Politike

Kryetari i Partisë Demokratike, Lulzim Basha deklaroi sot se beteja në Shkodër është beteja e çdo shqiptari që nuk pranon dhunën, papunësinë dhe padrejtësinë.

Kryetari i PD-së Basha shton se qëllimi ynë është “t’i nxjerrim këta banditë dhe hajdutë nga institucionet, nga parlamenti, nga bashkitë e pushtuara dhunshëm, t’i nxjerrim nga lokalet dhe hotelet luksoze, t’i nxjerrim nga studiot e mediave të kapura, t’i nxjerrim nga ekonomia, e t’i çojmë para ligjit”.

“Tu vëmë prangat dhe t’i pastrojmë institucionet dhe rrugët e Shqipërisë, të pastrojmë ekonominë shqiptare nga këta banditë dhe hajdutë dhe t’ua kthejmë Shqipërinë njerëzve”, shprehet ai. /atsh

Konstituohet Këshilli Bashkiak i Shkodrës, zgjidhet kryetarja e këtij Këshilli, Brisela Kadia me 42 vota pro, ndërsa dy prej tyre janë shpallur të pavlefshme.

Po ashtu në këtë mbledhje janë zgjedhur edhe tre nënkryetarët Arvid Osja, Tereze Brigja dhe Suada Selimaj.

Kryetarja e Re e Këshilli Bashkiak i Shkodrës, Brisela Kadia deklaroi se në ushtrimin e detyrës do të jetë e drejtë dhe e paanshme.

“Ndihem e nderuar të marrë këtë pozicion. Ky këshill, fillon punë në një situatë të pazakonte, ku disa parti kanë lënë jashtë votuesit e tyre. Në këshill, ftoj këshilltarët të bëjnë oponencën e atyre që janë jashtë këshillit. Do të punojmë për të gjithë. Kjo detyrë që më është besuar do të jem e drejtë dhe e paanshme ne të drejtë të ligjit për të shërbyer për Shkodrën dhe shkodranët”, ka thënë ndër të tjera Kadia.

Pas përfundimit të seancës së konstituimit të Këshillit Bashkiak të Shkodrës, mbështetës të PD-së kanë sulmuar anëtarët e këshillit që dilnin nga Universiteti ku u zhvillua mbledhja.

Deputeti Tom Doshi pasi u sulmua nga mbështetësit e PD në Shkodër theksoi për mediet se ata që nuk morën pjesë në zgjedhje nuk kanë të drejtë të protestojnë.

“Sot mora pjesë në mbledhjen e këshillit bashkiak si aleat i PS”- ka thënë Doshi. /atsh

“Valdrin Pjetri nuk është kriminel, por fshehja e ngjarjes është e patolerueshme dhe pasojat për Shkodrën të pajustifikueshme”, deklaroi sot kryeministri Edi Rama.

Rama tha se “Valdrin Pjetri ka shërbyer në administratë si nëpunës korrekt qysh në kohën e qeverisjes së PD dhe çfarëdo të ketë bërë 19 vjeç nuk e bën kurrsesi njeriun një kriminel”.

“Partitë nuk verifikojnë dot të dhëna individuale jashtë afateve të përcaktuara nga shtetet për dëshminë e penalitetit. Ato merren vetëm me kërkesë nga policia ose prokuroria. Koha të fusim në ligj afate verifikimi shtetëror të kandidaturave para regjistrimit të tyre në zgjedhje”, vijoi Rama.

“Një kandidat që gënjen në mirëbesim dhe në formularin e vetëdeklarimit, s’mund të lërë në baltë zgjedhësit dhe partinë që e ka besuar. Ai duhet të përjashtohet nga gara pa mundur të regjistrohet në zgjedhje dhe ta marrë të plotë gjithë përgjegjësinë e vetëdeklarimit të rremë”, shtoi Rama.

Jo vetëm kaq, por sipas Kryeministrit, “është koha të nisë verifikimi shtetëror i të gjitha vetëdeklarimeve të politikanëve e punonjësve të shtetit që kanë firmosur”. “Çdo vetëdeklarim i rremë duhet të sjellë përjashtim dhe dënim penal. Përgjegjësia individuale s’mund të ketë më asnjë fije kosto kolektive”, tha Rama./atsh

Kryetari i Partisë Demokratike, Lulzim Basha reagoi sërish sot lidhur me dorëheqjen nga detyra të Valdrin Pjetrit, ndërsa u shpreh se “Edi Rama futi në politikë dhe zyrat e shtetit dhjetëra kriminelë.

Basha tha se “krahasuar me Edi Ramën, Valdrin Pjetri është një kriminel i rangut të tretë, një trafikant i dënuar droge që ka fshehur të kaluarën e tij”.

“Është Edi Rama ai që futi në politikë dhe zyrat e shtetit dhe i bëri deputetë, kryebashkiakë e zyrtarë të lartë dhjetëra kriminelë me rekorde të tmerrshme kriminale, trafikantë, përdhunues e deri vrasës. Edi Rama është kërcënim dhe rrezik për jetën dhe sigurinë e çdo familje shqiptare”, tha ai.

Sipas Bashës, “Shqipëria u kthye në parajsën e krimit të organizuar dhe të pastrimit të parave të pista nga trafiku i drogës dhe korrupsionit”. /atsh

Kryeministri Edi Rama e cilësoi sot humbje kohe dhe gazetari pa lidhje, dokumentarin e transmetuar në “Rai 3” për fuqizimin e grupeve shqiptare në trafikun e drogës.

Sipas tij, shumëçka sot serviret ende si gazetari, po me gazetarinë s’ka pikë lidhje.

“S’kemi ç’bëjmë! E kotë të harxhosh kohë me shumëçka sot serviret ende si gazetari,po me gazetarinë s’ka pikë lidhje. Çka vërtetë vlen çdo minutë janë reformat, punët, veprat. Ato do të flasin, kur llafet t’i ketë marrë era dhe baltën ta ketë fshirë uji i kohës”, thekson kryeministri Rama, ndërsa ka publikuar edhe qëndrimin e sotëm zyrtar të ministrit të Brendshëm, Sandër Lleshaj lidhur me faktet e evidentuara në këtë dokumentar të medias italiane.

Ministri Lleshaj deklaruar se lufta kundër kanabisit është një bast i fituar për mazhorancën dhe se për këtë ka dokumente dhe shifra zyrtare, të cilat thekson se nuk janë evidentuar në asnjë pjesë të shkrimit. Ky dokumentar sipas tij, është një mishmash i denjë për të ilustruar epideminë e ‘fake news’.

Ministri tha se opozita ka rimarrë vrullin e një shiu vere, për të akuzuar Policinë e Shtetit dhe Qeverinë për njollat që ata vetë i kanë vënë vendit kur ishin në pushtet./atsh