Politike

Rama: “PD dhe LSI po godasin vendin”

Aktualitet, Politike / /

Kryeministri Edi Rama në rubrikën “Përgjigja ime” ka deklaruar se dy partitë më të mëdha opozitare PD dhe LSI, i tremben humbjes së zgjedhjeve të qershorit, duke shtuar se baltosja nga ana e tyre po ndikon në imazhin e vendit.

“Shumica nuk e do baltosjen dhe ziftosjen e Shqipërisë në gjuhë të huaj. Përkundrazi e vuajnë sinqerisht dhe e dënojnë moralisht një qasje të tillë prej humbësish pa pikë dinjiteti, që janë gati t’i lënë Shqipërisë faturën e dëshpërimit të tyre për pushtetin e humbur. Kur nënshkruam me Bashën marrëveshjen parazgjedhore të 2017-ës, unë i dhashë atij gjithçka që kërkoi dhe i kërkova vetëm dy gjëra, rezultati nuk kontestohet, dhe se Shqipëria nuk shahet në gjuhë të huaj. Por u desh një sezon veror që këto dy pika të harroheshin, dhe të fillonte avazi i vjetër, për të arritur kulmin së fundmi. Kontestohet një fitore e thellë dhe e pastër e PS, sepse një tjetër humbje e thellë dhe e pastër po afron për PD dhe si motrën e saj LSI, e cila është prurësja dhe mishëruesja e fenomenit të shitblerjes së votës. Po të mos kishte LSI, nuk dot kishte as shitblerje vote në Shqipëri, dhe këtë e dinë të gjithë”, u shpreh Rama.

Sipas Kryeministrit dhuna e shfaqur në protestat e opozitës dëmton imazhin e Shqipërisë, e cila sipas tij përkthehet në dekurajim të turizmit dhe ulje të ekonomisë.

“Prodhimi i brendshëm i lajmeve të këqija për eksport, nga lajmet e paguara deri te intervistat e paguara dhe të shfazuara si ajo e Lulzim Bashës, veçse e karikaturizojnë imazhin e Shqipërisë, e bëjnë qesharak figurën e politikanit në sytë e botës, dhe godasin shtëpinë tonë. Godasin një burim të pazëvendësueshëm të ekonomisë tonë, vizitorin e huaj, sipërmarrësin e huaj dhe jo vetëm kaq, ky lloj eksporti i baltës dhe ziftit shqiptarë përmes kanaleve të huaja godet edhe shqiptarët që jetojnë e punojnë nëpër botë, u ulë kokën në sytë e të tjerëve, dhe u komplikojnë jetën, pasi zgjon te të tjerët frikërat dhe paragjykimet e së shkuarës, ku Shqiptarët shiheshin padrejtësisht si djalli vetë. Dhuna godet imazhin e Shqipërisë, ekonominë dhe dekurajon turizmin, ul konsumin dhe dobëson familjet që jetojnë me punë”, u shpreh Rama.

Kryeministri në përgjigjen e tij u ndal edhe te ndërprerja e shërbimeve nga ana e disa prej bashkive në vend, të cilat sipas tij i janë bashkuar protestës së opozitës, duke mbyllur shërbimet për qytetarët.

“Këtë duhet ta dijë mirë kushdo që shkon dhe u bashkohet punonjësve partiakë të bashkive të opozitës, të cilat po e mbyllin pa nder dhe pa asnjë lavdi, mandatin duke kyçur dyert e shërbimeve dhe duke marrë autobusin opozitar për në Tiranë. Taksat e qytetarëve të Shkodrës, Lezhës, Kavajës, Rrogozhinës, Kukësit, Mallkastërs, burelit, Cërrikut, Çorovodës e me radhë, janë bërë kryesisht rroga, dhe tani me ato roga paguhen turistët e opozitarizmit të rrugës, jashtë sistemit. Opozita po sillet si i mbytur që të mbytë, dhe nuk është qeveria ajo që mund të mbytet në këtë dalldisje dëshpërimi, por Shqipëria që mbytet në sytë e çdo të huaji, që kapt nga dallga e marrëzive që eksportohet në kanalet e huaja”, – vijoi Kryeministri./atsh

https://www.facebook.com/edirama.al/videos/1227524174082121/?t=0

Rama: “PD dhe LSI po godasin vendin” Read More »

Spiropali: Deputetë të opozitës janë penduar për djegien e mandateve

Aktualitet, Politike / /

Ministrja e Shtetit për Marrëdhëniet me Parlamentin, Elisa Spiropali u shpreh se djegia e mandateve është e papranueshme dhe se ka marrë mesazhe nga emrat më me peshë të opozitës, të cilët janë penduar për këtë akt.

Gjatë një interviste në “ABC News”, zëdhënësja e Qeverisë, Spiroplai theksoi se vendimi për djegien e mandateve nuk e ka marrë kreu aktual i Partisë Demokratike, por një tjetër deputet brenda radhëve të kësaj partie.

“Sali Berisha mori në qafë opozitën dhe ishte një vendim i tij. Mendjet e kthjellëta dhe racionale të PD-së, duhet ta kishin ndaluar. Ndoshta emrat më me peshë, ata më kanë shkruar dhe nuk janë militantë të verbër të partive politike dhe të rinj, janë njerëz që dinë të thonë çështja përgjegjësi. Janë penduar, por pendesa e tyre në këtë pikë nuk vlen, sepse nuk ka asnjë mundësi ligjore që ata të kthehen pas. Mesazhe marrim ne dhe patjetër që marrim mesazhe, se kjo ishte e papritur dhe nuk ka qenë një zgjedhje krejtësisht të pavarur. Ata janë detyruar të firmosin, pasi lidershipi i partisë dhe konkretisht Berisha, ishte ai që mori vendimin dhe Basha i ka detyruar. Kanë qenë në kushtet e një detyrimi dhe nuk ka qenë vullneti i tyre i pavarur. Por edhe LSI më pas vendosi që t’i digjet mandatet. Nuk besoj se gjithë deputet e LSI kanë dashur të lënë mandatet të tradhtojnë elektoratin. Kauza për zgjedhje të lira ka rënë”, – u shpreh Spiropali.

Më tej Spiropali është shprehur se me hyrjen e kandidatëve të listave të partive të opozitën Kuvend, tregon se Basha dhe Kryemadhi nuk mund të bindin më elektoratin.

“Janë pa mandate, janë pa strategji dalje dhe nga kjo situatë presin që në t’i nxjerrim nga situata ku kanë hyrë. Ka filluar pendesa e përgjithshme. Kandidatët e tyre në lista po hynë në Parlament, është diçka e papritur për ta, nuk po i binden Bashës dhe Kryemadhit, dhe kur nuk u binden ata imagjino t’u bindet elektorati. Ne nuk kemi ndërmend të hidhem nga vinçi pas tyre. Është zgjedhja e tyre me vullnet për të bërë këtë vetëvrasje dhe ja ku jemi. Kauzat e tyre janë hedhur poshtë, jo vetëm nga ne, por edhe nga partnerët ndërkombëtarë”, – vijoi Spiropali.

Deputetja gjithashtu është shprehur se opozita nuk ka më në dore asgjë.

“Ne nuk biem pre e këtyre provokimeve qesharake dhe ata nuk janë në pozicione për të vendosur as tryezën, as kreun e tryezës dhe as për të vendosur kushte. Ata kanë në dorë vetëm vetën e vet”.

Më tej ajo ka komentuar deklaratën e Kryemadhit e cila tha mbrëmjen e djeshme në emisionin “Opinion” se mazhoranca po përgatittë për zgjedhje të përgjithshme të parakohshme në Maj.

“Këto më duken si kthema kur je në mes të pyllit dhe është errësirë dhe klith për ndihmë. Ajo që në dimë me sigurinë më të madhe është sepse ata duan ta heqin patjetër Edi Ramën, sepse me Edi Ramën Kryeministër nuk mund t’i fitojnë zgjedhjet. Ne nuk mund të kujdesi për frikërat e tyre por për sigurinë e qytetarëve”, – përfundoi Spiropali./atsh

Spiropali: Deputetë të opozitës janë penduar për djegien e mandateve Read More »

Balla: Kush godet institucionet, merr dënimin që meriton

Aktualitet, Politike / /

“Kush guxon të godasë institucionet, të dëmtojë demokracinë dhe të ardhmen europiane të vendit do të marrë ndëshkimin që meriton”.

Kështu iu drejtua sot kryetari i grupit parlamentar të Partisë Socialiste, Taulant Balla, përfaqësuesve të opozitës. “Mos guxoni të bllokoni rrugën europiane të Shqipërisë. Përballja me drejtësinë nuk ju shpëton pavarësisht se çfarë skenarësh mund të keni”, tha Balla.

Bashkë me ministrin e Mjedisit dhe Turizmit, Blendi Klosi dhe deputetin, Niko Peleshi, Balla zhvilloi disa takime me Asambletë e zgjeruara të PS-së në qytetet Berat, Kuçovë, Poliçan dhe Urën Vajgurore.

Në fjalën e tij, Balla tha se në betejën elektorale të 30 qershorit, PS do jetë fituese në Berat dhe pushteti lokal do të fitohet nga socialistët”.

“Duam t’ja kthejmë Bashkinë e Beratit, socialistëve. Duam ta kthejmë Bashkinë e Beratit në drejtimin e duhur. Jemi sot para socialistëve të Beratit për t’ju thënë se ne nuk kemi në plan të tërhiqemi. Ne nuk kemi në plan të ndajmë përsëri qeverinë me Lulin se Luli nuk fiton dot zgjedhjet! Kjo është e paimagjinueshme”, tha Balla, duke shprehur bindjen se “nga sot e deri në 2021 dhe pas 2021-isht ne do jemi në qeveri kurse Luli në Hollandë”.

Partia Socialiste, sipas Ballës, “kundërshtarin më të madh gjithmonë ka vetveten dhe opozitë nuk kemi ata, opozita jonë janë hallet e njerëzve”.

“Duhet të bëjmë gjithçka e sa të mundemi me çfarë kemi mundësi t’u përgjigjemi halleve të njerëzve. Ajo që patë në 16 shkurt ishte një akt i turpshëm, është një akt që e ka dënuar e gjithë bota demokratike nga SHBA tek BE, tek Gjermania në mënyrë të veçantë si motor i Europës. Ngjarje të tilla do mundohen t’i përsërisin sa herë të kemi Kuvend, sa herë ne të marrim vendime të rëndësishme që lidhen me çuarjen përpara të reformës në drejtës”, tha Balla./atsh

Balla: Kush godet institucionet, merr dënimin që meriton Read More »

Situata politike, Meta: I vetmi apel është për bashkëpunim dhe reflektim

Aktualitet, Politike / /

“I vetmi apel sot është për bashkëpunim, për bashkim dhe për reflektim për të parë më larg”, deklaroi sot nga Lezha, Presidenti Ilir Meta.

Në një prononcim për mediet, pas ceremonisë së organizuar me përfaqësues të diasporës shqiptare në përkujtim të 2 marsit, ditës së Besëlidhjes së Lezhës, Presidenti komentoi edhe situatën politike në vend, duke bërë thirrje për bashkëpunim.

“Besoj mesazhi i 2 marsit është më se aktual: Duhet të punojmë për bashkim dhe bashkëpunim, jo vetëm çdo 2 Mars e 28 Nëntor, por çdo ditë, në mënyrë që ta fitojmë mundësinë për çeljen e negociatave në qershor, bashkë edhe me Maqedoninë e Veriut”, tha ai./atsh

Situata politike, Meta: I vetmi apel është për bashkëpunim dhe reflektim Read More »

Ftesa për dialog, Basha: Takimi i vetëm, ai me qytetarët në protestën e 16 marsit

Aktualitet, Politike / /

Kryetari i Partisë Demokratike Lulzim Basha u bëri sërish sot thirrje shqiptarëve të marrin pjesë në protestën e 16 marsit, ndërsa theksoi se protestat do të vijojnë sa herë që mblidhet parlamenti.

Në një deklaratë për shtyp nga selia e PD-së, Basha tha se “hapi i vetëm për ta çuar Shqipërinë në Europë është t’i japim fund një qeverie të lidhur me krimin dhe të kemi një parlament të zgjedhur nga populli”.

I pyetur mbi ftesën e Kryeministrit Edi Rama për dialog, Basha tha se “populli ka folur qartë dhe opozita i është përgjigjur kërkesës popullore për një ndryshim të vërtetë në Shqipëri”.

“Demokraci fasadë, parlament që vjedh qytetarët dhe nxjerr kriminelët nga burgu nuk do të ketë më. Ndaj dhe takimi i vetëm që unë kam është me qindra mijë shqiptarë në datën 16 mars, në protestën popullore”, tha Basha.

Kjo, tha Basha, “nuk është përplasje mes partish, por është për fatin e shqiptarëve”. Europa nuk të pranon me një qeveri të kapur në flagrancë duke vjedhur votat, duke vjedhur qindra milionë lekë të shqiptarëve, duke shkatërruar institucionet e vendit”, tha Basha.

Ai shtoi se vendi është në emergjencë kombëtare dhe ka nevojë për njerëz që i shërbejnë interesave të qytetarëve.

I pyetur mbi deklaratat e faktorit ndërkombëtar për protestat e opozitës dhe djegien e mandateve, Basha tha se “kudo në Europë, nëse vidhen votat, ikën qeveria dhe personat përgjegjës shkojnë në burg”.

“Kjo ndodh në Gjermani, në Itali, në Britani dhe në çdo vend të Europës. Këto standarde i kanë bërë këto vende të zhvilluara, të përparuara dhe me mirëqenie. Ndërkombëtarët nuk do të kërkojnë asnjë gjë më shumë për vendin tonë se sa kushtet që Europa ka garantuar për qytetarët e saj dhe ne nuk do të pranojmë asnjë gjë më pak, pavarësisht nëse vjen kërkesa nga persona të painformuar”, tha Basha.

Sipas tij, “të gjithë përfaqësuesit e faktorit ndërkombëtar që duan Shqipërinë si gjithë Europa nuk mund të kërkojnë asnjë gjë më pak për shqiptarët se sa standardet që kanë vetë”.

Basha tha se “këtë herë ishte radha e opozitës të sakrifikonte për vendin, pasi djegia e mandateve është një sakrificë që po bën opozita”./atsh

Ftesa për dialog, Basha: Takimi i vetëm, ai me qytetarët në protestën e 16 marsit Read More »

Lleshaj: Gati të dialogojmë me opozitën, Policia do zbatojë ligjin gjatë protestave

Aktualitet, Politike / /

Ministri i Brendshëm, Sandër Lleshaj ka theksuar se Policia e Shtetit ka zbatuar ligjin dhe ka mbajtur qëndrimin e duhur karshi protestuesve të opozitës.

Sipas Lleshaj-t, me opozitën duhet dialog, por jo negociata.

“Ne, tha ministri brendshëm, jemi te gatshëm që të dialogojmë me opozitën por jo të bëjmë negociata. Dialogu është e vetmja rrugë për të zgjidhur gjithçka..

Ministri Lleshaj, në fjalën gjatë Asamblesë së Partisë Socialiste në qytetin e Shkodrës u shpreh se Policia e Shtetit është e angazhuar në zbatimin e ligjit në çdo rrethanë, edhe kur është nën presion dhe ndaj saj ushtrohet dhunë.

“Protestuesit kanë ushtruar dhunë ndaj policisë, por policia ka mbajtur qëndrimin e duhur.

Ne kemi vetëm dy objektiva ku e para në rast se ata do bëjnë dy hapa, policia do bëjë një hap por gjithmonë në zbatim të ligjit dhe pa pasur viktima”, garantoi Lleshaj.

“Protestat janë me grafik nga opozita, a thua se vetëm ditë enjte apo të shtunë vijnë problemet.

Është e pakonceptueshme se si njerëzit gjatë ditës bëjnë punën ne administratë dhe më pas pasdite vijnë dhe dhunojnë institucionet në Tiranë”, tha Lleshaj në fjalën e tij./atsh

Lleshaj: Gati të dialogojmë me opozitën, Policia do zbatojë ligjin gjatë protestave Read More »

Balla: PS e gatshme për dialog me opozitën

Aktualitet, Politike / /

“Partia Socialiste është gjithmonë gati për dialogë me opozitën” ka deklaruar sot nga Elbasani, kryetari i grupit parlamentarë të Partisë Socialiste Taulant Balla.

Gjatë punime në Asamblenë e PS në Elbasan, Balla u shpreh se këto ditë është artikuluar natyrshëm apeli për dialog me opozitën.

“Përgjigja jonë këtu nga Asambleja Socialiste e Bashkisë Elbasan është:“Dialog me opozitën aktuale? Po. Patjetër. Gjithmonë Partia Socialiste është parti e dialogut”, thekson Balla.

Në vijim Balla shton se “Por, negociata me opozitën? JO. Sepse ne dhe askush nuk ka të drejtë të negociojë në kurriz të rregullave bazë të demokracisë. Dialog me opozitën? Qysh sot dhe të gatshëm për t’i ofruar të gjitha garancitë ligjore për rregulla të qarta e të barabarta loje, por secila palë në fund duhet të mbajë përgjegjësi për vendimet që merr dhe veprimet që bën. Dhuna është e paparanueshme.”

Po ashtu Balla thekson se Parlamenti është legjitim dhe zgjedhjet e përgjithshme bëhen ne qershor 2021.

“Partia Socialiste fitoi një shumicë të qartë në zgjedhjet e 2017-së, ç’ka e lejoi Edi Ramën të krijonte një qeveri të re dhe për herë të parë në Shqipërinë postkomuniste, pa nevojën e një koalicioni. Sipas raportit vjetor të Komisionit Europian, zgjedhjet parlamentare të 2017-s u zhvilluan në mënyrë të rregullt dhe rezultatet e tyre u pranuan nga të gjitha palët”.Pra, sot Shqipëria ka një Parlament legjitim dhe një Qeveri legjitime. Zgjedhjet e ardhshme të përgjithshme do të jenë të dielën e tretë apo të katërt të Qershorit 2021. Këto janë të panegociueshme”, shprehet Balla.

Balla: PS e gatshme për dialog me opozitën Read More »

Rama: Lamtumirë Sadie Agolli

Politike / /

Kryeministri Edi Rama shprehu sot ngushëllimet për ndarjen nga jeta të Sadie Agollit, siç e cilësoi ai “hija, shoqja, e dashura, gruaja e Dritëroit”.

Sadia, tha Rama, “i është bashkuar tanimë Dritëroit pas një ndarjeje që e ktheu në hije që kishte humbur dritën”.

“Sadie Agolli ishte hija, shoqja, e dashura, gruaja e Dritëroit dhe kur ai iku, ishte pak si për të shkuar përpara për të parë banesën tjetër, ku Sadia i është bashkuar tanimë pas një ndarjeje që e ktheu në hije që kishte humbur dritën. Lamtumirë Sadie”, shkruan Kryeministri Rama.

Sadie Agolli, bashkëshortja e shkrimtarit të madh shqiptar, të ndjerit Dritëro Agolli u nda dje nga jeta në moshën 76-vjeçare. Ndarja e saj nga jeta vjen dy vjet pas vdekjes së bashkëshortit, Dritëro Agolli./atsh

Rama: Lamtumirë Sadie Agolli Read More »