Politike

Reforma në Drejtësi në Shqipëri kishte në themel të saj dy objektiva kryesorë- pastrimin e sistemit të drejtësisë nga gjyqtarë e prokurorë të korruptuar e të paaftë; dhe, krijimin e Strukturën e Posaçme Anti-Korrupsion (SPAK), e cila ka si objekt të saj hetimin e zyrtarë të lartë shqiptarë.

Më shumë se dy vjet pas ndryshimeve kushtetuese, të cilat i hapën rrugën miratimit të Reformës në Drejtësi, ligjet dhe procedurat përbërëse të saj kanë krijuar një amulli dhe kolaps në gjykata e prokurori, duke vonuar krijimin e një serie institucionesh të reja, përfshirë edhe SPAK-un.

Një situatë, e cila i shkon shumë për shtat qeverisë së Edi Ramës, e cila ka dëshmuar se nuk është aspak e imunizuar nga korrupsioni në të gjithë nivelet, kjo e konfirmuar jo vetëm nga burime të brendshme, por edhe raporte ndërkombëtare prestigjioze.

Ndaj, qeveria e Edi Ramës jo vetëm që nuk ka asnjë interes për krijimin e shpejtë të SPAK-ut, por, po bën gjithçka është e mundur për ta vonuar. Këtë qëllim po e arrin nëpërmjet institucioneve të Vetingut, Komisionin e Pavarur të Kualifikimit dhe Kolegjin e Apelimit, dy struktura, të cilat do të konfirmojnë kandidatët për Këshillin e Lartë Gjyqësor (KLGJ) dhe Këshillin e Lartë të Prokurorisë (KLP), të cilat nga ana e tyre duhet të zgjedhin gjyqtarët dhe prokurorët e Gjykatës dhe Prokurorisë së Posaçme.

Por, si po realizohet kjo vonesë me vullnet politik? Komisioni i Pavarur i Kualifikimit (KPK-shkalla e parë) ka nisur prej më shumë se 10 muajsh verifikimin për kandidatët për kandidatët për KLGJ dhe KLP, në total 57 subjekte, të cilët përbëjnë edhe listën prioritare.

Deri më tani, kanë dalë para trupës së vetingu rreth gjysma e tyre. KPK argumenton se procesi i rivlerësimit është i thellë dhe kërkon kohën e tij, pasi zhvullohet hetimi administrativ për tre komponentë- pasuria, integriteti moral dhe aftësitë profesionale.

Por, ky argument rrëzohet nga vetë seancat dëgjmore të Komisionit të Pavarur të Kualifikimit, të zhvilluara deri më tani. Janë më pas se gishtat e njërës dorë rastet kur KPK ka kryer verifikim mbi të tre kriteret e gjyqtarëve dhe prokurorëve. Në shumicën dërrmuese të rasteve të deritanishme, KPK ka kryer rivlerësimin e pasurisë, duke u shndërruar në një dublikatë të një institucioni ekzistues, Inspektoratit të Deklarimit të Pasurive.

Pra, justifikimi mbi vonesën e procesit për shkak të ngarkesës, nuk qëndron. Por, gjithësesi, ai i shërben Komisionit të Vetingut që të vonojë qëllimisht të gjithë procesin e rivlerësimit të kandidatëve për KLGJ dhe KLP, një pjesë e konsiduershme e të cilëve ende nuk kanë dalë në seancë dëgjimore.

Nga ana tjetër, Komisioni i Vetingut, duke shfrytëzuar hapësirën ligjore për “listë prioritare”, shmangu nga përparësia e saj kandidatët për KLGJ dhe KLP e vijoi procedurat për anëtarët e Gjykatës Kushtetuese dhe Gjykatës së Lartë. Tashmë, rezultati është i dukshëm- Shqipëria është pa Gjykatë Kushtetuese dhe me një Gjykatë të Lartë në kolaps. Sërish, një favor që KPK i bëri qeverisë dhe maxhorancës parlamentare të Edi Ramës, të cilat tashmë janë jashtë çdo kontrolli gjyqësor për ligjshmërinë e veprimeve të saj.
Komisionet e Vetingut e kanë të qartë se, nëse do të përfundonin fillimisht rivlerësimin për anëtarët e KLGJ dhe KLP, tashmë do të ishin të çliruara mekanizmat për krijimin e institucioneve të reja, përfshirë edhe SPAK-un, si edhe plotësimin e vakancave në gjykatat më të larta të vendit. Por kjo zgjidhje nuk ka qenë aspak në prioritetet e Komisionit të Vetingut, i cili, me mekanizmat e tij dhe me vonesat në zhvillimin e procedurave, ka bllokuar të gjithë sistemin e drejtësisë.

Vonesat në shkallën e parë të Vetingut reflektohen edhe në Kolegjin e Posaçëm të Apelimit (shkalla e dytë). Ky institucion është ai që vendos përfundimisht nëse një gjyqtar apo prokuror do të qëndrojë ose jo në sistem. Pra, edhe subjektet, të cilët sot kanë një “karton të kuq” nga Komisioni i Pavarur i Kualifikimit (KPK), mund të rikthehen në detyrë nga Kolegji i Apelimit.

Një pjesë e subjekteve të shkarkuar nga Komisionet e Vetingut e kanë ankimuar vendimin në Kolegjin e Apelimit, ndërsa pjesa tjetër është ende në pritje të zbardhjes së vendimeve të shkallës së parë për të kërkuar të drejtën e tyre në shkallën e dytë.

Këtu është një histori më vete. Kolegji i Apelimit merr një kohë, të paktën 2-mujore, për të dhënë vendimin për ankimimet. Të paktën, kështu ka rezultuar në dy vendime që ka dhënë deri më tani Kolegji i Posaçëm i Apelimit. Me një llogari të thjeshtë, nëse pjesa më e madhe e vendimeve të shkallës së parë ankimohen në Kolegjin e Apelimit, atëherë konfirmimi përfundimtar për kandidatët për Këshillin e Lartë Gjyqësor dhe atë të Prokurorisë, do të kërkojë edhe disa muaj të tjerë kohë.

Po e pranojmë se, në rastin më të mirë, KLGJ dhe KLP krijohen në fund të vitit 2018, gjë e cila realisht duket e pamundur me ritmet aktuale. Ligji për SPAK ka përcaktuar se kjo strukturë hetimore krijohet brenda 8 muajve nga krijimi i KLGJ. Pra, diku nga fundi i vitit 2019 mund të shpresohet në krijimin e SPAK-ut, por edhe ky afat me pikëpyetje të mëdha, për shkak të problematikave të tjera, përveç çështjeve kohore.

Prokurorët që do të jenë pjesë e kësaj njësie speciale do të duhet të kalojnë vetingun dhe një seri filtrash të tjerë, të cilët do të marrin kohën e tyre. Por, duke parë ecurinë e deritanishme të procesit të Vetingut, me shumë mundësi, do të jenë shumë të rrallë, në mos fare, prokurorët që do të aplikojnë për të qenë pjesë e SPAK-ut.

Sipas standarteve të ndjekura deri më tani nga Komisioni i Vetingut janë shumë të pakët, jo vetëm prokurorë e gjyqtarë, por edhe qytetarë të thjeshtë që do të plotësonin kriteret, sidomos atë të pasurisë, kur për vite me radhë Shqipëria është karakterizuar nga informaliteti.

Të gjithë këto kleçka ligjore, vonesa në veting, zhvendosje liste prioritare, frikësim i gjyqtarëve e prokurorëve me procesin e rivlerësimit, shkojnë vetëm në një drejtim- dështimin e krijimit të SPAK-un në një kohë të arsyeshme. Gjithçka shkon në favor të Edi Ramës dhe maxhorancës së tij, të cilët do të vijojnë të qëndrojnë të patrazuar nga hetimet penale. Për momentin, në krye të Prokurorisë Edi Rama, me duart e Ulsi Manjës, emëroi vetëm me 69 vota Arta Markun, e cila po dëshmon bindshëm se as nuk ka ndërmend të hedhë vështrimin hetimor nga gardhi socialist.BOLDNEWS

Zhvillimet e fundit ekonomike dhe politike në Kosovë ishin në qendër të takimit që kryeministri Ramush Haradinaj zhvilloi sot në Prishtinë me Gjeneralin Joseph L. Lengyel, Shef i Byrosë së Gardës Kombëtare dhe anëtar i Shtabit të Përbashkët të Shteteve të Bashkuara të Amerikës.

“Është nder të ju kemi këtu. Ne ishim në Pentagon dhe jemi munduar ta shpjegojmë historinë dhe arritjet tona. Por, ardhja juaj në Kosovë është rast që ju t’i shihni nga afër arritjet tona. Kosova është partner i SHBA-së”, theksoi Haradinaj.

Kryeministri Haradinaj e njohu gjeneralin Lengyel, për progresin që ka shënuar Republika e Kosovës, për prioritetet e qeverisë së Kosovës, për orientimin properëndimor dhe euroatlantik dhe për procesin e tranzicionit të FSK-së në Forcë të Armatosur.

“I jemi mirënjohës SHBA-së për ndihmën e dhënë deri më tani në rrugën tonë drejt lirisë dhe në procesin e ndërtimit të paqes. Çfarë do që është arritur në Kosovë është një punë e përbashkët. Jemi optimist për arritjet dhe për orientimin tonë”, tha kryeministri Haradinaj, duke kërkuar mbështetjen e mëtutjeshme të SHBA-së në procesin e tranzicionit të Forcës së Sigurisë së Kosovës në Forca të Armatosura, transformim ky që do t’i kontribuonte stabilitetit në vend dhe rajon.

Kreu i qeverisë u shpreh se “Kosova është shtëpi e të gjithëve. Ne kemi bërë punë të mirë brenda FSK-së duke përvetësuar standarde profesionale, duke i përfshirë minoritetet dhe duke bashkërenduar veprimet tona në partneritet me aleatët tanë”.

“Kosova është kthyer në faktor stabiliteti për siguri, duke qenë bashkëpunuese në të gjitha nismat rajonale të Ballkanit Perëndimor dhe është e gatshme që të shndërrohet në ofruese e sigurisë në misionet e NATO-së në botë”, nënvizoi Haradinaj.

Nga ana e tij, Shefi i Byrosë së Gardës Kombëtare dhe anëtar i Shtabit të Përbashkët të Shteteve të Bashkuara të Amerikës, Gjeneralin Joseph L. Lengyel, vlerësoi progresin e arritur në Kosovë dhe në Forcën e Sigurisë së Kosovës duke thënë se SHBA-të do të vazhdojnë të mbështesin Kosovën.

Haradinaj e nderoi Gjeneralin Lengyel me hartën e Kosovës, si shenjë respekti dhe nderimi për kontributin e tij dhe SHBA-ve në proceset me interes për Kosovën.

Pjesë e këtij takimi ishin edhe ministri i Forcës së Sigurisë së Kosovës, Rrustem Berisha, komandanti i FSK-së, Gjeneral Lejtënant, Rrahman Rama dhe Ambasadori amerikan në Kosovë, Greg Delawie. /atsh

Çuni i Fahri Balliut, Klevis Balliu ka bërë një deklaratë mjaft të fortë.

I ftuar në intervistën e mbrëmjes në Ora News, deputeti i ri i PD tha se opozita do të ketë një aksion të fuqishëm rreth muajit shtator ku parashikohen ndryshime në sistemin politik në vend.

Balliu paralajmëron se do të ketë revolucion të fortë demokratik dhe se ai pritet të jetë në ballë të tij.

Rreth shtatorit do të ketë një aksion të fuqishëm, ballor të Partisë Demokratike në veçanti dhe opozitës në tërësi kundrejt qeverisë për arsye të shumta, siç janë koncesionet korruptive, vjedhja e pronës publike tek Teatri, inkrimimi i institucioneve të shtetit, bashkëpunimit të kësaj mazhorance me krimin e organizuatës, dështimet e saj në ekonomi çdo vit dhe këtë vit arrijnë kulmin”, garanton Balliu.

Kjo deklaratë mund të ketë tronditur disi kabinetin e qeverisë “Rama”, i cili deri në muajin shtator duhet të pregatitet seriozisht./korrieri

Shumëkush i konsideron “zhgarravina në fletore” vizatimet e kryeministrit Edi Rama, të cilat ai i konsideron art të punuar gjatë mbledhjeve qeveritare dhe takimeve të tjera zyrtare. Por, mesa duket, ka njerëz të cilët e vlerësojnë “artin” e tij dhe janë treguar të gatshëm të paguajnë plot 80 milionë lekë në tre vitet e fundit për t’i blerë e për t’i bërë pjesë të koleksionit të tyre.
Të paktën, kështu ka vetëdeklaruar Edi Rama në formularët e pasurisë, dorëzuar pranë Inspektoratit të Lartë të Deklarimit e Kontrollit të Pasurisë dhe Konfliktit të Interesave (ILDKPKI) e të publikuara në portalin “Opendata.al”.
Ajo që konstatohet në formularët e pasurisë është fakti që Edi Rama është shndërruar në shitës të pikturave të tij në kohën kur ka marrë postin e kryeministrit. Më parë, kur ka qenë kryebashkiak i Tiranës, nuk ka deklaruar asnjëherë fitime nga shitja e pikturave e vizatimeve. Mesa duket, kur është bërë kryeministër, biznesmenët kanë kuptuar dellin e tij krijues dhe kanë hapur portofolët e tyre për të blerë “vizatimet në fletore” të Edi Ramës. Ja pra që, kur bëhesh kryeministër, të ndrin edhe fati në shitje pikturash.
Sipas formularëve të pasurisë, Edi Rama deklaron se në vitin 2015 ka krijuar “Të ardhura nga krijimtaria artistike; shitje punë artistike vlera neto me detyrime tatimore të zbritura 2 694 009 (dy milion e gjashtëqind e nëntëdhjetë e katër mijë e nëntë) lekë të reja”.
Një vit më pas, në 2016, kryeministri deklaron në formularët e pasurisë “Të ardhura neto nga krijimtari dhe shitje punë artistike, 1 285 665 lekë”. Në deklaratën e fundit të pasurisë, dorëzuar në mars 2018 për fitimet e krijuara në vitin 2017, Edi Rama deklaron: “Të ardhura neto nga krijimtaria artisktike/shtije e punëve artistike, 3 894 352 Lekë të reja”.
Pra, në total, kryeministri shqiptar, vetëm në 3 vitet e fundit, ka përfituar rreth 80 milionë lekë (të vjetra) vetëm nga vizatimet në
fletore, për të cilat ka hapur edhe një seri ekspozitash në Europë dhe në Shtetet e Bashkuara të Amerikës.
Zyra e tij e propagandës nuk ka reshtuar së publikuari pamje periodike nga ekspozitat ndërkombëtare me pikturat e vizatimet e

Edi Ramës, duke e paraqitur si një kryeministër artist e vizionar. Por, në asnjë rast, nuk janë publikuar shpenzimet e realizuara për hapjen e këtyre ekspozitave dhe, për më tepër, as se kush i ka kryer shpenzimet.
Ajo që kuptohet lehtësisht është fakti që shpenzimet e ekspozitave nuk janë mbuluar nga të ardhurat personale të Edi Ramës. Nëse do të ishte kështu, shumat e shpenzuara nga portofoli i kryeministrit do të duhej të deklaroheshin në formularët e pasurisë.
Atëherë, dy janë mundësitë: ose shpenzimet e ekspozitave ndërkombëtare të Edi Ramës janë mbuluar nga fondet publike, gjë e cila përbën një shkelje flagrante të ligjit buxhetor, pasi harxhohen para të qytetarëve për trillet personale të Edi Ramës; ose janë shpenzime të mbuluara nga biznesmenët, të cilët, janë të detyruar edhe të blejnë vizatimet e tij, në këmbim të ndonjë tenderi “mirënjohës” nga ana e kryeministrit.
Sa u përket vlerave artistike të vizatimeve mbi fletore të Edi Ramës, asnjë kritik shqiptar nuk ka guximin, të paktën gjatë qeverisjes së tij, që të japë një vlerësim realist. Por, një vlerësim të tillë e kanë dhënë gazetarët zviceranë Alexxa Gotthardt dhe kolegu i saj Scott Indrisek, të cilët, në një shkrim për “Artsy.net”, në kuadër të Bienales së Venezia, në vitin 2017,
Ata shkruajnë: Në segmentin Giardini, të “Viva Arte Viva”, një dhomë e madhe është e mbuluar me një letër muri, me një seri vizatimesh gjeometrike, shumëngjyrëshe, pak si eksperimentet në fletoren e një djali kolegji të talentuar nën efektin e drogës. Për të qenë të sinqertë deri në fund, punimet nuk do të kishin ndonjë rëndësi, sikur të mos ishin bërë nga kryeministri i Shqipërisë, një njeri që u bë i famshëm sepse ngjyrosi pallatet në Tiranë, kur ishte kryetar Bashkie. Një letër muri e ngjashme është përdorur për të dekoruar zyrën e tij në godinën e qeverisë. Vizatimet janë bërë në dokumentet dhe letrat e zyrës së tij, të përzgjedhura gjatë ditës së punës”.
Pra, krtistikët zviceranë, në pak fjalë, dhanë thelbin e kryeministrit-artist dhe lidhjet e tij me biznesin e pikturave. Ato nuk do të kishin asnjë vlerë nëse Edi Rama do të ishte kryeministër-thonë dy gazetarët. Pra, qartësisht, edhe blerësit që kanë arkëtuar 80 milion lekë në portofolin e Edi Ramës nuk e kanë parë atë si artist, por si kryeministër.
inderit.

“Boldnews.al”