Ndërsa vijon numërimi i votave thuajse në të gjithë vendit, Komisioni Qendror i Zgjedhjeve ka përditësuar rezultatet e deritanishme për të gjitha forcat politike.
Kështu, rezulton se deri në orën 12.30, në të gjithë vendin janë numëruar 2042 kuti votimi nga 5199 që janë në total.
Nga numërimi i këtyre kutive, rezulton se Partia Socialiste vijon të kryesojë në rang vendi, e pasuar nga Partia Demokratike, LSI e PSD.
Gjatë mbrëmjen së kaluar ish-deputeti Tom Doshi dha dorëheqjen nga mandati i deputetit.
Doshi ishte renditur i dyti në Qarkun e Tiranës, ndërsa i pari është kandidati Gertjan Deda, ndërsa në Qarkun e Shkodrës ishte renditur i pari dhe në vend të dytë është kandidati Gledis Çeliku.
Surpriza e kësaj zgjedhje është pikërisht partia e Doshin e cila deri tani ku janë numëruar gati 20% të kutive të numërimit, Tom Doshi ka marrë të paktën 3 mandate deputeti.
PSD-ja, e cila renditet e katërta me 5 mijë e 739 vota dhe ka të paktën 3 mandate të sigurta.
Kryekomisioneri Ilirjan Celibashi tha nga njësia 10 se rezultati doli ashtu siç ishte parashikuar në orën 8. Ai tha se kjo mund të dilte edhe më herët por që u vonua që të gjitha partitë të ishin të sigurta pasi numërimi dhe votimi elektronik u bë për herë të parë. Ai gjithashtu bëri thirrje që partitë të marrin masat që të zëvendësojnë komisionerët e lodhur në mënyrë që të mos ndalet procesi i numërimit. Celibashi tha se historitë e komisionerëve të lodhur duhet të marrin fund pasi janë diskredituese për vetë partinë.
“Ky rezultat mund të ishte shpallur edhe më herët, por meqë ishte hera e parë që e implementonin dhe gjithsecili prej palëve kishte meraqet e veta, u dakordësuam ta shpallnim sot në orën 8:00. Sistemi i votimit elektronik është 100 % i sigurt në ruajtjen e integritetit dhe fshehtësisë së votimit. Nga raportimet që ka KQZ në pikëpamja e administrimit ka pasur disa përmirësime, kemi patur jo një përmbushje të mirë të përgjegjësive të tyre për raportimin e pjesëmarrjes, pasi pajisja që përdorëm e mundësonte këtë që të dhënat të ishin më të shpejta. Ka disa probleme në disa KZAZ mbi mënyrën se si grupet e numërimit po bëjnë procesin e numërimit, janë sporadike si raste, si raste kur komisionari u lodh dhe do pushim. Kjo është papërgjegjshmëri e tyre. Ata që lodhen le të zëvendësohen me anëtarë të tjerë të grupeve të numërimit. Historitë e komisionerëve të lodhur apo të sëmurë duhet të marrin fund, janë diskredituese për vetë partinë”, tha Celibashi.
Një automjet është vje dhur mbrëmjen e sotme.
Ngjarja ka ndodhur në autostradën Vlorë-Fier.
Drejtuesi i automjetit, ka hapur krahun në këtë aks dhe ka dalë të pijë një cigare jashtë mjetit.
Ai nuk e ka kyçur derën e makinës dhe brenda pak minutave disa persona ia kanë marrë.
Është njoftuar po licia, e cila ka punuar për gjetjen e mjetit duke ngritur postoblloqe.
Drejtuesi Politik i Partisë Socialiste për Qarkun e Elbasanit, Taulant Balla, në një konferencë për media është shprehur se Ps ka marrë rezultatin më të lartë historik në 30 vitet e fundit.
Balla tha se ato do të marrin mbi 90 mijë vota, ndërkohë që ka shtuar se kanë të sigurt se fitojnë 9 mandate.
Balla: Jam i sigurt që në kutitë e votimit PS ka përtej 90 mijë votat që do të mundësonin 9 mandate këtu në Elbasan. Na duhet që procesi të eci normalisht, partitë nuk ka nevojë të jenë të grumbulluara për të dëmtuar procesin e numërimit. Përfaqësuesit duhet të jenë aty, mendoj që procesi i numërimit eci shpejt pa vonesa dhe pasi të kemi konfirmuar rezultatin të fillojmë procesin e numërimit për kandidatëve. Ajo që ka sjell në rritje ishte fakti që ne u dhamë mundësinë të votojnë edhe për kandidatët. Dua të falënderoj edhe 14 kandidatët e tjerë të cilët kanë bërë një punë të shkëlqyer. Lista jonë ishte një listë shumë përfaqësuese dhe ishte një listë tërësisht bio, pa asnjë prurje jashtë Elbasanit. Dua ti them popullit të qarkut tonë shumë mirënjohje për këtë besim të madh që na keni dhënë. Rezultati që ne kemi në kutitë e votimit është rezultati më i mirë që ka marrë PS në 30 vite.
Kreu i Partisë Demokratike foli me gjuhën e fitores në daljen e parë për mediet pas përfundimit të votimit të shqiptarëve.
Fjala e plotë e Bashës
Faleminderit gjithë qytetarëve të Shqipërisë që zgjodhën ndryshimin. Kjo është nje fitore e qartë për popullin shqiptar, një fitore e qartë për Aleancën për Ndryshim.
Vullneti i popullit është në kutitë e votimit. Kam besim të plotë se komisionerët dhe numëruesit do ta menaxhojne proçesin me përgjegjësi dhe durim dhe sipas ligjit.
Sic kam thënë në fillim të fushatës, në fund të këtij proçesi Shqipëria fiton.
Nga Mero Baze Rezultate e para të exit polle-ve, të cilat nuk shquhen për ndonjë traditë besueshmerie në Shqipëri, kanë nxjerrë Edi Ramën fitues të zgjedhjeve në Shqipëri, me një rezultat të ngushtë me mandate, me kundërshtarët e tij.
Në të vërtetë, pritshmëria për disa qarqe në Jug është larg asaj që paraqesin exit poll-et, kështu që ka shanse që Edi Rama ta thellojë fitoren.
Por përtej kësaj, sot fitorja më e madhe ishte procesi zgjedhr, integriteti i tij dhe qetësia e kultura me të cilën u votua.
Përkundër përpjekjeve të presidentit të Republikës, i cili pati një natë të keqe, mbushur me anëtarë të partisë së tij të arre stuar për blerje vote dhe spazma des tabiliteti p siqik, shqiptarët dolën masivisht në votime dhe vendosën tashmë për të ardhmen e vendit.
Nëse rezultate e exit polle-ve konfirmohen, Edi Rama po merr mandatin e tij të tretë për të qeverisur vendin i vetëm.
Lulzim Basha nga ana e tij ka arritur të ngrejë PD-në në kuotat e saj më të larta qyshkurse drejtohet prej tij, për çfarë duhet përgëzuar.
Ai tashmë është kryetar i asaj partie, pasi ka mundur të bëjë një garë në të cilën për herë të parë e ka rritur PD-në. Gjithë garat e tjera i ka h umbur.
Kundërshtarët e tij në parti, mund t’i vër sulen si hu mbës në zgjedhje, por të gjithë duhet të kemi paraysh se shk atërrues i fushatës së tij ishte gjuha e Sali Berishës dhe Ilir Metës dhe skenaret e tyre për gja kderdhje, të cilat Lulzim Basha bënte sikur nuk i shikonte.
Pjesëmarrja në votime, përkundër perceptimit se po rritej, në fakt po shkon tek viti 2017, dhe gjithë perceptimi erdhi nga ritmi i ndryshëm i votimit paradite.
PS nuk mendoj se ka hu mbur terren në Durrës dhe Tiranë në atë masë që parashikojnë exit polle-t, edhe pse me ato është fituese.
Ndërkohë në Gjirokastër rezultati është 3 me 1 në favor të PS, për shumë arsye që lidhen me gjendjen në terrren dhe verifikimin e trupës votuese, duke qenë qark i vogël dhe jashtë çdo llogarie matematike 2 me 2, mes PS e PD.
Parashikimi i Baton Haxhiut që PD merr dy mandate në Gjirokastër bën për të qeshur dhe PD-në. I vetmi që kishte shans të merrte mandatin e katërt ishte Tavo, por dhe ai e ka humbur.
Por pavarësisht këtyre de bateve, tani fjalën e kanë kutitë e votimit. Duhet pritur me qetësi dhe përgjegjshmëri rezulati prej tyre dhe duhet pranuar.
Exit poll-et si gjithnjë do ngelen lajme, por jo sondazhe në Shqipëri.
Kryeministri dhe kreu i PS-së, Edi Rama, pas mbylljes së votimit, doli në një konferencë për shtyp ku vlerësoi procesin, po ashtu edhe pjesëmarrjen masive, si një moment historik për shqiptarët.
Rama vlerësoi edhe eksperiencën e re të dixhitalizimit, që do të mundësojë një proces më të ndershëm.
Rama tha se dua të falënderoj ata që u angazhuan për të futur këtë eksperiencë të re në Shqipëri.
“Votat janë në kuti. Populli ka folur. Tani të dëgjojmë popullin. Tani detyra e çdo numëruesi, vëzhguesi, me përgjegjësinë më të madhe, të bëjë numërimin e votave në kuti”.
Rama u shpreh se sondazhet e nxjerrin fituese PS, por shtoi se “është rezultati i ndeshjes, brenda kutive të votimit.
“Hamendjet, sondazhet, exit-pollet, pavarësisht faktit që ne na japin forcë qeverisëse, përsëri i përkasin thjesht dhe vetëm parashikimeve para ndeshjes”.
“Tani është rezultati i të gjitha kutive të votimit, që është rezultati i ndeshjes. Kështu që ju lutem shumë të gjithëve përqendrohuni në detyrën tuaj dhe, dua ta përsëris atë që tha Bora edhe në emrin tim, një falënderim nga zemra për të gjithë patronazhistët tanë, në të gjithë territorin, që kanë bërë një punë mbresëlënëse”.
“Ata janë që e dinë më mirë se gjithë tjerët kush ka votuar dhe kush s’ka votuar. Duke qenë se në zonat e tyre ata janë të bindur për rezultatin e punës, unë dua të siguroj që të bindur janë edhe gjithë të tjerët në të gjitha zonat”, tha Rama./NOA.al
