Politike

Bardhi: PD shpërndan ndihma në të gjithë vendin, jo politikë më të pamundurit

Opinione, Politike / /

Sekretari i Përgjithshëm i Partisë Demokratike Gazment Bardhi, tha se PD nuk do të përdorë asnjëherë për politikë më të pamundurit, duke pozuar me ta për ndihmat që po shpërndajnë strukturat e PD në të gjithë vendin.

Bardhi shton se pak ditë më parë PS, përmes Taulant Ballës, Okta Xhaçkës apo Erion Veliajt, akuzoi PD se nuk po jepte asnjë ndihmë.

“Përfaqësuesit e PD janë çdo ditë në kontakt me qytetarët, duke ndihmuar me sa mundësi kemi qytetarët më nevojë, por, ndryshe nga Balla, Veliaj, Xhaçka që marrin nga 3 kameramanë për show dhe propagandë me pako në emrin e tyre, ne kemi vendosur të mos bëjmë propagandë me qytetarët në nevojë, ne kemi vendosur të mos bëjmë as foto, as video me njerëz që janë në nevojë. Kemi vendosur të mos pozojmë me ndihmat që u ofrojmë qytetarëve. Ne nuk kërkojmë të përfitojmë politikisht nga mjerimi i pjesës dërrmuese të qytetarëve shqiptarë”, tha ai.

Po ashtu, Bardhi shton se “është kriminale që ndërsa i çon një pako oriz dhe një pako makarona, të dalësh foto me një person qe sot nuk ka mundësi të ushqejë fëmijët. Kjo është ta përdorësh atë person për politikë. Prandaj, ne e neverisim një formë të tillë ndihme. Kemi bërë dhe do të vazhdojmë të bëjmë detyrën tonë për të qenë pranë qytetarëve, së pari për të qenë zëri i tyre dhe së dyti, për të ndihmuar sa të mundemi. Taulant Balla dhe shokët e tij të partisë e dinë shumë mirë që strukturat tona po ndihmojnë aq sa munden me ndihma, familjet në nevojë. Unë mund t’ju dëshmoj raportet e përditshme të strukturave tona për ndihmën që po u ofrojmë qytetarëve, por kurrësesi, siç kemi vepruar me rastin e tërmetit, ne nuk bëjmë foto me persona të pamundur që mezi sigurojnë bukën e gojës për fëmijët e tyre”.

“Propagandën dhe shown me më të pamundurit ia kemi lënë asaj partie që gjithmonë i ka përdorur qytetarët si subjekte të fotove për propagandën e tyre. Ne nuk e kemi bërë kurrë këtë dhe nuk do ta bëjmë asnjëherë ketë. Do të ndihmojmë pa bërë show dhe propagandë me njerëz qe janë në kufijtë e mbijetesës.”- tha Bardhi. /atsh

Bardhi: PD shpërndan ndihma në të gjithë vendin, jo politikë më të pamundurit Read More »

Spiropali: Qëndrojmë deri në fund dhe padyshim që e fitojmë këtë luftë

Aktualitet, Opinione, Politike / /

Ministrja e Shtetit për Marrëdhënien me Parlamentin, Elisa Spiropali u bëri thirrje sot qytetarëve të qëndrojnë deri në fund me zbatimin e masave për ta fituar këtë luftë”.

Përmes një video me pamje nga kryeqyteti në karantinë, Spriopali inkurajon qytetarët që të bëjnë durim dhe të vazhdojnë përpjekjet deri në fund.

“Qëndrojmë deri në fund sikurse këto ditë dhe i kemi vendosur vetes dy alternativa përpara: ose e fitojmë ose padyshim që e fitojmë këtë luftë”, tha ajo./atsh

https://www.facebook.com/espiropali/videos/537551193575545/?t=0

Spiropali: Qëndrojmë deri në fund dhe padyshim që e fitojmë këtë luftë Read More »

Meta: Qytetarët të respektojnë me përpikëri të gjitha udhëzimet dhe kufizimet

Aktualitet, Politike / /

Presidenti i Republikës, Ilir Meta ka ftuar sot të gjithë qytetarët të respektojnë me përpikëri të gjitha udhëzimet dhe kufizimet e bëra publike për shkak të pandemisë globale COVID-19, pasi ka theksuar ai, “kjo është në interesin tonë të përbashkët”.

“Në këtë mënyrë”, ka nënvizuar Meta, “jo vetëm mbrojmë shëndetin tonë, por ndihmojmë njëkohësisht mjekët dhe personelin shëndetësor, që po sakrifikon dhe rrezikon për shëndetin e të gjithëve ne”.

Ndërkohë, ka shtuar ai, “është me rëndësi që çdo akt i Këshillit të Ministrave që miratohet në këtë situatë, t’i nënshtrohet paraprakisht një vlerësimi sa më të thelluar, në proporcion me gjendjen që dikton domosdoshmërisht miratimin e tyre”.

“Çdo masë e marrë duhet të jetë në përputhje me interesin e përgjithshëm publik dhe kombëtar, dhe në harmoni me hierarkinë e normave në fuqi, në mënyrë që miratimi i masave kufizuese të mos rrezikojë krijimin e konflikteve të reja sociale dhe gjyqësore”, ka theksuar Meta.

“Masat kufizuese duhet të jenë në përputhje me Kushtetutën e Republikës së Shqipërisë dhe të ligjeve në fuqi, por edhe t’i përgjigjen vetëm nevojës dhe urgjencës së përballimit të gjendjes së fatkeqësisë natyrore të shpallur nga Këshilli i Ministrave”, ka vijuar Kreu i Shtetit.

“Bashkëpunimi më i ngushtë midis qytetarëve dhe institucioneve është garanci kryesore për përballimin sa më efikas të kësaj pandemie për të gjithë”, ka përfunduar Presidenti Meta./atsh

Meta: Qytetarët të respektojnë me përpikëri të gjitha udhëzimet dhe kufizimet Read More »

Braçe citon Martin Luther King: Për të bërë armiq nuk është nevoja të shpallësh luftë, mjafton të thuash atë që mendon

Aktualitet, Opinione, Politike / /

“Për të bërë armiq nuk është nevoja të shpallësh luftë, mjafton të thuash atë që mendon!”

Zv/kryeministri Erion Braçe e ka nisur ditën sot me një shprehje të Martin Luther King.

“Për të bërë armiq nuk është nevoja të shpallësh luftë, mjafton të thuash atë që mendon”, u shpreh sot zv/kryeministri Braçe.

“Martin Luther King e vranë në një ditë si kjo për ato që mendonte dhe i thoshte. Mirëmëngjes!”, theksoi Braçe./atsh

Braçe citon Martin Luther King: Për të bërë armiq nuk është nevoja të shpallësh luftë, mjafton të thuash atë që mendon Read More »

Basha: Qeveria të rialokojë buxhetin dhe të shtojë fondet e emergjencës

Aktualitet, Opinione, Politike / /

“Qeveria të anulojë menjëherë koncesionet, të rialokojë buxhetin dhe të shtojë pa vonesë fondet e emergjencës në ndihmë të shëndetit dhe njerëzve dhe bizneseve në nevojë”, deklaroi sot Kryetari i Partisë Demokratike, Lulzim Basha.

“Për t’ju ardhur në ndihmë njerëzve, kemi kërkuar që qeveria të subvencionojë qiratë dhe pagesat e qytetarëve dhe bizneseve në nevojë, ashtu si kanë bërë shumë vende duke nisur me Kosovën. Boll me fyerje dhe sulme ordinere: ato nuk i mbushin xhepat dhe tryezat bosh të shqiptarëve”, tha Basha.

“Fyerjet dhe sharjet ndaj opozitës tregojnë se kryeministri nervoz nuk ka as ide dhe as plan masash për emergjencën. Çfarë thotë në drekë, e ndryshon në darkë! Ai sot po tregon se nuk ka hallin e shqiptarëve, por ka vetëm merakun e oligarkëve”, u shpreh Basha.

“Qeveria të anulojë menjëherë koncesionet, të rialokojë buxhetin dhe të shtojë pa vonesë fondet e emergjencës në ndihmë të shëndetit dhe njerëzve dhe bizneseve në nevojë. Koha nuk pret”, shtoi Basha./atsh

Basha: Qeveria të rialokojë buxhetin dhe të shtojë fondet e emergjencës Read More »

Deklarata e Thaçit për krijimin e një qeverie të re/Kurti: Do t’i përgjigjemi në një moment të përshtatshëm

Politike / /

Kryeministri në detyrë, njëherësh kryetar i Vetëvendosjes, Albin Kurti e ka quajtur të panevojshëm angazhimin e presidentit Thaçi për krijimin e një qeverie të re.

Ai pretendon se Thaçi me këtë rast ka shkelur Kushtetutën, ndërsa shprehet se përgjigje rreth mandatarit të ri për kryeministër do t’i kthejë “në një moment të përshtatshëm”.

“Ajo që ishte e nevojshme por nuk u bë, përbën shkelje. Presidenti ka vendosur të anashkalojë nenin 82.2 të Kushtetutës së Republikës së Kosovës i cili i referohet situatës pas mocionit të suksesshëm të mosbesimit ndaj Qeverisë. Presidenti po sillet thua se Qeveria varet nga Kuvendi por ky s’varet nga populli, thua se zgjedhjet demokratike janë mjet por jo edhe vlerë”, thekson Kurti.

“Ajo që ishte e panevojshme por u bë, po ashtu përbën shkelje. Presidenti takoi gjitha partitë parlamentare politike, dhe, më pas kërkoi nga subjekti ynë fitues i zgjedhjeve të propozojë kandidatin për Kryeministër. Pra, Presidenti nuk është neutral, ai ka interes politik dhe synim personal, gjersa duhej t’ishte i paanshëm e procedural. Disi don të besojë se 25 marsi 2020 ka ndodhur pa 3 shkurtin 2020! Sidoqoftë, ne do t’i përgjigjemi, në një moment të përshtatshëm, në këtë kohë virusi”, shprehet ai./atsh

Deklarata e Thaçit për krijimin e një qeverie të re/Kurti: Do t’i përgjigjemi në një moment të përshtatshëm Read More »

Meta: Qytetarët të evitojnë maksimalisht lëvizjet jashtë kushteve të urgjencës dhe domosdoshmërisë

Aktualitet, Opinione, Politike / /

Presidenti Ilir Meta deklaroi mbrëmjen e sotme se “jam duke ndjekur me vëmendje dhe me shumë shqetësim situatën e qytetarëve shqiptarë të cilët ndodhen të bllokuar në pikat e kalimit kufitar me Greqinë dhe Malin e Zi”.

Ai shprehet se “situata e pritjes së tyre në kufirin shqiptar dhe pengesa që po hasin kërkon një zgjidhje të shpejtë”.

“Autoritetet shqiptare përgjegjëse të informojnë pa vonesë qytetarët tanë mbi gjendjen dhe procedurat e reja që duhen respektuar në pikat tona kufitare, të imponuara nga pandemia COVID-19, në mënyrë që të mos krijohen grumbullime të pamenaxhueshme. Në të mirë të të gjithëve, shtetasit tanë duhet të jenë në komunikim të vazhdueshëm me ambasadat dhe konsullatat tona, si dhe të evitojnë maksimalisht lëvizjet jashtë kushteve të urgjencës dhe domosdoshmërisë”, deklaron Meta.

Ai u bën thirrje të gjithëve që “duke forcuar bashkëpunimin midis qytetarëve dhe autoriteteve përgjegjëse në këtë situatë të vështirë, të tregojmë mirëkuptim e bashkëpunim, por veçanërisht solidaritet dhe përgjegjshmëri të lartë për të kapërcyer me sa më pak kosto këtë sfidë të jashtëzakonshme”. /atsh

Meta: Qytetarët të evitojnë maksimalisht lëvizjet jashtë kushteve të urgjencës dhe domosdoshmërisë Read More »

Masat ndaj COVID-19/ Përgjysmohen pagat e kabinetit qeveritar dhe administratës shtetërore

Aktualitet, Lajmi i fundit, Politike / /

Këshilli i Ministrave vendosi sot që Kryeministri, zëvendëskryeministri dhe ministrat, gjatë periudhës së gjendjes së epidemisë së shkaktuar nga COVID-19 deri në përfundim të saj, por jo më shumë se tre muaj, përfitojnë page mujore neto në masën 50% të pagës mujore neto aktuale.

Në mbështetje të ligjit “Për mbrojtjen civile”, me propozimin e ministrit të Shtetit për Rindërtimin, Këshilli i Ministrave vendosi që nëpunësit e institucioneve të administratës shtetërore, të cilët janë anëtarë të këshillave, të bordeve apo të komisioneve të institucioneve të administratës shtetërore, të institucioneve publike të arsimit të lartë, të njësive të fondeve speciale, të ndërmarrjeve shtetërore dhe të shoqërive tregtare me kapital mbi 50% shtetëror, për periudhën nga data 1 prill 2020 deri në përfundim të gjendjes së epidemisë së shkaktuar nga COVID-19, por jo më shumë se tre muaj, nuk e përfitojnë shpërblimin mujor përkatës.

“Përjashtohen nga zbatimi i pikës 2, të këtij vendimi, nëpunësit e institucioneve të administratës shtetërore, të cilët janë anëtarë të këshillave, bordeve apo komisioneve të sistemit të Ministrisë së Shëndetësisë dhe Mbrojtjes Sociale. Në kuptim të këtij vendimi, institucione të administratës shtetërore janë ato të përcaktuara sipas ligjit nr. 90/2012, “Për organizimin dhe funksionimin e administratës shtetërore”. Institucionet përkatëse, sipas pikave 1 dhe 2, të këtij vendimi, të derdhin shumat e papaguara në buxhetin e shtetit, në fondin anti COVID-19, të miratuar për vitin 2020, në bankën e nivelit të dytë Credins Bank, me numër llogarie në lekë nr. 1348338, me IBAN: AL 152121 1016 0000 0000 0134 8338.6”, – theksohet në vendimin e Këshillit të Ministrave.

Për zbatimin e këtij vendimi ngarkohen Kryeministria, aparatet e ministrive, ndërmarrjet shtetërore dhe shoqëritë tregtare me kapital mbi 50% shtetëror si dhe institucionet e administratës shtetërore, të cilat sipas legjislacionit të tyre specifik, kanë këshilla apo borde drejtuese me të drejtë pagese.
Atsh
Ky vendim hyn në fuqi menjëherë dhe botohet në Fletoren Zyrtare./

Masat ndaj COVID-19/ Përgjysmohen pagat e kabinetit qeveritar dhe administratës shtetërore Read More »