Politike

Shkodranët nuk njohin vendimet që shkelin liritë dhe të drejtat themelore të njeriut dhe do të reagojnë me vendosmëri në mbrojtje të tyre’.

Deklarata është bërë nga ish-deputetja e PD-së Izmira Ulqinaku mesditën e sotme nga Shkodra, ku foli për vendimin e gjykatës që i ka njohur mandatin e kryebashkiakut, Valdrin Pjetrit.

‘Kushtetuta e detyron kryebashkiaken Ademi të qëndrojë në detyrë deri në zgjedhjen e pasardhësit në mënyrë të ligjshme e kushtetuese’, tha ajo.

‘Shkodra nuk mund të qeveriset nga pakica e 6% -shit dhe nuk do t’i dorëzohet krimit’, theksoi Ulqinaku.

Deklaratë e PD, dega Shkodër, Izmira Ulqinaku:

Sot, përmes mediave, të gjithë shkodranët janë njohur me aktin e rradhës të farsës së 30 qershorit. Don Kishoti që ‘triumfoi’ me ‘mullinjtë e erës’ në votime moniste si në kohën e diktaturës komuniste, u shpall fitues i votimeve socialiste nga një gjykatës i vënë nën presion nga ethet e vettingut që i rri mbi kokë sistemit të drejtësisë në vend.

Partia Demokratike e Shkodrës është e vendosur në mbrojtjen e Kushtetutës, Dekretit të Presidentit të Republikës dhe ligjeve të këtij vendi.

Asnjë vendim i asnjë institucioni në shkelje ligjore, të lirive e të drejtave themelore të njeriut, nuk do të njihet nga banorët e Bashkisë së Shkodrës. Çdo përpjekje për t’ju imponuar shkodranëve përmes institucioneve të kapura dhe që shkelin Kushtetutën, Dekretin e Presidentit dhe ligjet e Shqipërisë, do të përballet me vendosmërinë e njohur të shkodranëve.

Në 2015-ën, përmes një procesi gjithëpërfshirës, të lirë, demokratik dhe të njohur nga të gjitha forcat politike në vend dhe nga ndërkombëtarët, janë zgjedhur kryebashkiakët e ligjshëm në 61 bashkitë e vendit, mes tyre edhe Bashkia e Shkodrës.

Këta kryebashkiakë kanë detyrimin kushtetues, ligjor por edhe moral të qëndrojnë në detyrë deri në zgjedhjen e pasardhësve të tyre me një proces të ligjshëm dhe kushtetues.

Partia Demokratike Shkodër i bën thirrje Edi Ramës dhe sejmenëve të tij lokalë, të mos e provokojnë Shkodrën e shkodranët me individë të emëruar dhe jo të zgjedhur nga vota e qytetarëve.

E kemi përsëritur dhe e përsërisim edhe sot: Shkodra nuk mund të qeveriset nga 6% e atyre që edhe me dhunë, u detyruan të bëhen pjesë e farsës së 30 qershorit.

Shkodranet nuk kane per te pranuar kurre qe edhe Bashkine Shkoder tia dorëzojnë krimit te organizuar, tia dorezojne perfaqesuesit te emeruar prej tyre.

Çdo përpjekje për të vepruar ndryshe, është e dështuar dhe do të përballet me rezistencën qytetare, paqësore të të gjithë popullit që me 30 qershor i dha përgjigjen këtij regjimi duke e braktisur masivisht.Klsh

Presidenti i Republikës Ilir Meta i ka bërë thirrje kryeministrit Edi Rama të heqë dorë nga shantazhet dhe presionet ndaj institucioneve të tjera duke penguar zbatimin e dekretit të tij për zgjedhjet e 13 tetorit. Ai tha se Shqipëria ndodhet në një teatër të madh politik e absurd dhe iu bëri thirrje si maxhorancës ashtu dhe opozitës t’i japin fund. Presidenti iu drejtua tre liderëve politikë në vend, Edi Ramës, Lulzim Bashës e Monika Kryemadhit duke i quajtur ‘artistë’.

“Ajo që na shqetëson më shumë është ky Teatri i madh politik, absurd, i cili kërcënon që Shqipëria të dërrmojë çdo mundësi për të çelur negociatat në 17-18 tetor. Prandaj dhe njëherë iu bëj thirrje të gjithëve, në mënyrë të veçantë të tre artistëve t’i japin fund këtij absurdi të marrin masa për zgjedhjet vendore më 13 tetor sepse qytetarët shqiptarë kanë nevojë të kenë qetësi, normalitet, një qeverisje vendore të ligjshme dhe legjitime dhe po kështu që garanton llogaridhënie për të gjitha shqetësimet e tyre.

Zgjedhjet vendore nuk besoj se zgjidhin gjithçka por ky është një detyrim ligjor dhe kushtetues i pashmangshëm. Në radhë të parë është detyrim për kryeministrin që të heqë dorë nga shantazhet dhe presionet ndaj gjithë institucioneve të tjera duke penguar zbatimin e këtij dekreti dhe padyshim është përgjegjësi e gjithë të tjerëve të bëhen gati për të marrë pjesë në zgjedhjet e 13 tetorit.
Kam formalizuar dhe një letër dërguar sekretarit të OSBE për të negociuar me të dyja palët për arritjen e një zgjidhje sa më të shpejtë në ditët në vijim, pasi nuk kemi kohë për të parandaluar jo vetëm përshkallëzimin e kësaj situate por edhe e padenjë për një vend që duhet të jetë shembull”, deklaroi Meta.

Ai tha se kam insistuar prej kohësh për një dialog të qëndrueshëm, jo për demagogji por për marrje përgjegjësish nga të gjitha palët.
“Sot kemi një parlament që nuk jep llogari para askujt, një shumicë që kontrollon gjithçka. Sot jemi në një situatë kaotike në të gjitha drejtimet. Opozita i ka pasur të gjitha mundësitë për të parandaluar me propozime me këmbë në tokë. Shqipëria nuk mund të ecë në dy rrugë që nuk takohen me njëra-tjetrën, rruga e kapjes së të gjitha institucioneve nga njëra anë dhe rruga tjetër e de legjitimimit të gjitha institucioneve. ne kemi nevojë për një rrugë, rruga e përbashkët e anëtarësimit në BE”, tha ai.

“Është koha që secili të bëjë kilometrat e vet, dhe dua ta them që sot nuk mund të ketë më deputetë që marrin malet për të takuar njerëz, deputetë që marrin njerëzit në krahë për t’iu zgjidhur një hall, deputetë që rrinë në kontakt të madh me njerëz dhe deputetë nga ana tjetër që edhe në fushatën e 30 qershorit, kanë shkuar tek njerëzit vetëm javën e fundit”, – theksoi Kryeministri Edi Rama në fjalën e mbajtur në Asamblenë Kombëtare e Partisë Socialiste.

“Nuk mund të ketë anëtarë të Asamblesë Kombëtare të PS që kujtohen për PS vetëm nga ftesa për mbledhjen e asamblesë dhe pavarësisht se mund të jenë të rregullt nëpër mbledhje, nuk shfaqen tek njerëzit. Kush nuk do i përgjigjet ritmit që kërkon 30 qershori, nuk do jetë më në projektin tonë politik të vitit 2021. Kush nuk do i bëjë kilometrat e veta që imponon 30 qershori do dalë nga projekti ynë politik i vitit 2021”, – theksoi Rama.

“Është gjëja e fundit që dëshiroj, por do dalë jashtë nga kjo familje e madhe politike edhe çdo kryebashkiak që do bëjë gabimin të mendojë që tani që ka marrë mandatin mund të bëjë pa njerëzit dhe mund të bëjë pa ne”, – tha Rama. /atsh

Ministrja e Shtetit për Marrëdhëniet me Parlamentin, njëkohësisht zëdhënëse e Qeverisë, Elisa Spiropali tha se mazhoranca është e gatshme për dialog me opozitën, por Lulzim Basha nuk përcakton se kush është kryeministër.

Gjatë një interviste televizive, Spiropali tha se qeveria është e gatshme të bashkëpunojë.

“Ne jemi të gatshëm t’i shtrijmë dorën e bashkëpunimit, por rregullat e lojës për sistemin nuk i vendos Lulzim Basha se kush është kryeministër në këtë vend, nuk i ndërpret dot ai mandatet qeveritare. Ne besojmë vetëm tek vota dhe asaj i përulemi”, – u shpreh ajo.

Spiropali tha po ashtu se dialogun me opozitën e shohin të padiferencuar. Sipas saj, mazhoranca kërkon dialog, jo pazare politike.

“Ne nuk nisim mesazhe private, apo gjysmë konspirative, apo të veçojmë. Ne opozitën jashtëparlamentare e marrim si të tërë dhe respektojmë vendimet e tyre për aq sa vendimmarrja e tyre nuk cenon rendin, sigurinë apo Kushtetutën në vend. Nuk bëjmë ndarje të tilla dhe nuk jemi të gatshëm të bëjmë pazare të këtij soji, ama jemi të gatshëm për t’u ulur në tryezë për të dialoguar”, – theksoi ajo.

Lidhur me zgjedhjet e 30 qershorit, ministrja u shpreh se “u bënë zgjedhje në 30 qershor. Pavarësisht fitores apo humbjes, ne bëjmë analizën tonë. Zgjedhjet e 30 qershorit ishin të posaçme, ishin ndryshe, ju keni të drejtë, në fakt nuk fitoi thjesht një forcë politike, fitoi Shqipëria, u bënë zgjedhjet. Kaosi, paligjshmëria, tymi, flaka e molotovi e të tjera shfaqje të politikës sonë të opozitës së këtyre muajve dështuan me turp dhe Shqipëria e mbajti kokën lart, jo vetëm përballë qytetarëve të saj, por edhe partnerëve që presin stabilitetin dhe një sjellje serioze nga faktorët politikë. Në këtë kuptim, ne do të bëjmë analizën tonë. Nuk kemi shenja triumfaliste, as kemi dëshirë për të shfaqur entuziazëm të tepruar, ama kemi nevojë të bëjmë një analizë të saktë për çdo zonë, çdo bashki, për qeverisjen vendore dhe të nisim me një entuziazëm të ri që është qeverisja e re vendore”.

Sipas saj, mazhoranca do të kishte preferuar zgjedhje vendore ndryshe nga ato që u zhvilluan, por kjo e fundit erdhi si pasojë e vendimit të opozitës për të mos marrë pjesë në votime.

“Nuk ka qenë zgjedhja jonë dhe ne do të kishim preferuar ndryshe. Ne do të kishim preferuar që Partia Demokratike, Partia Socialiste për Integrim e forca të tjera që mbështesin të përballeshin me ne. Ata e zgjodhën këtë rrugë dhe ne nuk ndihmë aspak entuziastë të arsyes tonë politike, faktin që do të qeverisim 61 bashkitë e vendit por dimë mirë që fitoi ligji dhe Kushtetuta në vend. Shumë shpesh janë bërë pazare në kurriz të Kushtetutës, pazare partiake, personale të liderëve politikë që kanë synuar që të frenojnë zhvillimet politike në vend, në mënyrë që të ruajnë veten apo të avancojnë interesat e tyre personale që nuk kanë lidhje me interesat e përgjithshme. Të njëjtën gjë donin të bënin edhe më 30 qershor”, – tha Spiropali.

“Sa i përket pjesës së raporteve politike me opozitën jashtëparlamentare dhe atë parlamentare, ku patjetër ka nevojë ende për dialog dhe për disa reforma të rëndësishme që duhet t’i kalojmë në Kuvend, ne jemi të gatshëm për dialog ashtu sikurse kemi qenë gjithmonë, vijimësisht në mënyrë të pandërprerë. Ne kemi kërkuar dialog me 4 krerët e opozitës, sepse vendimet kanë qenë të tyret, i kanë marrë në kushtet e një aksioni yxhym, të pakonsultuar me pjesën tjetër, lërë me forumet e tyre që nuk janë mbledhur kurrë por po flasim për deputetët dhe tani kanë nevojë edhe ata të bëjnë analizën e tyre”, – shtoi ajo.

Ministrja tha se Lulzim Basha detyroi kryetarët e bashkive të PD-së të mos kandidonin.

“Lulzim Basha nuk po di çfarë do dhe këtu fillon dhe mbaron problemi. Sepse retorika e zotit Basha në 6 muajt që i paraprijnë 30 qershorit ishte kjo apo jo: nuk do të lejojmë të bëhen zgjedhjet, duhet të ikë Kryeministri Rama, duhet të kemi një qeveri tranzitore. Për ne ishte krejt e pakuptimtë, por besoj ishte e pakuptimtë edhe për partnerët ndërkombëtare, sepse nuk kuptonin se ku mund të negocionin apo ku ata mund të ndërmjetësonin por në pikën që jemi, pas zgjedhjeve të 30 qershorit, Lulzim Basha nuk ka gjetur edhe një retorikë të re. Nuk po tregon dot një përrallë tjetër, pra po tregon të njëjtën përrallë. Pra, po e mban elektoralin e tij, votuesit e PD-së, krerët e bashkive që i detyroi të heqin dorë nga kandidimi dhe tani ata duhet të dalin dhe t’i bashkohen protestës në rrugë ndërkohë që administronin pushtet të vërtetë në pushtetin vendor dhe aktualisht Partia Demokratike nuk ka as këshilltarë, as kryetarë bashkie, as deputetë, krejtësisht jashtë sistemit”, – argumentoi Spiropali.

Për ndryshimet e mundshme në qeveri, ministrja Spiropali u shpreh se nuk ka arsye për to, megjithëse nuk mohoi analizën sektor më sektor.

“Nuk besoj se ka arsye për ndryshime në qeveri, megjithatë analiza bëhet në fund të sesionit për ligjet që kanë kaluar, sa impakt kanë pasur, sa reforma janë kryer, analizë sektor për sektor dhe kjo është e nevojshme, bëhet ekonomia, rendi e të tjera çështje dhe patjetër që është pastaj diskrecion i Kryeministrit për të vendosur”, – tha ajo. /atsh

Asambleja Kombëtare e Partisë Socialiste miratoi sot disa ndryshime në udhëheqjen e qarqeve dhe sekretariatin e partisë.

Kryeministri Edi Rama njoftoi disa ndryshime në udhëheqjen e qarqeve. “Duke ndjerë nevojën për të përmirësuar drejtimin politik në Qarkun e Shkodrës, Qarkun do ta drejtojë kryetari i ri i bashkisë Shkodër, Valdrin Pjetri. Në Qarkun e Tiranës që ketë më shumë rezultat propozoj ta drejtojnë bashkërisht Elisa Spiropali dhe Ervin Bushati, të ndarë sipas territoreve. Sandër Lleshi do të drejtojë Qarkun e Lezhës, ndërsa në qarqet e tjera do të vazhdojmë siç jemi”, – tha Rama.

Po ashtu, Rama tha se “do të bëhen disa axhustime të rëndësishme dhe të nevojshme sa i takon sekretariatit të partisë”. “Meqë kemi krijuar një format të ri organizimi me tre këshillat drejtues të tre rajoneve dhe puna e këtyre këshillave parashikohet të jetë goxha e rëndësishme dhe jo thjesht mbledhje për të diskutuar për emërime apo largime politike, por për të diskutuar për qeverisjen në nivel qendror dhe vendor në territor, kemi menduar të kemi një sekretar që do të koordinojë punën e këtyre këshillave dhe për këtë do të ngarkojmë Ilir Beqajn”, – tha Rama.

Ndërkohë Lindita Nikolla sipas tij, do të merret me çështjen e mangësive në regjistrin e burimeve njerëzore.

“Nga ana tjetër, po një çështje paralele dhe shqetësuese është çështja e partisë online. Duke qenë i pari politikan që kam bërë ‘ciu, ciu’, më takon të ndjehem i shqetësuar që jemi shumë larg asaj që duhet të bëjmë. Për këtë do të jetë Blerina Gjylameti, që është njeriu i duhur që gjithë eksperiencën e koordinimin ta transformojmë bashkërisht në një organizim komplet të ri dixhital të partisë. Në kushtet kur Elisa do të marrë drejtimin e Qarkut të Tiranës bashkë me Ervin Bushatin, i besojmë drejtimin e rinisë, Gent Cakës. Pjesa tjetër e sekretariatit mbetet siç është, me ndryshimin që organizimi bashkohet me koordinimin në një dorë nga ana e Arben Pëllumbit”, – tha Rama. /atsh