Politike

Me reagimin e bërë në Facebook pas arrestimit të djalit të tij dhe marrjes në mbrojtje të vajzës së dhunuar, Rrahman Rraja duket se nuk ka ndërmend të kërkojë falje publike apo të japë dorëheqjen. Por, ai thjeshtë është vetëmbrojtur duke kërkuar nga drejtësia që të hetojë deri në fund.

Përmes një reagimi në ‘Facebook’, deputeti Rraja sqaron se nuk ka marrë pjesë në asnjë lloj presioni mbi policinë dhe ka kërkuar të hetohet ngjarja. Teksa të gjithë prisnin që deputeti Rraja të dorëzonte mandatin dhe të largohej nga politika për të mbrojtur të birin, ai ka bërë të kundrtën. Rraja ka dorëzuar të birin para autoriteteve, duke mbrojtur me forcë mandatin. Ai ka thënë se nuk bëhet prokuror i të birit, duke i kërkuar Prokurorisë të hetojë çështjen.

Deputeti i Partisë Socialiste, Rrahman Rraja ka reaguar pak pas lajmit se Policia e Shtetit ka marrë në mbrojte vajznë e dhunuar nga djali i tij. Në reagimin e Rrajës në Facebook, thuhet se, nuk ka marrë pjesë në asnjëlloj presionin ditën e ngjarjes.

Ja cfarë shkruan deputeti:
Une Rrahman Rraja, per shume vite kryetar i komunes Nikel dhe sot deputet i PS, deklaroj:
1. S’kam marre pjese ne asnje lloj presioni mbi policine dhe kam kerkuar dhe kerkoj te hetohet vendndodhja ime ate dite.  2. Mos prisni nga une qe te behem prokurori i tim biri dhe mos keqperdorni fjalet e mia si baba! Po e them shume qarte qe prokuroria duhet ta hetoje ceshtjen deri ne fund.

3. Familja jone dhe familja e vajzes kane marredhenie te vjetra miqesore qe jane te pandryshuara sot dhe gjithe jeten.
4. Djali dhe vajza kane pasur nje marredhenie disa vjecare dhe pavaresisht asaj qe mendoj une, e perseris, kjo ceshtje i takon drejtesise, jo politikes.

Opozita bën sërish thirrje për të gjithë qytetarët të bëhen pjesë e protestës pasditen se sotme. Përmes një postimi në facebook, deputetja e Partise Demokratike Jorida Tabaku shkruan se sot në 17:30 do të jetë në proteste në emër të Xhisielës, e cila për Tabakun personifikon tmerrin më të madh që kalojne shqiptarët sot ndërsa përballen me krimin që qeverisë. “Do të jem në këtë protestë pasi një polic që vendosi të zbatojë detyrën për të cilën është betuar u kërcënua me pistoletë në kokë nga të inkriminuarit që sot kanë mbushur parlamentin në krahët e mazhorancës. Do të jem aty në protestë sepse qeveria dhe njehere qendroi ne krah te fortit me pushtet.”- shkruan Tabaku ndërsa shton se Shqipëria po vazhdon të degradojë përditë e më shumë në një humnerë kaosi dhe terrori. Në këtë postim deputetja demokrate i është bashkuar nismës ‘Female Blackout’ e cila është shpërndare me shpejtësi në rrjetet sociale. Sipas nisëm gra e vajza kanë vendosur për disa orë një fushe të zezë në profilet e tyre, si simbolikë kundër dhunës.

Postimi i plote: Sot do të jem në shesh në emër të Xhisielës dhe të krimit të shumëfishtë që i është kryer asaj. E përdhunuar dhe trajtuar në mënyrë barbare dhe më pas e shpërfytyruar dhe e mohuar nga institucionet shtetërore ajo personifikon tmerrin më të madh që kalojne shqiptarët sot ndërsa përballen me krimin që qeveris. Do të jem në këtë protestë pasi një polic që vendosi të zbatojë detyrën për të cilen është betuar u kërcënua me pistoletë në kokë nga të inkriminuarit që sot kanë mbushur parlamentin në krahët e mazhorancës. Do të jem aty në protestë sepse qeveria dhe njehere qendroi ne krah te fortit me pushtet.

Përmes një postimi në Twitter, kryeministri Edi Rama i është përgjigjur deklaratës  së PD në lidhje me arrestimin e djalit të deputetit Rrahamn Rrahja, i cili akuzohet për dhunimin dhe përndjekjen e Xhisiela Malokut.

PD e konsideroi si truk arrestimin e djalit të deputetit për të mbyllur sipas saj skandalin, por permes një postimi në Twitter,  Rama thotë se opozita hedh baltë dhe nuk thotë asnjë fjalë mbështetje për Prokurorinë.

Statusi i Ramës:

E kanë kapur vajzën si të ishte një dru për të shembur portën dhe vijojnë me yryshin e politikës së tyre të dëshpëruar. Asnjë fjalë mbështetjeje për prokurorinë. Përkundrazi, veç baltë pa asnjë fre tanimë. Edhe njëherë shqiptarët e bëjnë qartë dallimin