Deputetja e Partisë Socialiste për Lushnjën, është prekur nga një tjetër fatkeqësi në jetën e saj, pasi pak kohë më parë humbi djalin e saj. Tatiana Piro (Nurçe) ka humbur nënën e saj.
“Ngushëllime për humbjen e nënën deputetja Tatiana Piro”, shkruan Agim Rama në foton e publikuar, ku shfaqen pranë saj dy kolegët, deputetët Pjerin Ndreu dhe Flamur Golemi. Ndërkohë vetëm pak ditë më parë Piro humbi në të njëjtën ditë në një aksident automobilistik djalin dhe vëllain e saj.
Tatiana Piro (Nurçe) ka lindur në 20 Qershor 1958, në Lushnje. Në vitin 1981 ka përfunduar Universitetin Bujqësor Kamëz, dega Ekonomi. Në vitin 1982 ka punuar si normiste në Sektorin e Serave, ndërsa në 1993 ka punuar si ekonomiste tek Parku i Mallrave, Dega e Planit. Për dy vite, 1993-1995, ka punuar si Likuidatore e Ndërmarrjes Etero-Vajore. Nga viti 1995 deri 1999 ka qenë Kryetare e Degës së Karburanteve “Armo”, në Lushnje.
Më pas, nga viti 1999–2003 ka punuar si ekonomiste pranë Ndërrmarrjes së Karburanteve “Armo”, Lushnje. Nga 2003 e në vazhdim, Z. Piro është administratore e Kompleksit Turistik “Blerimi”, Lushnje. Gjithashtu, në 2005 ajo ka hapur firmën e ndërtimit “IBN” shpk.
Aktualisht është anëtare e Këshillit Bashkiak Lushnje. Në 2008 merr çmimin “Gruaja në ndihmë të komunitetit”, ndërsa në 2017 merr medalje “Për merita civile” nga Presidenti i Republikës së Shqipërisë, për kontribut në fushën ekonomike, shembull frymëzyes dhe dinjitoz të gruas profesionale.
Kryeministri Edi Rama ishte i pranishëm sot në një aktivitet në gjimnazin “Sami Frashëri”, për të diskutuar reformën në gjimnaze. Gjatë fjalës së tij në aktivitet Ramës i ndodhi e papritura, duke u ndërprerë nga të lehurat e një qeni.
Teksa po fliste për reformën elektronike dhe barazinë në sistemin arsimor, një qen ka ndërprerë fjalën e Ramës, ndërsa kryeministri nuk ka ngurruar ‘t’i japë të drejtë’.
“Shumë e drejtë, mbarova”, është shprehur Rama.
Pjesë nga fjala e Ramës
Platforma elektronike nuk njef emra mbiemra, familje. Njeh vetëm kode dhe në bazë të kodeve të jep rezultatin. E fundit që dua t’ju them…
(Në sfond dëgjohen të lehurat e një qeni)
…shumë e drejtë, mbarova. E fundit që dua tju them është që përtej të gjitha këtyre, juve jeni maturantë, drejtoresha shprehur mirënjohje çfarë kemi bërë ne për shkollën. Unë për vetë skam bërë asgjë për shkollën tuaj që të jemi të qartë. E kam lyer në fillim kur isha kryetar bashkie. Ngjyrat e reja nuk i keni tamam sic duhet. Nëse keni nevojë për ndonjë këshillë artistik unë jam gati ta jap. Laboratorët e të gjitha këto nuk janë merita ime.
Ministria e Kulturës, ka ndërmarrë së fundmi një lëvizje të quajtur “Lëvizja Kombëtare për Lexim”, që synon afrimin e lexuesve të çdo moshe tek libri.
Nismën në fjalë ministrja Kumbaro e ka prezantuar edhe në Kukës, pas mbledhjes së qeverisë, por ajo i ka habitur të gjithë me një postim në Twitter, ku shkruan: Nëse shkon në shtëpinë e dikujt që s’ka libra, mos u q* me të”.
“Ne duhet të kemi sërish libra të mirë. Nëse shkon në shtëpinë e dikujt që s’ka libra, mos u q* me të. Mos e lejo atë të të eksplorojë ty para se të eksplorojë universet sekrete të librit”, shkruan ajo në Twitter.
Pas kësaj deklarate të bërë 2 ditë më herët, qytetarët kanë reaguar, nsërsa një prej tyre shkruan: “Ministrja kultures: FUCK THEM??? Jeni mire????”
Kryeministri Edi Rama konfirmoi të hënën se Sandër Lleshi do të drejtojë Ministrinë e Brendshme nga posti i zv/ministrit, por paralajmëroi se “nuk mbaron me kaq”.
“Dakordësi e plotë në Grupin Parlamentar. Kuvendi do të miratojë nesër dekretin e Presidentit për shkarkimin e ish-ministrit të brendshëm. Sandër Lleshi do të marrë drejtimin e MB si zëvendës ministër. Por nuk mbaron me kaq. Për më shumë do t’i drejtohem Kuvendit nesër në 10.00”, shkroi Rama në Twitter.
Goditjet e drejtësisë në nivele ministrash, ish-ministrash, deputetësh apo zyrtarësh të lartë duket se po afrojnë. Gjatë 28 viteve demokraci shumica e të korruptuarve ja kanë hedhur paq, duke shijuar pasuritë e vjedhura nga xhepat e qytetarëve. Por duket se numërimi mbrapsht ka filluar dhe përveç arrestimeve që do të ndodhin me ngritjen e SPAK, duket se do të ketë dhe sekuestrime pasurie. ‘Sot’ e ka deklaruar disa herë se destinacioni kryesor i pushtetarëve shqiptarë për fshehje pasurie është Londra.
Madje një zyrtar shumë i lartë në vend ka fshehur atje rreth 80 milionë euro pasuri. Por duket se ndërkombëtarët kanë rënë në gjurmët e tyre. Të premten ka mbërritur në Tiranë një delegacion britanik, me dy qëllime: Dhënien e asistencës për goditjen krimit të organizuar dhe sekuestrimin e parave të pista. Delegacioni drejtohet nga Sekretari i Përhershëm i ministrisë së Brendshme të Mbretërisë së Bashkuar Philip Rutnam, i cili shoqërohej nga Frances Collier Drejtor i Drejtorisë për Evropën, në Departamentin e Krimit të Organizuar, si dhe Sarah McAveety Koordinator Rajonal për Krimin e Organizuar dhe Krimet e Rënda.
Të premten delegacioni u takua me kreun e Policisë Ardi Veliu, ndërsa dje u takua me ministren e Drejtësisë Etilda Gjonaj. Ndërsa do ketë takime me zyrtarë të prokurorisë, Drejtorisë së Pastrimit të Parave dhe institucione të tjera ligjzbatuese. Sipas burimeve, britanikët do të japin asistencë logjistike, teknike dhe po ashtu do të dorëzojnë informacione mbi grupe të caktuar kriminale dhe paratë e fshehura në Londër.
Dje në takimin me Gjonajn ata kanë kërkuar ngritjen sa më shpejt të SPAK dhe Byrosë së Hetimit, duke dhënë sinjal se kërkojnë të nisë lufta antikorrupsion. Pak ditë më parë ishin gjermanët që bënë disa vizita të fshehta dhe u arrestua grupi me 34 persona. Por me mbërritjen e britanikëve pritet të ketë goditje të tjera dhe sërish ka pushtetarë të lartë të rrezikuar. Gjatë kohës që Fatmir Xhafaj ishte ministër, ai gjatë një vizite ne Britani ra dakord që të firmoset një pakt për pastrimin e parave. Me mbërritjen e delegacionit ditët e fundit, pritet që marrëveshja të zyrtarizohet.
Politikanët e përfshirë
Një zyrtar shumë i lartë në vend prej kohësh po mbahet në monitorim nga ndërkombëtarët. Gazeta e deklaroi se si vendet partnere zbuluan lidhjet e politikanëve shqiptarë me rusët, ndërkohë që janë zbuluar dhe paratë e fshehura prej tyre jashtë vendit. Pak muaj më parë Banka e Shqipërisë ka shpërndarë një udhëzim për të gjitha bankat, ku politikanët do të duhet të plotësojnë një formular për pastrim parash për çdo transfertë që kryhet.
Kjo ka ardhur pasi po punohet prej muajsh që të nisin goditjet për emra të lartë të përfshirë në transferta të dyshimta. Më i rrezikuari është një emër i njohur në vend, pasi atij i janë zbulua rreth 80 mijë euro në Londër dhe mbërritja e britanikëve e ka shqetësuar shumë. Gjatë ditëve të fundit “underground” ka pasur tensione të forta politike dhe duket se frika është te lëvizjet e vendeve partnere.
Gazeta pak ditë më partë tregoi se Drejtoria e Pastrimit të Parave ka zbuluar se 4 politikanë që kanë bërë transferta të dyshimta. Ndërkohë britanikët duket se kanë nisur të dorëzojnë të dhëna pranë autoriteteve shqiptare. Kjo do të thotë se me afrimin e datës për negociata do nisë dhe reprezalja në radhët e pushtetarëve. Kjo vizitë e britanikëve ka shqetësuar shumë emra, brenda dhe jashtë Parlamentit. Londra është gati të ofrojë pajisje speciale për të goditur pastrimin e parave dhe krimin e organizuar dhe çdo ditë që kalon rrethi për të korruptuarit sa vjen e bëhet më i vogël.
Kryetari i Partisë Demokratike ka vijuar takimet me fermerë e banorë, këtë të shtunë në Dvoran të Korçës.
Fermerët korçarë kanë deklaruar para Bashës se po përballen me të njëjtin shqetësim si edhe fermerët e tjerë në të gjithë Shqipërinë. Ata theksuan se kanë 5 vjet që nuk kanë marrë asnjë subvencion nga shteti.
“Sivjet nuk ka ardhur një maune me targa të huaja. Më parë vinin shqiptarët e Kosovës, vinin maqedonasit. Tani as edhe një. Nuk e di arsyen se pse nuk vijnë. Thonë që referencat në doganë… që qeveritë e huaja”, tha një fermer.
“Jemi gati t’i shesim nën kosto prodhimet tona”, tha një prej tyre. “Pa eksport nuk mund të zgjidhet kjo situatë. Sepse edhe fuqia këtu ka rënë, njerëzit po largohen”, tha një tjetër fermer.
Zona prodhon rreth 40 tonë mollë në ditë, fermerët prodhojnë prej saj edhe nënproduktin e uthullës, por që sipas tyre i gjithe ky prodhim nuk shitet dhe nuk kompenson shpenzimet e tyre.
Basha theksoi se vështirësia e fermerit sot është përgjegjësi e drejtpërdrejtë e qeverisjes së keqe me te cilën Rama ka zgjedhur të drejtojë vendin.
“Kush shet votën s’duhet të flasë më as për mollën, as për çmim të lartë të pesticideve e as për çmim të lartë të naftës, sepse në atë moment ka shitur shpirtin. Ti ndërgjegjësojmë njerëzit se kush shet votën ka shitur të ardhmen e fëmijëve të vet. E pastaj vijnë të gjithë politikat, vijnë mbështetja e politikave të bujqësisë dhe e subvencioneve, që edhe molla juaj të dalë të paktën në tregun e Kosoës. Së dyti, të sjellim investime këtu, sepse të gjithë këto tonelata mollë, pse të ngarkohen në kamionë por të hapet fabrika këtu. Por sa kohë kryeministri dhe Ministri i Brendshëm e kanë mendjen si të shpëtojnë veten… Prandaj duhet të ndërmarrim hapin kryesor, ta pastrojmë politikën nga krimi…”, tha Basha me fermerët korçarë.
Një zhvillim i pritshëm është ai i ndodhur me 30 parti politike ditën e sotme ndërsa po diskutohet edhe data e zgjedhjeve vendore. Mbi 30 parti politike, shoqata të shoqërisë civile dhe individë u mblodhën sot në Tiranë për të kërkuar zgjedhje të lira dhe të barabarta. Krerët e këtyre partive politike janë treguar shumë të ashpër në qëndrimet e tyre kundër dy partive të mëdha, PS e PD, duke i akuzuar rëndë se po përpiqen të sabotojnë reformën zgjedhore. Duke i cilësuar zgjedhjet një farsë të PD dhe PS, partitë e vogla kanë kërkuar një reagim të fortë dhe të partnerëve tanë ndërkombëtarë.
Por në mënyrë të habitshme, tryezës së partive të vogla të pozicionuara fort kundër PD dhe PS, iu bashkua edhe ish-presidenti i Republikës, Bujar Nishani. I deklaruar fort se nuk e braktis asnjëherë PD dhe sidomos liderin historik Sali Berisha, ish- kreu i shtetit Bujar Nishani ka qënë përkrah bashkekryetarit të tryezes, kreut të partisë “Zgjidhja”, Koço Kokedhima, i cili këmbënguli për domosdoshmerine e refornes zgjedhore, te vertete, dhe jo si farsa e PS dhe PD. Dhe pikërisht këtyre zërave të ashpër kundër PD e Lulzim Bashës, si dhe PS e Edi Ramës, i është bashkuar fort dhe Bujar Nishani.
Prania e tij në këtë tryezë përbën një mister të fortë, nëse Nishani ka dalë kundër Bashës dhe Berishës dhe është drejt krimit të një partie të re politike në të ardhmen?! Për të parë se sa kundër PD-së ka qënë pozicionuar sot Nishani, po botojmë të plotë rezolutën për reformën zgjedhore, për të cilën ka dhënë dakordësinë e tij: Rezolutë për reformën zgjedhore: Partitë politike dhe shoqatat e shoqërisë civile që kërkojnë zgjedhje të lira dhe të barabarta, të mbledhura sot më 2 nëntor 2018, në tryezën për reformën zgjedhore, konstatuan se dy partitë PS-PD e kanë bllokuar reformën zgjedhore dhe në vend të saj duan të bëjnë një farsë për të mashtruar partnerët perëndimorë dhe vendet mike të Shqipërisë. Tryeza rikthekson se këto parti nuk duan të bëjnë reformë zgjedhore dhe të humbin sundimin mbi zgjedhjet dhe vetëm ndërhyrja pa vonesë e faktorit ndërkombëtar do të rikthejë zgjedhjet e lira dhe të barabarta në Shqipëri.
Tryeza konstatoi: 1-Reforma elektorale është bllokuar në mënyrë të vetëdijshme me marrëveshjen PS-PD për të mos lejuar çlirimin e zgjedhjeve nga diktati i tyre. Ato, me Komisionin e Posaçën të Reformës Zgjedhore, nuk kanë ndërmend të pranojnë një Kod të ri Zgjedhor, por të bëjnë disa ndryshime pa vlerë që lënë në fuqi kodin aktual.
2-PS dhe PD nuk duan të bëjnë një reformë zgjedhore me standarde, por një farsë zgjedhore që nuk i çliron zgjedhjet nga kontrolli i tyre. Qëllimi i tyre është i qartë. Partitë e vjetra duan që të mashtrojnë institucionet e Bashkimit Europian, që e kanë vënë si kusht reformën zgjedhore për hapjen e negociatave me BE-në në qershor 2019. Ne nuk duam një reformë zgjedhore gjysmake, por një reformim që do t’i japë fund blerjes, vjedhjes, manipulimit, deformimit, intimidimit dhe kontensimit të zgjedhjeve nga lukunia e komisionerëve dhe numëruesve të PS dhe PD.
3-PS dhe PD kërkojnë që të ruajnë kontrollin partiak mbi zgjedhjet dhe të diskriminojnë operatorët e tjerë të tregut duke mbajtur në fuqi zgjedhjet e pabarabarta, duke mos zbatuar rekomandimin e OSBE-së që zgjedhjet të mos prodhojnë diskriminim për askënd, duke mos hequr pengesat artificiale mbi partitë joparlamentare, duke cenuar dhe diskriminuar të drejtat e partive të tjera, shoqatave dhe individëve gjatë zgjedhjeve, në sistemin zgjedhor dhe në administrimin e tyre.
4-Partitë, përfaqësuesit e shoqërisë civile dhe individët shprehin shqetësimin që reforma zgjedhore është në rrezik nëse nuk zbatohen rekomandimet e OSBE/ODIHR-it dhe kërkesat e të gjitha partive, shoqatave dhe individëve që duan një reformë zgjedhore të vërtetë dhe sipas standardeve demokratike dhe europiane.
5-Tryeza u kërkon sërish institucioneve të komunitetit ndërkombëtar që monitorojnë Shqipërinë që reforma zgjedhore të eliminojë kontrollin politik mbi administratën zgjedhore. Të zbatohet rekomandimi kryesor i OSBE/ODIHR-it për depolitizimin e zgjedhjeve, duke depolitizuar plotësisht administratën zgjedhore, duke vënë në krye të procesit zgjedhor një individ konsensual ose një institucion me njerëz krejtësisht të pavarur nga partitë dhe jo një KQZ e komanduar nga PS dhe PD, ndërsa administrimi i zgjedhjeve të bëhet nga pedagogët e universiteteve, punonjësit e bankave, avokatët, studentët ekselentë të masterit të fakulteteve juridikë dhe jo nga militantët e partiv/korrieri
Ish ministri i Brendshëm Saimir Tahiri vijon të insistojë se ai është i pafajshëm, ndërsa ka hedhur poshtë që të jetë mbështetur nga Rama, për t’i shpëtuar dënimit. “Ka nisur rreth 1 vit më parë, gjatë kësaj kohe shumë ujë ka rrjedhur. Kam qenë në vëmendje përherë sa përmendej një histori që kishte lidhje me krimin. I vetmi që ka heshtur jam unë. Kam heshtur se kam menduar se s’duhet të përfitoja nga pushteti që kam pasur.
Mua as më ngroh as më ftoh partia dhe as nuk e dua partinë në lirinë time. Edhe nëse kam mllef do ishte e drejtë, por nuk kam mllef ndaj askujt, kam vetëm arsye. Termi që partia ju lëshoi, as nuk e dua partinë për të vërtetën time. Unë do preferoja më shumë dënimin se sa lirinë me kusht prej partisë. Nuk besoj që një drejtësi është e plotë kur është pushteti brenda. Kam pritur një vit që të bëj një përmbledhje të shkurtër. Kam pritur që hetimet në Itali e Shqipëri të kishin një përfundim e që unë mos të dilja me fjalët e mia se nuk do mjaftonin. Unë kam vendimin e Prokurorisë së Katanias në dorë tani. Prokuroria shqiptare zgjat hetimet me pretendimin presim letrat nga Italia.
Asnjëherë nuk më kanë kërkuar. Unë nuk e kam sulmuar Prokurorinë e nuk do e bëj për aq kohë sa jam në hetim. Prokurorët italianë nuk kanë nxjerrë një cerek lajmi pavarësisht të gjitha hetimeve. Kurse këtu vetëm lajme në emisione, studio, media vetëm për të baltosur të vërtetën,” theksoi Tahiri.
