Politike

“Ne shpresojmë që ky vit të kurorëzojë një proces që duhet të ishte bërë vitin e shkuar dhe bashkë me zgjedhjet europiane të mbarojë edhe kushtëzimi i çeljes së negociatave të Shqipërisë”, – deklaroi sot Kryeministri Edi Rama.

Në një takim me përfaqësues të trupit diplomatik të akredituar në Shqipëri, Kryeministri Rama u shpreh se “patjetër që çelja e negociatave është një sfidë e jona”.

“Ne morëm ftesën pa kushte nga BE dhe pastaj morëm një shtyrje të procesit, por me mirëkuptimin që të fillojë procesi ‘screening’, njëlloj si të kishim hapur ‘de facto’ negociatat. Ne i kemi bërë dhe po vazhdojmë të bëjmë detyrat e shtëpisë, pasi ky është një proces që nuk mbaron. Jemi të vetëdijshëm për këtë”, – tha Rama.

Por, sipas tij, “jemi po kaq të qartë edhe për faktin se disa vende të mëdha i kanë të gjitha instrumentet t’i thonë gjërat si duan dhe t’i ndryshojnë fjalët si të jetë nevoja”.

“Dhe duke qenë të mëdha, dhe duke pasur shumë më tepër fuqi për t’i komunikuar gjërat, patjetër që nuk është problemi më i madh se çfarë pasojash krijon kjo te një vend si i yni, apo si Kosova, që i është premtuar liberalizimi i vizave dhe fjala nuk është mbajtur. Apo si Maqedonia që ndërroi emrin dhe ende sot është në të njëjtën pozitë si ne. Unë shpresoj shumë që burimet tona të mëdha të frymëzimit, vendet tuaja të BE-së, të jenë burime shtyse dhe energjie pozitive që ne të çelim negociatat dhe të shkojmë më tutje”, – tha Rama. /atsh

“Mbyllja me dhunë e dyerve të disa fakulteteve është fytyra kuptimplotë e pengmarrësve të një proteste shembullore”, u shpreh sot Kryeministri Edi Rama.

Kreu i Ekzekutivit reagoi pas rinisjes së protestës së studentëve dhe pamjeve të publikuara ku disa studentë gozhduan dyert e disa fakulteteve në Tiranë.

Rama theksoi se tanimë jemi në fazën e realizimit të kërkesave bazë dhe zhvillimit të një dialogu të brendshëm për nevojat specifike të çdo fushe studimesh.

“Mbyllja me dhunë e dyerve të disa fakulteteve është fytyra kuptimplotë e pengmarrësve të një proteste shembullore, e cila tanimë ka hyrë në fazën e realizimit të kërkesave bazë dhe zhvillimit të një dialogu të brendshëm për nevojat specifike të çdo fushe studimesh. Me studentët”, shprehet Rama. /atsh

Pas apelit të bërë nga ana e qeverisë shqiptare për mbylljen e pikave të basteve dhe kazinove elektronike në mënyrë vullnetare, pronarët e këtyre të fundit kanë filluar mbylljen e tyre përpara datës 1 janar, që është edhe afati i fundit për këto aktivitete.

Kryeministri Edi Rama ka sjell një shembull konkret nga mbyllja e një prej pikave të basteve në kryeqytet, duke shkruar “lamtumirë”.

Pikat e Basteve kanë filluar prej kohësh të mbyllen në mënyrë vullnetare, pas ligjin për mbylljen e tyre dhe nga dhjetëra në çdo rrugicë, në ditët e fundit të dhjetorit janë vetëm disa pika funksionale.

Sipas ligjit kanë mbetur edhe 48 orë kohë që bizneset të mbyllin aktivitetin, pasi nga 1 janari nuk do të lejohet asnjë biznes për sa i përket basteve dhe llotarive sportive.

Pas mbylljes së basteve sportive qeveria ka thënë se do të marr përsipër që të kryejë një program rikualifikimi për ata që do të mbeten të papunë./atsh

Erjon Braçe pas emërimit si zv.kryeministër, u zotua se zëri i tij do të ngrihet kundër padrejtësive dhe pro shtetit ligjor.

“Ndjehem i vlerësuar dhe i motivuar në detyrën e re të zv.kryeministrit të qeverisë së Republikës së Shqipërisë! “Zëri im do të jetë gjithmonë kundër padrejtësisë dhe pro shtetit ligjor dhe Drejtësisë”! “Falënderoj kryeministrin Edi Rama për besimin”, tha ai.

Erjon Braçe zëvendësoi Senida Mesin, e cila e mbajti postin e zv.kryeministres prej shtatorit të vitit 2017. /atsh

Kryeministri Edi Rama deklaroi se “sot kemi hedhur një hap të madh drejt fitores së qershorit”.

Duke reaguar ndaj deklaratave të opozitës, për ndryshimet e sotme në qeveri, Kryeministri shprehet se “qentë lehin më fort kur karvani ecën më shpejt”.

“Oh sa e bukur radha e salinjve e kadrinjve që gjuajnë qeverinë e re, pa e fshehur dot gishtin e mbetur në gojë (edhe njëherë si përherë). S’kanë faj jo, sepse kemi hedhur një hap të madh sot drejt fitores së qershorit tjetër. Qentë lehin më fort kur karvani ecën më shpejt. Krenarë për PS”, shprehet Rama./atsh

Kryeministri Edi Rama ditën e sotme ka bërë ndryshime të mëdha në qeverinë e tij. Ai shkarkoi plot 7 ministra, dhe i zëvëndësoi ato gjatë asamblesë.

Në qeveri tashmë kanë hyrë dy shqiptar të njohur nga Kosova të cilët mbajnë poste mjaft të rëndësishëm.

Kryeministri Edi Rama ditën e sotme ka bërë ndryshime të mëdha në qeverinë e tij. Ai shkarkoi plot 7 ministra, dhe i zëvëndësoi ato gjatë asamblesë.

Në qeveri tashmë kanë hyrë dy shqiptar të njohur nga Kosova të cilët mbajnë poste mjaft të rëndësishëm..

Kliko per me shume info
Rama tha se shqiptarja nga Kosova, Besa Shahini zëvendëson Lindita Nikollën.

Shahini ka mbajtur deri tani vendin e zëvendës ministres së Arsimit.

Besa Shahini është analiste dhe hulumtuese e çështjeve të integrimit evropian dhe politikave arsimore. Deri në verë 2015, ka punuar si analiste me oganizatën me bazë në Berlin, Inciativa Europiane për Stabilitet (ESI). Ajo herë pasë herë shkruan për gazetat ditore në Kosovë. Shahini ka master nga Hertie School of Governance në Berlin.

Gent Cakaj është një nga prurjet e shumta pas strategjisë së Edi Ramës për të afruar në qeverinë e tij, edhe emra të spikatur të shqiptarëve të Kosovës.

Në Korrik të vitit 2018 ai u caktua Kryenegociator i çeljes së negociatave të Shqipërisë me Bashkimin Evropian për anëtarësim.

Cakaj fillimisht ka qenë këshilltar i kryeministrit për politikën e Jashtme dhe posaçërisht, për çështjet e Bashkimit Europian.

Më pas në kabinetin ‘Rama 2’ u emërua në postin e zv.ministrit të Punëve të Jashtme.

Ndërsa sot ai është zgjedhur të drejtojë, një nga ministritë më të rëndësishme në qeverinë ‘Rama 3’, duke zëvendësuar Ditmir Bushatin.