Politike

Shoqata ‘Çamëria’ ka reaguar pas thirrjeve nacionaliste të grekëve gjatë ceremonisë së varrimit të Kostandino Kacifas në Bularat të Gjirokastrës. Përmes një deklarate, Shoqata Çamëria ngre pyetjen se çfarë do ndodhte nëse në Greqi do brohorasin shqiptarë se “Çamëria është Shqipëri”?.

Shoqata kërkon gjithashtu nga shteti dhe politika të reagojnë ashpër përballë një rasti të paprecedent të rrezikimit të integritetit territorial të Shqipërisë

Reagimi i Shoqatës Çamëria:

Po sikur të marrim flamujtë shqiptarë dhe të shkojmë në Çamëri e të brohorasim të vërtetën “Çamëria është Shqipëri”?

Qendrimi apatrit i të gjithë aparaturës shtetërore është shenja më e qartë se shtetarët shqiptarë s’kanë dinjitet, burrëri, aftësi e mbi të gjitha nuk kanë atdhe.

Lejimi i shpërthimit të “vorioepirotizmit” brenda territorit shqiptar, ku policia dhe diplomacia i bën sehir, vërteton atë që kemi thënë përherë: çdo cedim ndaj Greqisë, çdo varrezë që lejohet, sa herë heshtet për çështjen çame, hap orekset e sëmura të nacionalizmit grek. Shtetarët shqiptarë, po u ka mbetur më e vogla cilësi, sot duhet të reagojnë ashpër, përballë një rasti të paprecedent të rrezikimit të integritetit territorial të Shqipërisë.

Ndaj çdo deklarate qesharake të këtyre apatridëve që duan të relativizojnë ngjarjen, ne i pyesim: Po sikur të marrim flamujtë shqiptarë dhe të shkojmë në Çamëri e të brohorasim të vërtetën “Çamëria është Shqipëri”? Do na mbështesni? Apo do i bëni fresk “vorioepirit” të injorancës suaj?.BW

Pas pushimit të hetimeve nga Prokuroria e Katanias në Itali ndaj Saimir Tahirit, ish-ministri i Brendshëm ka kërkuar që e njëjta gjë të ndodhë dhe me hetimet në Shqipëri nga Prokuroria e Krimeve të Rënda. Burime per “Panorama” bejne me dije se vendimi i depozituar nga vete ish-ministri saimir Tahiri eshte administruar si pjese e dosjes, nderkohe qe vazhdon hetimi.

Sipas vendimit, gjykata e Katanias pranoi kërkesën e Prokurorisë italiane që të pushojë hetimet për ish-ministrin e Brendshëm shqiptar, Saimir Tahiri. Ky i fundit ka qenë gati për një vit i hetuar në Itali si pjesë e grupit të Moisi Habilajt.

Sipas vendimit të datës 5 tetor 2017, Gjykata e Katanias ka vendosur që të pushojë hetimet ndaj ish-ministrit, pasi sipas Prokurorisë së Katanias, nuk ka prova të mjaftueshme që e implikojnë ish-ministrin.

Ky vendim ka ardhur përpara se Prokuroria e Krimeve të Rënda të vendoste më 15 tetor 2018, të zgjaste edhe me tre muaj hetimet për “trafik droge” në “kuadër të grupit kriminal”, ndaj ishministrit të Brendshëm.

Në vendimin e Prokurorisë së Krimeve të Rënda, përmendeshin edhe pritja e përgjigjes së disa letërporosive dërguar në Itali për Tahirin.

Mirëpo, ish-ministri i Brendshëm ishte ditën e djeshme te Krimet e Rënda për të dorëzuar vendimin e Gjykatës së Katanias, e cila pranoi kërkesën e Prokurorisë për pushimin e hetimeve ndaj tij.

Tahiri, me këtë vendim të drejtësisë italiane kërkon në një farë mënyrë që të kundërshtojë vendimin e Prokurorisë së Krimeve të Rënda të datës 15 tetor, për zgjatjen e hetimeve ndaj tij edhe me tre muaj. Për këtë ai ishte edhe i pranishëm me avokatin e tij dje rreth orës 13:00 te Krimet e Rënda, por pa pranuar të bëjë komente.

VENDIMI

Sipas vendimit të Gjykatës së Katanias, i cili disponohet nga “Panorama”, Tahiri rezulton të jetë vënë nën hetim nga Prokuroria italiane më datë 27.10.2017, tre ditë pasi ai deklaroi publikisht se nuk ishte nën hetim nga drejtësia italiane për lidhjet me Habilajt.

Në dt. 15.03.2018, në përfundim të hetimeve që zgjatën thuajse 5 muaj, Prokuroria e Antimafies në Itali i ka kërkuar Gjykatës italiane të mbyllë hetimet për Tahirin me arsyetimin se “nuk ka prova dhe fakte” që implikojnë Tahirin.

Në këtë kërkesë shkruhet: “Megjithëse nuk ka dyshime për përmendjen e Saimir Tahirit nga Moisi Habilaj gjatë përgjimeve, veçanërisht ku përmend se duhet t’i japë 30.000 euro një ‘Saimiri’, ose në pjesët ku flet për blerjen e disa bizhuterive për bashkëshorten dhe të ëmën, në vlerësimin e Prokurorisë, në mungesë të provave dhe fakteve, nuk ekzistojnë elementët e vlefshëm për të ngritur akuzë në gjyq”, thuhet në kërkesën e Prokurorisë.

Po kështu, Prokurori i Shtetit bie dakord në datën 19.03.2018 me kërkesën e prokurorit të Antimafias për pushimin e hetimeve ndaj Tahirit, duke i hapur rrugë kështu vendimit të Gjykatës.

Më 5.10.2018, Gjykata e Katanias, bazuar në kërkesën e prokurorëve të Antimafias, ka marrë vendim për mbylljen e hetimit, 10 ditë përpara se Prokuroria e Krimeve të Rënda të merrte vendim për zgjatjen e hetimeve edhe me tre muaj me argumentin se priste letërporosi nga Italia.

“Gjykata, duke vlerësuar kërkesën e prokurorit dhe duke pranuar në mënyrë të plotë argumentet e tij, në bazë të nenit 409- 411 KPP, vendos mbylljen e hetimit për çështjen në shqyrtim dhe depozitimin e akteve pranë Prokurorisë”, shkruhet në vendim./ PANORAMA

Një nga zërat dhe figurat më të fuqishme të Partisë Demokratike gjatë këtyre dy dekadave të fundit, Jozefina Topalli, kohët e fundit është bërë mjaft aktive në rrjetet sociale.

Edhe pse në pamje të parë që pas zgjedhjeve të fundit parlamentare ajo duket sikur është shkëputur përfundimisht nga politika, Topalli, herë pas here shfaqet ndryshe në ekranet televizive, por më së shumti në faqen e saj në rrjetet sociale.

Në një postim të fundit në Instagram, ajo ka ndarë një foto të ditëve të fundit të shoqëruar me një konstatim: ‘Ka një dritë ndryshe në vjeshtë’.

Pavarësisht se këto fjalë për stinën e vjeshtës, duket sikur nuk kanë të bëjnë fare me zhvillimet politike në vend, të thëna nga një politikane e vjetër si Jozefina Topalli gjithmonë marrin një kuptim të dytë.

Çfarë sheh përtej, politikania e sprovuar në këtë vjeshtë?

Kryeministri Edi Rama deklaroi nga salla e Kuvendit se qeveria ka një problem me Presidentin e Republikës.

“Shumë nga ne në sallë kemi votuar për Ilir Metën si President. Atë ditë nuk e kishim shumicën absolute që kemi sot, por unë e kisha bindjen e plotë se Ilir Meta ishte kandidatura më e përshtatshme në rrethanat kur duhet ta zgjidhnim Presidentin e shtatë të Republikës. Që kur hyri në Presidencë pas dalldisjes fatkeqe me flamurin e LSI-së e ka justifikuar plotësisht votën tonë: ka respektuar Kushtetutën dhe ka peshuar fjalën. Por, qysh prej të shtunës mbrëma kemi një problem me Presidentin të krijuar nga Presidenti”, tha Rama.

“Nuk e ka të drejtën askush që të na pengojë në ushtrimin e mandatit tonë kushtetues”, shtoi kreu i qeverisë.

/TCH