Kështu është shprehur kreu i Partisë Demokratike, Lulzim Basha nga selia blu, ku duket se nuk ka ndërmend të dorëhiqet.
Mësohet se PD-ja po analizon rezultatin e 25 prillit dhe kreu i saj Lulzim Basha do t’i nënshtrohet votëbesimin në parti, nëse do të njihet hu mbja, pas ankimimeve.
Gjithsesi, në reagimin e dytë të kreut të PD-së, pas disfatës së pësuar në zgjedhjet e 25 prillit, duket se në fokus janë disa nga zërat brenda selisë blu, që kërkojnë largimin e tij duke bërë përgjegjës për hu mbjet e njëpasnjëshme.
Por mbështetësit e Bashës duket se do ta kthejnë në një kauzë ‘rrëzimin e Ramës’, me besimin se zgjedhjet janë manipuluar nga qeveria, dhe veç kreut aktual të PD-së, askush tjetër nuk ka potencial të rrëzojë partinë në pushtet, përkundrazi, i shërben indirekt asaj, siç edhe ka ndodhur me disa nga zërat që i dolën më herët kundër, si Topalli, Patozi, Murrizi dhe Hajdari, të cilët me partitë që krijuan, “ndihmuan” në një rezultat më të dobët për të djathtën.
Përkrahësit e Bashës nuk janë pak. Veç degëve, mbështetjes nga lideri historik Berisha, janë pro Bashës thuajse të gjithë ata që siguruan një mandat deputeti, në zgjedhjet e fundit, ndaj edhe çdo zë kundër për momentin ndaj tij, konsiderohet brenda selisë blu, një minorancë.
Kujtojmë se Partia Demokratike ka pretenduar se votat e qytetarëve janë tjetërsuar, ndërsa ka theksuar se do të faktojë një gjë të tillë.
Më herët PD ashtu si edhe LSI i kanë kërkuar KQZ pamjet filmike nga numërimi i votave.
Ndërkohë Basha gjatë deklaratës së tij ditën e sotme, ka reaguar edhe për zërat që i kanë dalë kundër brenda strukturave të PD ku nuk kanë munguar kërkesat për dorëheqjen e tij.
Basha lidhur me këtë ka paralajmëruar një konferencë për mediat.
“Do kemi një dalje të plotë për mediat”, paralajmëroi Basha për të gjitha çështjet. “Kur të vijë momenti i duhur”, ka bërë të ditur kryedemokrati.
Kreu i Partisë Demokratike Lulzim Basha, sot zhvilloi një takim me shefen e misionit të OSBE-ODIHR për zgjedhjet e 25 prillit, Ursula Gacek.
Ori Nebijaj, kandidate për deputete e PD në Tiranë, nuk arriti të siguronte votat për një vend në Parlamentin e ri.
Ajo renditej e 18-ta në listë, ndërsa PD arriti të siguronte vetëm 15 mandate.
Por, disa qytetarët tiranas kanë vendosur të hapin një peticion online dhe kërkojnë që Ori Nebijaj të jetë në Parlament, në vend të Vangjel Dules, aleat i Lulzim Bahsës i renditur i 11-ti në listë. Edhe pse mori vetëm 847 vota Dule do të jetë deputet sepse Basha e futi në listën e sigurt, ndërsa Nebijaj mori 5582.
“Shqiptarët meritojnë të përfaqësohen prej personaliteteve me integritet dhe që përcjellin zërin e tyre në mënyrën më të mirë të mundshme. Padrejtësia e përfshirjes në parlament të antishqiptarit Dule, duke lënë jashtë gocën e Tiranës dhe Shqipërisë është në dëmin tonë. Për këtë arsye Kryetari i Partisë Demokratike të Shqipërisë Lulzim Basha duhet me patjetër të marr masat e nevojshme në bashkëpunim me Presidentin e Shqipërisë Ilir Meta”.
Nëqoftëse nuk do arrihet të ndalet dekretimi i Vangjel Dules, atëherë ky peticion do i drejtohet Kuvendit të ardhshëm të Shqipërisë deri në një referendum mbarëkombëtar për të mirën e Shqipërisë dhe shqiptarëve”, thuhet në peticion.
Analisti Fatos Lubonja ishte i fituar në rubrikën ‘’Pikat mbi i’’ të Ola Brukos në News24, ku së bashku me Artur Zhejin kanë analizuar situatën pas zgjedhjeve të 25 prillit dhe pozicionet e Metës dhe Bashës.
Lubonja thotë se vëmendja kryesore nuk duhet të jetë tek Basha apo Meta, por tek mënyra se si u ble vota më 25 prill.
Sipas tij Meta është barriera e fundit e PS tashmë, dhe shkarkimi i tij i shërben vetëm stabilizimit të regjimit aktual. Por Fatos Lubonja e konsideron PS-në parti ekstremiste të djathtë, gati fashiste, ndërsa intelektualët që hiqen si të tillë dhe votuesit e saj, janë injorantë, sipas tij.
“Mua në fjalën që thatë përdorët një fjalë që s’jam dakord, vëmendja është përqëndruar tek kjo. Tek Ilir Meta dhe dorëheqja e Bashës. Ndërkohë që vëmendja ime dhe atyre që duan të jetojnë në demokraci është e përqëndruar e imja, dhe duhet të jetë e tyre tek fakti se si u bë kjo punë që të vidhet vota, blihet vota nëpërmjet ba ndave kr iminale me bashkëpunim me Pol icinë, Prok urorinë, patronazhistët e një partie të madhe”.
“Po flas për veten time, Presidenti tha që fali zot se nuk dinë çbëjnë. Unë kam qenë koherent, se këta, ky është regjim që s’rrëzohet me votë të lirë. Do e gjejë mënyrën për të marrë votën. Këtu është vëmendja ime. Si i bëhet që një parti, që duhet të jetë parti e punëtorëve, klasës së mesme, Partia Socialdemokrate, kanë në krye të listave njerëzit më të pasur të Shqipërisë, dhe të lidhur me krimin. A mundet Shqipëria të sfidojë këtë. Këtu është vëmendja ime”, tha Fatos Lubonja.
“Pajtohem me atë që thotë Meta, duhet të jetë vjedhja e votës vëmendja. Gjithë akuzat me radhë, por aty ku nuk funksionon drejtësia, them se nuk do të ndodhet, hajde merremi dhe për Metën e Bashën, se dhe ata kanë përgjegjësi”.
Analisti mori rastin e Elbasanit, ku thotë se është votuar nën te rror.
“Unë e shoh këtë me shqe tësim të madh. Përtej mëkateve që mund të ketë Meta, më shumë në të kaluarën se sa si President. Fakti që nuk ishte i mazhorancës, kthimi i ligjeve ka qenë i argumentuar ligjërisht”.
“E shoh me shq etësim sepse ikën dhe kjo barrierë e fundit demokracisë si ndarje pushtetesh. Kanë ngelur disa media që ende flasim. Të merresh me gjuhën e Metës, ndërkohë që ke bashkëpunuar me kri minelët. Ky që foli ka marrë mbi 20 mijë vota. E dimë Elbasanin, nuk e do një pjesë e mirë këtë. Si ka mundësi që Po licia e Prokuroria, ndodhi 14 marsi, pastaj sërish, ka folur ky zotëria?”
“Sipas të dhënave që kam unë, nuk guxonte më në Elbasan sepse ishin ter rorizuar. Para kësaj situate këta thonë kanë shkelur Kushtetutën. Po për këto shkelje ligjore që janë den oncuar në Prokurori. Ose nga ana tjetër kemi një ka pje të pushtetit të pakapur. Dorëheqja e Presidentit, unë mendoj kështu që i shërben stabilizimit të regjimit, edhe më shumë .Regjimi kontrollon gjithçka, edhe Presidentit, drejtësinë, ekonominë, ka kr imin e organizuar”.
“Kishte ca pengesa, por tani kr imi ndjell kr imin. Edhe pas Metës do të vijojë regjimi. Unë po i bie këmbanave të alarmit, P olicia mund të bëhet edhe më aktive, mund të bëhet bashke me krimin nesër pasnesër, ky veprim nuk është aspak parimor. Kapen në anën formale, se mund të gjesh shkelje aty të Presidentit si figurë e unitetit, padyshim nuk ishte e unitetit. A ka unitet me kr iminelët?
Fatos Lubonja thotë se të majtët janë injorantë.
“E shoh dy gjëra, e para këtë që a është teatër ky apo e vërtetë. Edhe vetë jeta nuk e dimë është teatër apo e vërtetë. I hedh zaret ai për të bërë teatër, dhe ndodh ngjarja. Kë rcënon se do vr asë, pastaj ndodh vra sja”.
“Nuk jam i sigurt se është vetëm tërheqje vëmendje.E dyta që doja të komentoja, e dëgjoj shumë këtë populli voton majtas. Çfarë kuptojmë me këtë majtas? Sa ndahem tani nga një ish-socialist, që thotë jam i majtë e votoj për PS. E kam fjalën dhe për një pjesë intelektuale, e thonë që janë ende parti e majtë. Si qenka kjo që shqiptarët votojnë majtas, që paskan besim tek Enver Hoxha dhe nostalgjinë për komunizmin. Kjo parti është e oligarkëve, ekstrem i djathtë, fashiste ekonomiste. Ata të majtë që edhe duan Enver Hoxhën e të kaluarën, edhe këtë kapitalizëm kaq të egër sa nuk e gjen në asnjë vend të botës, i quaj oportunistë, jo të majtë”.
“Dallimi është këtu,këtu është fas hizëm ekonomik. Kina nuk është e majtë, është f ashizëm ekonomik, një parti dhe të pasurit që mbështesin këtë parti dhe lëvizin çdo lëvizje të majtë që duan revolucion. Këta që quhen të majtë, janë injorantë. Nuk kanë ideal socialist në kuptimin e barazisë, që të jenë sa më të barabartë. Kjo parti ka rritur pabarazinë në ekstrem. Barazinë e ka dhe Krishti, të barabartë para zotit, edhe demokracia kristiane në Itali ka pasur të majtë e të djathtë. Këta tani edhe thonë jemi socialistë, edhe votojnë për të pasurit që kanë rritur polarizimin”.
“Ky popull me gjithë mëk atet që ka, po të ishin zgjedhje të lira do të kishte një rezultat që edhe pse nuk premtonte një ndryshim se PD e LSI nuk e premtonin luftën ndaj sistemit oligarkik po do ishin në presion popullor se populli i dha një goditje këtij sistemi. Ky sistem thotë na votoi populli. Kjo paketa e oligarkëve, mund të transferoj prap, por ne që nuk jemi pjesë do kishin shumë më tepër mundësi t’i thonin, ore ca bëni, na e premtuat këtë. Tani ti me këtë votë e ke legjitimuar”, tha Lubonja./NOA.al
Presidenti Ilir Meta ka dhënë një mesazh në Ditën Ndërkombëtare të Lirisë së Shtypit, duke theksuar se “kjo ditë i gjen shumicën e mediave shqiptare nën çensurën e Qeverisë dhe kontrollin e oligarkisë”.
Përmes një fotografie, ku shfaqet me gazetarët e Fierit, Kreu i Shtetit shprehet se pseudo-liritë prodhojnë vetëm regjime me pseudo-demokraci, ndaj dhe sipas tij, duhen mbrojtur e inkurajuar gazetarët.
Mesazhi i Metës:
Dita Ndërkombëtare e Lirisë së Shtypit i gjen shumicën e mediave shqiptare nën çe nsurën e Qeverisë dhe kontrollin e ol igarkisë. Fondet publike dhe burimet e dyshimta financiare vazhdojnë të përdoren gjerësisht për të cenuar lirinë e shprehjes, për të fshehur të vërtetat dhe për të shmangur llogaridhënien.
Dh una dhe kë rcënimet ndaj gazetarëve janë shpeshtuar, së bashku me ce nsurën dhe autoce nsurën. Liria e medias është thelbësore për demokracinë. Ne duhet të mbrojmë dhe inkurajojmë çdo ditë gazetarët kurajozë në punën e tyre. Ata duhet të ndihen të sigurtë dhe të kenë qasje të plotë në informacionin që i shërben interesit publik, pa pritur që lirinë e shprehjes t’ua servirë politika apo grupet e saj kli enteliste. Pseudo-liritë prodhojnë vetëm re gjime me pseudo-demokraci!/NOA.al
Në një deklaratë për mediat, Deputeti aktual i opozitës në Parlamentin shqiptar, Lefter Maliqi bëri thirrje për zgjedhje të parakohshme, pasi sipas tij, Partia Socialiste ka man ipuluar zgjedhjet e 25 prillit.
Maliqi theksoi se plani ishte që të shka tërrohej LSI, por sipas tij, ajo mbijetoi me 108 mijë vota në të gjithë Shqipërinë.
“Oligarkët, kri min, ba ndat, kapjen dhe përdorimin e po licisë. Dua të them që me datë 26 në mbrëmje, kreu i ma fies dhe rilindjes doli i qeshur për të festuar fitoren, duke iu lutur Zotit. Por në fakt fitorja erdhi nga ba ndat. Kjo qeveri kri minale, në bashkëpunim me ba ndat, duke përdorur makinat e pol icisë së shtetit, evidentuan në mënyrë masive me patronazhistët e tyre spi unë, të gjithë mbështetësit, votuesit e LSI dhe synimi i tyre ishte të go disnin sa më pak PD dhe të go disnin LSI. Por megjithatë, LSI mbijetoi me 108 mijë vota.
Këto zgjedhje nuk do të njihen, sepse ishin kr im i mirëfilltë elektoral. I bëj thirrje opozitës së bashkuar, të bëhet cdo rinumërim i kutive, sepse e dinë që mas akra zgjedhore ishte para dhe gjatë procesit të numërimit. U kapën makina me ushqime, liste votuesish, janë për gjime të shumta, përgjime të shumta, edhe fletë të pavlefshme. Vr asës me pa gesë, të tme rrshëm, në Kuçovë dhe Berat u përdorën nga PD, votime ska ndaloze, nuk ishin parë ndonjëherë. I gjithë ky gëzim në heshtje e PS se na del nga Vlora si triumfator.
Jam i bindur që opozita me provat që po mbledh. Ky nuk ikën pa revolucion demokrat. Opozita po kërkon zgjedhje të parakohshme në vjeshtën e ardhshme. Nuk blihet e ardhmja e shqiptarit. Jemi de facto në diktaturë, milionat e këtyre deputetëve të PS dhe ministrave, janë të shumta, për të bërë edhe 10 mijë apartamente.
Janë fakte që janë blerë vota. Thirrja ime është e qartë, zgjedhje të parakohshme, duhen kërkuar zgjedhje pa Edi Ramën kryeministër, nëse opozita pranon Ramën kryeministër, është gjëja më e keqe që ndodh. U pa i gjithë organizimi i opozitës që bllokonin makina. U go dit pak PD, por u go dit shumë LSI sepse ajo do sillte fitoren. Kr imi sot po sundon vendin, shihni në Berat, Kuçovë, shihni njerëz kr iminelë se sa vila kanë krijuar. OFL, më keni dëgjuar se jam anëtari i Komisionit të Sigurisë, e njoh në mënyrë të përpiktë skemën e kri mit.
E patë njerëzit e OFL u mbajtën pe ng dhe u përdorën për zgjedhje. Ne duam të jemi si Evropa dhe Amerika, të pritet verdikti i OSBE/OHDIR. Krim elektoral. Verifikoni çka ndodhur në porte, aeroporte, Muriqan.
Jemi në rre zik total. Kanë dalë 83 mijë vota të pavlefshme. Këtu nuk ka zgjedhje, ka mafie. Duhen zgjedhje. Të ngrihet populli, të mos njihen zgjedhjet dhe të kërkohen zgjedhje të parakohshme”, tha Maliqi./NOA.al
Presidenti Ilir Meta ka reaguar për nismën e shk arkimit të iniciuar nga PS duke e cilësuar si ‘sh ashkë’.
Meta thotë se momentalisht të gjithë duhet të përqëndrohen tek përmbyllja e procesit zgjedhor pasi asgjë s’ka përfunduar.
Ditën e sotme PS me 50 firma konkretizoi nismën për shkarkimin e Presidentit për shkelje kushtetuese para dhe gjatë fushatës zgjedhore. Ndërkohë Meta kërkon që të he tohen kri met zgjedhore.
STATUSI NGA ILIR META
Të përqëndrohemi në mbylljen e procesit zgjedhor. Asgjë nuk ka përfunduar!
Të vazhdojë administrimi i çdo kontestimi dhe ankese deri në rinumërimin e votës së fundit.
Detyrë e të gjithë subjekteve të ndjekin procesin deri në fund.
Mos u merrni me “sha shka”, por me he timin e kr imeve zgjedhore!
Kryeministri Edi Rama iu është përgjigjur aku zave të opozitës në lidhje me shitblerje të votave në zgjedhjet e 25 prillit.
Në një intervistë për gazetën italiane ”La Repubblica”, kreu i qeverisë tha se këto janë zgjedhjet e pesta radhazi që opozita humb dhe duhet të reflektojë e jo të merret me akuza kundër PS.
”Fatkeqësisht, opozita nuk është në gjendje të dalë nga ky qëndrim, që e bën që ajo të humbë zgjedhje pas zgjedhjesh. Janë zgjedhjet e pesta radhazi dhe ata ende nuk arrijnë të kuptojnë: Në vend që të reflektojnë mbi veten e tyre, ata përqendrohen në konfrontim dhe akuza kundër nesh. Dhe përsëri humbin. Sidoqoftë, këto zgjedhje japin një mesazh: kur e majta moderne është e organizuar mirë, është po aq e pamposhtur sa Interi i Mourinhos”.
I pyetur nëse do të qeverisë me mbështetjen e socialdemokratëve të Tom Doshit, i regjistruar në listën e zezë të SHBA-së për korrupsion, Rama pranon që kjo ishte fitorja më e vështirë, por shtoi se ka fituar shumicë absolute dhe nuk ka nevojë për mbështetje.
”Hera e tretë ishte më e vështira, por është edhe më e bukura. Ne kemi fituar një shumicë absolute, kështu që nuk kemi nevojë për mbështetje. Ndoshta mund të kishim një diferencë më të madhe, por këtë herë Shqipëria votoi me një sistem të ri zgjedhor, me lista dhe preferenca gjysmë të hapura dhe kishte shumë vota të pavlefshme. Shumë njerëz nuk kuptuan se si të votonin, ata na zgjodhën ne si parti, por u dhanë përparësi kandidatëve të tjerë dhe vota iu quajt e pavlefshme”, thotë Rama.
Gjatë intervistës me gazetarin Paolo Brera për ”La Repubblica”, Rama foli edhe për prioritetet e mandatit të tretë, një ndër to edhe revolucioni digjital dhe mësimi i anglishtes që në klasë të parë.
Astrit Patozi jep dorëheqjen nga drejtimi i Bindjes Demokratike vetëm pak ditë pas zgjedhjeve të 25 prillit.
Që në fillim të statusit në Facebook, Patozi shkruan se merr përgjegjësitë personale për mosarritjen e objektivave.
“Duke falenderuar edhe një herë kandidatët, mbështetësit dhe të gjithë votuesit e Bindjes Demokratike në zgjedhjet e 25 prillit, kam vendosur të marrë të gjitha përgjegjësitë për mosarritjen e objektivave tona elektorale dhe të dorëhiqem nga drejtimi i partisë.
Fakti që ne bëmë një betejë dinjitoze dhe qytetare, në mesin e një polarizimi ekstrem, që erdhi nga egërsia dhe ashpërsia e forcave kryesore politike, nuk mund të shërbejë në asnjë rast si justifikim për askënd prej nesh, por sidomos për mua që udhëhoqa fushatën. E kemi ditur që në fillim se në kohë lu fte njerëzit nuk kanë mundësi të dëgjojnë muzikë, por nuk kemi ndërmend të fshihemi prapa rrethanave të vështira dhe të pazakonta”, shkruan Patozi.
Ai kërkon që projekti të vazhdojë, si shenjë respekti për ata që besuan dhe votuan, duke e konsideruar qëllimin e Bindjes Demokratike si një ide për të ndryshuar mënyrën e drejtimit të vendit.
“Dorëheqja ime është një akt moral përgjegjësie, por kurrërrësesi dorëzim. E kemi shpallur që në ditën e parë të themelimit se Bindja Demokratike nuk është një njeri, as një grup personash, e aq më pak pronë apo ndërmarrje biznesi e dikujt.
Ajo është një ide e bukur për të ndryshuar mënyrën e drejtimit të Shqipërisë, pasi ne mendojmë se ajo keqqeveriset për shkak të një sistemi të kapur, që ka mbyllur të gjitha shtigjet e konkurrencës së lirë”, shkruan më tej Patozi. /noa.al/
