Politike

Partia Demokratike shprehu sot shqetësimin se Vetingu është shndërruar në një proces që nuk pastron Pallatin e Drejtësisë, por mban në sistem gjyqtarë dhe prokurorë të korruptuar, të lidhur me krimin e organizuar.

Përmes një deklarate për shtyp, zëdhënësja e Partisë Demokratike, Ina Zhupa iu referua rastit të Brikena Ukperaj, gjyqtare e Apelit në Vlorë, si një nga rastet kur Vetingu ka vepruar me dy standarde, duke ligjëruar pasuri të pajustifikuara të gjyqtares Ukperaj.

“Mosjustifikimi dhe mungesa e një hetimi të thelluar nga organet e Vetingut për një shtëpi në emër të bashkëshortit; problemet për blerjen e një automjeti, për të cilin organet e Vetingut nuk hetuan me vëmendje, si dhe mosverifikimi i plotë i ankimit të familjes Bodo kundër vendimit të dyshimtë për aferën e 200 hektarëve tokë në Karaburun, që favorizoi deputetin socialist Fidel Ylli”.

Këto, sipas PD-së, “janë tre pikat e errëta të vendimit të organeve të Vetingut, që po mban në sistemin e drejtësisë gjyqtarë të korruptuar”.

“Me shumë gjasë, gjyqtarja e Apelit të Vlorës, me pasuri të pajustifkuar, por e konfirmuar në detyrë, do të mbetet e vetmja kandidate potenciale për në KLGj, duke qenë kështu një kamikaze në këtë Këshill dhe zbatuese e qartë e skemës së Edi Ramës për të kapur sistemin gjyqësorë, vëcanërisht Gjykatën Antikorrupsion”, deklaroi PD./atsh

Kryeministri Edi Rama edhe pse ka nisur pushimet, nuk ka nguruar te jape lajmin e mire ne rrjetet sociale  ku lajmeron se Këshilli i Atlantikut të Veriut ka miratuar vendimin për të ndërtuar në Shqipëri bazën e parë ajrore në Ballkanin Perëndimor.

POSTIMI I PLOTE

NJE LAJM SHUME I MIRE!

Këshilli i Atlantikut të Veriut ka miratuar vendimin për të ndërtuar në Shqipëri bazën e parë ajrore në Ballkanin Perëndimor.

Me fondet e Aleancës së Atlantikut të Veriut dhe në partneritet me Qeverinë e Republikës së Shqipërisë, NATO do të investojë mbi 50 milion euro, vetëm për fazën e parë të projektit për modernizimin e bazës ajrore të Kucovës.

Përmes këtij projekti, i cili pritet të nisë brenda këtij viti, Kuçova do të shërbejë si bazë mbështetëse për NATO-n për
furnizim ajror; mbështetje logjistike; mbështetje për policimin ajror; si dhe trainime dhe stërvitje të Aleancës.

Kuçova do të shërbeje njëkohësisht edhe si bazë kombëtare për Forcën Ajrore Shqiptare dhe ky Investim strategjik i NATO-s në Shqipëri, do të sjellë një standart të ri për Forcat tona të Armatosura.

Padyshim, një investim i këtyre përmasave krijon mundësi të reja për zhvillimin ekonomik e social të gjithë rajonit ku planifikohet ndërtimi i kësaj baze të re ajrore të teknokogjisë së fundit.

Paralelisht, po zhvillohen diskutime direkte me partnerin tonë strategjik, SHBA, për modernizimin e mëtejsh kapaciteteve ajrore shqiptare. Së shpejti, pritet qe vendimet e përbashkëta të këtyre diskutimeve do të shkojnë për miratimin e Kongresit Amerikan🇦🇱🇺🇸

Çdo vit ueb-sajti hottestheadsofstate.com publikon një listë me emrat e liderëve më seksi në të gjithë botën.
Këtë vit në listë bën pjesë edhe kryeministri i Shqipërisë, Edi Rama.

Vendin e parë edhe sivjet, ashtu si dhe vitin e kaluar, e mban kryeministri i Kanadasë, Justin Trudeau, 45 vjeç.

Në vendin e dytë radhitet kryeministrja e Zelandës së Re Jasida Ardern, ndërsa në vendin e tretë mbreti i Butanit, Jigme Khesar Namgyel Wangchuck.
Kryeministri shqiptar Edi Rama është renditur në vendin e nëntë, duke ia kaluar edhe kolegut të tij irlandez Bjarni Benedictsson dhe atij të Greqisë Alexis Tzipras.

Lista e liderëve më seksi në botë:

1. Justin Trudeau, kryeministri Kanadasë

2. Jasida Ardern, kryeministri i Zelandës së Re

3. Tzigeme Kezar Naggel Wangtsuk, mbreti i Butanit

4. Enrique Pena Nieto, president i Meksikës

5. Joeven Molise, presidenti i Haitit,

6. Emmanuel Macron, presidenti i Francës

7. Kolinda Grabbar Kitaroviç, presidente e Kroacisë

8. Moe Jae-in, presidenti i Koresë së Jugut,

9. Eddie Rama, kryeministri shqiptar

10. Bjarni Benedictsson, kryeministër i Irlandës

11. Alexis Tsipras, kryeministër i Greqisë

Partia Demokratike ka denoncuar kryeministrin Rama se i ka dhënë të vëllait monopolin e kontrollit të tregut të bixhozit, duke fituar miliona euro nga numri i lartë i pikave të basteve, që janë 4 fishuar në 4 vjet.

“Katërfishimi i pikave të basteve në Shqipëri nuk është thjesht një marrëzi e Edi Ramës, por është një plan korruptiv i mirëmenduar për t’i dhënë të vëllait, Olsi Rama, miliona euro fitime nëpërmjet konçesionit të mbikqyrjes së lojrave të fatit. Në shkelje të çdo ligji, kontrata e konçesionit nuk është bërë asnjëherë publike dhe Ministria e Financave vazhdon të fshehë sesa do ta rëndojë buxhetin ulja e taksave për bixhozin”, tha Jorida Tabaku.

Sipas Tabakut është ndalur tek premtimi i Ramës pasi erdhi në pushtet për të mbyllur pikata e basteve, që sipas të dhënave nuk janë zvogluar, por shtuar ndër vite.

“Në vitin 2013 ishin 928 pika bastesh dhe 4 vjet pas ardhjes në pushtet të Edi Ramës, pikat e basteve janë katerfishuar, duke numëruar 4230 pika bastesh. Edi Rama që, dikur përbetohej për mbylljen e pikave të basteve dhe mashtronte shqiptarët se ishte kundër bixhozit, e ka përdorur pushtetin për t’i dhënë të vëllait monopolin e tregut të bixhozit”, shton ajo.

Tabaku tha se ligji i jep Olsi Ramës monopolin e mbikëqyrjes dhe kontrollit të tregut të bixhozit, duke e dhënë me konçesion shërbimin tek një kompani e vetme, e cila, sipas ligjit korruptiv të vitit 2015 do ta ketë këtë të drejtë për 30 vjet.

“Edi Rama po e shtyn prej 3 vjetësh hyrjen në fuqi të zbatimit të ligjit për t’i dhënë mundësi bixhozit dhe pikave të basteve të zgjerohen dhe, në këtë mënyrë, kompanisë konçesionare të të vëllait, t’i shtohet fitimi”, u shpreh Tabaku, që preton se pasi të vijë PD në Pushtet do të anulojë çdo ligj selektiv, çdo konçesion që është monopol dhe çdo favorizim nga ata që sot qeverisin me krimin e organizuar dhe po pastrojnë paratë në ekonomi.

“Rishikimi i ligjit antimafia do të sigurojë që çdo qindarkë e krimit të organizuar dhe korrupsionit të kthehet në ekonomi”, tha deputetja e PD-së./korrieri