Politike

Pas miratimi të ligjit për lojërat e fatit ka reaguar edhe kryeministri Rama në Twitter.

Kryeministri Edi Rama thotë se tashmë projekt ligji kalon në Komisionin e Ligjeve dhe të enjten votohet në Kuvend.

Sipas kryeministrit, miratimi i projektligjit për lojërat e fatit është një mesazh i qartë ndaj krimit të organizuar, krim të cilit Rama u ka dhënë një ‘goditje’ vdekjeprurëse me heqjen e lojëve të fatit.

“FLM deputetëve të Komisionit të Ekonomisë e Financave, për mbështetjen me votën sot të projekt-ligjit për ndalimin e bixhozit! Tani në Komisionin e Ligjeve dhe të enjten të gjithë në Kuvend. Për nënat e gratë në radhë të parë. Dhe për një mesazh të qartë krimit të organizuar”– ka shkruar kryeministri Edi Rama.

Kryeministri Edi Rama ka paralajmëruar dje valë shkarkimesh në administratë. Gjatë mbledhjes së grupit ai deklaroi para deputetëve e se ka shumë drejtorë që po abuzojnë dhe ata nuk meritojnë të jenë pjesë e mazhorancës. Për këtë arsye kreu i qeverisë njoftoi se sot paradite do të mbledhë Kryesinë e PS. Gazeta SOT ka mësuar se në Kryesi do të diskutohet pikërisht për nisjen e një faze tjetër shkarkimesh në administratë. Sipas burimeve, Ramës i ka shkuar në dorë një listë me të gjithë drejtorët problematikë në vend, të cilat do të shkarkohen nga detyra, ndërsa shumë prej tyre mund të ndiqen dhe penalisht.

Kështu ndodhi me ish-drejtorin e Burgjeve, Arben Çuko. Ai u shkarkua nga ministrja e Drejtësisë ndërsa më pas erdhi dhe arrestimi. Pak ditë më parë gazeta publikoi një raport të Ministrisë së Drejtësisë sa i takon auditimeve dhe doli se ka shumë drejtorë me probleme. Po ashtu dhe në platformën e bashkëqeverisjes ka pasur lumë ankesash. Kjo e ka bindur Ramën se ka mjaft emra që duhet të shkarkohen dhe të dalin para drejtësisë. Sot do të diskutohet me anëtarët e Kryesisë mbi rrugët që do të ndiqen.

E sigurt është se do ketë raprezalje në politikë e administratë. Kushdo që ka abuzuar me paratë e taksapaguesve shqiptarë do të duhet të mbajë përgjegjësi. Sipas të dhënave, në portalin “shqipëriaqëduam” ka pasur dhe denoncime për korrupsion. “Për këtë periudhë (janar-qershor 2018) janë raportuar pranë njësisë antikorrupsion në Kryeministri dhe gjithashtu në institucionet ku denoncohet rasti, 13 raste nga të cilat: 10 për Ministrinë e Drejtësisë, 1 Ministria e Financave dhe Ekonomisë, 1 Ministria e Arsimit Sportit dhe Rinisë, 1 Ministria e Infrastrukturës dhe Energjisë. Institucionet nuk raportojnë se ndonjë nga ankesat/raportimet për raste korruptive i kanë raportuar në Policinë e Shtetit apo në Prokurori. Buxheti i shtetit është burimi i financimit të kësaj mase”, thuhet në raport. Duket se këta do jen të parët që do preken nga furtuna.

Auditimet e denoncimet

Sipas të dhënave të siguruar nga Ministria e Drejtësisë, gjatë vitit 2018 në SH.Ç.B.A janë marrë dhe trajtuar 2880 telefonata në linjën e gjelbër dhe 1074 ankesa nga të gjitha portat e mundshme që SH.Ç.B.A ka vënë në dispozion të publikut. Pas hetimit administrative të ankesave ka rezultuar se: Në 55 raste për 93 punonjës policie janë evidentuar shkelje të karakterit administrativ dhe është sugjeruar fillimi i hetimit disiplinor nga Drejtoria e Standardeve Profesionale, në Drejtorinë e Përgjithshme të Policisë së Shtetit. Sa i takon Ministrisë së Bujqësisë, në kuadër të platformës së bashkëqeverisjes, gjatë 6 -mujorit të parë 2018 janë verifikuar dhe kthyer përgjigje për 96 ankesa brenda afateve.

Sa i takon Ministrisë së Shëndetësisë, në FSDKSH janë ngritur grupe pune për verifikimin e ankesave të qytetarëve për punonjësit e institucionit, janë verifikuar dhe trajtuar 6 (gjashtë) raste ankesash për korrupsion gjatë periudhës janar – qershor 2018. Sa i takon problematikave në burgje, janë realizuar 8 kontrolle dhe auditime nëpërmjet të cilave po shqyrtohet dhënien e masave disiplinore dhe masave administrative në vazhdim. Konkretisht në IEVP Fier janë proceduar penalisht 3 punonjës. Në total janë dhënë 15 masa disiplinore “Vërejtje me shkrim”, 4 masa disiplinore “Heqja deri në masën e dy ditëve të punës” dhe 7 masa disiplinore “Vërejtje me paralajmërim”. Arsyeja e dhënies së masave ka qenë moszbatimi i orarit zyrtar si dhe moskryerja e detyrave funksionale e punonjësve gjatë kryerjes së detyrës. Pra duket se do ketë valë shkarkimesh në ditët në vijim./korrieri

Arrestimi i dy ish deputetëve të PS, Arben Çuko dhe Arben Ndoka një natë më parë u cilësua si një goditje e fortë ndaj “peshqve të mëdhenj” të korrupsionit në Shqipëri.

Për “kutin” shqiptar këto arrestime mund të cilësohen të një niveli të lartë, duke pasur parasysh se bëhet fjalë për faktin se në Shqipëri, që nga arrestimi i ish kryeministrit Fatos Nano, tek- tuk ndonjë deputet si Doshi e Frroku e që tashmë janë jashtë tashmë jashtë burgut, arrestimet e këtij niveli kishin “humbur”.

Por parë në këndvështrimin e kërkesave dhe pritshmërive të partnerëve tanë ndërkombëtarë SHBA dhe BE që kanë financuar deri në detaje luftën kundër krimit, trafiqeve dhe abuzimit me pushtetin, ështe tmerrësisht pak.

Si kusht për integrimin e Shqipërisë në Bashkimin Europian partnerët tanë kanë vënë goditjen dhe dërgimin në burg të “peshqve të mëdhenj”, pa neglizhuar të gjitha nivelet e përfshirjes së zyrtarëve dhe të politikës në aleancë me krimin.

SHBA dhe BE, teksa kanë në “dritën e diellit” të gjitha dosjet e rënda për zyrtarët më të lartë, duke filluar nga ish kryeministra dhe kryeministra, ish ministra dhe ministra aktualë, janë tepër të shqetësuar që në “rrjetën” e organeve ligjzbatuese deri tani kanë rënë vetëm “peshqit e vegjël”.

Për “kutin” e partnerëve ndërkombëtarë, arrestimi i ish deputetit dhe ish kreut të Burgjeve Çuko,  ish deputetit Ndoka apo dhe vellait të Drejtorit të Përgjthshëm të Shërbimeve Rrugore në ministrinë e Energjitikës dhe Infrastrukturës Arben Isaraj, janë goditje ndaj “cironkave”.

Dhe zhgënjimi i SHBA e BE është akoma më i madh, teksa kanë nuhatur se ka një pakt mes Ramës, Berishës dhe Metës për të evituar goditjen ndaj “peshqve të mëdhenj” të krimit, trafiqeve dhe të abuzimit me pushtetin.

Nuk është thjeshtë një pakt i Ramës me Berishën dhe Metën për të shpëtuar ministrat dhe ish ministrat miq të tyre, duke filluar nga Ilir Beqaj, Arben Ahmetaj dhe vijuar me ish ministrat Lulzim Basha, Genc Ruli, Edmond Haxhinasto, Sokol Dervishaj apo zyrtarë të tjerë të lartë.

Eshtë një kompromis mes Ramës, Berishës dhe Metës për të shpëtuar veten e tyre si “kryepeshqit e mëdhenj” të krimit, trafiqeve dhe korrupsionit në Shqipëri.

Ndaj pakti mes tyre rezulton në goditjen ndaj këtyre “peshqve të vegjël”, ku radha ka filluar me dy ish deputetët e PS dhe do të vijojë ndoshta me të tjerë të këtij niveli, nga radhët e PD dhe LSI.

Në këtë mënyrë bëhet sikur realizohet “plani” i goditjes ndaj krimit si kusht i vënë nga SHBA e BE për integrimin në Europë, por dhe shpëtohen “peshkaqenët e mëdhenj” që janë vetë Rama, Berisha, Meta, Monika e Basha. Një skenar që ka zemëruar shumë partnerët tanë ndërkombëtarë./Pamfleti

Skandalet e ditëve të fundit duket se po ia sosin durimin kryeministrit.

Pas arrestimit të dy ish-deputetëve socialistë, si dhe ndalimit të disa zyrtarëve të institucioneve publike, rama ka mbledhur ditën e sotme grupin parlamentar të PS-së.

Para të tijve Rama ka qenë tepër i ashpër duke folur për të korruptuarit dhe ata që kanë dështuar në drejtimin e këtyre institucioneve.

“Kemi ca drejtore legena që po na nxijnë fytyrën me korrupsion e keqmenaxhim”, – mësohet të jetë shprehur Rama në mbledhjen e grupit parlamentar socialist. .

Po ashtu, Rama ka urdhëruar mbledhje urgjente kryesie pasditen e nesërme.