Politike

Avokati Spartak Ngjela njihet për deklaratat e tij bombastike, por këtë herë ai thotë se, shumë shpejt do të ketë ngjarje kriminale me karakter politik. Sipas tij, do të jetë politika që do t’i drejtohet krimit, për “ndihmë”.

Ngjela: Të gjithë keni qenë në unison bashkë me politikën. Do të shikoni që do të fillojnë atentatet, bashkë me vrasje të karakterit politik. Sa më shumë të rritet kurba e frikës. Unë di si ka ndodhur në botë.

Psikika kriminale është e barabartë në botë. Çfarë ka ndodhur kur ka qenë politika e lidhur me krimin e organizuar. Do ndodhi që politika mund t’i drejtohet krimit të organizuar për të goditur subjekte të caktuara për të krijuar frikë. Do të ndodhi, mbajeni mend. Do të keni ndihmën e FBI-së?

Nuk e di! Por ma ha mendja që ata janë më profesionist se sa unë dhe e kanë parashikuar këtë gjë, sepse krijon destabizilim. Krimi krijon destabizilim, jo krimi i pa njohur. Këta të korruptuarit e të dy krahëve duan destabizilim? Po e duan, vuajnë. Pse e duan? E duan që të largohen sepse nuk shpëtojnë dot nga kjo reformë. Atëherë, jemi përballë bashkëpunimit të dy segmenteve për të goditur reformatorët nuk e dimë! Pyetja tjetër; ai ngrihet dhe thotë do të bëjë grusht shteti. E ka thënë Saliu. Ai është shefi.

Grusht shteti pa kolonel dhe gjeneralë nuk kemi parë. Ai flet kot. Kujt i drejtohet? Segmenteve të pa përgjegjshme. Jo vetëm këtu, por edhe në Kosovë kërkojnë destabilizim. Do kemi destabilizim? Unë them jo, sepse forcat ndërkombëtare nuk e lejojnë.

Në të dyja krahët ka segmente korrupsioni, kush më pak dhe kush më shumë. Po the që në një shtet ka korrupsion, korrupsionin e drejton kryeministri. Doni fakte? Kundërshtari im, Berisha kur ishte President absolut nuk lejoi korrupsionin, nuk morën asgjë ata. Erdhi pastaj e bëri detin kos. A ka korrupsion, e di kryeministri! E bën ai. Vijmë tek mbrojtja e tyre, se deri tani është e gjitha zvarritje.

Deputeti i PS-së, Fate Velaj, që aksidentalisht u bë i zgjedhur i popullit, jo për ndonjë meritë por vetëm si tekë e Ramës, deri tani nuk njihet për ndonjë qëndrim të tij apo nismë ligjore për të justifikuar pagën që merr çdo muaj.

Por, ka diçka që bën Fatja mirë edhe pse shkruan me gabime si të ishte një punëtor krahu edhe ka botuar disa libra. I bën lajka Ramës ku t’i jepte mundësia. Këtë ka bërë edhe me anë të një fotoje me kreun e qeverisë së Austrisë, vend ku deputeti edhe jeton përveç Vlorës e Tiranës.

Postimi i Fate Velajt

NJË KRYEMINISTËR DHE KOMSHI
…sot, 12.10.2018, i nisur në orën 4.30 të mëngjesit për të ardhur në shtëpi, në Vjenë, në orën 9.35, kur edhe pak metra më duheshin të hapja portën e godinës time, nga godina e tij, doli kancelari (kryeministri) austriak Sebastian Kurz i cili, sa më pa, më përshëndeti dhe më tha: nga po vjenë? nga Tirana, – i thashë. Të dielën nisem për Bruksel ku, të hënën, në parlamentin europian, do raportojmë mbi sukseset në rrugën Europiane të Shqipërisë si dhe hapat e mbetura drejt hapjes së negociatave. Dërgoji të falat e mia Edit, – tha ai dhe hyri në makinë e u nis për në punë ndërsa unë, vazhdova rrugën për në shtëpinë time ku më prisnin…

/korrieri

Në Ministerialin e Mbrojtjes të Europës Juglindore (SEDM),që zhvillohet sot në Beograd, zëvendësministri i Mbrojtjes, Petro Koçi, iu përgjigj flakë për flakë sekretarit të Shtetit të Ministrisë së Mbrojtjes së Serbisë, Bojan Jocic.

Përfaqesuesi i Serbisë deklaroi se Serbia është kundër shpalljes së njëanshme të pavarësisë Kosovës dhe e konsideroi të rrezikshme për stabilitetin në rajon shndërrimin e FSK-së në Forcë të Armatosur.

Por, ka reaguar menjëherë në fjalën e tij zëvendësministri i Mbrojtjes i Shqipërisë, Petro Koçi, duke deklaruar se “Kosova është një vend i pavarur që duhet të ftohet në SEDM”.

“Anëtarësimi i Kosovës në iniciativa të tilla rajonale jo vetëm kontribuon për paqen dhe stabilitetin në rajon, por lehtëson gjithashtu shpirtin e dialogut dhe realizmit mes Prishtinës dhe Beogradit”, tha Koçi.

Fatmir Xhafaj, si një politikan dhe zyrtar i vjetër që prej kohës së diktaturës, është i stërvitur për t’u ikur pyetjeve edhe kur ndodhet në siklet. E njëjta gjë ka ndodhur ndërsa ai fliste pas takimit me zv. Presidenti i Policisë Kriminale Gjermane, në lidhje me kokainën rekord të kapur pak muaj në Shqipëri.

Ministri u pyet dhe në lidhje me çështjen për ekstradimin e Arbër Çekaj nga Gjermania, pas kapjes së sasisë së madhe të drogës të kapur në kamionin me banane në Maminas, sasi prej 613 kilogram.

“Pyetje interesante, ka një ndryshim tashmë, nuk kemi të bëjmë më me një ekstradim, por me hetim të përbashkët, kjo u takon hetimit të krimeve të rënda, prokurorisë shqiptare dhe zyrës përkatëse të policisë gjermane”, ishte kjo deklarata e Xhafës për Çekajn.

Por, ccfarë hetimesh mund të ketë në Gjermani për një vepër penale të kryer në Shqipëri? Mesa duket Gjermania refuzon ta ekstradojë biznesmenin pasi në trafikun e kokainës janë përfshirë persona të tjerë që nuk janë kapur ende./korieri