Politike

‘Bukë, krypë dhe tallava mjaftojnë për ta kënaqur këtë popull të ndriçuar’/ Nga Enida N. Bozheku

Opinione, Politike / /

Nga Enida N. Bozheku

Infokracia, sundimi i masave, ne sisteme aparante demokratike, e realizueshme permes informacionit dixhital (alias propaganda manipulative). Keto zgjedhje treguan disa te verteta:

1. Ne aq popull, sa ka mbetur brenda kufijeve, tallavaja, propaganda e fasades dhe distorsioni informativ (by touchscreen) funksionon fuqishem.

2. Elita e mendjes qe ben ndryshime, pjesa dermuese ndodhet jashte vendi. Ata pak brenda jane pershtatur e/o heshtin per mos humbur pozicionet e favorit qe kane.

3. Dyshja Meta-Berisha dhe konflikti mes opozites tregon qartazi se nuk mund te jene shprese per nje ndryshim rrenjesor.

4. Status-quo, e krijuar nga vazhdimesia e “rehatit politik” ben qe “buke, krype e tallava” ta kenaqin kete popull të ndriçuar.

5. Sistemi elektronik deshtoi me sukses te paramenduar (30 milione euro per defekte teknike).

6. Monopartitizmi real, ku te gjithe tashme kane Rilindur eshte rrugtimi drejt absolutizmit pushtetas.

7. Autokracia demokratike (ku ca te drejta bazike njihen) eshte forma e re e pushtetit post-modern. Pas kater vitesh, te gjithe rritemi, plakemi dhe vdesim nga pak.

(P.s. dikush duhet te dorehiqet nga Opozita, ne mos te tere. Nje fryme e re politike instalohet betonesh kacavjerres).

‘Bukë, krypë dhe tallava mjaftojnë për ta kënaqur këtë popull të ndriçuar’/ Nga Enida N. Bozheku Read More »

Sali Berisha: ‘Pjesëmarrja në zgjedhje, jo aq sa deklarohet’

Aktualitet, Opinione, Politike, Votime Sondazhe / /

Ish-kryeministri Sali Berisha Sali Berisha, ka dalë në një deklaratë për mediat pas mbylljes së procesit të votimit, ku falenderoi shqiptarët, që siç tha folën me guxim dhe vendosmëri me votën e tyre. Berisha u shpreh se pjesëmarrja në votime ka qenë shumë më e lartë nga ajo që raportojnë ata që sipas tij, bënë gjithçka për të penguar këtë proces. Berisha u ka bërë thirrje të gjithë komisionerëve që të luftojnë fort për çdo votë.

“Guximi, vendosmëria, përgjegjësia e qytetarëve sot ishte epike. Pjesëmarrja ka qenë jo ajo që duan ta zvogëlojnë të dëshpëruarit, ata që bënë gjithçka kundër këtij procesi, por një pjesëmarrje nga më të denjat për qytetarët në të katër anët e vendit. Unë kam vlerësimin më të lartë, mirënjohjen më të pakufishme të të gjithë atyre të rejave, të rinjve, burrave dhe grave që qëndruan në krye të përgjegjësisë në komisionet e votimit. U përballën me presione dhe kërcënime nga më të papranueshmet, por kryen me nder para shqiptarëve një detyrë që është mbi të gjitha detyrat. Në kushte paqeje, kjo është detyrë mbi të gjitha detyrat. Ju bëj thirrje me atë përgjegjësi që dëshmuan gjatë ditës, me atë guxim me të cilin përballuan presionet e egra, të mafies shtetërore të bandave të kësaj mafie, po me atë guxim të numërojnë çdo votë, garantoj qytetarët se vota e tyre do të peshojë më shumë se asnjëherë, s ekjo betejë është një etejë e një rëndësiehistorike, dhe këtë betejë do e fitojnë vetëm ata të cilët mbrojnë kauzën e drejtë të zgjedhjeve të lira dhe të ndershme”, tha Berisha.

Sali Berisha: ‘Pjesëmarrja në zgjedhje, jo aq sa deklarohet’ Read More »

Zgjedhjet në Shqipëri, fluks emigrantësh në pikën kufitare të Kakavijës

Aktualitet, Lajmi i fundit, Politike, Votime Sondazhe / /

Një pjesë jo të vogël të votuesve ditën e sotme në zgjedhjet vendore, e përbëjnë edhe emigrantët që kanë ardhur nga jashtë për të votuar.

Burime bëjnë me dije se vetëm në pikën kufitare të Kakavijës ka pasur 4452 hyrje nga jashtë dhe 1400 dalje nga vendi ynë.
Pjesëmarrja në votime nuk ka qenë shumë e lartë gjatë paradites, por pritet që deri në orën 19:00 të rritet numri i personave që ushtrojnë të drejtën e votës.

Zgjedhjet në Shqipëri, fluks emigrantësh në pikën kufitare të Kakavijës Read More »

Si u vodh floriri në Krrabë/ Meta flet për herë të parë

Intervista, Politike / /

Ilir Meta, kryetar i Partisë së Lirisë ka folur për herë të parë për çështjen e vjedhjes së floririt në Krrabë në kohën që ai ka qenë kryeministër. I pyetur në emisionin “Now” në Euronews Albania për epitetin “Like Floriri” që e përsërit shpesh kryeministri Rama, Meta tha se edhe vetë ai ishte ministër në qeveri në atë kohë. Meta tha se zbulimi i ngjarjes në atë kohë u bë me urdhër të tij.

“Kur ka ndodhur historia e floririt të Kërrabës në fund të vitit ’99, kur unë kam qenë kryeministër, ky ka qenë ministër i qeverisë sime. Ka qenë pjesë e asaj qeverisë që ky thotë “Like Floriri”, Anastas Angjeli ka qenë ministër i Financave, që vazhdon të jetë me Partinë Socialiste, Spartak Poçi ka qenë ministër i Brendshëm dhe Shkëlqim Cani ka qenë Guvernatori i Bankës së Shqipërisë.
Ky ka qenë pjesë e kësaj qeverie, por jo vetëm kaq. Ka qenë iniciativa dhe urdhri im si kryeministër që u bë verifikimi i atij vendit në Kërrabë ku ruhej floriri dhe ka ardhur përgjigjja nga Banka e Shqipërisë dhe autoritetet që kishin detyrë për këtë çështje se nuk është bërë asnjë dëmtim i futjes në këtë vend. Kam thënë a është bërë verifikimi fizik, më thanë jo. U bë verifikimi fizik me urdhrin tim dhe pasi u bë kjo doli diferenca për të cilën u nis çështja. Ky ka qenë pjesë e kësaj historie dhe fut “Like Floririn”.

Ky edhe pas vitit 2000 u bë kryetar bashkie i ndihmuar nga unë. Në vitin 2007 përsëri edhe në vitin 2013. Po ky kur i dinte këto, pse nuk pati kundërshtim kur u bëra drejtues i Parlamentit apo President. Pse u bëra tani “Like Floriri? Likja jo vetëm që kurrë nuk u ble nga ky , kurrë nuk u shantazhua, por Likja ia ka shkatërruar të gjitha planet e tij. I tregoi të gjithë botës për Ramaformën e tij që arreston tjetrin në 12 të natës”, – tha Meta.
Në emision ai përmendi edhe bashkitë që do të fitohen 100% nga opozita më 14 maj. Ai tha se ka besim dhe mbështet deri në fund të gjithë kandidatët, ndaj nuk mund të thoshte ndonjë bashki specifikisht ku kishte dyshime.

“Korça, Saranda, Kukësi, Tropoja nuk diskutohen. Këto do dalin, nuk ka nëse… Kjo është e qartë. Unë e shoh. E ndjej kudo. Shikoni çfarë bën Edi Rama! Ble ndjekës përditë nga Bangladashi, nga Irani, për të treguar fiktivisht në rrjete sociale që gjoja ka ndjekës sepse epërsia e kandidatëve të opozitës është e jashtëzakonshme” – deklaroi Meta.

Si u vodh floriri në Krrabë/ Meta flet për herë të parë Read More »

E ftoi në debat, Rama i përgjigjet kërkesës së Berishës

Aktualitet, Politike / /

Kryeministri Edi Rama ka reaguar për kërkesën e vazhdueshme të ish-kryeministrit Sali Berisha për një debat publik në kuadër të zgjedhjeve të 14 majit.

Ai tha në emisionin “Opinion” se Berisha nuk e meriton një debat me të, pasi nuk e njeh për kryetar të opozitës.

“Kam 1 mijë arsye pse ky njeri nuk meriton debat se ky është një sharlatan që tallet ditën dhe natën me popullin shqiptar. Nëse shumica e popullit shqiptar ia jep përgjigjen rregullisht, atëherë detyrimi i këtij njeriu është me ata që e votojnë.

Nuk e njoh për kryetar opozite dhe e konsideroj një të vdekur mes të gjallëve. Ai është një turp sot, për shtetin dhe popullin shqiptar. Është një person që na ulë kokën të gjithëve para atyre që ne pa ata nuk bëjmë dot”, tha Rama.

E ftoi në debat, Rama i përgjigjet kërkesës së Berishës Read More »

Pse e sulmon ambasadoren Kim? Berisha habit me përgjigjen dhe del me deklaratën ‘bo mbë’

Aktualitet, Opinione, Politike / /

Ish-kryeministri Sali Berisha këmbëngul se Shtetet e Bashkuara të Amerikës duhet të nxjerrin një fakt për akuzat dhe shpalljen non-grata ndaj tij.

I ftuar në Top Story mbrëmjen e sotme me Grida Dumën, i pyetur se pse e sulmon ambasadoren amerikane ne Tiranë Yuri Kim, Berisha tha se diplomatja nuk duhet të sillet si guvernatore.
Sa i përket çështjes me SHBA-në, Berisha tha se ka ngritur padi për shpifje, jo ndaj vendimit për non-grata dhe nuk ka kërkuar që të tërhiqet.

“Unë kam dy vjet që u them SHBA-ve më nxirrni një fakt të vetëm dhe them mirupafshim se kam mirënjohje ndaj tyre. Kim godet veten e vet se sillet si guvernatore Jam sjellë normal me ambasadorët, jo gjithmonë se s’janë sjellë gjithmonë mirë. Nuk besoj se ambasadori duhet të sillet si një guvernator. Janë shumë të rëndësishme marrëdhëniet por nuk do të thotë se duhet të sillet si guvernatore. Problemi është se Rama është në gjykatë, nuk është politikë. Me vendim gjykatë nën hetim penal. Tani kanë dalë edhe prova të tjera. Kjo e imja është trinom. Sapo të nxjerrë një fakt un them mirupafshim, nuk kam kërkuar ta heqin, e kam hedh ne gjyq. Të kërkojnë të falur. E vërteta është e vërtetë. Unë nuk kam kërkuar të tërhiqet, un e kam paditur për shpifje. Nuk kam paditur për të ma hequr në gjykatë. Jo vendimin, po shpifjen. E dyta kjo. Sapo të paraqesin një fakt të vetëm un largohem nga politika, nuk kërkoj sa të jetë në fuqi zoti Blinken të heqë vendimin. E treta, po kërkoj të falur e tërheq.

Unë nuk kam asnjë komunikim me zonjën Kim përveç komunikimeve publike,Ajo që mund të them PD është partia më pro-amerikane. Të tjerët të gjithë duhet të komunikojnë, s’ka asnjë lloj kufizimi. Kjo parti sa ta drejtoj PD nuk drejtohet nga Ambasada. Nëse qëndron kundër shkeljeve të rregullave të konventave ndërkombëtare, ato janë akte të papranueshme. E solli Escobar. Ai ka sjellë një ndryshim por s’është kuptuar mirë, ka sjellë fundin e përpjekjeve për të diktuar shqiptarëve jashtë votës. Ato ishin të papajtueshme për parimet e mia. E diktuar kush do të jetë kryetar partie. Escobar për hir të vërtetës, ishte themelor, do të votojnë shqiptarët. Në rast se te un kemi të bëjmë me vote, me Edi Ramën kemi të bëjmë me hekura. Tha është çështje e hapur penale nën hetim. Është tmerrësisht e rëndë.”- tha Berisha në Top Story.

Pse e sulmon ambasadoren Kim? Berisha habit me përgjigjen dhe del me deklaratën ‘bo mbë’ Read More »

Andi Bushati: ‘Na buçet zëri i Erion Veliajt në vesh nga mëngjesi në darkë’

Opinione, Politike / /

Analisti Andi Bushati tha në “Now me Erla Mëhillin” se në këto zgjedhje nuk po flitet më për fitoren e socialistëve sepse ajo është e sigurt.

Sipas tij bashkitë janë blerë, ndërsa nënvizoi se Rama nuk mund të mbijetojë më pa një opozitë fallco dhe të përçarë.
“Ti shih vetëm fushatën e Tiranës, duhet të mbyllim televizorin se na shfaqet Erion Veliaj, na buçet zëri i Erion Veliajt në vesh nga mëngjesi në darkë. Pra, i gjithë sistemi është vënë në funksion të kësaj.

Këto të tjerat nuk po bëhen që Rama të vjedhë zgjedhjet e 2021-shit,

po bëhet që të mbajë në këmbë një opozitë false që ta përdori për të vjedhur dhe zgjedhjet e 2025-sës. Këto që e merr komisionerin ja jep tregut çam, e merr numëruesin, ja jep vulën Alibeajt…këtij vendi i duhen patjetër.

Rama nuk mund të mbijetojë më pa një opozitë false dhe pa një opozitë të përçarë,” – u shpreh Bushati.

Andi Bushati: ‘Na buçet zëri i Erion Veliajt në vesh nga mëngjesi në darkë’ Read More »