Politike

Partia Demokratike ka akuzuar sot Ministrin e Brendshëm Fatmir Xhafaj se i ka fshehur prova drejtësisë për çështjen e vëllait të tij.

Deputeti demokrat Flamur Noka, ish-ministër i Brendshëm i është referuar deklaratave të Xhafajt në një emision televiziv ku deklaronte se kishte provat e tij dhe theksoi sot se kjo është e mjaftueshme që prokuroria ta hetojë për fshehje provash.

“Një lloj si Edi Rama dhe Fatmir Xhafaj deklaroi se përgjimi i të vëllait trafikant droge është i sajuar dhe për këtë disponon prova. Le të ndjekim pohimin kriminal të Xhafajt.
Është e qartë se deklarata të tilla janë pjesë e një skenari mafioz për t’i imponuar prokurorisë një rezultat të paracaktuar. Xhafaj ka kryer veprën penale të pengimit të drejtësisë. Nëse do kishte prova duhet t’i kishte çuar në prokurori.

Njëlloj deklaroi dhe Rama kur foli për një laborator imagjinar shkencor. Në një shtet normal prokuroria duhet të kishte hetuar Edi Ramën dhe Fatmir Xhafën më së paku për fshehje të provave drejtësisë”, deklaroi Flamur Noka.

Pyetjet, situata në të cilën ishte vendosur apo moderatorja e emisionit, nuk dihet cilat ishin shkaqet që Kreut të Partisë Demokratike, Lulzim Basha i ka hyrë i nxheti dhe ka kërkuar të “zhvishet”, dmth. të heqë xhaketën në emisionin “Open”. Gjatë intervistës me Eni Vasilin, në një moment ai e ka ndërprerë bisedën për të kërkuar leje që të heqë xhaketën, pasi kishte vapë.

“Nëse me lejoni ta heq xhaketën se më duket shumë vapë, keni vapë ju apo vetëm unë? (Basha i drejtohet publikut)”, ka thënë kreu i opozitës. “Është një moment i mirë televiziv. lejen time dhe të publikut e morët, kështu që jeni… opozita gjithmonë dhe më sportive duhet të jetë”, u shpreh Eni me humor.

Në komedinë “Tag”, e cila “bekoi” skenën e re të “arTurbinës”, është ironizuar me politikanët mbi situatën aktuale politike në vend. Të thumbuarit ishin kreu i qeverisë, kreu i opozitës por dhe kreu i Bashkisë së Tiranës.

Deputeti, i veshur me kostumin sportiv të  skuadrës së zemrës, bardhë e zi, e ka pak me ngut, se për pak fillon ndeshja mes Juventusit dhe Frosinones. Kështu që katundari duhet t’i bjerë pak shkurt me hallet e veta në takimin virtual, gjatë së cilit deputeti raporton për platformën e bashkëqeverisjes për Shqipërinë që duam… Dramaturgu Bashkim Hoxha e regjisorja Andia Xhunga nuk i kanë kursyer aspak shigjetimet kah Kryeministrisë, Bashkisë së Tiranës dhe opozitës.

Ndërkohë që është për t’u përshëndetur që Drejtoria e Teatrit Kombëtar ka zgjedhur të hapë Festivalin Mbarëkombëtar të Teatrove, por edhe jetën e vet transitore në skenën e “arTurbinës”, me një parodi që vë në lojë jo vetëm jetën virtuale boshe, që ka përfshirë gjithë shqiptarët, por edhe qeverisjen. Ndër spektatorët e shfaqjes, mbrëmë ishte edhe ministrja Mirela Kumbaro, edhe kryetari i Bashkisë së Tiranës, Erion Veliaj

 SHFAQJA
Bëhet fjalë pikërisht për komedinë “Tag”, e cila “bekoi” skenën e re të “arTurbinës”. “Tag” është një komedi gazmore, që me siguri do ta bëjë për vete publikun. E ndërtuar si një
variacion mbi motivet e filmit “Zonja nga qyteti”, sërish kemi të bëjmë me një lloj shkuesie, por përmes internetit. Indikacionet për te filmi i njohur i 1976-s janë shumë të qarta.

Sipas tij, është përshtatur edhe skenografia e Genc Shkodranit, me  burimin e famshëm të Marenës-Tushemishtit, me kortinkat e penxhereve, me grep, (mungon vetëm teto Ollga) edhe muzika e Agim Krajkës, është po ajo, veçse e riorkestruar nga Sajmir Çili, ndërkaq që elemente personazhesh nga filmi (si ai i Koçit) i gjen edhe te personazhet e Hoxhës. Dhe si të mos mjaftonin të gjitha këto, në fund shfaqet edhe aktorja Rajmonda Bulku, që luante rolin e Melit, e cila ndalet të pijë një kafe në fshat. Shfaqja është e këndshme.

Nuk mungojnë batutat dhe situatat komike. Aktorët, pa dashur të veçojmë njërin apo tjetrin, u përshtaten më së miri roleve. Kostumografia e Blerina Kokonës nuk zhgënjen asnjëherë. “Tag” ironizon me virtualizimin e jetës së shqiptarëve, një virus që ka kapur edhe fshatin, duke denatyruar marrëdhëniet mes njerëzve. Njerëzit dashurojnë dhe hakmerren përmes “Facebook”-ut, madje kjo e fundit mund të jetë tërë- sisht e pamëshirshme.

Prej dialektit të personazheve, ngjarjet ngjasin në një fshat, në mos të Tiranës, të Shqipërisë së Mesme, më saktë në kafenenë e fshatit, ku Meri/MerjemeOlta Daku, me profesion mësuese, por që në mungesë të një godine shkolle punon si banakiere-kameriere, për t’u arratisur nga rëndomtësia e përditshmërisë, zë miqësira dhe flirton në “Facebook”.

Kur një djalë nga qyteti me pseudonimin “Leonardo Di Caprio”-Indrit Çobani, i kërkon një fotografi Merit me pseudonimin “xixëllonja”, ajo poston foton e Lenës Adelina Muça, kushërirës së saj që shet qumësht, që ka qëlluar të jetë bukuroshe. Kështu ndodh që “Leonardo”, një punonjës i Ndërmarrjes së Rekreacionit dhe kthimit të hapësirave të gjelbra në gri, të lërë qytetin e të vihet në kërkim të “xixëllonjës” së tij, që i rezulton të jetë një fshatare vërtet e bukur, por fare e pagdhendur.

E pikërisht aty, në kafenenë e Gertit-Gert Ferra (si Gert Myler), ku ka internet me pasëordin “ça do pish”, ndodhin një varg ngatërresash që trazojnë gjithë fshatin. Të tjerë personazhe janë veteriner MiklovaniBesmir Bitraku, stallier Limja- Mehdi Malkaj, emigranti i kthyer Lame-Ardian Cerga, postieri i fshatit-Naun Shundi dhe Deçka-Genti Deçka, një katundar që vjedh filxhanët e lokalit apo Anabela, një vajzë e lexuar që ëndërron të ikë në qytet: të gjithë “viktima” të “Facebook”-ut.

POLITIKA 
Por ku ka komunitet, ka edhe një deputet, që nuk ka shkelur kurrë në fshat, por që lidhet përmes internetit dhe bisedon on line në kohë reale me zgjedhësit e tij. Deputeti, interpretuar nga Artan Imami, që nuk del në skenë, përveçse kur përshëndet publikun, është zgjedhur jo pa qëllim nga regjisorja, që të japë disi imazhin e Kryeministrit, me imazhin dhe përgjigjet hazërxhevape.

Nuk është e vështirë që publiku të shquajë tonin ironik dhe batutat e Ramës, propagandën për arritjet e Rilindjes, çmimet dhe pemët e Veliajt apo edhe gafat e Lulzim Bashës me tabelën e shumëzimit (7×7=42). Aktualiteti shqiptar, jo vetëm që është i varur nga vendimet e politikës, por edhe i tejmbushur me biseda rreth politikës. Por këtë të fundit duket se po e konkurron “Facebook”-u me luftën për “like” e “tag”-et, duke harruar reagimin qytetar dhe duke çuar ujë në mullirin e politikanit, që do të vazhdojë të bëjë premtime, nga ato më pa lidhje, si për shembull, fitorja e “Eurovizionit”

Deputetja demokrate Jorida Tabaku ka bërë një ekspoze të abuzimeve flagrante me fondet publike nga ana e qeverisë socialiste të Kryeministrit Rama.

Ajo ka renditur me shembuj dhe emra konkret aferat kryesore të këtyre 5 viteve përmes të cilave janë qindra million euro para publike të cilat kanë shkuar në xhepat e klientëve të Kryeministrit Rama.

Tabaku ka përmendur rastin e të ashtuquajturit Check up falas, ku kompania e Vilma Nushit u krijua vetëm dy ditë para se kjo aferë qindra milionë euroshe të merrte rrugë.

Më tej zonja Tabaku renditi edhe shumë raste të tjera të abuzimeve me fondet publike apo modelin e ofertave të pakërkuara përmes të cilave po grabiten paratë e taksave të shqiptarëve.

Ja disa nga deklarimet e Tabakut në takimin e sotëm

“120 milionë euro vijnë nga taksa e qarkullimit, por pavarësisht kësaj qeveria preferon ti japë rrugët me koncesion. Ligji Fusha për Teatrin është abuzimi më i freskët.

Ofertat e pakërkuara psh. Kemi rastin e aeroportit të Vlorës, ku kompanisë turke ju miratua oferta e pakërkuar.

Kemi rastin e Air Albania, dhe përzgjidhet në mënyrë antiligjore. Ndërtimi është një tjetër fushë abuzimi.

Kemi rastin e një kompanie që merr 261 leje ndërtimi ndërkohë që object I aktivitetit të saj janë lojrat e fatit.

Kemi rastin e stadiumit me kullë. Ofertat e pakërkuara, model abuzimi, të cilat e kanë vrarë konkurencën e lirë.”

Kompanitë e basteve të lidhura me ministrin e brendshëm, kanë rritur aktivitetet e tyre dhe fitojnë tenderat e monitorimit të tatimeve.

Lejet minerare, rasti I Edmond Begos, pa asnjë eksperiencë në sector, po kështu edhe në sektorin e hidrokarbureve me Besnik Sulaj.

Këto shembuj janë denoncuar me forcë nga ne.

Elementi I parë është se janë kompani të krijuara pak ditë më herët, kompanji offshore, kritere preferenciale, rritje fictive të tenderave, indimidim të kompanive të tjera, kompani pa përvojë.

“Sulmi i kryeprokurores Arta Markut ndaj prokurorëve antimafia eshtë pjesë e skenarit për të prishur dosjet nën hetim të bashkëpunëtorëve të afërt të Ramës”.

Kështu deklaroi sot këshilltari ligjor i Partisë Demokratike, Gazmend Bardhi. Sipas tij, “shpërbërja dhe ndëshkimi i grupit hetimor për Saimir Tahirin, erdhi pas urdhrit të këtyre të fundit për sekuestrimin e 31 pasurive të Habilajve”.

“Lufta ndaj krimit të organizuar dhe korrupsionit ka marrë goditje të paprecedentë gjatë këtyre ditëve nga Arta Marku, që me veprime të qëllimshme dhe me paramendim, po godet, dekurajon dhe shantazhon, grupin e prokurorëve antimafia”, tha Bardhi.

Transferimi i paligjshëm i 3 prokurorëve të Krimeve të Rënda dhe procedimi disiplinor për 10 prej tyre, sipas PD-së, “është pjesë e një skenari për të shantazhuar prokurorët që janë në betejë të përditshme me krimin e organizuar, pushtetarët e lidhur me të dhe qeveritarët e korruptuar”.

“Transferimi i njërit prej prokurorëve dhe procedimi disiplinor i një prokurorit tjetër, të dosjes së Saimir Tahirit, vetëm pak orë pasi kishin urdhëruar sekuestrimin e plot 31 pasurive të grupit kriminal “Habilaj”, është një mesazh i qartë për drejtësinë: Kush vepron ndaj bandave të lidhura me pushtetin, largohet nga detyra, ndëshkohet dhe sulmohet”, tha Bardhi./atsh

Nga panairi i domates në fshatin ku ajo është mbesë, Shëngjergj, Majlinda Bregu është treguar nostalgjike për PD e vërtetë duke i përcjellë një mesazh demoraktëve të sotëm në selinë blu. “Ne Shengjergj! Ne fshatin ku jam mbese, permes rruges qe ndertoi PD e vertete, vetem 40 km larg Tiranes, aty ku ka edhe lume edhe mal edhe ujvare dhe liqen, edhe me shume nevoje per vemendje & zhvillim te qendrueshem rural!”, shkruan Bregu në rrjetin social Instagram.

Shëngjergji priti të shtunën festën tradicionale të domates, “Domate Fest”, një panair me produkte të zonës, ku banorët, por edhe restorantet e bujtinat e zonës, prezantuan pjatat e tyre me ushqime tradicionale mes gjelbërimit dhe muzikës. Festës nuk i është bashkuar vetëm kryebashkiaku Erjon Veliaj që ka vizituar disa nga stendat e panairit, por edhe një demokrate si Majlinda Bregu.

Përmes fotove të postuara në Instagram, Bregu thotë se është mbesë në këtë fshat, por nuk i kursen thumbat për ata që qeverisin sot Partinë Demokratike. Ajo thotë se rrugën e këtij fshati që ka nevojë për vëmendje e zhvillim e ka ndërtuar “PD-ja e vërtetë”. Ne Shengjergj! Ne fshatin ku jam mbese, permes rruges qe ndertoi PD e vertete, vetem 40 km larg Tiranes, aty ku ka edhe lume edhe mal edhe ujvare dhe liqen, edhe me shume nevoje per vemendje & zhvillim te qendrueshem rural!

Kujtojmë se përgjatë gjithë ditës së sotme, banorë të zonës, por edhe turistë e vizitorë të shumtë, ndoqën një sërë aktivitetesh, mes të tjerash vizita tek rrënojat e shkollës së parë shqipe në Tiranë, vizitë tek Ujëvara e Përroit të Kecit, tek Mulliri i vjetër etj. Shëngjergji është një zonë që ofron disa destinacione, për ata që e duan natyrën dhe ushqimin bio.