Politike

Nga Astrit Patozi
BABALJA, SI EMERGJENCË KOMBËTARE
Nuk mbaj mend asnjë rast tjetër të ngjashëm. Janë 6 debate televizive njëkohësisht sonte në “prime time”, që të gjitha me një temë, “Babalen”. Që do të thotë, në një farë mënyre, se ky është problemi kryesor që ka Shqipëria sot, për të mos thënë i vetmi.

Tani pritet vetëm që të dalë dikush e të shpallë gjendjen e emergjencës së përgjithshme kombëtare, për mbylljen e shkollave, fabrikave, furrave të bukës, restoranteve po e po, madje edhe spitaleve, derisa të zgjidhet kjo çështje.

Unë nuk them dot se ata që e gatuan serialin e neveritshëm me Babalen e kanë bërë qëllimisht, por ky është një rekord i zi i degradimit të politikës në Shqipëri. A thua se nuk jemi i njëjti vend ku çmimi i karburanteve po rritet në shifra të frikshme, ku krimi po bën kërdinë në mes të kryeqytetit, ku shteti po vidhet në çdo qelizë nga zyrtarët e vet dhe ku shqiptarët po ikin nga sytë këmbët çdo ditë prej atdheut te tyre.

Dhe është jashtë çdo dyshimi, që qeveria është pala më e interesuar për t’i zhvendosur temat e mëdha të debatit politik në banalitete ordinere si gjella, që po u serviret sot në tavolinë praktikisht çdo shqiptari që ka një aparat televizori në shtëpi.

Me sa duket vjedhja, korrupsioni dhe shkelja e ligjit janë kritere për të bërë karrierë në qeverisjen “Rama”.

Qytetarët e Sarandës, denoncojnë një tjetër skandal që po ndodh në qytetin e tyre. Ish-drejtori i ALUIZNI-t në Sarandë i cili u çua për ndjekje penale për shkak se legalizoi një pronë publike duke ja dhuruar dajës së tij, është emëruar sekretar i PS-së në mënyrë që ti shpëtojë ligjit.

Denoncimi është bërë publik nga ish-kryeministri Sali Berisha në rrjetin social Facebook.

POSTIMI I BERISHËS
Drejtori siçilist, qe lumturon dajon duke legalizuar per te edhe kabinen e elektrikut, cohet per ndjekje penale por dora e ngrohte e partise e emeron sekretar te PS! sb

Pershendetje. Meqense para disa ditesh fole per krietarin e ri te asamblese te PS ish drejtorin e ALUIZNI qe u shkarkua me urdher te ministres dhe u dha per ndjekje penale po ju dergoj disa fakte te shkeljeve te tij ne kete drejtori.

Kjo siperfaqja pa objekt vetem me nje garazh te vogel eshte legalizuar ne emer te dajos te tij Arjan Beqo dhe nje tjeyri Garazhi me lart.Ky objekti me poshte eshte kabine elektrike dhe e ka legalizuar per objekt.M. Te lutem publikoje ato shkeljet qe ju dergova per ish drejtorin e ALUIZNI Sarande pasi jane

fakte qe jane cuar dhe ne prokurori dhe ata flene mbi dosje dhe se drejtori pretendon dhe ne te njejten kohe kryetar bashkie. Ju flm

Partia Demokratike vijon akuzat në drejtim të kryeministrit Rama dhe ministrit të Brendshëm Fatmir Xhafaj.

Në një dalje për mediat, deputeti i Partisë Demokratike, Enkelejd Alibeaj ka zbardhur të tjera detaje dhe fakte, që sipas tij tregojnë se prokuroria në çdo hap që hedh zbaton rezultatin praraprak të përgatitur nga Rama.

“Rama nuk heton trafikantët e drogës, por përndjek gazetarët. Nuk procedon ministrin e Brendshëm i cili ka ndihmuar vëllain trafikant, por deputetët e opozitës që denoncojnë. Fabrikon dhe fallcifikon prova dhe dëshmitarë. Është fakt që Agron Xhafaj nuk u hetua kurrë, por iku natën për Itali sapo u publikua audio-përgjimi. Prokuroria nuk heton Xhafën për fallisfikimin e ligjit për vëllain. Prokuroria e Krimeve të Rënda nuk ka zhvilluar asnjë hetim për trafikun e drogës.”-tha Alibeaj.

Ndër të tjera, deputeti demokrat risolli në vëmendje deklaratën e Ramës kur doli audio-përgjimi, i cili tha publikisht se kishte ekspertizën e një laboratori, sipas të cilit nuk ishte zëri i Agron Xhafajt në audio.

“Rama deklaroi se kishte ekspertizën e një laboratori, sipas të cilit nuk ishte zëri i Agron Xhafajt në audio dhe prokuroria as nuk guxon tja kërkojë këtë provë”-tha Alibeaj.

Ndërsa më tej ai u shpreh se “prokuroria është shndërruar në zyrë propagande e Edi Ramës.”, ndërsa shtoi se prokuroria nuk hetoi pasurinë e Agron Xhafajt dhe familjarëve të tij, ashtu siç e parashikon ligji antimafia