Politike

Deputeti i parë i Partisë Demokratike që ka komentuar dorëheqjen e ministrit të Brendshëm Fatmir Xhafaj, është Klevis Balliu.

Në një status në Facebook, ai shkruan se dorëheqja e tij shënon fillimin e fundit të Rilindjes. Sipas Balliut ky është ministri i dytë i Brendshëm që pas denocimeve të PD ka dhënë dorëheqjen.

“Kujt i shërbeu Fatmir Xhafaj me largimin, Edi Ramës, Olsi Ramës apo u dorëzua përballë Tahirit?,” shkruan Balliu.

Statusi i plotë

DORËHEQJA E FATMIR XHAFËS SHËNON FILLIMIN E FUNDIT TË RILINDJES
Ikën Ministri i dytë i Brendshëm i Rilindjes pas denoncimeve të PD.

Fatmir Xhafaj, vëllai i trafikantit të drogës dorëzohet dhe largohet nga detyra e ministrit. E gjithë kupola e PS është në krye të krimit dhe udhëhiqet nga bandat.
Sot është një tjetër betejë e fituar nga demokratët, LUFTA do edhe më shumë punë, por ne nuk do të ndalemi.

Rastësi apo çfarë ishte ky largim pikërisht në ditën kur Saimir Tahiri kishte lajmëruar të fliste për kundërshtarët e tij të Rilindjes, por tashmë është tërhequr nga ky komunikim publik.

Bandat e larguara po kërcënojnë bandat në qeveri.
Xhafa u largua që të heshtë Saimiri?!
Kujt i shërbeu Fatmir Xhafaj me largimin, Edi Ramës, Olsi Ramës apo u dorëzua përballë Tahirit?
Sot detyra jonë është të SHPORRIM bandat e RILINDJES.

Shqipëria po bën përpjekje shumë të mëdha për të ecur përpara në drejtimin e duhur, ishte mesazhi që përcolli sot senatorja franceze Helene Conway-Mouret, e cila theksoi se këtë mesazh do t’ia përcjellë presidentit francez, Emanuel Macron.

Gjithashtu, theksoi ajo, do t’i sugjerojë që edhe ai të vijë në Shqipëri për një vizitë zyrtare presidenciale.

Në një konferencë për shtyp me Kryetaren e Komisionit te Jashtëm, Mimi Kodheli, gjatë vizitës që po zhvillon në Tiranë, Conway-Mouret theksoi se “marrëdhëniet tona dypalëshe janë të shkëlqyera në të gjitha fushat. Por që t’i forcojmë këto marrëdhënie duhet të takohemi, të kemi shkëmbime dhe të njohim njëri-tjetrin”.

“Ajo që kam vënë re që në takimin e parë me Ministren e Drejtësisë është së pari, një motivimi shumë i fortë i juaji për të ndryshuar vendin. Dhe së dyti dëshira e madhe për të qenë anëtarë të familjes së madhe europiane”, tha Conway-Mouret.

“Ne kemi nevojë për të bashkëpunuar në fushat e mbrojtjes dhe sigurisë”, shtoi senatorja franceze.

Ajo vlerësoi pjesëmarrjen e grave në postet e larta politike në Shqipëri si shenjë e modernizimit. “Nga ana personale desha të them që nga takimet që kam pasur, jam e lumtur që kam takuar kaq shumë personalitete gra sepse kjo tregon shkallën e modernizimit të vendit tuaj në këtë moment”. /atsh

Qeveria ka vendosur të rrisë pagat për disa kategori, përfshirë shëndetësinë, arsimit, policët e burgjeve etj. Lajmin e ka bërë të ditur ministri i Financave, Arben Ahmetaj. Ne nje konference per mediat, Ahmetaja theksoi se draft buxheti i akorduar nga qeveria do te kaloje pasdite ne Kuvend, per te kaluar ne komisionet perkatese me gjithe detajimet e nevojshme.

“Për të katërtin vit radhazi qeveria Rama nuk prodhon borxh të ri, por krijon suficit për borxhet e trashëguara në vite. Jemi duke ulur borxhin publik dhe do kemi investime 5% të PBB. Investime në nivele të konsiderueshme, 900 milionë dollarë investime publike”- tha ministri.

“Dua të theksoj se buxheti i vitit 2019 financon plotësisht reformën në drejtësi, rritjen e pagave për gjyqtarët dhe prokurorët dhe financimin e vettigut dhe organeve të reja të drejtësisë. Kjo shkon më shumë se 2.2 miliard”, tha ai.

Ai theksoi se ne Shendetesi perfitojne: 4650 mjekë dhe 13765 infermierë, 18 415 punonjës me një fond mbi 1 miliardë lekë Arsim: 35 783 staf mësimor, 1.5 mliliarde lekë Burgje/ 3560 policë të burgjeve, 200 milione lekë në vit Rritje të ndjeshme të pagave të diplomatëve shqiptarë me rritje mbi 20%, 7% rritje pagash të mësuesve

Gjatë një takimi të zhvilluar me gratë e Elbasanit kreu i Grupit Parlamentar të Partisë Socialiste, Taulant Balla ka lëshuar disa akuza në drejtim të kryetarit të Partisë Demokratike, Lulzim Basha.

Sipas Ballës, Lulzim Basha ka bashkëpunuar me persona me të shkuar kriminale në zgjedhjet parlamentare të 2009-ës, madje sipas tij i nxori dhe nga burgu për t’i përdorur për intimidimin e socialistëve dhe qytetarëve të Elbasanit.

“Pjesa më e madhe e këtyre kompanive, sikurse e tha dhe Kryeministri në Kuvend ishin persona të dënuar për vepra të ndryshme kriminale. Ja ku ndahen ata që seriozisht e kanë betejën me krimin dhe ata që krimin e kanë thjeshtë dhe vetëm një alibi për si kanë bashkëpunuar ata me krimin. Nuk është larg 2009 dhe Elbasani e di fare mirë se si bashkëpunoi Lulzim Basha me persona me të shkuar kriminale, madje i nxori dhe nga burgu për t’i përdorur për intimidimin e socialistëve dhe qytetarëve të Elbasanit. Kjo është e vërteta e madhe”, – u shpreh Balla./atsh

Grida Duma e ka nisur ditën mbarë me një shprehje popullore që i ka befasuar të gjithë që mund të thuhej nga ajo.

Deputetja demokrate duke komentuar iniciativën e qeverisë “Rama” për të bllokuar lojërat e fatit, u pyet nga “InTv” se si do të veprojë opozita nëse ky premtim do përmbushet.

Duma, doli nga situata duke kujtuar shprehjen e njohur “Sikur të kishte halla k*qe do t’i thoshim dajë“.

Mbase shumëkush, pas kësaj përgjigjeje që nuk i ka hije një politikaneje, ka menduar shprehjen tjetër po aq të njohur popullore se “Gjuha shkon ku dhemb dhëmbi”.

SHIKONI VIDEON KETU

Ndryshe nga opozita, e cila vijon sulmet ndaj qeverisë edhe pas operacionit të së dielës, duke pretenduar se bosët e vërtetë të krimit po lihen të lirë, LSI është rreshtuar krah ministrit Xhafaj.

E para ishte Monika Kryemadhi që doli hapur në mbështetje të tij. Të martën ajo vlerësoi hapur operacionin e policisë, ndryshe nga sa e kritikoi PD.

“Kemi dëgjuar për arrestimet e fundit që kanë ndodhur në Shqipëri që është një sinjal shumë i mirë për hir të së vërtetës, për shkak të sigurisë, është një sinjal shumë i mirë për të rinjtë, për t rejat, për popullin shqiptar, si një mundësi për të parë që diçka do të fillojë dhe do të shkojë në vend”, tha ajo në një takim në Vlorë.

Po ashtu një tjetër eksponent i LSI fakton aleancën Meta-Xhafaj-Kryemadhi. Ish-deputeti i LSI, Flamur Çelaj, i cili mban postin e kreut të Komisionit të Sigurisë në LSI shkruan: “Përfitoj nga rasti të shpreh përkrahjen time për Policinë e Shtetit të cilët i inkurajoj të vazhdojnë operacionet e tyre për çrrënjosjen e krimit në mbarë vendin. Për ministrin Xhafaj, pastërtinë morale të të cilit nuk e kam vënë kurrë në dyshim, i jap të njëjtin inkurajim, por me një këshillë: Mos lejo kryeministrin të interferojë në drejtimin politik të dikasterit që ti drejton, pasi ai do sabotojë punën tënde dhe do komprometojë imazhin tuaj në sy të shqiptarëve dhe partnerëve ndërkombëtarë”, ka thënë ai.

Reagimi i tij nuk ka kaluar pa kritika. Shumë komentues e kanë akuzuar, por Çelaj ka nxjerrë akoma dhe më tej detaje, ku sipas tij ka një luftë Rama-Xhafaj.

“Mëso të kuptosh, KM ka dashur gjithë këto muaj ta heqi Xhafën nga MB, por nuk e kanë lejuar ndërkombëtarët”, ju përgjigj ai një komentuesi duke treguar se LSI informohet për Xhafajn.

Këto deklarata nga eksponentët e LSI-së vijnë në një kohë që ndërkombëtarët dhe vetë Rama kërkojnë me “këmbëngulje” arrestimin e “Escobarit të Ballkanit”, Klement Balili. Ndërkohë Policia vijon me operacionet  “dështake”, jo për shkak të mos lokalizimit, por për shkak të mungesës së dëshirës për vënien në pranga të personit, i cili i shantazhon me video-orgjitë , në hotelin tashmë të sekuestruar “Santa-Quaranta”./korrieri

Shqipëria ka marrë një kërkesë të qartë nga Turqia për mbylljen e të gjitha institucioneve arsimore që qëndrojnë pas Fetullah Gylen. Kërkesa është bërë nga ministri i Jashtëm turk Mevlut Çavushollu që përveç Shqipërisë i është drejtuar Kosovës dhe vendeve të Ballkanit.

Në një intervistë për agjencinë Anadollu, kryediplomati turk tha se institucionet arsimore të rrjetit FETO përbëjnë rrezik për sigurinë e këtyre vendeve.

Ankaraja i konsideron organizatat e Fetullah Gylenit si terroriste dhe organizatore të Grushtittë shtetit të 2016-ës. Çavushollu tha se deri më tani janë mbyllur 30 shkolla në vende të ndryshme të botës.

Shumë prej tyre do të administrohen nga një fondacion shtetëror i krijuar nga Turqia, që tani ka marrë nën administrim edhe shkolla në Shqipëri e Kosovë.

Duket se deputetët e mazhorancës janë përballur me një sërë kërcënimesh pas daljes hapur të tyre pro ligjit për mbylljen e lojërave të fatit. Kjo është bërë e ditur nga kryetari i Komisionit të Ekonomisë dhe deputetit Erion Brace. Në fjalimin e tij në seancën e sotme ai denoncoi këto kërcënime, por jo vetëm. Sipas tij janë kërcënuar me jetën e fëmijëve të tyre.

‘’Kemi marrë mesazhe kërcënuese, po ju lexoj njërin prej tyre. ‘’Ju merreni me ne, ne do të merremi me jetën tuaj”. Ne ligjin jo vetëm që e hartuam, po sot do ta kalojmë në Kuvend në mënyrë që ti japin fund njëherë e mirë kësaj historie. Kush nga ju mendon se ne jemi të dobët e keni gabim”, u shpreh Braçe.