Politike

Kryeministri Edi Rama nga foltorja e Kuvendit tha se protesta e studentëve i dha një shuplakë qeverisë, grusht opozitës dhe një shpresë shoqërisë.

Ndryshe nga javët e tjera të pranishëm në Kuvend janë përfaqësues nga Partia Demorkatike dhe Lëvizja Socialiste për Integrim.

“U detyruat të iknit, ndikuat në protestë të maskuar. Tani për të mos humbur kohë, së pari dje janë formuar dhe organet e para të drejtësisë së re, KLGJ dhe KLP, pasi u krijua dhe këshilli i emërimeve në Drejtësi.

Rama përjashtoi në mënyrë kategorike propozimet e opozitës, pasi sipas tij nuk mund të realizohen kurrë.

Propozimet e opozitës janë të refuzuara sepse janë për të mos u bërë kurrë. Protesta i dha një shuplakë qeverisë, grusht opozitës dhe një shpresë shoqërisë.

Shoqëria kërkon zgjidhje dhe nuk mund ta pranojë që zgjidhja mund të vijë me porosi nga doktoresha e shkencave Monika Kryemadhi dhe profesor Lulzim Mziu. Zgjidhja vjen me dialog. Qeveria e ka zgjidhjen dhe do e japë me dialog”.

Kabineti qeveritar është mbledhur edhe këtë të martë ndërsa para selisë së kryeministrisë vijon protesta e studentëve. Ndërsa pritej marrja e një vendimi për kërkesat e studentëve, kryeministri Edi Rama ka zhgënjyer të rinjtë pasi ka njoftuar vendimin për pensionistët dhe çekun e bebes.

“Qeveria vendosi për pakon e Vitit të Ri për pensionistët (50USD)😊dhe çekun e bebeve të 2019 (400USD fëmija i parë – 800 i dyti – 1200 i treti)🤗Ka ende shumë nevoja e shumë më tepër duhet akoma për më të moshuarit e fëmijët, por çka po bëjmë 5 vjet më parë as mendoheshin😉”- shkruan Rama në Twitter.

Madje Kryeministria sqaroi se lajmi për shkarkimin e përfaqësuesve të qeverisë në Bordet e Administrimit të Universiteteve dhe drejtorët e konvikteve, është i pavërtetë.

Kryeministri Rama, rithekson se është në pritje të hapjes së Dialogut, përpara hedhjes së hapave konkretë për 8 pikat dhe pikave të tjera të Paktit për Universitetin”” – thuhet në një deklaratë të zyrës së shtypit të Ramë

“Kjo nuk është betejë mes studentëve dhe qeverisë, përkundrazi qeveria dhe studentët janë në të njëjtën anë”.

Kështu deklaroi sot Kryeministri Edi Rama në përmbyllje të komunikimit live në Facebook, mbi rubrikën “Dialog për Universitetin”.

“Qeveria nuk është pa mëkate, ka kusuret dhe përgjegjësitë e veta, por hajdeni ta diskutojmë me qeverinë dhe le ta bëjmë së bashku si njerëz realë, jo si profile fallco në Facebook. Profilet fallco kanë frikë të takohen”, tha Rama.

Nëse jeni gati, iu drejtua ai studentëve, “unë jam gati në çdo orë”. “Do të jemi ne edhe do të jetë gjithë populli shqiptar që na ka votuar, ku të doni madje dhe në studio televizive”, tha Rama./atsh

Vendimi i parë që pritet të marrë Këshilli i Lartë i Prokurorisë pas konstituimit do të jetë zgjedhja e Prokurorit të Përgjithshëm me mandat të plotë 7-vjeçar.

Në ligjin e ndryshuar të prokurorisë, kandidati për Prokuror i Përgjithshem krahas kalimit të vettingut ka vendosur si kriter që pretendentët të kenë mbaruar Shkollën e Magjistraturës ose të kenë një gradë shkencore.

Ligji kërkon që kandidatët të kenë 15 vite eksperiencë dhe të mos kenë mbajtur funskione politike në administratë.

Nga lista prioritare e prokurorëve dhe gjyqtarëve që kanë kaluar vettingun, duket se këto kritere i plotësojnë prokurorët Arta Marku, e cila kryen këtë detyrë përkohësisht, Arben Dollapi, Adnand Xholi, Besnik Muçi e Sokol Stojani.

Përveç Arta Markut, e cila e ka shprehur publikisht dëshirën për të kandiduar, ende nuk ka emra të tjerë të cilët të kenë shprehur të paktën publikisht këtë qëllim.

Pas zgjedhjes se KLP-së, është kjo e fundit që i liston kandidatët.

Kryeprokurori zgjidhet me 3/5 me një mandat 7 vjeçar, pa të drejtë riemërimi.

Nëse Kuvendi nuk e zgjedh Prokurorin e Përgjithshëm brenda 30 ditëve, atëherë detyrën e merr kandidati i renditur i pari në listë.

Perfundojne zgjedhjet për strukturat e PD-së në Qarqet e Lezhës, Vlorës dhe Shkodrës. Në Lezhë mësohet se kryetar i ri Partisë Demokratike është zgjedhur Zef Gjoka.

Kandidat për kreun e kësaj dege ishte edhe Paulin Marku, i cili mori vetëm 88 vota kundrejt kundërshtarit të tij, Zef Gjoka i cili fitoi bindshëm me 306 vota. Mësohet se në procesin e votimit kanë marrë pjesë rreth 339 votues.

Zef Gjoka ka qene deputet i Partisë Demokratike në parlamentin shqiptar, dhe per 4 vitet e ardhshme do të drejtojë demokratët e Lezhës.

Nga ana tjetër në Vlorë, Genc Deromemaj është zgjedhur kryetari i ri i Partisë Demokratike me vetëm 12 vota diferencë. Në procesin e votimit kanë marrë pjesë vetëm 352 votues. Genc Deromemaj ka qenë kandidat i PD-së për kryetar i bashkisë Vlorë në zgjedhjet vendore të vitit 2015 nga rradhët e PD-së.

Në Shkodër kryetari i ri i PD-së, është Xhevdet Amuli. Ai fitoi me 243 vota kundrejt Ramiz Çobës i cili mori 241 vota, ndërkohë 8 vota janë të pavlefshme