Politike

Nën pretendimin se bllokoi foltoren, deputeti Adriatik Alimadhi u përjashtua nga seanca e sotme parlamentare.

Kryeparlamentari Gramoz Ruçi i kërkoi të lironte foltoren, por përballë refuzimit të tij, ndërpreu seancën.

Kjo pasi Alimadhi iu drejtua pa mikrofon duke i thënë “komunist i ndyrë”.

“Je fatkeq për identitetin që ke. Po të jap vërejtje do të përjashtoj nga seanca. Atëherë je i përjashtuar nga seanca. Dy minuta pushim, shërbimet e Kuvendit ta nxjerrin përjashta. Në qoftë se nuk del do i kërkoj sekretariatit 10 ditë përjashtim. O trim largohu nga foltorja! Është shekulli i mendjes, jo i forcës”, tha kryeparlamentari për kreun e Ballit Kombëtar.

Kreu i Kuvendit njoftoi se seanca do të rinisë në orën 12.45.

Ambasadorja e Shteteve të Bashkuara të Amerikës, Yuri Kim, bën apel ndaj Kryeministrit Edi Rama dhe kryedemokratit Lulzim Basha, që ti përmbahen marrëveshjes së 5 qershorit.

Gjithçka teksa palët politike nuk po gjejnë dakordësinë për ndryshimet në Kodin Zgjedhor, lidhur me listat dhe koalicionet.

“Ne i kujtojmë Kryeministrit Edi Rama, Lulzim Bashës dhe të gjithë udhëheqësve të tjerë të gjitha angazhimet që ata kanë bërë në lidhje me marrëveshje e 5 qershorit dhe çdo masë përtej kësaj. Angazhimi, propozimet dhe kundër-propozimet duhet të jenë me mirëbesim. Gjithmonë do ju mbështesim, por JU udhëheqësit, jeni pala përgjegjëse”, shkroi kryediplomatja amerikane. /noa.al

Kryeministri Edi Rama prezantoi ditën e sotme programe të reja nxitjeje të punësimit në mbështetje të atyre që janë prekur në vendin e tyre të punës nga pandemia e koronavirusit.

Në fjalën e rastit kreu i qeverisë, deklaroi se sfida kryesore mbetet që paga minimale të bëhet 300 mijë lekë të vjetra.

“Shqipëria ka humbur më pak vende pune se vendet e rajonit, ndërsa sfida është vendosja e pagës minimale 30 mijë lekë të reja. Javën që vjen do deklarojmë skemën për rritjen e pagave për mjekët, ndërsa mësuesit dhe mjekët janë në fokusin tonë maksimal”, u shpreh kreu i qeverisë.

Ai tha në vijim se aktualisht janë 44 mijë punëdhënës të regjistruar në sistem, bashkëpunëtorë të rrjetit të zyrave të punës, që përdorin zyrat e punës për të patur një ndërmjetësues për të marrë njerëz në punë.

“Jemi në kohën kur duhet të kujdesemi për ata që ende nuk janë punësuar. Fondi i nxitjes së punësimit u rrit dhe këto programe targetojnë punëkërkuesit që kanë humbur punën gjatë periudhës mars qershor. Programi 12 mujor për ata që kanë qenë të punësuar, por nuk rezultojnë të tillë në regjistrat e tatimeve mbulon koston në masën 100%.

Na duhet ne si qeveri, ne si rrjet i zyrave të punës, na duhet ne si rrjet i shkollave profesionale që ta intensifikojmë informimin për këtë. Aplikimet për këto program bëhet përmes e-albania”, deklaroi Kryeministri./noa.al