Politike

Kështu e ka nisur shkrimin e tij ish-kryeministri Sali Berisha, të publikuar disa momente më parë.

Berisha ka shkruar se në vend krimi ka plasur nga të katërta anët, ndërsa drejtorët bëhen kurban për ministrat.

“O udhëtar eja në Shqipëri të shohësh lidhjet me krimin, me bandat e Avdylëve, Bajrëve, Ndokëve, Rrajave”, ka shkruar ish-kryeministri, ndërkohë ka përmendur emrin e Edi Ramës, disa ministrave dhe deputetëve të PS.

REAGIMI I PLOTË:

Gezim, gezim, gezim te madhe ka sot Shqiperia!

Mireserdhet ne vendin – ku ka plasur krimi ne te kater anet – ku drejtoret behen kurban per ministrat

O udhetar eja ne Shqiperi te shohesh lidhjet me krimin me bandat e Avdyleve, Bajreve, Ndokeve, Rrajave te:

– Edvin Kristaq Rames, kreut te meduzes -narko kabinetit te tij Xhafes se Droges, Ditziut, Klosit, Gjiknurit, Agaci ose Veliut etj,etj -narkodeputeteve Taulant Yaris, Harusha, Ndreu, Qyrbia dhe prit prit se jane edhe shume te tjere, te narkoqevetitareve vendore, Gjushi, Bushi, Rroshi etj

Shtetet e Bashkuara të Amerikës kanë qënë dhe janë shumë të shqetësuara për involvimin e shqiptarëve në radhët e radikalëve islamikë, ku përkundrejt financimit të fortë, u kanë shërbyer në misionin e tyre të terrorit.

Për këtë arësye në një tur ballkanik, mbërriti para një jave dhe ambasadori i posaçëm dhe Koordinator Kundër Terrorizmit në Departamentin Amerikan të Shtetit, Nathan A. Sales.

Misioni i Sales ka qënë i mirëpërcaktuar dhe në funksion të luftës kundër elementëve terroristë në radhët e shqiptarëve, e kryesisht të personave që kanë një ndikim të fortë në qarqet shqiptare brenda dhe jashtë vendit.

Mësohet se koordinatori i DASH për luftën kundër terrorizmit, Sales në takimin me organet ligjzbatuese shqiptare, ku kanë qënë prezentë dhe përfaqësues të FBI amerikane, ka diskutuar dhe për rolin e Shkelzen Berishës, djalit të ish kryeministrit shqiptar në botën e terrorit.

Zyrtari i DASH ka “ratifikuar” në këtë mënyrë lajmin e para disa muajve të “PAMFLETI”, sipas të cilit FBI por dhe në organet e shërbimit sekret shqiptar, kanë informacione, foto dhe prova për takimin e Shkelzen Berishës me radikalët islamikë dhe udhëtimet e përbashkëta me ta.

Koordinatori i luftës kundër terrorizmit ka kërkuar nga organet ligjzbatuese shqiptare një informacion të detajuar në lidhje me hyrje-daljet e Shkelzen Berishës në Shqipëri, dhe në veçanti janë interesuar për lëvizjet e tij në linjën Tiranë-Stamboll.

FBI dhe organet ligjzbatuese shqiptare kanë dhënë një informacion të detajuar në lidhje me udhëtimet e shpeshta të Shkelzen Berishës drejt Stambollit herë me bashkëjetuesen e tij Armina Mevlani, por më shumë ka qënë nën shoqërinë e radikalëve islamikë.

Mësohet se emrat e bashkëudhëtarëve të Shkelzen Berishës, FBI dhe organet ligjzbatuese shqiptare i kanë në disponim, për shkak dhe të një bashkëpunimi të frytshëm me organet ligjzbatuese turke, me një informacion shtesë sipas të cilit ai ka lëvizur dhe në drejtim të Riadit.

Nën “petkun” e vizitave për peligrinazh në Arabinë Saudite, mësohet se FBI dhe organet ligjzbatuese shqiptare disponojnë një informacion të bollshëm për takimet, shoqërimet, dhe lëvizjet e Shkelzen Berishës në Katar dhe vende të tjera, pa përjashtuar dhe Jemenin në luftë.

Dyshimet janë se në Jemen, Shkelzen Berisha ka qënë në funksion të njohjes së tregut të armëve dhe nevojave që kanë për armë, ku në një fazë të dytë me mbështetjen e njerëzve të terrorit, por dhe bashkëpuntorëve të tij në Austri dhe Gjermani, nga bota e nëndheshme e krimit shqiptar, të çojnë ndonjë ngarkesë të mundshme armatimi dhe municionesh për palët ndërluftuese rajonale.

Organet ligjzbatuese shqiptare ndajnë të njejtin qëndrim me FBI sipas të cilit janë të gjithë dyshimet e arësyeshme që Shkëlzen Berisha po shërben për radikalët islamikë si një “trampolinë” për ushtrimin e aktivitetit të tyre terrorist në Europë dhe më gjërë.

Nga ana tjetër duke qënë se djali i ish kryeministrit Berisha bashkë me të fejuarën tashmë të tij Armina, lëviz në të gjithë botën gjatë gjithë vitit, si dhe ka shumë llogari bankare në zonat off-shore nga Qipro e deri në ishujt e Paqësorit, po përdoret nga radikalët në rolin e një “banke” lëvizëse për të qarkulluar paratë, të cilat po u bllokohen nga SHBA dhe aleatët e tyre.

Duke qënë se organet ligjzbatuese amerikane kanë vënë re se lëvizja e Shkelzen Berishës dhe e fejuarës së tij Armina nëpër botë ka një koencidencë të fortë dhe me lëvizjen e shumave të mëdha nëpër llogaritë e tij bankare, lë gjurmë gjatë tërheqjes në vende të ndryshme të botës, dyshimi i fortë është se ai po lëviz dhe paratë e radikalëve islamikë.

Për këtë arësye të gjitha lëvizjet e Shkelzen Berishës, janë vënë nën survejim dhe kontroll të plotë, sidomos pas zbarkimit në Shqipëri të koordinatorit të luftës kundër terrorit në DASH, Nathan A. Sale, një javë më parë dhe takimit me FBI dhe organet ligjzbatuese shqiptare.

Zbardhja një nga një e bashkëpunimit të Shkelzen Berishës me radikalët islamikë dhe me botën e nëndheshme të krimit shqiptar dhe më gjërë, po e ngushton “lakun” ndaj tij, që mund ta dërgojë shumë shpejt në pranga.

Lufta kundër terrorizmit gjithnjë është marrë seriozisht nga partnerët tanë ndërkombëtarë, ku Shqipëria ka qënë një partner i besueshëm i SHBA në këtë luftë që në vitin 1998 dhe vijim./Pamfleti

Përmes një shkrimi të botuar në të përditshmen DITA, analisti Bedri Islami shpjegon duke renditur tri aryse se përse nuk po arrestohet edhe ish kryeministri Sali Berisha. Sipas tij, mbi ish kryeministrin rëndojnë një sërë akuzash dhe veprash penale.

ANALIZA/ “Cila forcë e mban atë ende në këmbë dhe e lejon të bëjë të fortin, edhe kur është i përmjerrur? Së pari, Berisha, aq sa ishte produkt i Katovicës, aq është edhe produkt i një klani perëndimor, i cili ka ende pushtet në administratën amerikane dhe të disa vendeve perëndimore, si Franca , dhe që në kohë të ndryshme ishin të lidhur fuqishëm, me interesa financiare, me botën e tmerrshme serbe. Zv.Sekretari i shtetit, Igëllberger, i njohur për lidhjen e tij me botën financiare serbe do të jetë njëri ndër nunët e parë politikë të Berishës dhe jo më kot ai dërgoi këtu, menjëherë pas dhjetorit të vitit 1990, njeriun më të besuar, i cili, si nuk do të ndodhte asnjëherë më vonë, do të vinte nga Beogradi, ku “rastësisht” kishte mësuar gjuhën shqipe.

Ky taraf politik, jo vetëm përtej Atllantikut, por edhe më pranë nesh, u josh fillimisht nga ideja e përmbysjes së komunizmit, të cilit në fakt asaj kohe i kishin rënë patkojtë; pastaj u josh se gjetën pranë vetes një njeri të gatshëm për çdo gjë, në hirën e pushtetit; joshja vazhdoi nga besimi që u dha se për Kosovën nuk do të kërkonte asgjë më shumë se sa llafet e zakonshme nacionaliste, si strehë e vagabondit politik, dhe në fund, lidhjet vazhduan me mbështetjen financiare të qeverisë shqiptare për të “madhëruar” një pushtet autokratik që po kthehej në despotik. Njerëz të politikës evropiane, edhe kur gjithë bota shihte se si vidheshin votat e vitit 1996 dhe rriheshin opozitarët në mesin e sheshit, si një parathënie e vrasjeve të mëvonshme, i quante të rregullta, pasi, më pas, kompani të lidhura me to, do të kishin koncensionet e tyre të mëdha, të kromit të bakrit, të lojrave të fatit etj etj.

Së dyti: Si e kam thënë edhe në shkrime të tjera, Shërbimi Inteligjet në Shqipëri ka qenë gjithnjë i dyzuar. Ata më shumë kanë punuar për Berishën, sesa për vendin. Janë të paktë ata punonjës të këtij Shërbimi, në dy periudhat e qeverisjes berishiane, që nuk kanë sot bizneset e veta, më së shumti lokale, firma ndërtimi, etj. Besnikëria e tyre shkon tek ai që i bëri pasha, kur ishin raja. Këta njerëz mbushën dosjet e tij me përgjime, raporte sekrete, ndjekje të figurave politike. Pjesë të këtyre sedave nuk janë vetëm shqupasit, të cilët nuk guxojnë as të bëzajnë, por edhe ata që qeverisin sot. Sepse, dorën në zemër, jo çdo akuzë që bën Berisha, është e sajuar; herë – herë ai ka të drejtë, por i shton aq shumë zullumet e krijon aq shumë fantazi, sa që bëhet i pabesuar.

Këto SHIK-as, ish policë, qofshin koliqianë apo shehrianë, nuk kanë bërë vetëm këtë. Pranë vetes Berisha ka pasur gjithnjë një klan të fuqishëm, si një gardë pretoriane, që i ka mbyllur gojën, shpejt e shpejt, kujtdo që ka qenë i rrezikshëm për të, apo thjeshtë ka rënë në mërinë e tij. Kjo gardë është edhe sot e kësaj dite e gatshme të të bëjë gjithçka që vendi të jetë nën psikozën e konfilktit apo terrorit. Së treti: Nuk ka pasur e nuk ka në botë qeveri më të tërhequr, për të mos thënë, më frikacake, se sa qeverisja socialiste në Shqipëri. Vetëm një herë ajo u dëshmua se mund të veprojë, kur u bë arrestimi i Berishës që ishte mbyllur në veturën e blinduar, por edhe ajo kaloi shpejt.

Në vitin 1997 veprimi më i paktë që do të kishte mundur të bënte qeverisja socialiste e Nanos do të ishte largimi nga politika e Berishës, qoftë edhe përmes plebishitit popullor. Kjo nuk ndodhi, sepse socialistët ishin ende të thekur për paqe sociale, duke e ditur se paqe nuk do të kishte, e duke u akuzuar, një ditë pasi ishin dhunuar, se kishin qenë dhunues. Edhe qeverisja e sotme bën sikur nuk di dhe nuk ndjehet sepse nuk ka zë. Të tërhequr deri në skaj nga ideja e marrëveshjes, e mbipaqëtimit, e konsensusit ( “me konsensus” i vrau Berisha katër demonstrues në mesin e Tiranës dhe prishi të gjitha provat e vrasjeve), të joshur nga idea e të qenurit modern dhe bashkeevropianë, ata kanë mbetur tek batutat kryeministrore, të cilat harrohen sapo dëgjohen. Në vitet e qeverisjes Berisha u bënë zullumet më të mëdha në Shqipëri; pasojat janë ende të pranishme e do të jenë për shumë e shumë kohë, por asgjë nuk trashitet; gjërat po mbyllen, e do të jetë një ditë qe çdo gjë do u kthehet si një boomerang gjigand. Ndaj edhe livadhis Sali Berisha…”/korriero

Më një gjuhë të ashpër i është përgjigju ish kryeministrit Sali Berisha, deputeti socialist Pjerin Ndreu për akuzat se edhe ai është i implikuar në veprimtari kriminale. Me një gjuhë të ashpër, Ndreu i kujton Berishës mëkatet e jetës politike në vend. “Sali Berisha, nuk ka me tu plotesu deshira as ty as morrave qe ke rrotull apo enderrojne me kot te me shohin mua te implikuar ne rrjete kriminale.

Kriminalizimi jot, i familjes tende dhe gjaku i viktimave qe ke ne kurriz ne kete vend, as ne varr ska me te lene rehat. Leh edhe pak se je nga fundi, ose drejt burgut ose drejt varrit, e do shpetojme njeher e mire nga nje i paudhe si ti. Familja Ndreu ka me te tregu targen ty matuf sepse eshte elite ne kete vend ne cdo aspekt. Kam krenari per ate qe perfaqesoj si person dhe si familje, ndersa ndjej neveri per ty dhe gjithe gjirizin tuaj qe ndotet kete vend me 1001 prapesi !”, shkruan Pjerin Ndreu.

Partia Socialiste do shkarkojë të gjithë kryetarët e degëve të saj në rang bashkie që kanë punuar keq. Propozimi është bërë dje gjatë mbledhjes së përbashkët të Kryesisë së PS-së dhe grupit parlamentar, ku i pranishëm ishte edhe kryeministri Edi Rama. Propozimi është bërë i njohur për mediat pas mble-dhjes nga zëdhënësja e kryesisë së kësaj force, Elisa Spiropali, e cila në fakt e bëri këtë fakt të kryer, duke deklaruar shkarkimin e 11 krerëve të degëve të Partisë Socialiste.

“Në mbledhjen e sotme të kryesisë u shkarkuan 11 kryetarë socialistë. Janë vënë re vonesa të pajustifikueshme në riorganizimin e partisë, në fushatën e anëtarësimeve dhe në degët lokale”, tha Spiropali. Por, duket se kemi të bëjmë me një lapsus të Spiropalit, pasi menjëherë pas kësaj deklarate, nga selia rozë u qartësua se gjatë mbledhjes së kryesisë nuk ishte marrë vendimi i shkarkimit, por vetëm ishte diskutuar propozimi për shkarkim të 11 kryetarëve të PS-së në nivel bashkie. Madje, nga zyra e shtypit u bë e ditur se tashmë ky propozim do të diskutohet me drejtuesit politikë të qarqeve si dhe asambletë e rretheve për të vendosur më pas nëse do të vendoset për shkarkimin e tyre ose jo.

Arsyet
Burime nga Kryesia e PS-së bënë të ditur se arsyet e këtij propozimi drastik lidhen me punën e dobët të bërë prej tyre në drejtimin e partisë, sidomos sa i përket përmbushjes së detyrimeve, që lindën nga vendimmarrja e mbledhjes së fundit të Asamblesë Kombëtare. Bëhet fjalë për proceset organizative në kuadër të zgjedhjeve të ardhshme, si dhe fushatën e anëtarësimeve në parti. Mësohet se ka qenë vetë kryeministri Edi Rama, ai që është ankuar për neglizhencën e socialistëve, përfshi kryetarët e degëve, drejtuesit e pushtetit vendor dhe ka kërkuar nga drejtuesit politik të çdo qarku që të analizojë veprimtarinë e tyre dhe në mënyrë të veçantë atë të drejtorëve lokalë. “Vihet re një shkëputje nga disa territore. Drejtuesve politikë u është kërkuar që të rrisin prezencën në territor dhe në qarqet që mbulojnë, sidomos në bashkitë që drejtohen nga opozita, ku vihet re një degradim i madh i marrëdhënies së pushtetit lokal me qytetarët”, shtoi Spiropali.

Emrat
Në listën e krerëve të PS-së në nivel bashkie që kanë punuar keq bie në sy se bëhet fjalë për degë partie që në pushtetin vendor drejtohen kryesisht nga Partia Demokratike ose Lëvizja Socialiste për Integrim, ku duket se edhe Partia Socialiste ndihet më e dobët. Listën e kryeson kryetari i PS-së së Shkodrës, Arvit Osja dhe për të vijuar me kryetarin e PS-së në Tropojë, Abedin Katana; kryetarin e PS-së Përmet, Edvin Tuci; atij të Devollit Erold Begolli, atij të Selenicës, Nertil Ballaj apo edhe ai i Cërrikut, Gëzim Salla. Të gjitha këto, bashki që në pushtetin vendor drejtohen nga përfaqësues të PD dhe LSI. Pjesë e listës së kryetarëve që kanë punuar keq janë edhe kryetarët e PS-së në Dibër, Kurbin, Memaliaj, Shijak dhe Ura Vajgurore. Gjithsesi, tashmë verdikti për fatin e këtyre drejtuesve socialistë është në dorë të drejtuesve politikë të qarkut, të cilët do duhet të bëjnë edhe një analizë më të thelluar për të nxjerrë shkaqet e këtyre rezultateve, shkruan Gazeta Shqiptare.

‘Statuti’, Neni 31 – Kryetari i partisë së bashkisë

Mandati i kryetarit të partisë së bashkisë si rregull është 4 vjet. Mandati i tij ndërpritet para kohe kur:
Jep dorëheqjen
Shkarkohet nga kryesia e partisë për dobësi në punë e shkelje të normave të statutit.
Nuk fiton në mocion votëbesimi të zhvilluar për të.
Humbet besimin e anëtarësisë dhe të organizatave socialiste të bashkisë dhe shkarkohet prej tyre.
Humbet zgjedhjet vendore, ose arrin rezultat më të dobët se zgjedhjet e mëparshme politike në bashkinë respektive.
Në rastet e mësipërme, mandati ndërpritet automatikisht dhe kryetari qëndron në detyrë deri në zgjedhjen e kryetarit
të ri.

Kryetarët e PS që janë propozuar për t’u shkarkuar

1. Arvit Osja – Shkodër
2. Gëzim Salla – Cërrik
3. Afrim Mikli – Dibër
4. Agron Ivani – Kurbin
5. Edvin Tuci – Përmet
6. Nertil Bellaj – Selenicë
7. Erold Begolli – Devoll
8. Edmonda Harizaj – Memaliaj
9. Abedin Katana – Tropojë
10. Elton Arbana – Shijak
11. Arjan Çepele – Ura Vajgurore/korrieri

Deputeti Dashamir Shehi ka qenë i ftuar në studion e emisionit “Provokacija” të Mustafa Nanos.

Shehi është shprehur se nuk është kundër pikave të basteve, por që duhet të kufizohen sepse në vendin tonë është ekzagjeruar me to.

Gjithashtu deputeti ka shtuar se është në kategorinë e personave që luan dhe ndonjë dorë poker.

“Unë jam nga ata që luaj edhe ndonjë dorë poker, nuk është se jam kundër, por duhet të kufizohet. Në zonat rurale i vetmi vend komunitar janë ato ku luhet poker, them se duhet të frenohet. T’i themi stop. Në Shqipëri, siç çdo gjë tjetër, është ekzagjeruar edhe me pikat e basteve.Sot po nuk të dhanë lekët merr biletën dhe shkon në polici, nesër kur të luhet ilegalisht do shkosh të drejtohesh te ‘i forti’ dhe më pas ai do shkojë t’u marrë lekët atyre”, është shprehur kryetari i LZHK-së.