Politike

Ndryshimet në Kodin Penal, Balla: Bëhet fjalë për të shpëtuar dhe mbrojtur jetën e njerëzve

Opinione, Politike / /

Mazhoranca përveç ndryshimeve në Kodin Penal dhe atë Rrugor është duke vlerësuar dhe aktualizimin me situatën të rregullores së Kuvendit.

“Së pari duhet të sqarojmë se këtu bëhet fjalë për të shpëtuar dhe mbrojtur jetën e njerëzve dhe dua të sqarojë se 99.9% e shqiptarëve i kanë zbatuar masat shtrënguese të deritanishme në mënyrën më të shkëlqyer dhe përfitoj nga rasti t’i falënderoj. Por kemi dhe një 0.01% të personave që jetojnë në Shqipëri të cilët ende nuk e kanë kuptuar që kjo është një luftë. Një luftë me një armik të padukshëm, që edhe pse jemi në një moment të mirë sa i takon shifrave dhe kurbës së ecurisë së kësaj pandemie në vendin tonë, na duhet që për këta 0.01%, ashtu sikurse dhe vendet e tjera, dhe në disa parlamente të tjera, janë depozituar dhe po diskutohen masa të tilla të aktualizimit të Kodit Penal”,- tha Balla.

“Një situatë e tillë nuk është parë kurrë. Kujtoj këtu, ashtu sikurse tha Kancelarja Angela Merkel, një situatë e tillë për Gjermaninë nuk ishte parë që nga lufta e dytë botërore. E pra, Kodi Penal në Republikën e Shqipërisë sikurse dhe në vendet e tjera ka pasur deficite që duhen rregulluar, sepse moszbatimi i urdhrit të karantinës, apo shkelja e rregullave të karantinës nga personi mbartës ose jo i sëmundjes infektive, ngjitëse përbën vepër penale dhe duhet të dënohet penalisht. Këtu nuk bëhet fjalë vetëm për COVID-19”, – tha Balla.

“Po bëjmë disa ndryshime penale jo vetëm për këtë pandemi, por duhet të jemi parashikues dhe për raste të tjera. Por betejën dhe luftën e kemi me COVID-19 momentalisht. Në këtë kontekst veç masave administrative, është e domosdoshme të aktualizojmë kodin tonë penal edhe me këtë rast”, – tha Balla.

“Unë ju ndoqa teksa ju transmetuat 9 raste të reja të identifikuara me COVID-19 në Shqipëri. Tre prej tyre janë në Elbasan dhe këta në Elbasan janë për fajin e disa personave të tjerë që kanë ushtruar aktivitet të paligjshëm. Këta janë kontaminuar me virusin për shkak të moszbatimit të masave të sigurisë që kemi vendosur”, – tha Balla.

Duke folur për mbledhjen e Kuvendit në seancë plenare, Balla tha se do shqyrtohet dhe ndryshimi i rregullores së Kuvendit. “Në fund të fundit kuvendi duhet të japë një shembull të mirë të distancimit social. Kuvendi i Shqipërisë ka ushtruar aktivitetin e tij të domosdoshëm legjislativ duke përdorur teknologjinë. Situata të tilla të shkaktuara nga COVID 19 nuk i kemi parashikuar në rregulloren e Kuvendit, prandaj duhet që dhe në rregullore të ndërhyjmë. Kuvendi do mblidhet në datë 16 dhe do të diskutojë edhe për këto ndryshime”,- tha Balla, gjatë intervistës së dhënë pasditen e të enjtes për një media vizive. /atsh

Ndryshimet në Kodin Penal, Balla: Bëhet fjalë për të shpëtuar dhe mbrojtur jetën e njerëzve Read More »

PD: Numër i ulët i testimeve, po fshihet realiteti

Debat, Opinione, Politike / /

Ish-deputeti i PD-së, Bardh Spahia tha sot se numri i ulët i testimeve fsheh realitetin e përhapjes së virusit.

Në një deklaratë për mediet, Spahia tha sot po bëhet një muaj që kur në Shqipëri u zbulua rasti i parë me COVID-19.

“Ky muaj i vështirë ka provuar në mënyrë të përsëritur se qeveria ishte e papërgatitur për të përballuar krizën e krijuar nga koronavirusi. Shqipëria kishte pak kite për të testuar sa më shumë të dyshuar, sepse qeveria veproi me shumë vonesë për t’i siguruar, pavarësisht thirrjeve tona të hershme. Në përpjekje për të mbuluar dështimin në furnizimin e mjaftueshëm me kite për teste, Rama e mbajti sekret sasinë e tyre dhe, kur u detyrua të fliste, ai gënjeu”, tha ai.

Bardhi shton se “deklarata e tij se ne jemi të gatshëm të bëjmë 2 mijë teste në ditë, u përgënjeshtrua nga Ministrja e Shëndetësisë dhe nga vetë Komiteti i Ekspertëve të Edi Ramës”. /atsh

PD: Numër i ulët i testimeve, po fshihet realiteti Read More »

Rama citon Mbretëreshën Elisabeth II: Ditët më të mira do të kthehen

Aktualitet, Politike / /

“Ditët më të mira do të kthehen. Ne do të jemi përsëri me miqtë tanë, do të jemi përsëri me familjet tona, do të takohemi përsëri”.

Ishin këto fjalë të Mbretëreshës Elisabeth II, që Kryeministri Edi Rama përcolli mëngjesin e sotëm përmes rubrikës “Fjalë të Çmuara”.

Ndërkohë që në Shqipëri vijojnë të zbatohen masat kundër përhapjes së COVID-19, duke kufizuar më tej lëvizjen e qytetarëve, autoritetet shtetërore vazhdojnë t’i bëjnë thirrje qytetarëve të qëndrojnë në shtëpi dhe të zbatojnë të gjitha rregullat e distancimit social. /atsh

Rama citon Mbretëreshën Elisabeth II: Ditët më të mira do të kthehen Read More »

“Tani nuk është koha për politikë”/ Kim: Vlerësoj udhëheqjen e unifikuar të Metës, Ramës dhe Bashës, duhet të vazhdojë

Aktualitet, Opinione, Politike / /

Ambasadorja e Shteteve të Bashkuara në Tiranë, Yuri Kim vlerësoi sot udhëheqjen e unifikuar të Presidentit Ilir Meta, Kryeministrit, Edi Rama dhe kreut të PD, Lulzim Basha, por shtoi ajo, kjo duhet të vazhdojë, pasi tani nuk është koha për politikë si zakonisht.

“Bisedova me Presidentin Ilir Meta, Kryeministrin Edi Rama, kryetarin e PD Lulzim Basha për të vlerësuar udhëheqjen e tyre të unifikuar kundër COVID-19. Kjo duhet të vazhdojë. Tani nuk është koha për politikë si zakonisht”, tha ambasadorja e Shteteve të Bashkuara në Tiranë, Yuri Kim.

“Nuk mund të fitohet lufta pa unitet dhe disiplinë nga të gjithë liderët dhe të gjithë njerëzit, nga Shkodra, në Sarandë”, theksoi Kim.

“Masat e rrepta janë duke dhënë efekt dhe është e natyrshme të ndjehemi të lodhur, por duhet të qëndrojmë vigjilentë. Të gjithë ne – përfshirë Ambasadën e SHBA në Tiranë – duhet të vazhdojmë të bëjmë pjesën tonë për t’i mbajtur të gjithë të shëndetshëm. Jemi me ju. Rri në shtëpi”, u shpreh ambasadorja Kim./atsh

“Tani nuk është koha për politikë”/ Kim: Vlerësoj udhëheqjen e unifikuar të Metës, Ramës dhe Bashës, duhet të vazhdojë Read More »

Rama citon Martin Luther King: S’jemi përgjegjës për këtë që po kalojmë, por do jemi nëse nuk bëjmë asgjë për ta ndryshuar

Aktualitet, Politike / /

“Mund të mos jemi përgjegjës ne për situatën në të cilën gjendemi, por do të jemi, nëse nuk bëjmë asgjë për ta ndryshuar”, tha sot Kryeministri Edi Rama, duke zgjedhur të tjera fjalë të çmuara për të përcjellë mesazhin e tij.

Ishin këto fjalë të Marthin Luther King Jr, që Kryeministri Rama përcolli mëngjesin e sotëm përmes rubrikës “Fjalë të Çmuara”.

Kryeministri zgjodhi këto fjalë të çmuara, për të përcjellë mesazhin e tij, ndërkohë që autoritetet shtetërore kanë marrë masa drastike duke kufizuar lëvizjen, si masë parandaluese për kufizimin e përhapjes së COVID-19. /atsh

Rama citon Martin Luther King: S’jemi përgjegjës për këtë që po kalojmë, por do jemi nëse nuk bëjmë asgjë për ta ndryshuar Read More »

PD s’mund të japë mend as për tabelën e shumëzimit, jo më për strategjinë e testimit

Aktualitet, Opinione, Politike / /

Kryeministri Edi Rama ka reaguar sot në lidhje me deklaratat e opozitës për testime.

Rama shprehet se testimet janë detyrë e Komitetit Teknik që udhëheq luftën në vijën e zjarrit.

“PD s’mund të japë mend as për tabelën e shumëzimit, jo më për strategjinë e testimit! Strategjia e testimit është detyrë e Komitetit Teknik që udhëheq luftën në vijën e zjarrit. Detyra e politikës, qeverisë a opozitës është të dëgjojë dhe mbështesë ekspertët. Të tjerat janë 7×7=42″, deklaron Rama.

Më herët, ish-deputetja e PD-së, Albana Vokshi tha se “testimi urgjent i personelit mjekësor në spitalet Covid, personelit mjekësor të urgjencave në QSUT, i stafit të laboratorëve, i mjekëve në qendrat shëndetësore duhet të jetë prioriteti 1 i Qeverisë”.

Ajo tha se testimi, gjurmimi, trajtimi dhe izolimi i rasteve janë mënyra e vetme për kufizimin e përhapjes së coronavirusit./atsh

PD s’mund të japë mend as për tabelën e shumëzimit, jo më për strategjinë e testimit Read More »

Bluzat e bardha në misionin human në emër të jetës/ Balla: Mirënjohje heronjve në frontin e luftës, mjekëve dhe infermierëve

Aktualitet, Politike / /

Mirënjohje heronjve në frontin e luftës, mjekëve dhe infermierëve.

Kryetari i Grupit Parlamentar të Partisë Socialiste Taulant Balla, duke publikuar një video të dedikuar infermierëve dhe mjekëve në këto kohë të vështira të pandemisë së COVID-19, shpreh mirënjohjen e tij për këta heronj të heshtur të cilët vijojnë të japin kontributin e tyre human në emër të jetës.

“Mirënjohje heronjve në frontin e luftës: mjekëve dhe infermierëve.”,- thekson Balla./atsh

Bluzat e bardha në misionin human në emër të jetës/ Balla: Mirënjohje heronjve në frontin e luftës, mjekëve dhe infermierëve Read More »

Balla: Shqipëria ka hyrë në zonën e zjarrit, duhet të zbatojmë rregullat dhe masat shtrënguese për tu mbrojtur nga armiku i padukshëm

Aktualitet, Opinione, Politike, Problematika / /

Kryetari i Grupit Parlamentar të Partisë Socialiste, Taulant Balla deklaron se Shqipëria ka hyrë në zonën e zjarrit, ku armiku COVID-19 mund të marrë shumë jetë.

Balla thekson se duhen zbatuar të gjitha rregullat dhe masat shtrënguese për tu mbrojtur nga armiku i padukshëm.

Sipas Ballës operacioni i përditshëm humanitar i shpërndarjes së ndihmave për familjet në nevojë vijon pa ndërprerje.

“Kemi hyrë në zonën e zjarrit, ku armiku mund të na marrë më shumë jetë, pasi rezistenca jonë deri tani e ka ndaluar të bëjë kërdinë duke na shkatërruar barrikadën e bluzave të bardha!”,- thekson Balla.

“Duhet të vazhdojmë të zbatojmë një për një rregullat plus masat shtrënguese dhe të mbrohemi nga ky armik i padukshëm, deri sa të dalim nga kjo luftë e egër që kërcënon qindra jetë shqiptare”,-vijon Balla.

“Shqipëria do ta fitojë luftën dhe ata që shajnë e mallkojnë, teksa rrotullohen në divan e çohen vetëm për të hedhur vrerë mbi ata që punojnë, do t’i mohojnë ato që thonë sot pa u menduar e pa e kuptuar që kjo është një luftë. Kuja e paskrupullt e mjeranëve të shqupit le të vijojë, mjekët dhe infermierët në front shpëtojnë çdo ditë jetë dhe karvani i operacionit të përditshëm humanitar ecën përpara, kudo ku ka familje në nevojë. Ti nuk do jesh kurrë vetëm”,- përfundon Balla./atsh

Balla: Shqipëria ka hyrë në zonën e zjarrit, duhet të zbatojmë rregullat dhe masat shtrënguese për tu mbrojtur nga armiku i padukshëm Read More »