Politike Archives - Page 435 of 579

SHBA i nxjerr të palarat Berishës, zbulon të gjitha zullumet me firmat piramidale: Mbrojte emrat e fuqishëm

Aktualitet, Politike / Aurora / August 24, 2018

Prej më shumë se dy ditësh po dalin në dritë detaje të reja nga skandali me firmat piramidale të shfaqura në Shqipëri në vitin e errët 1997. ”SOT” tregon si nisi shfarrosja e tyre dhe qendrimi që mbajti në atë kohë qeveria Berisha. Po ashtu siç thuhet në raportin e FMN-së, qeveria e asja kohe shihte nga jashtë të gjitha skandalet dhe nuk ndërhynte për t’i parandaluar.

“Gjatë gjithë vitit qeveria ishte një spektator pasiv në krizën që shpalosej. Megjithëse masa e problemit u bë e qartë kur Banka e Shqipërisë zbuloi se depozitat e VEFA në sistem ishin rreth 120 milionë dollarë (5 për qind e GDP) dhe me gjithë paralajmërimet nga FMN e Banka Botërore, Ministria e Financave nuk paralajmëroi publikun deri në tetor. Por dhe atëherë, ajo bëri vetëm një dallim të rremë e keqinterpretues mes kompanive me investime të vërteta, që sipas saj besohej si ishin të qendrueshme dhe skemave të pastra piramidale. Kur u sugjerua se disa nga kompanitë funksiononin vetëm me riciklimin e parave, Presidenti Sali Berisha u doli atyre në mbrojtje.

Reagimi i shtypit dhe i publikut ishte kryesisht negativ dhe FMN nisi të akuzohej nga shqiptarët se po përpiqej të mbyllte firmat më të suksesshme të vendit”, thuhet aty. Më tej deklarohet se në nëntor, pas presionit të jashtëm u ngrit një komision për hetimin e firmave, por ai nuk u mblodh kurrë. Më 19 nëntor Sude ndaloi pagesat dhe i gjithë sistemi u shemb. “Shembja e Sudes tronditi financat e të gjitha kompanive dhe depozitat e reja u thanë. Një tentativë e VEFA, Kamberi, Silva, e Cenaj për të bindur depozituesit se ishin të qëndrueshme duke ulur interesat në 5 për qind, dështoi. Në janar 1997, Sude e Gjallica falimentuan duke shkaktuar nisjen e trazirave”, thuhet në dokument.

Zgjimi i qeverisë

Në raportin e FMN tregohen dhe ndërhyrjet e qeverisë së asaj kohe vetëm në momentin e fundit. Sipas dokumentit, qeveria në vend që të merrte masa konkrete nis të bëjë dallime mes kompanive. “Skemat e tjera ndoqën të njëjtën linjë dhe me shumë vonesë qeveria nisi të marrë disa masa. Së pari ajo refuzoi kompensimin e depozituesve për humbjet, që e bëri më të thjesht afrimit të stabiliteti ekonomik. Së dyti ajo mori masa kundër disa kompanive duke ngrirë llogaritë e Xhaferri e Populli, të cilat arrinin në 250 milionë dollarë (10 për qind e GDP). Banka e Shqipërisë me iniciativën e saj nisi të kufizojë tërheqjet e përditshme nga llogaritë për të parandaluar skema të tjera të zbraznin llogaritë e tyre. Në shkurt parlamenti kaloi ligjin e ndalimit të skemave piramidale, por pa i përkufizuar qartë ato. Qeveria nisi të bëjë dallime mes kompanive me investime të vërteta deh atyre thjesht piramidale por nuk veproi kundër kompanive të mëdha”, thekson FMN. Më tej bëhet e ditur se në mars 1997, Shqipëria ishte në kaos. Qeveria kishte humbur kontrollin e jugut të vendit.

“President Berisha pranoi të mbante zgjedhje të reja parlamentare para fundit të qershorit dhe u emërua një qeveri e përkohshme. Ndërkohë rreth 2,000 njerëz ishin vrarë në dhunën pas shembjes së piramidave dhe pjesë të mëdha të vendit ishin jashtë kontrollit të qeverisë por të bandave kriminale që kishin zëvendësuar autoritetet”, thuhet aty.

SHBA i nxjerr të palarat Berishës, zbulon të gjitha zullumet me firmat piramidale: Mbrojte emrat e fuqishëm Read More »

Qeveria “zbarkon” në Vlorë, vendoset fati i disa ministrave

Aktualitet, Politike / Aurora / August 24, 2018

Kryeministri Rama ka thirrur anëtarët e kabinetet në qytetin e Vlorës. Ministrat e qeverisë janë janë mbledhur në qytetin bregdetar ku do të raportojnë për punën e tyre.

Të pranishëm në takimin e sotëm, përveç ministrave të qeverisë “Rama 2”, janë edhe Kryetari i Kuvendit, Gramoz Ruçi dhe Sekretari i Përgjithshëm i Partisë Socialiste, Taulant Balla.
Më herët është paralajmëruar se shtatori do të jetë edhe momenti kur disa ministra do të mbeten jashtë kabinetit. Do të jetë ky takim që do të vendosë fatin e tyre.

Qeveria “zbarkon” në Vlorë, vendoset fati i disa ministrave Read More »

‘Ujqërit e tërbuar’ rikthehen më 3 shtator, ja 10 nismat e nxehta që pritet t’i vënë ‘flakën’ Kuvendit

Politike / Aurora / August 24, 2018

Kuvendi i Shqipërisë hap dyert për sesionin e ri parlamentar më 3 shtator, ku ‘ujqërit e tërbuar’ do të rinisin sërish luftën politike. Ky sesion do të jetë tepër ‘i nxehtë’ dhe me sfida të vështira, që tejkalohen vetëm me konsensus politik, që për politikanët shqiptarë është edhe gjëja më e vështirë për t’u arritur. Opozita pritet të vijojë sesionin e ri me po të njëjtën strategji si muajt që lamë pas, duke bllokuar seancat plenare me synimin për të rrëzuar qeverinë dhe për të krijuar një qeveri anti-mafia.

‘Shqiptarja.com’ ka zbuluar dhjetë pikat më të nxehta të këtij sesioni, që pritet të ndezin Kuvendin çdo të enjte. Sfida kryesore e Parlamentit konsiston në avancimin e mëtejshëm të zbatimit të reformës në drejtësi dhe adresimin e krizës që po prodhon boshatisja e gjykatave dhe prokurorive, për shkak të veprimit të ligjit të Vetingut.

Për të plotësuar në një kohë sa më shpejtë vendet vakante në gjykata dhe prokurori, mazhoranca ka propozuar një ndërhyrje në ligjin për statusin e gjyqtarëve dhe prokurorëve, për miratimin e të cilit duhen 84 vota. Nisma parashikon që t’i hapë rrugë Shkollës së Magjistraturës për të pranuar kandidatë për magjistratë, deri kur të ngrihen KLP dhe KLGJ, ndërsa KLD të emërojë në drejtësi kandidatët që janë diplomuar nga Shkolla e Magjistraturës. Ky projektligj do të jetë në krye të agjendës së këtij sesioni parlamentar, i cili pritet të prodhojë debate të forta, por edhe tentativa për kompromis, mes mazhorancës dhe opozitës. Partia Demokratike dhe LSI kanë refuzuar votimin e projektligjit, ndërsa kanë vendosur disa kushte në këmbim të votave.

Tre janë skenarët e mundshëm për fatin e projektligjit që pret në Kuvend për t’u miratuar. Së pari, mazhoranca mund ta miratojë ligjin me 84 vota, duke siguruar 6-7 vota në radhët e LSI dhe PD. Për të evituar një skenar të tillë, në seancën e fundit parlamentare, PD dhe LSI bojkotuan Parlamentin. Së dyti, PS-PD-LSI mund të arrijnë një kompromis për miratimin e ndryshimeve. Ndërkaq, versioni më i mundshëm është shtyrja pa afat i votimit të nismës, për të pritur ngritjen e KPL dhe KLGJ.

Nismat e tjera

Një tjetër projektligj që pret votat e PD-LSI ka të bëjë me disa ndryshime në Kodin Rrugor. Nisma synon të shpëtojë emigrantët shqiptarë, shqiptarët e Kosovës dhe të huajt nga pezullimi i patentës me kusht që të paguajnë dyfishin e gjobës për shkeljen e Kodit Rrugor. Gjithashtu, shumica do të kërkojë votat e opozitës për miratimin e disa ndryshimeve në Kodin Penal, të cilat parashikojnë dënimin me burg të personave që dhunojnë apo që vrasin kafshët. Nisma ligjore mbështetet nga 20 mijë qytetarë dhe vjen pas disa akteve makabre ndaj kafshëve, kryesisht ndaj qenve. Një tjetër nismë ligjore që mund të ‘ndezë’ në debate Parlamentin është projektligji për “për Presidentin e Republikës së Shqipërisë”. Projektligji për funksionimin dhe organizimin e Presidencës është tërhequr përkohësisht, pikërisht për shkak të parashikimeve të debatueshme, por mund të rikthehet për shqyrtim dhe miratim në Parlament.

Dy ligje për koncesionet

Në Kuvendin e Shqipërisë është depozituar që në fillim të vitit 2017 një projektligj për “për koncesionet dhe partneritetin publik privat”. Nisma parashikon përshpejtimin e procedurave dhe afateve në rastin e dhënies me koncesion/PPP të ndërtimit dhe të shfrytëzimit të burimeve të energjisë së rinovueshme me kapacitet të instaluar mbi 2MË, të cilat kanë vlerë investimi jo më pak se 100 milionë euro. Nisma mund të miratohet vetëm me votat e mazhorancës, por opozita mund të bëjë rezistencë, pasi koncesionet i ka konsideruar një praktikë korruptive të qeverisë. Ndërkaq, në fillim të vitit 2016, në Kuvend është deponuar një tjetër projektligj për koncesionet. Ligji parashikon kalimin e koncesioneve për miratim në Parlament.

Projektligjet e mbetura pezull

Projektligj “për disa shtesa dhe ndryshime në ligjin nr. 96, datë 6.10.2016 “për statusin e gjyqtarëve dhe prokurorëve në Republikën e Shqipërisë” 2. Ligji për ndërtimin e teatrit të ri, i kthyer pas për rishqyrtim nga Presidenti. 3. Projektligji “për një ndryshim dhe shtesë në ligjin nr. 8378, datë 22.7.1998 “Kodi Rrugor i Republikës së Shqipërisë“, të ndryshuar. 4. Projektligj “Kodi Ajror i Republikës së Shqipërisë” 5. Projektligj “për disa ndryshime në ligjin nr. 7895, datë 27.01.1995 “Kodi Penal i Republikës së Shqipërisë” të ndryshuar”.
Projektligj “për një ndryshim në ligjin nr. 125/2013, “për koncesionet dhe partneritetin publik privat”, të ndryshuar. 7. Projektligji “për disa shtesa dhe ndryshime në ligjin nr. 125/2013 “për koncesionet dhe partneritetin publik privat”, të ndryshuar” (2) 8. Projektligj “për organizimin dhe funksionimin e policisë gjyqësore’ 9. Projektligj “për disa ndryshime dhe shtesa në ligjin nr .8331, datë 21.4.1998 “për ekzekutimin e vendimeve penale” i ndryshuar. 10. Projektligj “për një shtesë dhe ndryshim në ligjin nr. 8417, datë 21.10.1998 “Kushtetuta e Republikës së Shqipërisë”, i ndryshuar.

Projektligjet e tërhequra

Projektligji “për Presidentin e Republikës së Shqipërisë”. 2. Projektligj “për një shtesë në ligjin nr. 7651, datë 21.12.1992, “për festat zyrtare e ditët përkujtimore”, të ndryshuar. 3. Projektligj “për krijimin e institutit të studimeve për kujtesën e luftës së dytë botërore”. 4. Projektligj “për disa shtesa në ligjin nr. 112/2013, datë 04.04.2013 “për dekoratat, titujt e nderit, medaljet dhe titujt vendore të nderit në Republikën e Shqipërisë”, të ndryshuar. 5. Projektligji “për sistemin e depozitës për menaxhimin e mbetjeve në Republikën e Shqipërisë”.
Projektligj “për provimin e shtetit për profesionin e juristit”. 7. Projektligj “për disa shtesa dhe ndryshime në ligjin nr. 10465, datë 29.9.2011, “për shërbimin veterinar në Republikën e Shqipërisë”. 8. Projektligj “për disa ndryshime dhe shtesa në ligjin nr. 69/2012, “për sistemin arsimor parauniversitar në Republikën e Shqipërisë”, të ndryshuar. 9. Projektligji “për statusin e minatorit” (punonjësve të minierave në nëntokë)”. 10. Projektligji “për një ndryshim në ligjin nr. 141/2016, “për dhënie amnistie”. 11.Projektligji “për disa ndryshime dhe shtesa në ligjin nr. 10019, datë 29.12.2008 “kodi zgjedhor i Republikës së Shqipërisë”, i ndryshuar. 12.Projektligj “për disa shtesa në ligjin nr. 138/2015″ për garantimin e integritetit të personave që zgjidhen, emërohen ose ushtrojnë funksione publike” i ndryshuar, 13.Projektligj “për statusin e punonjësve të industrisë së naftës dhe gazit”./korrieri

‘Ujqërit e tërbuar’ rikthehen më 3 shtator, ja 10 nismat e nxehta që pritet t’i vënë ‘flakën’ Kuvendit Read More »

Petrit Vasili/“Rama është pulë, llafazan, arrogant, gojepis dhe bashkëpunon me 40 banda”

Opinione, Politike / Aurora / August 24, 2018

Petrit Vasili ka vijuar sërish me akuzat ndaj kryeministrit Edi Rama. Kreu i grupit parlamentar të LSI-së, thotë se Rama bashkëpunon me 40 banda.

“Kryeministri i Shqiperise bashkejeton me 40 banda kriminale te deklaruara nga ai vete. Keto banda i buzeqeshin kryeministrit dhe ai ju buzeqesh atyre se kane shume gjera te perbashketa mes vedi. Kryeministri ka frike edhe te flase e jo më ti godase bandat.
Kryeministri,qe ben llafazanin,arrogantin, gojepisin dhe qe kakaris si gjeli ne pleh,kur vjen fjala te bandat rri si pule e hutuar”, shkruan Vasili.

Ndër të tjera ai thotë:

“Ministri i Brendshem i Italise Matteo Salvini hapi nje front lufte te pameshirshme ndaj krimit te organizuar,bandave,trafikantëve të droges dhe te qenieve njerezore ne Itali.

Rezultatet e tij brenda pak javeve kane qene te jashtezakonshme dhe mbeshtetja e qytetareve italiane per te rritet ne menyre spektakolare,ndersa shqetesimi i bandave te krimineleve me i madh se kurre.

Duke i goditur ne zemer bandat Salvini ai po perballet edhe me kercenimet me vdekje prej te tyre. Ndersa kryeministri i Shqiperise bashkejeton me 40 banda kriminale te deklaruara nga ai vete.

Keto banda i buzeqeshin kryeministrit dhe ai ju buzeqesh atyre se kane shume gjera te perbashketa mes vedi. Kryeministri ka frike edhe te flase e jo më ti godase bandat.

Kryeministri,qe ben llafazanin,arrogantin, gojepisin dhe qe kakaris si gjeli ne pleh,kur vjen fjala te bandat rri si pule e hutuar.Kuptohet ka frike.

Megjithse Departamenti Amerikan i Shtetit dhe CIA flasin qarte per krimin e organizuar, pastrimin dhe parave te pista i vetmi qe nuk flet, nuk leviz gishtin, nuk vepron eshte vetem ai, kryeministri”,shprehet më tej kreu i grupit të LSI-së”, nënvizon Vasili.

Petrit Vasili/“Rama është pulë, llafazan, arrogant, gojepis dhe bashkëpunon me 40 banda” Read More »

Fatos Nano lëshon bomben për Ramen: Ik largohu, nuk je i denjë për…

Opinione, Politike / Aurora / August 24, 2018

Ish kryeministri Fatos Nano pas aktivizimit në rrjetet sociale, nuk mund të qëndrojë larg opinionit politik. Në një reagim të fundit ai shkruan se koha për Ramën kryeministër ka perënduar, duke kërkuar largimin e tij.

“Pushteti të ndryshon, të verbon dhe ndonjëherë të ngadalëson, por duhet ta pranosh gjithmon se kur të vjen fundi, duhet të dorëzohesh sepse atëherë Shqipëria mund të ecë para. Ti dhe aq sa munde, por nuk je i denjë për ta ndrydhuar më Shqipërinë, je në kohë për t’u larguar, sepse populli humbi besimin në ty”, shkruan Nano.

Por pas këtij postimi interesante janë komentet e ndjekësve në Facebook. Ata kanë shpërthyer në kritika ndaj Nanos, teksa shkruajnë se vetë ai e solli në politikë.

“Ai që e shkatërroi këtë vend, është ai mosmirënjohës që ti solle në politikë”, shkruan një nga komentuesit.

Fatos Nano lëshon bomben për Ramen: Ik largohu, nuk je i denjë për… Read More »

“The Washington Times” godet sërish qeverinë shqiptare: Vettingu po i jep fuqi absolute Ramës

Aktualitet, Politike / Aurora / August 24, 2018

The Washington Times godet sërish qeverinë shqiptare. Një shkrim tjetër ka pasuar atë për ambasadorin amerikand Donald Lu, për të cilin u tha se ka punuar kundër presidentit Donald Trump dhe ka mbështetur kryeministrin Edi Rama.

Shkrimi mban datën e djeshme, ndërsa kësaj radhe i kushtohet reformës në drejtësi dhe vettingut. Sipas The Washington Times vettingu po zhduk kundërshtarët politikë të Ramës dhe po i jep fuqi absolute duke vendosur pas gjithë kësaj miliarderin George Soros.

Në shkrim thuhet se gjykatës të korruptuar janë mbajtur në detyrë dhe zyrtarë te ndershëm janë larguar nga detyra, nëse ata besojnë gjënë e gabuar ose mbështesin partinë e gabuar. “Në vitet e fundit, Shqipëria është kthyer në një narkoshtet, duke u zhvendosur në krye të listave të prodhimit të marijuanës që trafikohet në Itali dhe në pjesën tjetër të Europës. Drogat e forta janë gjithashtu shumë të përhapura”, shkruan opinionisti.

SHKRIMI I PLOTË
Titulli origjinal: Axhenda devijuese e Soros simbolizohet nga prishja e reformës në Shqipëri
Nga L. Todd Wood – The Washington Times
Reforma në drejtësi dukej si një ide e mirë në Shqipëri, e cila, si shumë vende ish-komuniste, po përballet me pasojat e një trashëgimie dhjetëra vjeçare korrupsioni.

Nuk ka hapësirë të mjaftueshme në këtë rubrikë për të hyrë në detajet e ndërlikuara të kësaj reforme, por ndikimi keqdashës i organizatave dhe këshilltarëve të financuar nga miliarderi liberal hungarezo-amerikan George Soros, është i qartë në Shqipëri, ndërsa zyrtarët shqiptarë përpiqen të rishikojnë sistemin gjyqësor.

“Procesi i reformës” i cili filloi në vitin 2016, i ndihmuar dhe mbështetur nga ekspertë të financuar nga Soros dhe e nxitur fort nga Ambasada e SHBA në Tiranë, në të vërtetë, ka lënë vendin pa gjykata. Në këtë mënyrë, qeveria e tanishme socialiste, e kryesuar nga Kryeministri Edi Rama, ka mundur të miratojë ligje, të cilat nuk kanë thuajse asnjë mundësi kontrolli ligjor, ndërkohe që Prokuroria është mbushur me emërime politike.

Askush nuk e di se kur gjykatat do të plotësohen e do të mund të jenë funksionale si një pushtet i pavarur. Kur në fakt ky ishte i gjithë thelbi i reformës.

Problemi duket se është struktura, që “ekspertët” shtynë popullin shqiptar të besonte. Pas injorimit të shumë paralajmërimeve nga shqiptarët me përvojë në sistemin gjyqësor, u krijua një proces i rreptë verifikimi (vettingu) me supozimin se do të garantonte largimin nga sistemi te gjykatësve dhe prokurorëve të korruptuar.

Por shumë pak kandidatë ia kanë dalë procesit të vettingut, duke i lënë gjykatat pa kuorumin e nevojshëm dhe të pamundura për të vendosur mbi kushtetutshmërinë e veprimeve të qeverisë mbi ligjet e miratuara.

Sa e favorshme për qeverinë!
Procesi i vettingut është përdorur gjithashtu për të zhdukur kundërshtarët politikë nga çdo rol në të gjitha pushtetet, duke ruajtur fuqinë absolute të z. Rama. Natyrisht, gjykatës të korruptuar janë mbajtur në detyrë dhe zyrtarë te ndershëm janë larguar nga detyra, nëse ata besojnë gjënë e gabuar ose mbështesin partinë e gabuar.

Kur e gjitha kjo kombinohet me ndryshimet kushtetuese të bëra në vitin 2008, të cilat vendosën që ligjvënësit të mos zgjidheshin më drejtpërdrejt, por u zëvëndësua me një sistem me listë partie, në thelb populli shqiptar u privua nga e drejta për të zgjedhur. Sërish, e gjitha kjo duket se ka qënë rezultati i dëshiruar gjatë gjithë kohës.

Në vitet e fundit, Shqipëria është kthyer në një narkoshtet, duke u zhvendosur në krye të listave të prodhimit të marijuanës që trafikohet në Itali dhe në pjesën tjetër të Europës. Drogat e forta janë gjithashtu shumë të përhapura. Varësia dhe problemet e tjera të drogës po bëhen normë në një vend me vetëm 2.5 milionë njerëz, që është duke u stërmunduar.

Gjithashtu, Shqipëria është duke u bërë një pikë trafikimi dhe një portë për në Europë për drogat e forta që vijnë nga Amerika e Jugut dhe Azia Qendrore. Kritikët thonë se ligjet e miratuara në parlament, që nuk janë subjekt i shqyrtimit të një Gjykate Kushtetuese, pasi është jofunksionale, po ndihmojnë në pastrimin e parave të kësaj tregtie droge.

Amerikanët dhe evropianët po injorojnë të gjithë këtë situatë, ndoshta për të shmangur pranimin e dështimit te axhendës Soros/globaliste, e cila pas shumë përpjekjeve për t’u futur, nuk funksionoi në këtë rajon. Ose, ka funksionuar shumë mirë, por rezultati nuk ka qenë ai që duhej për popullin shqiptar.

Socializmi nuk është asnjëherë për njerëzit, por gjithmonë për pushtet. Në fund të fundit, ka të bëjë me marrjen e kontrollit në mënyrat që Marksi i kuptoi qartë. Z. Soros është duke u përpjekur të kopjojë një shabllon të dështuar majtist në të gjithë Ballkanin, duke promovuar një shoqëri me kufij të hapur, e ngjashme me një Jugosllavi të re dhe sigurisht të kontrolluar nga socialistët.

Bashkimi Evropian i ka dhënë shumë rëndësi natyrës së supozuar antidemokratike të reformës gjyqësore në Poloni dhe Hungari, por ka injoruar situatën shumë më të tmerrshme dhe të pandershme, që po ndodh në Shqipëri. Siç dihet, rrezet e diellit janë gjithmonë dezinfektuesi më i mirë.

“The Washington Times” godet sërish qeverinë shqiptare: Vettingu po i jep fuqi absolute Ramës Read More »

Si erdhi në pushtet Vladimir Putin, ç’ndodhi në 1996 dhe roli i SHBA-së

Politike / Aurora / August 24, 2018

Nderkohe qe zien ende debati per nderhyrjen ruse ne zgjedhjet e fundit presidenciale te SHBA, nje kthim pas ne histori, tregon fakte e te dhena se cfare ka ndodhur ne Rusine e vitit 1996. Ne kohen kur vendi do te zgjidhte pasuesin e Boris Jelcinit dhe si erdhi ne pushtet presidenti Putin.

Nga Stefën Kinzër/

Për një nga fuqitë më të mëdha botërore, ndërhyrja sistematike në politikën presidenciale të një vendi tjetër, është një akt i pastër agresioni. Por kjo ndodhi. Duke u ndodhur në një kryeqytet të largët, krerët politikë ia dolën të siguroheshin që kandidati i favorizuar prej tyre, të fitonte zgjedhjet kundër rivalëve që i frikësonin ata.

Ata ia dolën. Votuesit u manovruan, me zgjedhjen e një presidenti që i shërbeu interesit të fuqisë ndërhyrëse. Ky ishte një projekt i mirë-organizuar, i sponsorizuar nga qeveria, për të shkatërruar vullnetin e votuesve në një vend tjetër – një farë vandalizmi politik shumë i suksesshëm në një shkallë globale.

Ishte viti 1996. Rusia po zgjidhte një president për të pasuar Boris Jelcinin, presidenca katastrofike e të cilit, e kakarterizuar nga kolapsi social post-sovjetik, dhe një luftë e egër në Çeçeni, kishte sjellë një rënie dramatike të popullaritetit të tij.

Presidenti amerikan Bill Klinton, vendosi se interesat amerikane do të shërbeheshin më së miri, duke gjetur një mënyrë për të ri-zgjedhur Jelcinin, pavarësisht nga papëlqyeshmëria e tij e madhe. Jelcin ishte i sëmurë, një i alkoolizuar kronik, dhe shihej në Uashington si tepër i lehtë për t’u kontrolluar. Klinton krijoi lidhje të ngushta me të.

Ai ishte “Kandidati ynë Mançurian”.“Unë e di që populli rus duhet të zgjedhë një president, dhe ne duhet ta vazhdojmë atë ndihmojmë në çdo aspekt”- tha ai. Më vonë, Klinton ishte edhe më kategorik:”Dua që Jelcin të fitojë thellësisht!”. Pas kësaj, burimet publike dhe private të Shteteve të Bashkuara, u vunë në dispozicion të një kandidati presidencial rus.

Një pjesë e planit amerikan ishte publike. Klinton filloi të lavdërojë Jelcinin, si një burrë shteti të klasit botëror. Ai mbrojti taktikat brutale të presidentit rus në Çeçeni, duke e krahasuar atë me Abrahamin Linkolnin për përkushtimin e tij për të mbajtur kombin e bashkuar.

Sa i përket bombardimeve që Jelcin urdhëroi ndaj parlamentit rus në vitin 1993, dhe që shkaktuan vdekjen e 187 personave, Klinton këmbënguli se miku i tij kishte “bërë çmos” për ta shmangur atë. Ai nuk përmendi planin e tij për ta zgjeruar NATO-n deri në kufijtë e Rusisë, dhe nuk tha kurrë asnjë fjalë për shkatërrimin e ekonomisë së dikurshme shtetërore të Rusisë nga kleptokratët e lidhur me Jelcinin.

Përkundrazi, u dha atyre një dhuratë spektakolare. Katër muaj përpara zgjedhjeve, Klinton urdhëroi që Fondi Monetar Ndërkombëtar t’i japë Rusisë një ndihmë prej 10.2 miliardë dollarësh. Jelcini përdori një pjesë të parave për të paguar blerë zgjedhjet, ndërsa pjesa tjetër u zhduk shumë shpejt në llogaritë e bankave të huaja të oligarkëve rusë.

Mesazhi ishte i qartë:Jelcin dinte se si ta trondiste “pemën e parave” perëndimore. Në rast se dikush e ka harruar, Klinton shkoi në Moskë disa javë më vonë, për të festuar me partnerin e tij rus. Oligarkët u rreshtuan në anën e Jelcinit. Diplomatët amerikanë, bënë të mundur që një nga rivalët e tij të braktiste garën presidenciale, në mënyrë që Jelcin të përmirësonte shanset e tij.

Katër konsulentë politikë amerikanë u shpërngulën në Moskë, për të ndihmuar në drejtimin e fushatës së Jelcinit. Fushata u dha atyre 250.000 dollarë në muaj për këshilla, për “metoda të sofistikuara të votimit, kontaktimit të votuesve dhe organizimit të fushatës”.

Ata organizuan grupe fokusimi dhe dizenjuan mesazhe reklamash, me qëllim nxitjen e frikës nga votuesit për trazirat civile. Kur panë një raport të CNN nga Moska, që thoshte se votuesit po anonin drejt Jelcinit, pasi kishin frikë nga trazirat, një nga konsulentët bërtiti në mënyrë triumfale:”Funksionoi! E gjithë strategjia ka funksionuar. Ata janë të frikësuar për vdekje!”.

Jelcin i fitoi zgjedhjet me 54 përqind të votave. Procesi i numërimit ishte i dyshimtë, dhe Jelcini kishte abuzuar rëndë me fondet e fushatës, por grupet amerikane, disa të financuara pjesërisht nga Uashingtoni, nxituan të shpallnin panairin e zgjedhjeve. “The Neë York Times” e quajti atë “një fitore për Rusinë”. Në fakt, ishte e kundërta:një fitore nga një fuqi e huaj, që donte të vendoste kandidatin e saj në presidencën ruse.

Ndërhyrja amerikane në zgjedhjet ruse të vitit 1996, nuk ishte e fshehtë. Përkundrazi, shtypi lavdëronte aftësinë e SHBA-së për të diktuar politikën e një vendi që dikur e kishim frikë. Kur Klinton nxiti FMN-në t’i jepte Jelcinit dhe shokëve të tij 10.2 miliardë dollarë, Uashingtoni pohoi:”Tani kjo është mënyra e drejtë, për t’i shërbyer interesave perëndimore…Është përdorimi i instrumentit politik të butë, por të fuqishëm të Fondit Monetar Ndërkombëtar”.

Pasi Jelcin fitoi, “Time” e vendosi në kopertinë, duke mbajtur një flamur amerikan. Titulli ishte, “Faleminderit pët shpëtimin:Historia sekrete e ndihmës së këshilltarëve amerikanë në fitoren e Jelcinit”. Historia u bë më vonë një film me titull “Spinning Boris”.

Kjo ishte ndërhyrja e parë e drejtpërdrejtë në zgjedhjet presidenciale, në historinë e marrëdhënieve SHBA-Rusi. Ajo prodhoi rezultate të këqija. Jelcin, i hapi asetet e vendit të tij për një plaçkitje masive. Ai e shndërroi në një djerrinë kryeqytetin çeçen, Grozni. Standardet e jetesës në Rusi, ranë në mënyrë dramatike. Pastaj, në fund të vitit 1999, i rrënuar nga problemet shëndetësore, ai tronditi vendin dhe botën duke dhënë dorëheqjen.

Në aktin e tij të fundit, ai caktoi pasardhësin e tij:një oficer të panjohur të shërbimit sekret me emrin Vladimir Putin. Është një ironi e këndshme, që tregon se sa e pamend mund të jetë ndërhyrja në politikat e një vendi tjetër. Nëse Shtetet e Bashkuara, nuk do të ishin përfshinë në zgjedhjet presidenciale ruse 22 vjet më parë, sot me siguri nuk do të përballeshim me Putinin.

Burimi: “The Boston Globe” Në shqip nga bota.al

Si erdhi në pushtet Vladimir Putin, ç’ndodhi në 1996 dhe roli i SHBA-së Read More »