Politike

Bashkimi Europian përshëndet operacionin e gjerë antidrogë të ndërmarrë nga Policia e Shtetit të dielën. Në një postim në rrjetet sociale, Ambasadori i BE në vendin tonë thotë se lufta kundër krimit të organizuar dhe trafikut të drogës është prioritet kryesor për Bashkimin Europian.

“Ne mirëpresim operacionin e gjerë antidrogë të ndërmarrë sot në qytete të ndryshme të Shqipërisë nga Policia e Shtetit Shqiptar. Lufta kundër krimit të organizuar dhe trafikut të drogës në Shqipëri është një prioritet kryesor për Bashkimin Europian. Tani ne presim që hetimet penale dhe dënimet do të vazhdojnë me rezultate të qëndrueshme”, shkruan në një postim në Tëitter, Ambasadori i Bashkimit Evropian në Shqipëri, Luigi Soreca.

Në një aksion të gjerë të shtrirë në disa qytete të vendit, Policia e Shtetit arrestoi të dielën dy ish-deputetë, si dhe disa prej anëtarëve të të ashtuquajturve “të fortët” e Shijakut. Një operacion i gjerë u ndërmor edhe për arrestimin e Kelmend Balilit, i konsideruar si “Eskobari i Ballkanit”, ndonëse kapja e tij nuk u bë e mundur.

Kryeministri Edi Rama ka reaguar sërish pas arrestimeve masive të ditës së sotme, duke filluar që nga anëtarë të grupeve kriminale e deri tek ish-deputetë.

Në një status në Twitter, kreu i qeverisë nuk i ka kursyer ironitë me opozitën ku shprehet se ky vend është i pashpresë për ata që bëjnë politikë me krimin.

“Atyre që bëjnë politikë me krimin, lufta kundër krimit u rrit dëshpërimin. Sa më fort do ta godasim krimin, aq më e dëshpëruar do të bëhet kundërvënia e tyre! Ne do ta bëjmë këtë vend të pajetueshëm për kriminelët dhe të pashpresë për ata që me krimin bëjnë politikë,” shkruan Rama.

@ediramaal
Atyre që bëjnë politikë me krimin, lufta kundër krimit u rrit dëshpërimin. Sa më fort do ta godasim krimin, aq më e dëshpëruar do të bëhet kundërvënia e tyre! Ne do ta bëjmë këtë vend të pajetueshëm për kriminelët dhe të pashpresë për ata që me krimin bëjnë politikë #DerinëFund

Arrestimet e sotme:

Ish-deputeti socialist, Arben Çuko – korrupsion pasiv

Ish-deputeti socialist, Arben Ndoka – tjetërsim pronash

Vëllai i deputetit socialist Arben Ndoka – falsifikim dokumentash

“Bosi” i Shijakut, Flamur Avdyli – trafik droge

Astrit Avdyli, Jasin Avdyli, Fatos Llaftiu, Shkelqim Avdyli, Shaqir Gjepali – pjesë e bandës së Shijakut

• Kërkime për Klement Balilin dhe Lul Berishen

Pas arrestimit  të ish Drejtorit të Përgjithshëm të burgjeve Arben Çuko si dhe ish-deputet i PS, ka reaguar kryeminsitri i vendit, Edi Rama.

Në një postim në Twitter ai eshte shprehur i keqardhur për Çukon, por shkruan se nuk ka qendrime në raport me ligjin.

Reagimi i Edi Ramës:

Keqardhje për A.Çukon po për ne s’ka dy qëndrime në raport me ligjin,ka vetëm një;s’ka dy qasje në raport me drejtësinë, ka vetëm një;s’ka dy fytyra në raport me qytetarët, ka vetëm një! Ne s’jemi e kurrë s’do jemi njësoj si të tjerët. Ne gjithnjë kemi vetëm një krah: DREJTESINE!

Ai është larguar nga skena politike prej më shumë se një viti për t’u marrë me profesionin e tij. Por sot Kreshnik Spahiu është kthyer në qendër të vëmendjes me një lajm të hidhur. Ish-kreu i “Aleancës Kuq e Zi”, ka njoftuar se e ëma e tij është ndarë nga jeta.

“Me dhembjen më të madhe pranova largimin nga kjo jetë të mamasë time, njeriut që më lindi dhe më rriti si Kreshnik”, shkruan mes të tjerash Spahiu në një postim në Facebook.

Kryeministri grek, Aleksis Tsipras, pranoi dje publikisht ekzistencën e fondeve sekrete për financimin e mediave, shoqatave të gazetarëve dhe kishës në disa vende, përfshirë edhe Shqipërinë si politikë normale.

Në përgjigje të akuzave ndaj qeverisë së tij për financimin e rreth 1 milion eurove vetëm gjatë muajit tetor për gazetarë, media dhe shoqata në Shqipëri, Tsipras theksoi se një praktikë e tillë ekziston prej vitesh. “E kam diskutuar këtë debat që kur ishim në opozitë, në vitin 2011, kemi diskutuar për procedurën sa i përket transparencës së përdorimit të fondeve. Kemi krijuar një procedurë transparente për fondet sekrete. Nuk ka keqpërdorim të këtyre fondeve pa një firmë nga urdhëruesi, jo siç ndodhte më përpara që i shpërndanin majtas e djathtas nëpër qese të zeza. Çdo vend që respekton veten e tij e ka për detyrë të përdorë një politikë të jashtme ku të mbështetet. Prandaj fondet sekrete janë një domosdoshmëri veçse ndokush ka kundërshtime.

Debati që po bëhet kohët e fundit po bëhet në mënyrë të turpshme nga një pjesë e shtypit opozitar që synon pikërisht të godasë këtë procedurë transparente”, deklaroi Tsipras. Kryeministri grek u shpreh i bindur se skandali për keqpërdorimin e fondeve sekrete është bërë nga opozita dhe segmente të caktuara të medias. Tsipras i kërkoi kreut të opozitës të shkojë në zyrën e tij dhe të informohet mbi mënyrën sesi shpenzohet çdo euro e taksapaguesve grekë. Garancinë për përdorimin e fondeve sekrete e dha edhe ish-ministri i Jashtëm, Nikos Kotzias. Sipas tij, Parlamenti miratoi një ligj të posaçëm sa i takon përdorimit të këtyre fondeve.

“Nëse është e vërtetë gjithçka që thuhet, është sikur t’u tregojmë të huajve se nuk jemi seriozë. Ne bëmë një ligj të posaçëm për fondet sekrete të cilat kontrollohen dhe miratohen nga një këshill dhe shkojnë drejtpërdrejt në Parlament”, tha Kotzias./korrieri

Skandali me lobimet në SHBA rrezikon të fundosë Partinë Demokratike dhe kreun e saj Lulzim Basha. Amerikanët kanë dorëzuar në Prokurorinë e Tiranës dosjen mbi lobimet, ndërsa sot bëhen të ditura fakte konkrete nga dokumentet.

Prokuroria është në pritje të një deklarimi që ka bërë Nicolas Muzin pranë autoriteteve amerikane dhe më pas pritet të vendoset për dosjen. Sipas informacioneve, prokurorët kanë tashmë në dorë kontratën që Lulzim Basha ka firmosur me Nicolas Muzin, kreun e kompanisë “Muzin Capitol Partners”.

Bëhet fjalë për një kontratë të firmosur mes tyre më 22 mars 2017. Në të bihet dakord mbi kushtet mes palëve, ku “Muzin Capitol” në këmbim të lobimeve për PD në administratën amerikane, duhet që të merrte 3 pagesa, sipas datave: E para më 22 mars me vlerë 25 mijë dollarë, e dyta duhej të bëhej më 22 prill po në vlerën e 25 mijë dollarëve dhe e treta më 22 maj po në vlerën e 25 mijë eurove. Pra 75 mijë dollarë në total. Deri këtu duket gjithçka normale. Por ajo për të cilën po heton prokuroria dhe ka kërkuar informacione, është lidhja e PD me kompaninë “Biniatta Trade LP”, e cila ka derdhur fonde pranë “Muzin Capitol” për llogari të Lulzim Bashës.

“Sot” ka siguruar kontratën e bërë mes “Muzin Capitol” dhe “Biniatta Trade LP”, e cila është dorëzuar dhe në prokurori. Kontrata mban datën 22 mars 2017 dhe është bërë për llogari të lobimeve të PD. Aty palët bien dakord për një pagesë prej 150 mijë dollarë në 3 muaj. Pagesat duhej të bëheshin sipas datave: 15 mars 2017, 15 maj 2017 dhe 15 prill 2017. Pra 3 pagesa nga 150 mijë dollarë, në total 450 mijë dollarë. Po ashtu kompania angazhohet të bëjë dhe një pagesë prej 500 mijë dollarësh në kuadër të disa takimeve në SHBA. Te koka e kontratës si subjekte jepen: “Muzin Capitol” dhe Partia Demokratike e Shqipërisë. Kjo kontratë është deklaruar në Departamentin e Drejtësisë më 14.11.2017 pra, gati 9 muaj me vonesë gjë që ka rritur akoma më tej dyshimet. Të dyja këto kontrata, pra ajo mes Muzin Capitol dhe PD dhe “Muzin Capitol” dhe “Biniatta Trade” janë në duart e prokurorëve.

Prova vendimtare që fundos Partinë Demokratike është ajo e deklarimit të financave që ka bërë “Muzin Capitol”. Sipas dokumentit, pagesa e parë është kryer më datë 24.03.2017 nga “Biniatta Trade LP” në vlerën e 150 mijë dollarëve, në emër të PD.

Pagesa e dytë është bërë nga vetë Partia Demokratike më 27.03.2017 në vlerën e 25 mijë dollarëve. Ndërsa është deklaruar gjithashtu se në datë 09.06.2017 janë pagur nga PD 500 mijë dollarë. Po ashtu janë deklaruar disbursime me vlerë 103.109 dollarë, nga kompani të ndryshme përgjatë 8 datave të ndryshme. Deklarimet janë bërë zyrtarisht në një dokument me 13 faqe dhe rezulton se ka pasur dy pagesa nga vetë PD me vlerë 525 mijë dollarë.

Një nga “Biniatta Trade LP” në vlerën 150 mijë dollarë. Dhe ka pasur pagesa të ndryshme në vlerën e 103 mijë dollarë. Në total kemi një pagesë prej 778 mijë dollarë. Kontrata e katërt që rrezikon të fundosë PD është dhe ajo që “Muzin Capitol” ka firmosur me “Baron Public Affairs”. Kësaj kompanie i janë paguar nga 3 herë nga 15 mijë dollarë, pasi ajo ka shërbyer si kompani konsulte për “Muzin Cpaitol”, me qëllim që të realizohej marrëveshja me PD. Po ashtu gazeta ka mësuar se dhe në raportin vjetor të Departamenti të Drejtësisë, është theksuar se “Muzin Capitol” ka përfituar nga PD plot 670 mijë dollarë. Nëse i shohim të gjitha dhe heqim një pjesë të financimeve nga donatorë, sërish janë rreth 500 mijë USD që PD ka paguar, që nuk dihet ku i ka gjetur.

Të gjitha këto dokumente mësohet se janë në dosjen që SHBA ka dorëzuar në prokurorinë shqiptare. Organi i akuzës mësohet se është fokusuar në dy aspekte: E para, a ka mashtruar PD me deklarimet që ka bërë në KQZ? Dhe e dyta, a ka pasur një kontratë mes saj dhe “Biniatta Trade LP”? Prokuroria ka marrë në dorë dokumentet dhe nga KQZ dhe aty rezulton se PD ka deklaruar rreth 100 mijë euro shpenzime lobimi për disa kompani të tjera. Më konkretisht ka deklaruar: Konsulenca “Barnes & Thornburg LLP”, 6,385,000 lekë; Konsulenca “Barnes & Thornburg LLP”, 6,200,000 lekë; Konsulenca “Clearpath Strategies” 1,820,109 lekë dhe Konsulenca “Murphy Vogel ASKEË”, 1,534,000 lekë. Pra në total 15.939.109 lekë. Por në KQZ, PD nuk ka deklaruar asnjë pagesë për “Muzin Capitol” dhe asnjë kontratë me “Biniatta Trade LP”.

Situata është kjo, në Departamentin Amerikan të Drejtësisë figuron që Partia Demokratike Shqiptare ka paguar ndaj Nicolas Muzin plot 525 mijë dollarë, të cilat nuk janë përcaktuar në kontratë. Këto dokumente janë në dorë të prokurorisë. Po ashtu, në SHBA figuron që në emër të PD është bërë dhe një pagesë me vlerë prej 150 mijë dollarësh nga “Biniatta Trade LP”.

Kjo pagesë nuk është deklaruar në KQZ dhe nuk figuron që PD të ketë një kontratë me këtë firmë. Pra, PD ka bërë deklarimin e rreth 675 mijë dollarëve duke shkelur ligjin. E dyta është se mediat amerikane deklaruan se “Biniatta Trade LP” është një firmë guackë në Skoci, e cila ka lidhje me rusët. Pra, nga e gjithë dosja që SHBA ka dorëzuar në prokurori, rezultojnë të sakta të gjitha ato që kanë dalë në media. Në deklarimet e Muzin rezulton që PD ka paguar 670 mijë dollarë, ndërsa në KQZ nuk figuron kjo shumë. Mbetet të shihet se çfarë do bëjë prokuroria./korrieri