Politike

Politika ballkanase të integrohet në BE duke europianizuar Ballkanin dhe jo duke ballkanizuar Europën

Aktualitet, Politike / /

Kryetari i Kuvendit të Shqipërisë, Gramoz Ruçi mori pjesë në Forumin e Kryetarëve të Parlamenteve të Shqipërisë, Kosovës dhe Maqedonisë, i organizuar nga agjencia e lajmeve “BIRN” dhe “Internews Kosova”, ku qëllimi ishte shkëmbimi i përvojave ndaj sfidave parlamentare që po kalojnë parlamentet Shqipërisë, Kosovës dhe Maqedonisë, si edhe diskutim i hapur për mbi zyrtarizmin e gjuhës shqipe në Maqedoni.

Në këtë forum, krahas Kryetarit të Parlamenteve të Kosovës, Kadri Veseli dhe Kryetarit të Parlamentit të Maqedonisë, Talat Xhaferri, merrnin pjesë edhe Ali Aliu, gjuhëtar dhe anëtar i Akademisë së Shkencave të Kosovës dhe anëtar i jashtëm i Akademisë së Shkencave dhe Arteve në Maqedoni dhe në Shqipëri dhe Hilmi Jasharin, Avokati i Popullit në Kosovë.

Gjatë zhvillimit të bashkëbisedimit,  Ruçi u pyet nga përfaqësuesit e medias mbi zhvillimet politike në Maqedoni me miratimin e ligjit për përdorimin e gjuhës Shqipe si gjuhë zyrtare dhe zhvillimeve në Kuvendin e Kosovës mbi miratimin e marrëveshjes së demarkacionit, ku Ruçi i bëri thirrje politikës ballkanase që të integrohet në Bashkimin Europian duke europianizuar Ballkanin dhe jo duke ballkanizuar Evropën.

Kryetari i Kuvendit të Shqipërisë dënoi aktet e dhunës në Kuvendin e Kosovës në seancën e diskutimit mbi ratifikimin e marrëveshjes së demarkacionit me Malin e Zi, duke thënë se dhuna nuk është mjet demokratik dhe ligjore të të shprehurit në Kuvend, në tempullin e demokracisë.

Lidhur me situatën politike në Maqedoni, Ruçi vlerësoi bashkimin e spektrit politik shqiptar në Maqedoni duke shprehur se duhet të vijoi bashkëpunimi për integrimin e mëtejshëm të shtetit maqedonas në Bashkimin Evropian dhe në NATO.

I pyetur për mbledhjen në Tiranë të faktorit shqiptar në Maqedoni, Ruçi pohoi efektin pozitiv që solli ky takim në bashkimin e partive shqiptare në Maqedoni drejt objektivave të përbashkëta.

Ruçi u ndal edhe në sfidat që hasin të tre vendet duke shtuar se parlamentet respektive duhet të vijojnë punën e tyre për reformimin e kuadrove ligjore në mënyrë që të tre vendet, Shqipëria, Kosova dhe Maqedonia të vijojnë rrugëtimin e tyre për anëtarësim të plotë në strukturat euro-atlantike/atsh

Politika ballkanase të integrohet në BE duke europianizuar Ballkanin dhe jo duke ballkanizuar Europën Read More »

Balla jep lajmet nga Prokuroria: Basha nën hetim me Salianjin & co

Debat, Politike / /

Deputeti socialist Taulant Balla kërcënon opozitarët me një tjetër padi në Prokurorinë e Krimeve të Rënda.

Në një status në “Facebook” Balla thotë se kreu i PD-së Lulzim Bashë është nën hetim për kallëzim të rremë të kryer në bashkëpunim me ish-oficerin që denoncoi çështjen “Xhisiela” Emiljano Nuhu.

Balla e akuzon Bashën se turpëroi Shqipërinë me një paçavure që u lexua nga Genc Pollo në Parlamentin Europian. Ai i ka kërkuar llogari Bashës për “pazaret e bëra në SHQUP apo në oborrin e SHQUP-it”, ndërsa e këshillon të mos kërkojë marrëveshje për t’u tërhequr nga kallëzimet.

STATUSI I BALLËS
Lulzim Basha është zyrtarisht në hetim për “kallëzim të rremë të kryer në bashkëpunim” me shpifës Nuhun. Pse nuk shkon PD t’i shohë kamerat e komisariatit dhe praninë time 😂😂😂në komisariatin e Fushë-Krujës, apo edhe të vetë Nuhut? Ti Lulzim si person në hetim ke të drejtë t’i shohësh. Apo hajt se do harrohet. Nuk e le unë në harresë, Lulzim! Sepse dje turpërove Shqipërinë aspak mua, me një paçavure që i dhe të lexojë Pollua.

Edhe Ervin Salianji është zyrtarisht në hetim bashkë me Babale&co. Nesër tek Prokuroria e Krimeve të Rënda depozitoj kallëzim të plotë për vepra penale të kryera në bashkëpunim për Lulzim Bashën, Ervin Salianjin dorë për dore me Florenc Hoxhën, pazarxhinjtë e sëmurë që ranë brenda në kurthin që ngritën vetë me ca personazhe qesharakë e që nuk ka alibi që i shpëton.

Ti Lulzim duhet të sqarosh pazaret me këta persona, të bëra në SHQUP apo në oborrin e SHQUP-it. Kallëzimi dhe çdo informacion tjetër është në dispozicion të Prokurorisë, sepse shqiptarët duan të dinë të vërtetën sa më shpejt. Luli kërcen nga një degë në një degë, nga një gënjeshtër në tjetrën. Turp s’ka.
Lulzim mos kërko marrëveshje për t’u tërhequr nga kallëzimet. Do t’i shkojmë deri në fund secilës prej shpifjeve.

Balla jep lajmet nga Prokuroria: Basha nën hetim me Salianjin & co Read More »

Meta i trembur nga burgu, del hapur kundër SHBA-BE, kërkon rishikim total të ligjeve të reformës në drejtësi dhe ndryshimeve kushtetuese

Politike / /

Partnerët tanë kërkojnë përshpejtimin e pastrimit të drejtësisë dhe politikës nga “peshqit e mëdhenj”, përmes reformës në drejtësi dhe Vettingut, vlerësojnë se procesi ka shënuar sukses të dukshëm. Presidenti kërkon zhbërjen e ndryshimeve Kushtetuese dhe ligjeve të reformës, duke kërkuar të riformatohen nga e para, skenar për të shpëtuar nga prangat veten, bashkëshorten Monika dhe tërë kupolën e korruptuar politike

“Laku” për “peshqit e mëdhenj” të korrupsionit në Shqipëri sa vjen dhe po ngushtohet, në progresion të fortë me reagimin e tyre për të shpëtuar.

Duke qënë se politika e SHBA dhe BE ndaj Shqipërisë dhe qëndrimi i fortë për luftë ndaj krimit e korrupsionit nuk ka ndryshuar as me ardhjen e zv.ambasadores së SHBA Leyla Moses-Ones dhe ambasadorit të ri të BE Luigi Soreca, politika e inkriminuar është vënë në lëvizje.

Një natë më parë ka qënë Presidenti Ilir Meta ai që ka reaguar fort kundër reformës në drejtësi, duke kërkuar zhbërjen e saj.

Ish kreu i LSI, i frikësuar nga burgu për shkak të dosjeve të rënda që ka në ngarkim, është shprehur se kjo reformë nuk është efikase dhe ka bllokuar të gjitha institucionet e drejtësisë.

Madje ka qënë konkret, teksa ka nënvizuar se ka disa elementë të rëndësishëm të reformës në drejtësi, të zbatimit të saj dhe krijimit të institucioneve të reja, ku mungesa e çdo institucioni në parashikim me ndryshimet kushtetuese, është problematike.

Më problematik sipas tij është fakti që vendi është pa Gjykatë Kushtetuese funksionale. Dhe për Metën, një vend që s’ka një Gjykatë Kushtetuese funksionale, pothuajse nuk ka Kushtetutë, në kuptimin e garancisë së zbatimit dhe respektimit të të drejtave kushtetuese.

Një deklaratë vërtetë skandaloze e Ilir Metës, duke pasur parasysh se ai si President i Republikës firmos dekrete në emër të Kushtetutës, kthen apo kalon ligje në emër të Kushtetutës, duke e ditur siç e pranon dhe vetë, se vendi është pa aktin themeltar të shtetit.

Por është pikërisht Meta ai që ka bllokuar një prej institucioneve më të lartë të drejtësisë, Kushtetuesen, duke mos pranuar kërkesën e kreut të Kuvendit për të plotësuar vendet vakante në Komisionin e Emërimeve në Drejtësi. I cili siç e pranon dhe vetë Meta, nuk është funksional.

“Për të dalë nga një situatë që shpeshherë duket si një ekstraligjore, mendoj që një dialog ezaurues i harmonizimit të ndryshimeve kushtetuese me legjislacionin përkatës dhe me situatën konkrete, është i domosdoshëm për të shuar çdo paragjykim dhe për të hedhur hapa të shpejtë në krijimin e këtyre institucioneve dhe funksionimin e tyre”, tha Meta.

Kreu i shtetit e ka hedhur larg e larg në intervistën e tij, idenë e ndërhyrjes totale në Kushtetutë për të zhbërë të gjitha ligjet dhe nenet e reformës në drejtësi.

Duke justifikuar ndërhyrjen në Kushtetutë dhe në ligjet për reformën në drejtësi, Meta tregon arësyen që sipas tij bëhet. Këto riformatime për Presidentin bëhen “në mënyrë që të rishikonim gjithçka, që nga praktika rezulton e vështirë apo e pamundur, në mënyrë që ne të krijonim një mjedis të pakontestueshëm nga ana ligjore dhe kushtetuese për krijimin e këtyre institucioneve”.

Në këtë mënyrë Presidenti Ilir Meta del hapur kundër reformës në drejtësi dhe ligjeve të kësaj reforme, kundër Vettingut në drejtësi, duke kërkuar rikthimin e këtij procesi në pikën zero.

Ky është një skenar i Metës, i mbështetur dhe nga opozita, që të shkatërrojë procesin e reformës në drejtësi, ta zvarrisë sa më shumë, të mërzisë të gjithë ‘partizanët’ e kësaj reforme, duke filluar nga SHBA dhe BE, dhe të fitojë kohë në përpjekje për të evituar qelinë.

Dhe një kërkesë të tillë për rifillimin e reformës në drejtësi nga e para, Meta e bën në kushtet kur partnerët tanë ndërkombëtarë janë shprehur se, ndonëse me ritme të ngadalta, reforma në drejtësi është një proces që ka dhënë rezultate mbresëlënëse.

Ndërsa SHBA dhe BE kërkojnë përshpejtimin e këtij procesi të rëndësishëm të pastrimit të drejtësisë dhe politikës nga “peshqit e mëdhenj”, Presidenti del hapur kundër ndryshimeve Kushtetuese dhe ligjeve të reformës, duke kërkuar bërjen nga e para.

Një skenar ky për të shpëtuar veten, bashkëshorten Monika dhe tërë kupolën e korruptuar politike, nga burgu./Pamfleti

Meta i trembur nga burgu, del hapur kundër SHBA-BE, kërkon rishikim total të ligjeve të reformës në drejtësi dhe ndryshimeve kushtetuese Read More »

Rama ironizon sherrin mes PS dhe PD në Bruksel, “Ai momenti kur të vjen zor për komshiun që të ka rënë për hise”

Politike / /

Rama ironizon sherrin mes PS dhe PD në Bruksel, “Ai momenti kur të vjen zor për komshiun që të ka rënë për hise”
Ndërsa një ditë më parë u përplasën përfaqësuesit e PD dhe PS në Bruksel, Kryeministri Rama e komenton duke e ironizuar këtë situatë.

Sot Kryeministri Edi Rama për mes një fotoje në ‘Instagram’ ka ironizuar incidentin e djeshëm, pasi opozita edhe pse u largua nga salla e PE-së, nuk nguroi që të merrte pjesë në drekën e përbashkët me të pranishmit, ku ishte edhe Balla. “Ai momenti kur të vjen zor për komshiun që të ka rënë për hise…”, shkruan Rama.

Rama ironizon sherrin mes PS dhe PD në Bruksel, “Ai momenti kur të vjen zor për komshiun që të ka rënë për hise” Read More »

Vjen një lajm i mirë nga BE-ja, për Shqipërinë

Politike / /

Miratohet deklarata e Stabilizim Asociimit Shqipëri-BE,

Kreu i Grupit Parlamentar të PS dhe njëherësh bashkëdrejtues i delegacionit Shqipëri-BE në Parlamentin Evropian, Taulant Balla, ka bërë me dije se sot është miratuar Deklaratës Përfundimtare të Komitetit të Stabilizim-Asocijimi.

Në një postim në Facebook, Balla shkruan se në deklaratë thuhet: Rishprehim mbështetjen e plotë për hapjen e negociatave të anëtarësimit në Bashkimin Europian në Qershor 2019

POSTIMI I PLOTË
Faleminderit Parlamentit Europian grupeve më të mëdha politike nga e djathta në të majtë, për miratimin e Deklaratës Përfundimtare të Komitetit të Stabilizim-Asocijimit BE-Shqipëri, e cila fillon me këtë fjali:

Rishprehim mbështetjen e plotë për hapjen e negociatave të anëtarësimit në Bashkimin Europian në Qershor 2019. Jam krenar që Shqipëria ka këtë mbështetje kaq të madhe në PE.
Shënim: Jam i keqardhur për teatrin e radhës së opozitës edhe këtu, ku duhet të jemi të gjithë bashkë për Shqipërinë që Duam.

Mbledhja Shqipëri-BE/ Balla bën deklaratën e fortë: Nëse një nga ato që tha Pollo është e vërtetë, unë jam gati të…

Pas largimit të opozitës nga Mbledhja e Komisionit të Përbashkët Nderparlamentar Shqipëri-BE, ne Bruksel, ku kërkuan që Taulant Balla të hiqej nga roli i drejtuesit të komisionit, pasi është në akuzë për lidhje me krimin, ky i fundit gjatë fjalës së tij u shpreh se nëse një nga gjithë ato akuza që Genc Pollo i drejtoi në këtë mbledhje është e vërtetë, atëherë ai është i gatshëm që të përballet në gjykatën e Brukselit.

“Mesa duket ju të gjithë që jeni këtu e doni vendin tim më shumë sesa opozita jonë, për fat të keq dhe për këtë më vjen keq. Por unë deklaroj se nëse qoftë dhe një nga ato akuza që Pollo hodhi kundër meje, është e vërtete, atëherë jam gati të përballem me gjykatën e Brukselit. Unë kam informacionet e mia që përfaqësuesit e opozitës sot këtu, ishin të urdhëruar nga Lulzim Basha për të gjithë këtë debat, dhe për këtë më vjen keq”,. tha Balla.

Vjen një lajm i mirë nga BE-ja, për Shqipërinë Read More »

Çështja “Balla”, bëhet nami në Parlamentin Europian. Gjithcka çfarë ndodhi

Aktualitet, Debat, Politike / /

Çështja “Balla” është bërë problem para syve të politikanëve europianë.
Debati brenda politikës shqiptare ka kaluar kufirin dhe kësaj here është spostuar në Bruksel. Genc Pollo dhe Taulant Balla kanë ngritur tonet edhe në Parlamentin Europian.

Teksa Balla fliste përballë të pranishmëve, Genc Pollo kërkoi të merrte fjalën. Ndërkohë drejtuesja e Komisionit “kritikoi” Pollon, ndërsa ky i fundit bashkë me përfaqësuesit u larguan nga salla.

“Eurodeputetët e sikletosur nga Balla. Ç’të bëjmë, zemë hundën me dorë e vazhdojmë punën. Eurodeputetët kerkojne zyrtarisht shpjegime për skandalet e Ballës. Balla pasardhës i denjë i Tahirit në këtë Komision; si Tahiri të largohet! Dhe do të largohet. Kjo është e fundit mbledhje e Parlamentit ku Balla është bashkëdrejtues”, tha Pollo.

Pollo kërkon që komisioni të mos drejtohet nga Balla, ndërsa ka theksuar se kjo është e padenjë të jetë bashkëkryetar.

“Është e padenjë që Balla të jetë bashkëkryetar. Turp për mazhorancën në Tiranë që nuk e ndërroi. Turp për ne të gjithë, po e toleruam edhe në Bruksel. Ne nuk mund të rrimë e të votojmë deklarata me thirrje kundër krimit te korrupsionit me Ballën në presidium. Eurodeputetët mund të mos kenë mekanizëm procedural për ta larguar Ballën. Por, siç e thanë, do zënë hundën me dorë e vazhdojnë një orë punë. Dhe po i kërkojnë llogari ekzekutivit të tyre për skandalet e shumta të Balles. Edhe pse kjo është hera e fundit me Ballën bashkëkryetar ne këtë parlament. Me Ballën shef delegacioni parlamentar sabotohet integrimi europian dhe silurohet hapja e negociatave vitin tjetër”, shtoi ai.

Drejtuesja e komisionit kërkoi nga deputetët e opozitës të respektojnë rendin e ditës, por theksoi faktin se me largimin nga mbledhja, deputetët tregojnë se janë kundër dialogut.

Po gjatë ditës së sotme ka patur reagime dhe kundër-reagime në distancë mes Ballës dhe kreut të PD-së, Lulzim Basha.

Balla deklaroi se Basha ka porositur deputetët e tij për të krijuar rrëmujë në Parlamentin Europian, ndërsa i bëri thirrje që të ishte i kujdesshëm, me qëllim për të ruajtur imazhin e vendit duke mënjanuar sulmet politike, të cilat sipas tij janë të pabaza.

Nga Brukseli Balla tha se betejat mes kampeve politike duhet të lihen në Shqipëri. Po ashtu Balla bëri deklaratën e fortë, ndërsa shtoi se nëse ndonjë nga akuzat që lëshoi deputeti i PD-së Genc Pollo është e vërtetë, ishte i gatshëm që t’i bëhet gjyqi në Luksemburg.

“Ne duhet të lëmë betejat tona në Shqipëri, dhe këtu të bashkojmë forcat me ju. Nëse 1% kaq është shumë 1 në 1 mln nga gjithcka sa tha z. Pollo jam gati të më bëhet gjyqi ne gjykaten e Luksemburgut”, tha ai.

“Ata duhet të votojnë bashkë me mua ligjin e Magjistraturës. Dy vite me parë votuam reformën në drejtësi. Ishte Kukan, Fleckenstain, por ka shumë ligje në parlament që kërkojnë shumicë të cilësuar në parlament kolegët ne parlament duhet të kuptojnë se nëse duan të vijnë në pushtet vihet me zgjedhje të lira. Ndryshimi nuk behet me marrëveshje por përmes votës se popullit dhe te kesh zgjedhjet e lira. Ndryshimi nuk behet me marrëveshje por përmes votës se popullit dhe te kesh zgjedhjet e lira ne thamë se duhet te bëjmë ndryshimet ne kodin zgjedhor. Drafti është këtu, unë dua t’ju jap një kopje gjithçka është aty nga A te ZH. Vettingu po vazhdon gjysma e tyre që e kanë kaluar, për fat të keq ose për fat të mirë. Faleminderit për angazhimin tuaj. Ju e doni vendin tim më shume se opozita jonë”, tha ai.

Çështja “Balla”, bëhet nami në Parlamentin Europian. Gjithcka çfarë ndodhi Read More »

PD-PS përplasen në Bruksel, opozita braktis takimi, të largohet Taulant Balla

Aktualitet, Debat, Politike / /

Ka shkuar deri në Bruksel përplasja mes PD dhe PS. Sherri mes tyre është zhvendosur në Parlamentin Europian ku opozita ka braktisur takimin. Ka qenë Genc Pollo ai që ka kërkuar që Taulant Balla të mos jetë bashkëkryetar i këtij delegacioni, duke thënë se ai është pardon i krimës dhe i drogës. ‘’Është e padrejtë që Balla të jetë bashkëkryetar i këtij delegacioni. Turp për mazhorancën në Tiranë që nuk e ndryshoi këtë deputet me një tjetër dhe turp për ne që e toleruam ”, mësohet të jetë shprehur Pollo, pak para se të linte sallën bashkë me kolegët e tij të PD-së.

Sipas Pollos, “me Ballën në majë të pirgut s’ka kuptim deklarata e sotme kundër drogës e pro negociatave”. Sipas Pollos, eurodeputetët kërkojnë zyrtarisht shpjegime për skandalet e Ballës. “Balla pasardhës i denjë i Tahirit në këtë Komision; si Tahiri të largohet! Dhe do të largohet. Kjo është e fundit mbledhje e Parlamentit ku Balla është bashkëdrejtues”.

Por teksa ai fliste ndërhyri Monika Macovei, nënkryetarja komisionit të Stabilizim Asociimit, duke i thënë që të mos vazhdonte më. “Të gjithë këto akuza që ju thoni, i kemi kontrolluar dhe nuk janë të vërteta”– tha ajo. Edhe para nisjes së kësaj seance në parlamentin europian ka pasur një përplasje përmes statuseve në Facebook mes Pollos dhe Ballës, ku ku i fundit shkruante: Lulzim! Ti e di që je zyrtarisht në hetim për “kallzim të rremë” bashkë me Shpifës Nuhun. Për mua flasin qartë kamerat e komisariatit (s’kam qenë hiç aty, madje as Nuhun s’e ke aty). Nesër, sapo të kthehem nga Parlamenti Europian, gati një kallzimi tjetër për ty dhe Florenc Hoxhën, shokun tënd të famshëm që s’i zë dora vend pa shkelur ligjin👎.

PD-PS përplasen në Bruksel, opozita braktis takimi, të largohet Taulant Balla Read More »