Duke parë ngjarjet e fundit, ndoshta nuk është aq keq kjo porosi.
Kryetarja e Lëvizjes Socialiste për Integrim Monika Kryemadhi ka dhënë një porosi për të gjithë ata që frekuentojnë zonën e Bllokut në Tiranë.
Nga një takim i LSI-së me simpatizantët në qytetin e Beratit, Kryemadhi foli për gjendjen e rënduar në vend, e duke iu referuar krimit të dy netëve më parë, tha se ata që pinë një kafe apo një ujë në Bllok duhet të marrin një jelek antiplumb.
“Kur pini kafe apo një ujë në Bllok mos harroni të merrni me vete jelek antiplumb. 100 metra larg zyrës së kreut të parlamentit ndodh një luftë bandash. Mund të përmendim raste pafund, raste të pazbuluara apo mijëra raste kur kriminelët janë të identifikuar por nuk ndalohen.
Folën për reformë, por kjo reformë jo vetëm që u kap nga Edi Rama por po përdoret si mundësi për të mbuluar krimin e organizuar”, deklaroi Kryemadhi.
Analisti i njohur, Ilir Demalia, ka bërë një deklaratë të fortë, teksa ka treguar me emra deputetët shqiptarë, që e kanë kërcënuar me armë apo e kanë gjuajtur me grushte. Demalia është shprehur se rasti më i tmerrshëm kërcënues ka qenë me deputetin Tom Doshi, i cili disa vite më parë i ka vënë pistoletën në kokë.
Po ashtu, edhe socialisti Fidel Ylli e ka gjuajtur me grusht analistin, për disa rrestha që ai kishte shkruar në librin e tij për ish-themeluesin e PD, Gramoz Pashko. Ai akuzoi hapur deputetin e PS, Fidel Yllin, si dhe atë të PSD-së, Tom Doshi se e kanë kërcënuar me jetë, duke i vënë pistoletën në kokë.
“Në vitin 1995, kur Fidel Ylli ishte brigadier i Gramoz Pashkos, kur isha ulur për kafe me Hektor Pustinën, vjen Ylli dhe më drejtohet: U bërë ti morë shkërdhatë të shkruash për Gramozin”, tha në një intervistë për “Panorama” Demaila.
Sipas Demaliajt, Fidel Ylli e ka gjuajtur me grusht ndërsa Tom Doshi i ka vendosur pistoletën në kokë.
“Për t’u kthyer tek ngjarja, Fideli më goditi me grusht. Unë ju ktheva duke marrë karigen për t’i gjuajtur. Në këtë kohë futet Tom Doshi, badigardi i badigardit, Toma më godet nga mbrapa dhe pastaj më vendosi pistoletën në kokë jashtë lokalit megjithë Fidelin. Të dy rrinin të armatosur”,tregon Demalia.
Ish-kryeministri Sali Berisha njëherësh lideri historik i Partisë Demokratike, i ftuar në emisionin “360 gradë”, ku ka bërë një deklaratë të fortë. Sipas tij, para një jave ish-ministri i Brendshëm Saimir Tahiri është dhunuar nga bandat e kryeministrit Edi Rama.
“A e more vesh si e kanë rraf Saimir Tahirin para një jave? E kanë zhdep. Se kështu është kur fillon e flet. Sapo filloi ti përmend Edi Ramës çatinë, e zhdepën. E zhdëpn bandat e Edi Ramës, askush tjetër smund t’i bëjë gjë atij”, – tha Berisha.
Deputeti i PD në Fier, Luan Baçi thotë përmes një statusi në Facebook se e kanë thirrur nesër në orën 12:30 në Prokurori, por nuk i di arsyet.
Deputeti thotë se në kërkesën e Prokurorisë i kanë thënë se urdhri lidhet me 9 qershorin. Në këtë datë në Fier, sipas tij ka qenë kryeministri Rama, ndërsa demokratët protestuan duke kërkuar largimin e tij.
Statusi:
Pak dite me pare me telefonuan, nga Prokuroria dhe me arrogancen qe i karakterizon, me urdhruan pa dhene asnje spjegim se duhet te paraqitesha ne prokurori, I kerkova zoteris qe telefonoi se, kush qe arsyeja dhe ju kush jeni, pasi, nuk ju njoh. Per 9 Qershorin me tha. Sinqerisht nuk e di se çfar perfaqson kjo dt dhe ju zotri i thash, duhet te zbatoni ligjin, per te thirrur, se telefonata juaj me duket e teperuar ne kopetenca. Nuk vonoi dhe ja ma derguan Urdherin. Duan te na friksojne, te na mbyllin gojen, te na terrorizojne dhe a dini pse? Çfar ka ndodhur ne 9 Qershor?
Ishte dita qe Nalte Gjatsia e tij erdhi ne Fier dhe qindra Fierak te ndershem me dhe pa Parti u mblodhen dhe thirren nuk te duam z Kryeminister, ti po na poshteron, ti po na largon nga vendi yne, ti po na varferon çdo dite, ti na ke merzitur jeten. Une si zakonisht ndodhem gjithmon aty ku ka njerz, aty ku ka qytetare qe jane ne hall dhe kerkojne te drejten e tyre. Dhe keta si zakonisht me akuzojne se une i organizova, une bllokova Krye gjatsine e tij dhe kjo nuk tolerohet. Mundet per kete te me kene thirrur, nejse: Neser ne oren 12 e 30 min aty do jem, pa merak. Por te jeni te sigurte se nuk me trembni dot, nuk ju kam frike, here tjeter do te jem me mijra Fierak te tjere perball jush. Ju ka filluar numurimi mbrapshte, mendojeni mire kete.
Kreu i grupit parlamentar të LSI, Petrit Vasili ka komentuar padinë e depozituar në Prokurori nga PD dhe LSI ndaj kryeministrit Edi Rama, pasi sipas tyre ka kërcënuar oficeren Emiljano Nuhu që denoncoi rastin ‘Xhisiela’. I ftuar në rubrikën ‘Opinion’ në News24, Vasili tha se kryeministri e quajti horr oficerin e Fushë Krujës dhe sipas tij oficeri ka informuar me shkrim për kërcënimet që i bëheshin.
“Kryeministri Rama kanosi dhe quajti horr oficerin Emiljano Nuhu. Kemi një kryeministrin skizofren. Oficeri ka informuar me shkrim dhe ka depozituar dhe një kallëzim. Këta thanë është ‘Babale 2’. ‘Babale 1’ ishte një denoncim shumë i madh, ku vëllai i ministrit të brendshëm përfundoi në burg në Itali. Pra ‘Babale 1’ bëri që vëllai i ministrit të ikte me urgjencë nga Shqipëria. Thonë që prokuroria e ka bërë një ekspertizë në Angli dhe thotë se nuk është e sigurt, por këta ekspertët pse nuk pyesin kryeministrin. Ekspertiza nga Rama është një tragji-komedi”-tha Vasili.
Vasili tha se presioni i opozitës bëri që djali i deputetit socialist Rrahman Rraja të shkojë në burg dhe sipas tij shteti ka rënë dhe është një nevojë ulëritëse për ndryshim.
“Babalje 2 do shtojë vitet e dënimit të kryeministrit Rama. Ky djali i deputetit ishte më i sinqertë nga Rama se tha ta shikoni ju në zgjedhje. Ustallarët e shpifjes i kemi në krye të vendit. Opozita nuk shpif se të akuzuarit e opozitës janë në burg. Reagimi i presidentit për çështjen ishte korrekt. Është ulëritëse nevoja për ndryshim, pasi shteti është i rënë dhe i zhbërë. Opozita ka denoncuar fakte dhe nuk ka bërë akuza. Presioni i opozitës bëri që një përdhunues të shkojë në burg. Kuvendi është kthyer në një ‘zorrë qorre shtesë’ të qeverisë. Kuvendi i Shqipërisë është degraduar”- tha Vasili.
Një rrokadë e vërtetë pritet të ndodhë në radhët e PS në zgjedhjet e radhës. Këtë e ka lënë të kuptohet vetë Kryeministri Rama i cili vijon të jetë shumë i pakënaqur me një pjesë të madhe të kryebashkiakëve, pasi kanë injoruar platformën e bashkëqeverisjes dhe turet e takimeve të bëra me banorët. ‘Sot’ ka mësuar se në fillim të kësaj jave degëve të PS, krerëve të bashkive dhe deputetëve u është dërguar një udhëzim, me qëllim përgatitjen për zgjedhjet vendore.
Kryeministri Rama i ka udhëzuar të gjithë që të nisën përzgjedhjen e kandidatëve për kryebashkiakë dhe këshilltarë. Në udhëzim janë përcaktuar kriteret që duhen përmbushur. Po ashtu, ministrave, deputetëve, krerëve të degëve dhe krerëve të bashkive u janë lënë detyra që duhen përmbushur. Por gazeta ka mësuar se në zyrën e kryeministrit Rama ka mbërritur një raport i plotë sa i takon angazhimit të kryebashkiakëve. Rama ka thënë disa herë se do i denigrojë ata që nuk angazhohen te platforma e bashkëqeverisjes, ndërsa ka dhënë sinjale dhe se mund të mos i rikandidojë.
Sipas raportit të siguruar nga gazeta, deri më tani vetëm 13 kryetarë bashkie i kanë realizuar kërkesat e vënë nga Rama. Bashkitë në fjalë janë: Bashkia e Malësisë së Madhe, e Librazhdit, Durrësit, Pukës, Himarës, Vlorës, Belshit, Konispolit, Lushnjës, Poliçanit, Roskovecit, Shijakut dhe Urës Vajgurore. Sipas raportit, edhe Bashkia e Tiranës ka pasur performancë të mirë, por gazeta ka mësuar se puna e Veliajt nuk do matet aty, pasi kryeministri është shumë i pakënaqur me të.
Analiza e bashkive/ Përveç pjesëmarrjes në platformën e bashkëqeverisjes, në raport thuhet se është bërë një vlerësim i punës së të gjithë kryebashkiakëve mbi 6 komponentë, vlerësim i cili do vijojë. Elementi i parë ku është bazuar vlerësimi është ai i punësimit. Kryeministri ka bërë një bilanc të punësimeve që ka bërë secila baski mbi bazë raporti popullsie. Elementi i dytë është ai i performancës ekonomike, ku vlerësohet se sa janë mbledhur taksat dhe detyrimet e tjera.
Elementi i tretë është ai i investimeve, ku po matet se sa investime kanë bërë në zonat e tyre krerët e bashkive. Elementi i katërt është ai i ujësjellës-kanalizimeve, ku po shihet e si është procesi i furnizimit me ujë. Elementi i pestë është i detyrimeve të prapambetura dhe elementi i gjashtë është performanca në bujqësi dhe mbështetja për fermerët. Sipas informacioneve, deri më tani vetëm 13 bashki i kanë përmbushur këto kushte, ndërsa 21 të tjera janë shumë mbrapa. Për këtë arsye shefi i qeverisë u ka lënë afat dhe disa muaj që të ecin me këto prioritete.
Nëse sërish nuk ka performancë të mirë, atëherë ata që kanë dështuar nuk do rikandidojnë. Në takimet që kryeministri ka pasur ditët fundit, në mbledhje grupi apo në Korçë në fundjave, është shprehur mjaft i acaruar me kryebashkiakët. Ai ja u ka bërë të qartë të gjithëve se kush që nuk u përgjigjet shqetësimit të qytetarëve do largohet. Sipas burimeve, në zgjedhjet vendore do ketë shumë emra të njohur për kandidatë, ku disa do jenë deputetë. Që tani emra të njohur kanë shfaqur ambicie për të marrë frenat e pushtetit lokal dhe pritet që të ketë shumë lëvizje.
Politikani i radhës i cili i ka hyrë halleve me drejtësinë është Bujar Nishani i cili për shkak të deklaratave që bën pa i menduar gjatë, ka bërë që Gjykata e Tiranës ta shpallë në kërkim.
Gjykata e Tiranës i ka dërguar një letër zyrës së gjendjes civile për të gjetur adresën e Bujar Nishanit, pasi do i kërkojë të paraqitet si i paditur pas kallëzimit nga trajneri i Kombëtares shqiptare të futbollit Christain Panuçi. Me 1 tetor 2018, gjykata iu drejtua me shkresë zyrës së gjendjes civile për të kërkuar informacion mbi palën e paditur që është Bujar Nishani. Pergjigjia që gjykata ka marrë nga gjendja civile është: ‘Ka ndërruar adresë’.
Pas kësaj, Gjykata është detyruar ta ‘shpallë në kërkim’ ish – presidentin pasi nuk dihet se ku banon, për t’i dërguar etëthirrjen./korrieri
Punimet e Kuvendit nisën me një vërejtje të deputetit dhe kreut të Komisionit të Ekonomisë Erjon Braçe, dhe u shoqëruan me diskutime të shumta. Kjo disa prej deputetëve u la nj ëshije të hidhur, por më pas të gjithë janë parë të buzëqeshur në punimet e kësaj seance ku mungonte opozita.
Ndërkohë, ajo që u vu re janë fytyrat e qeshura të disa prej ligjvënësve të mazhorancës. Më poshtë do të shihni disa momente të ksuara nga objektivi i aparatit.
