëve të ish-ministrit të Mbrojtjes duke e cilësuar si një humbje të një eksponenti më të madh në Partinë Socialiste që në fillimet e saj.

Ministrja e Mbrojtjes, Olta Xhaçka e pranishme në homazhet per ish – ministrin Luan Hajdaraga, u shpreh mjaft e hidhëruar për ndarjen nga jeta të tij.

“Nuk e mendoja kurrë që do e përcillnim kaq shpejt mikun dhe kolegun tonë. Hajdaraga kontribuoi dhe drejtoi me aftësi të rralla institucione të arsimit dhe të shkencës shqiptare. Hajdaraga drejtoi Ministrinë e Mbrojtjes në ato vite të vështira ku luhej fati i shqiptarëve, fati i Kosovës”, tha Xhaçka.

“Luan Hajdaraga është një rast i rrallë ku bashkohen në një të vetëm profesori, shkencëtari, politikani, legjislatori, dhe shtetari. Do ta kujtojmë si bashkëthemelues dhe nënkryetar i PS në kohët më të vështira”, theksoi ministrja Xhaçka.

Edhe Kryetarja e LSI-së Monika Kryemadhi ka shprehur ngushëllime për ndarjen nga jeta të ish-deputetit duke u shprehur se “Hajdaraga nuk ndaloi kurrë së e motivuari, dhe pse rrugët në politikë u ndanë”.

“Nuk ka lamtumirë për ty miku im Luan! Një njeri dhe qytetar i mirë si ty mbetet gjithmonë në zemrat e të gjithë atyre që e njohën. Ne ishim miq dhe bashkëpunëtorë të mirë. Edhe pse rrugët tona politike u ndanë, ti asnjëherë nuk ndalove duke më motivuar.

Sa herë takoheshim i dëgjoja me ëndje këshillat e tua, mbrujtur në mirësi. Kurrë se kam kuptuar nga të buronte gjithë ajo mirësi, por sot që nuk je fizikisht pranë nesh e kam të qartë që është nga gjërat që do të na mungojë më shumë.

Nuk do të të harroj Luan Hajdaraga, edhe sepse duam apo s’duam ti ndikove në ndryshimin e Partisë Socialiste në atë kohë kur ajo kishte frikë të ndryshonte. Ti përkrahe të rinj e të reja në ato vite që sot kanë bërë emrin e tyre. I përkrahe duke iu treguar që të jesh vetvetja është më e suksesshme se të jesh servil.

Të duam LAKE e do na mungosh prof. Luan Hajdaraga”, shkruan Kryemadhi.

Si deputet në Kuvendin e Shqipërisë dhe si ministër i Mbrojtjes, Luan Hajdaraga njihet si një nga personalitetet, i cili dha një kontribut të paçmueshëm në Partinë Socialiste./atsh

KLD e Topit, Nishanit dhe Metës kanë heshtur dhe kanë mbrojtur gjyqtarët e korruptuar
Po bëhet gati për publikim, një raport i posaçëm, përgatitur nga Ministria e Drejtësisë në ndihmë të procesit të “Vetting”-ut, me kërkesën dhe nën mbikëqyrjen e Bordit të Operacionit Ndërkombëtar të Monitorimit (ONM), lidhur me zbatueshmërinë e ligjit, gjatë ushtrimit të detyrës, nga gjyqtarët e gjithë shkallëve të gjyqësorit në Shqipëri.

Objekt i këtij raporti është vetëm verifikimi i zbatimit të afatit kohor, të nisjes dhe përfundimit, të proceseve gjyqësore penale e civile në 15 vitet e fundit, për të parë se sa kohë ka zgjatur trajtimi i dosjeve?

Pse është vonuar fillimi i çështjeve?

Pse janë shtyrë seancat?

Pse janë vonuar shpalljet dhe zbardhjet e vendimeve?

Pse janë vonuar e shtyrë seancat në shkallët e tjera të gjykimit?

Sa dosje janë rikthyer për gjykim, sa janë shtyrë me seanca dhjetëra e qindra here, me muaj e me vite, dhe pse?

Sipas Operacionit Ndërkombëtar të Monitorimit (ONM), ky raport i është kërkuar Ministrisë së Drejtësisë, mbasi nevojitet si “lëndë e parë bazë”, për Komisionin e Përhershëm të Kualifikimit (KPK), në procesin për verifikimin e bilancit të punës së gjyqtarëve të 15 viteve të fundit, që janë ende brenda sistemit të drejtësisë.

Raporti përfundimtar, që tashmë është në dorën e Operacionit Ndërkombëtar të Monitorimit (ONM), konfirmon se janë verifikuar aftatet e trajtimit të dosjeve, në 22 Gjykatat e Rretheve Gjyqësore të Shkallës së Parë, në 6 Gjykatat e Apelit, në Gjykatën e Shkallës së Parë e të Apelit të Krimeve të Rënda dhe në Gjykatën e Lartë, duke nxjerr bilancin personal, për secilin nga 352 gjyqtarët.

Sipas burimit konfidencial të “PAMFLETI”, rezulton se në 15 vitet e fundit, në të tre nivelet e gjyqësorit Fakt-Apel-Gjykatë e Lartë, janë filluar e trajtuar 6.2 milionë çështje (dosje) gjyqësore penale e civile, seancat e të cilave në total, janë shtyrë 92 milionë herë dhe mos u çuditni, por 60% e seancave të shtyra e të përsëritura, i përkasin çështjeve civile, me bazë pronat, korrupsioni shtetarëve dhe konfliktet e bizneseve me njeri-tjetrin dhe me shtetin.

Ndërkohë që përballë kësaj torture që u është bërë qytetarëve, “kulla” e Zaganjorit të “pastër” dhe KLD e Topit, Nishanit dhe prej 1 viti e Metës, kanë heshtur e po heshtin , duke mbrojtur e ngritur në detyrë gjyqtarë, të proceduar për vonesa e shitje gjyqesh, siç ishte rasti i fundit i KLD “Like” e cila si të ishte “Familje Mafioze”, mbrojti hapur 14 gjyqtarë “blozë” korrupsioni e shkelje ligjesh, që duheshin zhdukur urgjent nga sistemi i drejtësisë./Pamfleti

Lulzim Basha i është përgjigjur Kryeministrit Rama në lidhje me deklaratën e tij të fundit për Reformën në Drejtësi.

“Vetingu vijon të godasë me sukses në kokë oktapodhin e korrupsionit degjenerues në drejtësi. Po për fatkeqësinë e zgjedhësve të saj që e mbështesin Vetingun, njësoj si gjithë qytetarët e për turpin e saj më të madh, opozita hidhet përpjetë pas çdo goditje”, thotë Rama duke shtuar hashtagun Humbës pa Pikë Dinjiteti.

Basha me anë të një postimi në Facebook, shkruan se  Ramë është Koka e Oktapodit të Drejtësisë.

“Edi Rama është Koka e Oktapodit të Drejtësisë që mbron dhe nuk ndëshkon politikanët e korruptuar e të lidhur me krimin. Për të mbrojtur Tahirin, Xhafën, Roshin, Frrokun, Dakon, Sejdinin, Ahmetajn dhe Gjiknurin me shokë, Edi Rama kapi Prokurorin e Përgjithshëm dhe zhduku Gjykatën Kushtetuese dhe Gjykatën e Lartë.

Tani Edi Rama po mbron nga vetingu gjyqtarët e korruptuar si Toska, Dvorani dhe Faqolli, si shpërblim për dosjet që mbyllën dhe si kapar për dosjet që duhen mbyllur. Sa herë PD denoncon me fakte konfirmimin në detyrë në kundërshtim me ligjin e Vettingut të shërbëtorit të Edi Ramës në Gjykatën e Lartë, Ardian Dvorani, Edi Rama, reagon me akuza të dala boje kundër opozitës.

Vettingu i kontrolluar politikisht prej Ramës, ka konfirmuar në detyrë gjyqtarë e prokurorë të korruptuar, pavarësisht rekomandimit të Operacionit Ndërkombëtar të Monitorimit për shkarkimin e tyre. Ndaj atij i ka rënë maska dhe tregohet botërisht me gisht si njeriu që mbron korrupsionin në drejtësi, për të mbrojtur interesat e veta dhe të krimit të organizuar me të cilin bashkëqeveris” , shkruan Basha./pamfleti

Sa herë klikojmë fjalët “flori, gurore, vende pune, rrugë, video, skrap”, dalin emrat LSI-Ilir Meta
Duket si detaj i zakonshëm, por ka diçka të veçantë dhe tepër interesante, që e ndeshim përditë gjatë punës në kompjuter, sa herë që bëjmë kërkime fotosh e informacionesh në “Google”. Janë disa emra, terma, emërtesa, ngjarje, personazhe, informacione e foto, që sa herë i kërkon në “Google”, dalin ata të parët, sikur i ke kërkuar qëllimisht, por kështu ndodh realisht, paçka se duket edhe si “çudi”.

Por nuk është aspak çudi, që sa herë klikojmë fjalën “Flori”, del emri i Ilir Metës shoqëruar me tekstin dhe komentet, që e quajnë “hajdut i floririt” të Thesarit të Shtetit në Krrabë dhe këtë nuk e thonë vetëm komentusit, por e ka thënë dhe “Radio-Digjitali” Sali Berisha.

Sa herë klikojmë fjalën “Gurore”, përsëri del emri Ilir Metës, si biznesmen i mermerit dhe gurëve dekorativ, që po rrafshon malet e Skraparit deri në atë farë derxheje, sa bashkëfshatarët e tij të ikur prej 2 e 3 dekadash jashtë Shqipërisë, kur të kthehen nuk do ta njohin zonën, madje nuk do gjejnë dot as fshatin e tyre.

Sa herë klikojmë fjalën “Vend pune”, shfaqet logo e LSI, si parti “dispeçeri” shitje vendesh pune në administratën publike, madje dalin edhe emrat Ilir e Monika, por në versionin “diplomatik” e të zbukuruar si “bamërës”, me sloganin: “LSI punëson, sepse kujdesemi për mirqenien e njerëzve”!

Sa herë klikojmë fjalën “Rrugë”, dalin përsëri LSI dhe emrat e drejtorëve e ministrave të saj, të arrestuar për vjedhje tenderësh të rrugëve, por del edhe emri i Ilirit e Monikës, si sekserë të lirimit të tyre nga prangat.

Sa herë klikojmë fjalën “Video”, përsëri shfaqet Ilir Meta, në videon e bllokut të mbushur me pazare punësimesh, përqindje HEC-esh, trafik nafte, shitje licensash, të cilat i shpreh me zë e me figurë, por shfaqen edhe emrat e gjyqtarëve Shpresa Beçaj e Ardian Dvorani, që e nxorrën të pafajshëm.

Edhe kur klikojmë emrin skrap, përsëri del emri i LSI, dalin emrat e drejtorëve dhe “trimave” të LSI, akzuar me fakte maunesh, si parti që financohet nga shitja e skrapit të vjedhur, aq sa nëpër ndërrmarrje, fabrika e kombinate, nuk ka lënë asnjë copë bullon për inventar.

Mund të duket çudi, por edhe vetë “Google” që është valë satelitore, i ka skeduar dhe i publikon përditë emrat LSI e Ilir Meta, si të molepsur në korrupsion, ndërsa drejtësia shqiptare… nuk i ka zbuluar akoma!/Pamfleti