Politike

Deputetja demokrate Grida Duma herë pas here godet me fjalimet e saj filozofike. Këtë herë Grida ka deliruar deri aty, sa thotë se njeriu duhet të arrijë në atë pikë sa të tjerët “mos të kenë çfarë të bëjnë pa ty”.  Sigurisht nuk imagjinohet selia blu pa Grida Dumën, sepse është shembulli se si falë lidhjeve të duhura ka arritur aty ku është. Njihuni më poshtë me ‘sekretet’ e karrierës së Grida Dumës.
Fjalimi i plotë:

Të dashur miq, Po ndaj me ju pjesëza të një komunikimi, shpresoj, të ndryshëm, por sidoqoftë prej kohësh të munguar, që pata së fundmi me qindra të rinj, të aftë dhe të vendosur t’ia dalin mbanë.

Me të rinj që stërvisin zakonet e tyre të jetës për të prekur suksesin që meritojnë, pa u dorëzuar.

Së bashku diskutuam fillesat e suksesit, pikënisjet e tij në jetën reale, në eksperiencat vetjake: “çfarë ndodhi”, “ku dështova”, “cilat janë arritjet”, “si kam ecur deri sot”, pra çfarë sekretesh na mëson jeta përtej bankave të shkollës.

Në një komunikim të drejtëpërdrejtë gjurmuam shtysat dhe teknikat e suksesit dhe arritjes, duke ndjekur një model që zhvillohet prej kohësh në botën perëndimore.

Nuk mjafton thjesht të bësh disa gjëra mirë, dhe “do gjesh” mirë; në realitetin tonë të shumtë janë njerëzit që shumë gjëra i bëjnë mirë, por nuk ia dalin mbanë në fund.

S’mjafton të kesh rezultate të mira në kartona diplomash, s’mjafton as t’ia hedhësh fajin sistemit që funksionon keq, e pastaj të përfundosh vetë akoma më keq; suksesi, kur e arrin, është shumë më tepër se kaq.

Që t’ia dalësh mbanë sot nuk mjafton të ëndërrosh, as të bësh ca gjëra mirë; duhet të stërvitesh fort në mendje dhe në zakonet e përditshme. Zakone fare të vogla -nga ngrënia e mëngjesit, tek ecja në rrugë, tek veshja e duhur, e më pas stërvitja e trurit si qendër force.

Të stërvitësh zakonet, të stërvisësh forcën, të bëhesh i domosdoshëm; “mos të kenë çfarë të bëjnë pa ty”; kjo është çështja.

Duket disi e pabesueshme që edhe në më të keqin e sistemeve ti mund ta kontrollosh fatin tënd. Kjo mund të ndodhë vetëm nëse ti vendos tia nisësh sot, pa çuar kot asnjë minutë.

Suksesi nuk është fat -është teknikë; është bashkimi i disa gjërave që mund të stërviten brenda teje dhe më pas fitoren nuk e sheh më në dritare, por në pasqyrë.

Sistemet do të jenë gjithmonë të padrejta; të tjerët mund të duan të mos ia dalësh kurrë, aleati i vetëm është vetja jote – mos u dorëzo, mos e lër veten vetëm!
Vetja duhet stërvitur në mendje dhe në zakonet e përditshme.

Nuk mund të jesh i varur nga të tjerët pa fund, përkundrazi suksesi duhet të jetë varësia jote; pas kësaj do të udhëheqesh ti!

Maxhoranca ka pranuar dekretin e Presidentit të Republikës në lidhje me ligjin që i hap rrugë prishjes së Teatrit Kombëtar dhe ngritjes së një teatri të ri.

Deputeti socialist Eduard Shalsi tha në mbledhjen e komisionit të veprimtarive prodhuese se ky nuk është rasti i parë i pranimit të dekretit të Presidentit. Në komisioni ishin të pranishëm edhe deputetët e opozitës.

“Kemi arritur në konkluzionin e pranimit të dekretit të presidentit. Nuk është rasti i parë që Kuvendi pranon dekretin e presidentit. Kemi rastin kur është kërkuar të rrëzohet dhe kemi rastin kur me argumente është pranuar.

Kemi ndërmarrë edhe disa diskutime me individë të ndryshëm apo disa sugjerime që kanë ardhur në vëmendjen e komisionit, psh afatet për një thirrje të hapur. Në diskutime me grupe të ndryshme kemi arritur sot në një draft propozim që do ta shqyrtojmë në komision në lidhje me ndryshimet në ligj”, tha Shalsi.

Më herët dekreti i Presidentit nuk kaloi në Kuvend por u shty dhe vetëm pas deklaratës së KE-së maxhoranca ktheu rrugë.

Kreu i qeverisë, Edi Rama pas akuzave të shumta se është i lidhur me oligarkët dhe pasanikët, ka nisur një fushatë për kurimin e imazhit të tij. Ndryshe nga më parë ku binte në sy veshja klasike dhe e shtrenjtë Rama tani vishet keq. Jo vetëm kaq por, pas vizitave të familjavet e varfër, ka publikuar një foto ku tregohet duke udhëtuar si të gjithë të tjerët me avion.

Rama ka filluar të vizitojë familjet në nevojë duke e paraqitur veten si kryeministri që kujdeset për ta ndërkohë që në të vërtetë, qeveria nuk shërben si lëmoshëdhënëse, por kujdeset që të hapë vende pune dhe krijojë mundësi zhvillimi lokal, rajonal dhe kombëtare në mënyrë që individët ta ndërtojnë vetë të ardhmen.

Së fundmi, kryeministri Rama ka hedhur në media përmes kanaleve të tij të Marrëdhënieve Publike një foto ku duket thuhet se po udhëton me economy class nga Tirana për në Romë me shpresën se do të harrohet se udhëtoi nga Tirana për në Ankara apo nga Tirana për në Torino me charter të posaçëm.

PD do të rikthehet sot në Kuvend, pas tre javësh nga bojkotimi i saj.

Në mbledhjn e grupit të PD është vendosur që deputetët e kësaj force politike të marrin pjesë në Komisionin e Veprimtarisë Prodhuese, ku do të diskutohet dekreti i Presidentit për ligjin e Teatrit  të ri.

Mbledhja e Komisionit është parashikuar të zhvillohet sot orën 15:00.

Kreu demokrat, Lulzim Basha, ka zbuluar datën dhe ditën kur do të nisë Vettingu në politikë, duke ju futur tmerrin shumë politikanëve që i tremben në palcë këtij ligji, si Sali Berisha, Ilir Meta, apo Monika Kryemadhi.

Gjatë bashkëbisedimit me gazetarët, Basha tha se Vettingu në politikë do të nisë ditën e premte. Basha u shpreh se opozita ka kërkuar mbledhjen e Këshillit të Legjislacionit për që projekt-ligji i vettingut në politikë të nisë rrugën e tij.

“Të premten Gramoz Ruçi duhet të mbledhë këshillin e legjislacionit dhe komisionin e ligjeve për të nisur pa vonesë procedurën kushtetuese të amendimeve kushtetuese.

Opozita ka vendosur të njëjtat definicone, i njëjti ligji si për gjyqtarët e prokurorët janë votuar nga Rama, Tahiri, Xhafaj dhe nuk ka pse të ketë alibira. Opozita nuk do të jetë fasadë e një qeverie që do të bashkëqeverisë me krimin, ndaj është emergjencë të nisë menjëherë procedura.

Nuk do të lejoj që për sa kam në dorë, të kapet të merret peng nga diskutime teksnike, që natyrisht do të bëhen pasi të merret vendimi politik. Procedurën sesi evidentohen faktet e kemi në Kushtetutë, modeli është ligji i Vetingut.

Jo para se Edi Rama dhe të tijtë të jenë shprehur jo më me fjalë me batutat apo me përralla, pro me vonë nëse janë pro. Ditën e premte do të mblidhet Këshilli i Legjislacionit dhe Komisioni i ligjeve dhe brenda tre javëve do të procedojmë me votë. Të sigurohemi që rrjeta e Vetingut në politikë të mos lërë as peshq as balena të shpëtojnë”, delkaroi Basha./korrieri