Politike

Partia Demokratike, prit sot në një diskutim të hapur në selinë e saj, përfaqësuesen e PPE-së si Doris Pack, e cila deklaroi se politikanët duhet t’i motivojnë të rinjtë që mos të largohen nga vendi.

Ajo në këtë takim në Selinë e PD-së, bëri një apel të fortë, ku theksoi se Tirana në krahasim me 5 vitet e mëparshme, nuk ka nevojë për shumë kulla, por vendin e tyre duhet ta zërë ndërtimi i shkollave.

“Jam shumë e kënaqur që shumë të rinj që kanë zgjedhur të mos largohen nga ky vend. Të rinjtë po largohen nga Kosova, Shqipëria, Maqedonia, Kroacia, jo ndodh, sepse politikanë nuk po dinë ti mbajnë të rinjtë. Duke krahasuar situatën e para 5 vitesh, Shqipëria nuk nevojë për shumë kulla, por për më shumë shkolla. Ka nevojë për investime, ato do të vijnë kur ka garanci ligjore”, tha ajo.

Komisioni i Pavarur i Kualifikimit dhe Operacioni Ndërkombëtar i Monitorimit kanë nisur dje punën për ngritjen sa më shpejt të Strukturës së Posaçme Antikorrupsion. Për ndërkombëtarët nuk ka kthim pas, ndonëse politika shqitpare po kthen çdo gur që procesi të ngecë.

Të parët që do garojnë për të qenë në SPAK janë anëtarët e Krimeve të Rënda. Për këtë arsye dje Komisioni i Pavarur i Kualifikimit përmes një njoftimi ka bërë të ditur se kanë hyrë në veting 16 prokurorë të Krimeve të Rënda. Sapo të mbyllet vetingu për ta, ata automatikisht kanë të drejtë të bëhen pjesë e SPAK, nëse bien dakord bashkë me familjarët që të jenë në përgjim dhe t’u monitorohen llogaritë bankare, raporton ‘Sot’. Fakti që KPK po fut në veting prokurorët e Krimeve të Rënda, duket se plani i amerikanëve është që të ngrihet sa më shpejt Prokuroria e Posaçme, e cila do të godasë në nivele të larta. KPK ka nxjerrë një listë me 36 emra që do të vetohen, ku 16 janë Prokurorë të Krimeve të Rënda, ndërsa pjesa tjetër janë gjyqtarë të Apelit.

“Në zbatim të ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”, të pikës 11 të nenit 3 dhe të pikës 4 të nenit 6 të “Rregullores për procedurat e zhvillimit të shortit në Komisionin e Pavarur të Kualifikimit”, pas miratimit të listës me vendim nr. 45 të datës 11.09.2018 të Komisionit, më 17 shtator 2018 janë shortuar dhe kanë filluar procedurat e rivlerësimit për subjektet e rivlerësimit”, thuhet në njoftimin e KPK. Fakti që janë futur në veting anëtarë të Krimeve të Rënda dhe të Apelit, do të thotë se ndërkombëtarët duan që të mos ketë asnjë vonesë me SPAK dhe KLGJ. Sapo SPAK të marrë jetë, KLGJ e KLP do hapin garën për anëtarë të SPAK dhe të parët që kanë të drejtë janë anëtarët e Krimeve të Rënda. Në listën e siguruar nga gazeta bëhet fjalë për emra që kanë pasur në dorë dosje të mëdha dhe pritet që të shfarosin korrupsionin në nivele të larta.

Përcaktimet në ligj

Kushtetuta dhe ligji e kanë përcaktuar qartë se të parët që kanë të drejtë të garojnë për organet antikorrupsion janë gjyqtarët dhe prokurorët e të dyja shkallëve te Krimet e Rënda. “Prokurori në detyrë në Prokurorinë e Krimeve të Rënda të Shkallës së Parë ose të Apelit qëndron në pozicionin e tij deri në momentin e krijimit të Prokurorisë së Posaçme, me përjashtim të rasteve kur ka shkaqe për mbarimin e statusit të magjistratit, në zbatim të pjesës III, kreu VIII, të këtij ligji, ose si rezultat i procesit të rivlerësimit, në përputhje me ligjin “Për rivlerësimin kalimtar të gjyqtarëve dhe prokurorëve në Republikën e Shqipërisë”.

Këshilli i Lartë Prokurorisë cakton në mënyrë të përhershme prokurorët në Prokurorinë e Posaçme për gjykimin e veprave penale të korrupsionit dhe krimit të organizuar, në përputhje me parashikimet e ligjit”, thuhet në ligj. Kjo do të thotë se sapo SPAK të ngrihet, KLGJ dhe KLP do u hapin rrugën gjyqtarëve dhe prokurorëve të Krimeve të Rënda të aplikojnë, ku sigurisht duhet që të plotësojnë 3 kushtet bazë: të kalojnë vetingun, të kenë përvojë dhe të bindin familjarët të heqin dorë nga privatësia. Por fakti që KPK po fut në veting anëtarë e Krimeve të rënda duket e ka marrë sinjal se shumë prej tyre do garojnë për SPAK.

Kreu i Partisë Demokratike, Lulzim Basha, në një deklaratë për mediat tha se  do të padisë kreun e IKMT në Vlorë, Fatmir Meta. Meta u konfrontua verbalisht me deputetin demokrat Agron Shehaj, ndërsa PD tha se e kërcënoi gjatë aksionit për shembjen e disa banesave në fshatin bregdetar të Jalës. Basha tha se Fatmir Meta i shpëtoi njëherë drejtësisë, kur ishte shef i komisariatit të Tropojës, ndërsa u shpreh se vrasësit e Azem Hajdarit udhëtuan me makinën e tij.

Pjesë nga dokumenti i SHIK për vrasjen e Azem Hajdarit dhe përfshirja e Fatmir Metës:

Nga disa burime të besueshme informative, të pavarura prej njëri-tjetri dyshohet se, autorët e vrasjes së deputetit Azem Hajdari janë: Fatmir Muharrem Haklaj, Jaho Salih Mulosmani dhe Ferz Kërnaja, që të tre nga rrethi i Tropojës.

Në këtë dokument thuhet ndër të tjera se origjina e konfliktit mes këtij grupi dhe Azem Hajdarit zë fill me tentativën për vrasje që realizoi deputeti i PS, Gafur Mazreku ndaj Azem Hajdarit më datë 18 shtator 1997.

PD-ja pas kësaj ngjarje kërkoi që të realizonte një miting proteste në Tropojë. Shefi i Komisariatit të Policisë në atë përiudhë Fatmir Haklaj nuk ju dha leje dhe për pasojë krijoi konflikt me të quajturin Fatmir Hoxha, i cili është nga fshati Luzhë i Tropojës, në atë kohë ka qënë oficer i Policisë Kufitare në Shkodër, aktualisht qëndron i mbyllur në shtëpi për motive hasmërie.

Në datë 5 janar 1998 në qafë Luzhë, Tropojë vritet Shkëlqim Haklaj, i vëllai i Fatmir Haklës së bashku me kunatin e këtij të fundit të quajtur Kujtim Demiri. Kjo vrasje u dyshua të ishte bërë nga Haki Hoxha dhe Abdyl Matoshi nga fshati Luzhë, ish-oficer i Policisë në Burrel, të dy të shtyrë nga Azem Hajdari.

Më datën 6 janar 1998 në fshatin Cernice të Tropojës vritet Avdyl Matoshi, Gjin Kolbuçaj nga Bukova e Tropojës dhe Naim Dizdari i cili kish grua motrën e Abdyl Matoshit. Në këtë vrasje Fatmir Haklaj nuk ka marrë pjesë vetë.

Në vrasjen e Azem Hajdarit ka marrë pjesë edhe një person nga Nikla e Krujës, i njohur si vrasës profesionist dhe po atë datë rreth orës 24:00 është çuar i plagosur në spitalin e Tiranës ku edhe ka vdekur. Në xhep i është gjetur një pasaportë e firmosur nga Fatmir Meta ish-shefi i Komisariatit Tropojë. Për këtë person dyshohet se mund të jetë plagosur rëndë në momentin e përplasjes mes dy grupeve nga Azem Hajdari, ose është vrarë nga grupi i Jaho Mulosmanit, për të humbur gjurmët e krimit.

Ekzekutorët e vrasjes së Azem Hajdarit kanë udhëtuar për tërë natën në drejtim të Tropojës, ku kanë mbërritur rreth orës 05:00 të datës 13 shtator 1998.

Ish- ministri i Rendit Publik, Perikli Teta ka marrë dy herë Tropojën për të verifikuar vendndodhjen e Jaho Mulosmanit, i cili kishte dy ditë që nuk ishte paraqitur në Komisariat me pretekstin se ishte i sëmurë. Në orën 22:00 të datës 12 Shtator 1998 kur në shtëpinë e Jahos shkuan një grup policësh, babai i tij Salih Mulosmani, u tha që ishte brenda në dhomë dhe ata vetë nuk e verifikuan.

Taulant Dedja, përfaqësues i qeverisë për Tropojën, në mëngjesin e datës 13 shtator 1998, rreth orës 7:15 e ka konfirmuar ndodhjen e Jaho Mulosmanit në Tropojë.

Në vendngjarje është ndodhur edhe makina e Fatmir Metës tip “Fuoristradë” e me llampën, sinjalin e policisë. Me këtë makinë Jaho Mulosmani ka qarkulluar në Tiranë dy ditë para ngjarjes dhe atë ditë që u krye vrasja. Pas ngjarjes, Fatmiri nuk shkoi më në Tropojë dhe aktualisht është në dispozicion të Ministrisë së Rendit Publik.

Ilir Meta dhe Monika Kryemadhi, të cilët drejtojnë bandën më të madhe dhe të organizuar e hajdutëve në Evropë, të quajtur në letra Lëvizja Socialiste për Integrim, kanë ndërmarrë një tjetër veprim të ngjashëm me familjet mafioze. Meta dhe Monika, të cilët nuk duan që amerikanët të monitorojnë Vetingun e politikanëve, kanë ndryshuar identitetin e fëmijëve, para se t’i dërgonin jashtë vendit. Dyshja ka ndryshuar mbiemrin e fëmijëve me qëllim për të penguar dhe ngatërruar drejtësinë që po afrohet për verifikimin e pasurisë, kërkimin e floririt të vjedhur, konfiskimit të parave të krimit dhe korrupsionit etj. Një lëvizje e tillë është ndërmarrë edhe nga baroni më i madh i drogës në histori, Pablo Eskobari, pasi amerikanët i ngushtuan lakun dhe po e kërkonin për ta ekstraduar. Eskobari u ndryshoi gjeneralitet fëmijëve dhe i nisi jashtë Kolumbisë.

Meta dhe Monika u kanë shtuar nga një ‘j’ në fund të mbiemrit të fëmijëve, të cilët i kanë nisur vitin e kaluar jashtë shtetit, duke paguar fillimisht 140 mijë paund. Mbiemri i fëmijëve nga ‘Meta’ është bërë ‘Metaj’. Në të gjitha dokumentet zyrtare dhe në regjistrin e gjendjes civile, mbiemri i Ilir Metës është ‘Meta’. Në dokumete të ndryshme, në njoftime zyrtare dhe në regjistrin e gjendjes civile, mbiemri i fëmijëve të Monika Kryemadhit dhe Ilir Metës, figuron ‘Metaj’. Ndryshimi është i mjaftueshëm për fëmijët për të mohuar jashtë vendit lidhjen me Ilir Metën dhe Monika Kryemadhin. Nga ana tjetër, Monika Kryemadhi figuron me mbiemrin ‘Kryemadhi’ në të gjitha dokumentet zyratre që mbajnë firmën e saj. Tani familja Meta, njëlloj si familjet mafioze, mban tre mbiemra të ndryshëm, ‘Kryemadhi’, ‘Meta’ dhe ‘Metaj’.

Ndryshimi i mbiemrave bëhet edhe në kuadër të një plani që përflitet për t’u arratisur nga Shqipëria, në momentin kur Byroja Kombëtare e Hetimit, nën kujdesin e SHBA-BE të nisin hetimet për pasurinë dhe veprimtarinë e zezë të Ilir Metës dhe Monika Kryemadhi. Me ndryshimin e gjeneraliteteve Meta dhe Monika shpresojnë që të shpëtojnë fëmijët nga vperimi i drejtësisë jashtë Shqipërisë. Ndryshimi gjeneraliteteve bëhet edhe për të shpëtuar fëmijët nga bloza e imazhit që Monika dhe Meta kanë në Evropë si çifti i politikanëve më i korrptuar në Ballkan. Megjithatë, arsyeja kryesore e ndryshimit të mbiemrit është kalimi i një pjesë të pasurisë në emër të fëmijëve dhe vështirësimi i procedurave të kofiskimit. Fjala është këtu për paratë e krimit dhe korrupsionit, floririn e vjedhur në Krrabë, paratë e shtëpive të shituara në Tiranë etj.

Që kur SHBA-BE dhanë shenja se kanë seriozisht vendosjen e drejtësisë në Shqipëri, duke nisur me ngritjen e Byrosë Kombëtare të Hetimit, Prokurorisë së Posaçme dhe Gjykatave Speciale, Monika Kryemadhi nisi të shesë një pjesë të apartamenteve të shumta që ka në Tiranë nga frika e konfiskimit. Apartmentet i ktheu në para dhe paratë i mban jashtë sistemit bankar, të cilar mendohet se i ka lërguar ilegalisht jashtë vendit. Vetë Meta i ka kaluar pasuritë në emër të Monikës, ndësa që të dy u kanë ndryshuar gjeneralitet fëmijëve. Të gjitha këto veprime bëhen nën hundën e drejtësisë, e cila vijon të flejë gjumë/Pamfleti

Ministri i Jashtëm Ditmir Bushati ka deklaruar sot se qeveria është e hapur për dialog me opozitën dhe ka dhënë detaje për tre ofertat që janë në tryezë nga ana e kryeministrit Rama drejtuar liderit të PD, Lulzim Basha.

Në konferencën e përbashkët për shtyp me homologun gjerman, Bushtai i ka dhënë përgjigje interesit të medias, nëse do të ketë një pakt me opozitën, e cila, nuk ka qenë e pranishme në seancat plenare të Kuvendit të Shqipërisë.

“Ka një ofertë nga Rama dhe qeveria drejtuar opozitës në lidhje me ato cështje që konsiderohen të përbashkëta, që korrespondojmë me axhendën e integrimit. Ka një ofertë në tavolinë për të mbështetur procesin e vetingut në gjithë trupën e gjyqësorit dhe prokurorisë, sikundër edhe ju e keni bërë me dije, që kërkohen disa numra të caktuar për procesin e vetingut që reforma në drejtësi të tejkalojë politikën.

Ka në ofertë në tavolinë për përfundimin e reformës zgjedhore, duke qenë se hyjmë në zgjedhjet vendore dhe ka vullnet dhe dashamirësi, edhe nga qeveria gjermane për ta mbështetur procesin me ekspertizë, përpos rolit të ODIHR. Si dhe ka një ofertë të qartë në tavolinë për opozitën për një strategji afatgjatë se si do të shërohet nga plagët nga sistemi i drejtësisë, për shkollën e magjistraturës. Dialogu dhe thirrja për bashkëpunim nuk do të mungojnë, jemi të vendosur për të vijuar me procesin e reformave”- tha Bushati.