Opinione

Maqedonia e Sipërme merr ftesën e kushtëzuar për anëtarësim në NATO, por aleanca nuk po përjeton ditë të mira.  Ndikimi rus dhe turk në Ballkanin Perëndimor pas qëndrimit në “ngrirje” të integrimit në BE që mund të rikthejë konfliktet e vjetra etnike. Flasin për “Mapo”, Redi Shehu, Ermir Gjinishi dhe Ilir Kalemaj.

Nga Sebi Alla

Takimi dy ditor në Samitin e NATO-s, i zhvilluar në Bruksel pati si “hirushe” Maqedoninë Veriore, që mori ftesën për anëtarësim, por kohë të vështirë gjeti. Vetë Alenaca e Atlantikut të Veriut e krijuar në vitin 1949, ka divergjenca jo pak të tejkalueshme për ta mbajtur në këmbë këtë strukturë jo vetëm ushtarake. Presidenti amerikan Donald Trump kërcënoi se nëse shtetet anëtare të NATO-s nuk rrisin kontributet, atëherë SHBA mund të vërë në zbatim largimin nga ku koalicion. “Shumë vende nuk paguajnë atë që duhet. Dhe, sinqerisht, shumë vende na kanë borxh shumë para për shumë vite. Unë jam i shqetësuar, sepse Shteteve të Bashkuara u është dashur të paguajnë për ta. Pra, nëse kthehesh mbrapa 10 apo 20 vite, shikon se na detyrohen një shumë të madhe parash”,-deklaroi Trump. Në të vërtetë nuk bëhet fjalë vetëm për para, por një lloj ndarje mbi fuqinë që kërkon të tregojë SHBA dhe vetë Trump, duke ua barë të qartë me një fjalim të thjeshtë se dominimi ka një emër. Kjo i shkundi mirë liderët e vendeve të tjera anëtare të NATO-s, që tashmë duhet të nisin të bëjnë mirë llogaritë dhe një tjetër “restart” pas deklaratës së Trump. Nga ana tjetër Rusia po shijon ngrohtësinë e “zjarrit” të ndezur brenda 29 shteteve anëtare të NATO-s. “Tërheqja me forcë e Maqedonisë në NATO vetëm sa konfirmon se politika e dyerve të hapura është kthyer në një vegël për të përfituar territor gjeo-politik”, thuhet në një deklaratë të Ministrisë së Jashtme ruse. Përçarja mes vendeve të anëtare të NATO-s në gjeopolitikë do i jepte ‘rol protagonizmi’ rusisë, që zgjerimin e koalicionit e sheh me shqetësim, veçanërisht për Ballkanin Përëndimor. Për momentin Ballkani ngjan i heshtur, por mjafton vetëm një shkëndinjë për të ndezur konflikte mbi baza etnike. Kundërshtive, deri në kufijtë e ndasisë brenda koalicionit të NATO-s i shtohet ndikimi rus apo turk, në kohën kur integrimi europian i Shqipërisë dhe Maqedonisë ka mbetur në mes. Drejtori i Institutit të Komunikimit “MEDIUS”, Redi Shehu shprehet për “Mapo” se: “ky aktrim me sfond përplasjeje, nuk është aspak një lajm i mirë për Ballkanin dhe për vendet kufitare me Rusinë”. Për Shehun ndikimi rus dhe turk, ndonëse në forma dhe synime të ndryshme është i pranishëm në Ballkanin Perëndimor dhe një dobësim i aleancës NATO do sillte pasoja dhe nxitje konfliktesh. Nga ana tjetër, pedagogu i UET, Ermir Gjinishi mendon se sjellja e Tramp-it, jo vetëm që nuk e përçan BE-në, por është mundësi për ta ndihmuar atë, në mënyrë që BREXI-t të mos përsëritet më, ndërsa i druhet konflikteve në Ballkan pasi sipas tij “etnocentrizmi dhe nacionalizmi ekstrem nuk është zhdukur nga ballkani”. Lidhur me samitin, politilogu Ilir Kalemaj mendon se edhe pse në dukje kaloi në përplasje, ia arriti qëllimit për të pasur një tjetër qasje dhe mirëkuptim. Kalemaj e sheh integrimin e Balllknit Perëndimor drejt BE-së dhe NATO-s, si të vetmen mundësi për të shuar çdo konflikt të mundshëm, apo ndikim nga vende të tjera si Rusia apo Turqia.

“U vu në diskutim nëse Europa është aleatja më e mirë e Amerikës”

Redi Shehu, Drejtor Institutit të Komunikimit “MEDIUS”

Nisur nga takimi i NATO-s në Bruksel, që u shoqërua me ndarje, duke nisur nga përçarja për investimet mes SHBA dhe vendeve të BE-së, por edhe afrime të anëtarëve të rinj siç është rasti i Maqedonisë, a mund të themi se konfliktet në ballkan janë mbyllur?

Kësaj radhe, samiti i NATO-s në Bruksel nuk ishte si të gjitha samitet e tjera të Aleancës, për arsye se u parapri nga thënie me ngjyrime konflituale te z. Trump që para se ai të fillonte. Mos të harrojmë se kemi të bëjmë me deklarata të tipit “NATO është aq e keqe sa marrëveshja NAFTA” etj. Pra, pritej që samiti të ishte ndezëz, duke pasur parasysh se politika amerikane së fundmi po buron nga Twiteri drej salloneve të vendimarrjes globale. Kjo kahje e politikbërjes amerikane, i ka dhënë ngjyrime personale marrëdhënieve ndërkombëtare dhe ka vendosur në një pozicion aspak komod aleatët. Shumë pyetje u ngritën nga media dhe politikanë të ndryshem, nëse kërkesa e z. Trump për respektimin e nivelit të investimeve në mbrotje të shteteve anëtare në 2% të GDP, ishte vërtet një kërkese serioze apo një preteks i cili çuditërisht shtyn  drejt një marrëdhënieje konfliktuale të papreçedent? Përgjigjen e jep z. Donald Tusk i cili shprehet: “I dashur President Trump, Amerika nuk ka një aleat më të mirë se sa Europa e cila shpenzon për mbrojtjen shumë herë  më tepër se Rusia dhe se Kina”. Për herë të parë kemi një deklaratë të tillë ku vihet në diskutim nëse Europa është aleatja më e mirë për Amerikën. Kjo nuk është aspak një situatë e këndëshme dhe për më tepër marrëdhëniet e Aleancës nuk janë mbështetur mbi shifra, por mbi frymën dhe idealet që i përshkojnë shtetet anëtare. Vërtet, Sh.B.A shpenzon më shumë se vendet e tjera anëtare, por mos të harrojmë që është edhe përfituesi më i madh nga produktet e sigurisë që kjo aleancë jep. Po ashtu, janë pikërisht vendet anëtare të NATO-s që iu gjenden në krah SH.B.A–ve dhe u invesituan në luftra shumë të kontestuara, siç ishin ato të Irakut dhe Afganistanit. I gjithë ky aktrim me sfond përplasjeje, nuk është aspak një lajm i mirë për Ballkanin dhe për vendet kufitare me Rusinë. Të parat që do goditeshin nga një valë dobësimi e Alencaës, janë pikërisht vendet që shtrihen në kufirin që ndan dy boshtet e pushtetit botëror. Nëse kërkohet që me anë të presionit amerikan të arrihet kuota e duhur, atëhere kjo nuk është mënyra e duhur për ta shëndoshur dhe ruajtur NATO-n.

Sa mund të rrezikoj Ballkani që konfliktet etnike dhe rrymat nacionaliste do të ringjallen?

Ballkani dhe sidomos shqiptarët, janë produkt i një ekuacioni jo të natyrshëm gjeopolitik të shekullit të kaluar. Për këtë arsye, mënyra se si ky rajon është konfiguruar, e veçanërisht mënyra se si faktori shqiptar është copëtuar, duke mos respektuar kufijtë etnikë si kufij shtetëror, ka bërë që ky rajon të jetë në mënyrë të vazhdueshme prodhues  potencial i konflikteve. Ekzistenca e këtyrë konflikteve vetëm sa janë mbajtur në gjendjen e “ngrirjes së thellë” nga organizma si BE dhe NATO, duke ndërtuar një stas-quo aparenciale. Tronditja e këyre organizmave, në çdo formë dhe çdo kohë, është potencial i shfaqjes së konflikteve të vjetra në Ballkan, përderisa ekuacioni etnik në këtë rajon të vendosë në vendin e vet të gjithë elementët përbërës të tij.

Kemi edhe ndikimin rus dhe turk, në momentin që procesi i integrimit po zgjatet duke krijuar edhe lodhje e pakënaqësi. Si e shihni rolin e tyre

Tashmë procesi integrues në BE ka kaluar fazën e vet të normalitetit dhe po futet në një proces sforcimi . Ky proces dhe vetë BE, tashmë i ngjajnë asaj tullumbaces së fryrë fort, e cila ka dy rrugë, ose të shpërthejë ose të shfryhet në rrudhosje. Kjo, sidomos  nëse flasim për Ballkanin dhe boshtet e mëdha qytetërimore të cilat përplasen në këtë rajon. Bota përherë ka qenë e konfiguruar nga ekzistenca e disa boshteve dominuese qytetërimore, të cilat kanë qenë hegjemonikë në kuptimin politik, ekonomik dhe kulturor. Shqipëria ndodhet në një zonë ku aktualisht tre boshte civilizuese takohen në të njëtin rajon: aksi euroatlantik tashmë i rrënjosur si realitet politik, ekonomik dhe deri diku kulturor (Ballkanin Perëndimor); aksi rus si realitet historik kulturor dhe së fundmi edhe ekonomiko-ushtarak (Serbi, Mal i Zi, Maqedoni, Greqi); aksi me qendër Turqinë si realitet historik e kulturor dhe së fundmi edhe ekonomik (Shqipëri, Kosovë, Maqedoni), Serbia, Mali i zi, Maqedonia tërhiqen politikisht, ekonomikisht dhe ushtarakisht nga aksi euroatlantik; por tërhiqen kulturalisht e ushtarakisht, e deri diku ekonomikisht edhe nga aksi rus; ndërsa joshen ekonomikisht dhe kulturalisht (gjysma e Maqedonise) nga aksi turk. Shqipëria, Kosova dhe gjysma e Maqedonisë, tërhiqen politikisht, ekonomikisht ushtarakisht nga aksi euroatlantik, tërhiqen ekonomikisht, kulturalisht dhe pjesërisht politikisht nga aksi turk, dhe joshen nga aksi rus. Pra, të qenurit satelit i një boshti është problematik se je gjithmonë nën presionin forcës shtytëse dalëse e cila është në drejtim të kundërt me qendrën. Ndërsa të jesh satelit i tre boshteve njëkohësisht të bën të jesh “vend i shqyer” nga të gjitha pikëpamjet. Çfarë do të ndodhë së afërmi kur forca gravitacionale e tre boshteve është shtuar së tepërmi ?  Shqipëria nëse nuk shton peshën e vet specifike të rëndesës si faktor gjithshqiptar politik dhe ekonomik, rrezikon të hidhet tej si leckë e shqyer?

“Integrimi në NATO dhe BE, mundësi e artë për një Ballkan të qetë”

Ermir Gjinishi, studiues, pedagog në UET

Nisur nga takimi i NATO-s në Bruksel, që u shoqërua me ndarje, duke nisur nga përçarja për investimet mes SHBA dhe vendeve të BE-së, por edhe afrime të anëtarëve të rinj siç është rasti i Maqedonisë, a mund të themi se konfliktet në ballkan janë mbyllur?

Samiti i fundit i NATO-s vetëm sa nxorri në sipërfaqe një pjesë të kontradiktave, deri diku të heshtura, mes SHBA dhe Europës, të cilat përsëriten herë pas here me tone relative sidomos që nga lufta e Gjirit në fillim viteve ‘90.  Mesa duket,  marrëdhëniet mes tyre kanë patur nevojë për një profil si Trampi. Sjellja e Tramp-it, jo vetëm që nuk e përcanë BE-në, por është mundësi për ta ndihmuar atë, në mënyrë që BREXI-t të mos përsëritet më. Partnetitet qëndrojnë kur vendet anëtare janë të vetëdijëshme për nevojën dhe të përgjegjëshme për obligimet. Vihet re qartë se vendet e BE-së janë dakort për nevojën e NATO-s, por nuk i përmbahen plotësisht detyrimeve. Ndërkaq, ky kontrast në dukje vetëm financiar, shpreh në një fare mënyre fizionominë e BE-së, e cila i përngjan një mozaiku të larmishëm ngjyrash por pa arritur të krijojë një konstrukt të qartë. A janë dakort vendet anëtare të BE-së, me një zë të vetëm për vendimet e aleancës, apo dominon interesi dy apo tri vendeve dhe përcillet si qëndrim i BE-së? Kjo është realisht kriza e BE-së. Fraktura mes NATO-s dhe BE-së i ka rrënjët në Europën e përcarë. Jo vetëm në marrëdhëniet me SHBA-në apo me aleancën Euroatlantike,  por sa herë që shqyrtohet mundësia e antarësive të reja për në BE, rihapet nevoja për një reformim e vetë BE-së. Sa i përket Ballkanit, historikisht  ai është trajtuar nga Europa si apendiks i saj. Integrimi i vendeve të rajonit në NATO dhe BE është një mundësi e artë për një Ballkan më të paqtë.

Sa mund të rrezikoj Ballkani që konfliktet etnike dhe rrymat nacionaliste do të ringjallen?

Së pari, duhet thënë se etnocentrizmi dhe nacionalizmi ekstrem nuk është zhdukur nga ballkani. Vendet vazhdojnë jetojnë me të kaluarën që kanë krijuar vetë, plot urrejtje, fanatizma dhe diskriminim të vetëjustifikuar,  përballë pales/vendit “armike”/tjetrit. Pas gjithë luftrave dhe konflikteve ballkanike qendron një dyzinë me mite fallco. Së dyti, këto qëndrime janë kthyer në mendësi etnokulturore për shumicën e vendeve të ballkanit. Kjo mendësi rrezikon ta dominojë hapësirën ballkanike, nëse shtetet shfaqin aspirata kontradiktore.  Me fjalë të tjera, integrimi i ballkanit në BE sigurisht që është një mburojë e madhe për zbutjen e urrejtjeve të egra të trashëguara mes vendeve të rajonit, por edhe nje arsye më tepër për një të ardhme më të paqtë e të sigurtë, ndërsa zgjatja e proceseve integruese ekspozon rajonin ndaj rrezikut të rindezjes së konflikteve të fjetura që mund të nxiten edhe nga interferime interesash gjeopolitike rajonale.

Kemi edhe ndikimin rus dhe turk, në momentin që procesi i integrimit po zgjatet duke krijuar edhe lodhje e pakënaqësi. Si e shihni rolin e tyre?

Po, kemi një rritje të këtyre ndikimeve, por dua ta theksoj që në fillim të herës se duhet bërë një dallim thelbësorë mes tyre. Turqia është një vend antarë i NATO-s, aleati më i rëndësishëm i saj në lindje por edhe në rajonin tonë, që aderon prej mëse 50 vitesh për tu antarësuar në BE. Kjo është një diferencë shumë e rëndësishme krahasuar me Rusinë e cila vazhdon të ketë interesa konfliktuale me perëndimin, kujtoj së fundmi rrëmbimin e Krimesë dhe ndërhyrjen në Siri. Ndikimin turk deri tani e shoh më tepër të shtrirë në një sfond kulturor e historik, pa tentuar të krijojë apo prishë  balancat mes vendeve. Turqia, mesa duket po kuron imazhin e saj “të prishur” në ballkan, pas rënies së perandorisë osmane,  ndërsa ai rus fsheh interesa gjeopolitike të shfaqura qartë si në tentativën për të eleminuar Gjukanoviçin  në zgjedhjet e fundit të Malit të Zi apo dhe mbështetjen e grupeve militare ultranacionaliste në Serbi. Megjithatë, vendet e ballkanit i shohin me perspektiva të diferencuara këto prezenca në rajon dhe ky duhet të jetë shqetësimi, ndërsa  Shqipëria nuk ka mëdyshje në alancat e saj brenda trekëndëshit Itali-Greqi-Turqi.

“Procesi është ende i papërfunduar pa inegrimin e Ballkanit”

Ilir Kalemaj, pedagog dhe politilog

Nisur nga takimi i NATO-s në Bruksel, që u shoqërua me ndarje, duke nisur nga përçarja për investimet mes SHBA dhe vendeve të BE-së, por edhe afrime të anëtarëve të rinj siç është rasti i Maqedonisë, a mund të themi se konfliktet në ballkan janë mbyllur?

Takimi i fundit i NATO-s përvijoi kompaktësinë dhe sinergjinë mes organizatës Veri-Atlantike dhe BE-së, përkundër gjithë skepticizmave në nisje të saj. Deklaratat e Presidentit Trump për nevojën e rritjes së shpenzimeve, për mbrojtje nga ana e aleatëve europianë për të arritur objektivin e 2 përqindshit të PBB-ve respektive kombëtare, madje për të shkuar në 4 përqind në një periudhë afatmesme si synim strategjik, ndonëse u pritën me skepticizëm fillimisht, gjetën mirëkuptim praktik. Një pjesë e vendeve u zotuan për arritjen e objektivit që sot për sot e plotësojnë vetëm disa vende, në një kohë sa më të shkurtër. Gjithashtu Maqedonia e Veriut mori ftesën e kushtëzuar, subjekt i ratifikimit të marrëveshjes me Greqinë pas miratimit parlamentar dhe referendumit dhe kjo është një sinjal pozitiv që konfliktet në Ballkan janë drejt përmbylljes së tyre.

Sa mund të rrezikoj Ballkani që konfliktet etnike dhe rrymat nacionaliste do të ringjallen?

Ballkani Perëndimor si vatër e përhershme konfliktesh, por edhe përplasjesh të forta gjeopolitike, ka qenë dhe mbetet një nyje nevralgjike për politikën ndërkombëtare. Nga ana tjetër, shërben dhe si një “cordon sanitaire” që i shërben sigurisë së BE-së por edhe si mision i papërfunduar i kësaj të fundit. Europa politike ka si detyrë morale përkimin me Europën gjeografike dhe Gadishulli Ballkanik duhet të jetë gadishulli i pestë dhe i fundit që komplementon integrimin europian, pas atyre të apenineve, iberik, skandinav dhe balltik. Europa është zgjeruar fillimisht në perëndim me Britaninë e Madhe, Irlandën dhe Danimarkën në vitet 70-të, mandej në jug me Greqinë, Spanjën dhe Portugalinë, më vonë në veri me Finlandën dhe Suedinë dhe nga 2004 në ish-Lindjen komuniste. Proces që është ende i papërfunduar pa vendet e mbetura të Ballkanit Perëndimor. Vetëm kësisoj mundet BE të sigurojë plotësisht kufijtë e brendshëm dhe të jashtëm dhe të shmangë përfundimisht fantazmat e luftërave me sfond etnik dhe fetar që historikisht e kanë kthyer rajonin në “fuçi baruti”.

Kemi edhe ndikimin rus dhe turk, në momentin që procesi i integrimit po zgjatet duke krijuar edhe lodhje e pakënaqësi. Si e shihni rolin e tyre?

Shoh një diferencë të qartë mes të dyjave. Nëse ndikimi rus, pavarësisht se prek pak apo aspak Shqipërinë është i konsiderueshëm në frenimin e proceseve integruese dhe thellimin e largësisë me vendeve të Ballkanit Perëndimor dhe BE-së. Është një ndikim që stimulon enklavizimin, konfliktet e ngrira dhe kërcënon “pax balkanika”. Ndërsa Turqia është një shtet ballkanik, vend antar i NATO-s, një aleat solid dhe i besueshëm i vendeve të rajonit, si përsa i përket investimeve të huaja në to, ashtu dhe për bashkëpunimin dhe partneritetin që i ofroi BE-së për menaxhimin e krizës humanitare të refugjatëve.

Presidenti aktual i dha shtetësinë greke Janullatosit dhe është politikani i vetëm shqiptar që ka marrë dekoratën e kryqit të artë për shërbime të shquara ndaj kauzës dhe shtetit grek

Askush nuk e ka harruar që Ilir Meta ka qënë kryeministër i vendit në periudhën 1999-2002, kur socialistët qeverisën në tetë vitet e tyre të para.

Një lojë e ndyrë Ilir Metës dhe Fatos Nanos në kurriz të Pandeli Majkos, të cilin e “frynë” që të kandidojë përballë liderit historik socialist për kreun e partisë, bëri që “stërkëmbësi” i dy “elefantëve” në PS ta rrëzojnë Pandin nga posti i kryeministrit dhe i zënë vendin.

Thjeshtë për kujtesë iu rikthyem kësaj ngjarjeje, për të risjellë në skenë një nga ngjarjet më maskaradë që është bërë në afër tre vitet e qeverisjes së Ilir Metës, kur pasuria e shtetit vijonte të ishte pa inventar.

Nuk do të ndalemi tek milionat e parë të dollarëve të vënë nga Meta dhe Monika përmes shitjes së vagonëve që ishin dhuratë nga qeveria austriake, të cilin e zbardhi në atë kohë të vështirë Nikollë Lesi përme gazetës “Koha Jonë”. S’kemi çfarë t’i shtojmë artikullit të Nikollës, pavarësisht nëse është dakord Nikolla i sotëm me Nikollën e atyre viteve.

Nuk do të ndalemi as tek vjedhja e floririt të Kërrabës që e depozitoi të tërin në Londër që në atë kohë dhe tashmë që ‘vjel’ fitimet, në burg hyri ca kohë vetëm një fakir me mushkë.

Ndërkohë që ia vlen të ndalemi tek një skandal tjetër që nuk është vënë shumë në evidencë nga ana e medias shqiptare.

Bëhet fjalë faljen e 1 mijë metrave katrorë tokë truall në mes të Tiranës, ngjitur me ish godinën e Ministrisë së Mbrojtjes, sot Ministria e Financave dhe Ekonomisë, Anastasi Janullatosit për të ndërtuar Katedralen e Kishës Orthodhokse Autoqefale të Shqipërisë.

Autoqefale ka vetëm emrin, se mesha ngrihet në gjuhën greke dhe drejtuesi kryesor dhe kupola e saj janë të gjithë priftërinj grekë.

Ilir Meta kur ka qënë kryeministër, ishte njëherësh dhe kreu i KRRTSH, që vendoste për shitjen apo dhënien e koncensioneve në Shqipëri. Të njejtën gjë ka bërë ish kryeministri Fatos Nano, ish kryeministri Sali Berisha dhe akoma më shumë kryeministri aktual Edi Rama.

Ilir Meta, asokohe kryeministër por dhe kryetar i KRRTSH vendosi nxjerrjen në treg dhe shitjen e afër 1 mijë metrave katror tokë truall ku është Katedralja e Kishës Orthodokse sot.

Nuk u bë asnjë debat publik, nuk u kërkua asnjë plotfuqishmëri nga ana e presidentit të asaj kohe Rexhep Meidani, pasi po tjetërsohej kundrejt pagesës truall, territor nga shtetit shqiptar në favor të një shtetasi grek si Aleksis Janullatos, që ishte në krye të Kishës Orthodokse në Shqipëri.

Një shkelje ligji, pasi në atë kohë nuk mund të shitej as blihej tokë truall në Shqipëri shtetasve të huaj, dhe në rastin konkret që në fillim është bërë shkelje ligjore.

Por shkelja vijoi më tej, ku në rrugën e hapur nga KRRTSH prej kryeministrit të asaj kohe Ilir Meta, u miratua po me kërkesën e tij tashmë si zv.kryeministër nga qeveria e kryesuar nga Fatos Nano, i cili me vendim qeverie i shiti truallin ngjitur me Ministrinë e Mbrojtjes, Janullatosit.

Qeveria shqiptare, me VKM Nr. 81, datë 06.02.2003, i shiti kësaj kishës së Janullatosit 966 m2, me çmim 1600 lekë/m2, për të ndërtuar katedralen.

Por Kisha Ortodokse Autoqefale e Shqipërisë nuk qëndroi në “sinoret” e caktuara nga Këshilli i Ministrave, pasi ka zaptuar 5039 m2 sipërfaqe truall publik, duke ndërtuar jo 966 metër katror sa ka blerë nga shtetit shqiptar, por 1660 metër katror objekt.

Duke mos hyrë tek çmimi i ulët me të cilën është shitur toka e shtetit shqiptar një shtetasi grek, shtetësinë shqiptare s’ka mbushur vitin që e ka marrë Janullatosi, me administrator të vetëm shtetasin grek Janullatos, këmbëngulim në faktin se është lejuar të zaptojë tokë.

Janullatos ka uzurpuar tërë hapësirën publike, ish lulishte në qendër të Tiranës. Dhe këtë nuk e themi ne, nuk është akuza jonë, por e ka deklaruar vetë kreu i Kishës Orthodokse Janullatos në ditën e përurimit të Katedrales në mes të Tiranës. E ka pranuar kur tha se, janë 1660 metër katrore objekt, por dhe 4 mijë metër katrorë rreth saj, ambiente të Kishës, duke sakrifikuar hapësirën publike-lulishte të ndërtuar për qytetarët.

Dhe këtu ka heshtur dhe kryeministri Sali Berisha, njeriu që na e la në “derë” Janullatosin, pavarësisht deklaratave nacionaliste dhe kombëtariste që bën. Këtu ka heshtur dhe kryeministri aktual Edi Rama, kanë heshtur të gjithë, pasi të gjithë janë të “zhytur”.

Ndërkohe që cilësohet dhe biznes me Person Juridik “Kisha Orthodhokse Autoqefale e  Shqipërisë”, biznes i miratuar me Vendim nr.2498 të Gjykatës të Rrethit Tiranë, dt. 19.03. 2009.

Ajo ka përfaqësues dhe administrator të vetëm Anastasis Gerasimos Jannoulatos, lindur më 4 nëntor 1929 në Greqi, me shtetësi dhe kombësi greke. Pra pa qënë shtetas shqiptar, një shkelje ligji ky element bazë, që ka tjetërsuar territor shqiptar në zemër të kryeqytetit.

Por dhe ka zaptuar dhe një sipërfaqe prej 5039 metër katrorë, mbi të cilën, ka ndërtuar në mënyrë antiligjore një objekt të quajtur “Kisha e Katedrales Orthodhokse Autoqefale e Shqipërisë”.

Ilir Meta në kohën që ka qënë kryeministër në qeverinë socialiste ia bëri këtë mirësi Anastasis Janullatos, ndërkohë që disa vite më vonë, kur Meta u bë President i dha dhe shtetësinë shqiptare. Ndaj sa herë që Janullatos e takon Metën e puth në të dyja faqet, e vë në krye të vendit.

Ndërkohë që burimet saktësojnë se për shkak të ndërtimit të Katedrales së Janullatos, u transferua dhe Ministria e Mbrojtjes tek Shkolla e Bashkuar, nga frika e përgjimeve.

Nuk është hera e parë që akuzohet Janullatos si njeri në shërbim të Greqisë, madje misioni i tij ky është, e ka deklaruar dhe vetë.

Ndërsa Ilir Meta, njihet rëndom si një nga miqtë më të mirë të Greqisë, ndaj ka marrë dhe dekoratën për shërbime të vyera ndaj Athinës.

Pavarësisht se po përpiqet të portretizohet si politikani që ka në dorë marrëveshjen e “detit” me Greqinë si edhe mjaft patriot, Presidenti Ilir Meta është një politikan që e duan shumë qarqe të caktuara politike në Greqi.

Madje, ai është ndër të vetmit politikanë të lartë shqiptarë që ka marrë Medaljen “Kryqit të Artë” të Parlamentit të Greqisë. Bëhet fjalë për një medalje që nuk i jepet çdokujt nga Parlamenti i Greqisë, por personazheve që ata i shohin pranë kauzave të tyre.

Medaljen në fjalë, Meta e mori në tetor të vitit 2016, pak javë pasi ishte zgjedhur president, në vizitën e zhvilluar në Greqi ku edhe “harroi” të flasë për çështjen Çame, gjë e cila shkaktoi një furtunë politike asokohe në Shqipëri nga PDIU.

Ndërkohë që Meta është shpresa e opozitës për të ngritur një kauzë për të akuzuar Ramën për marrëveshjen e “detit”, kur ishte kryeministër i shiti falë fare tokë truall në mes të kryeqytetit një shtetasi grek, Anastasis Janullatos. Pavarësisht pozicionit në krye të Kishës Orthodokse./Pamfleti

Nga Pandeli Bardhi

Janë më shumë se pesëdhjetë përqind e gjyqtarëve dhe prokurorëve me probleme. Këtë e vërtetojnë vetë statistikat e Komisionit të Pavarur të Kualifikimit, apo KPK. Janë më shumë se pesëdhjetë përqind “krokodilë”, që sot nxjerrin lot të tipit “Thanza”!

Thanza është antar i Gjykatës së Lartë. Thanza është marrë edhe me krime, edhe me vjedhje, edhe me fshehje dhe mosdeklarim të pasurisë, etj. Ai thotë që i kanë bërë të tjerët dhe ai i ka marrë mbi vete. Të jetë vallë ky antar gjykatës i shkallës më të lartë të drejtësisë?

Të jenë gjykatës ata antarë të Gjykatës Kushtetuese, të cilët kanë ngecur në “rrjetën” e Vetingut? Të kuptohemi, nuk janë antarë të gjykatave të shkallës së parë as të Apelit, por janë antarë të gjykatave më të larta që kanë të bëjnë me mbrojtjen e Rendit Kushtetues, që kanë të bëjnë me mbrojtjen e Ligjit Themelor siç është Kushtetuta.

Kështu si është nisur, vendi në të ardhmen do të mbesi pa pushtet të tretë nga radha, por të parë nga rëndësia. Nuk janë më pak të rëndësishëm as ata gjykatës e prokurorë të shkallëve më të ulëta, sepse njësoj e kanë bërë betimin për të dhënë drejtësi në emër të ligjit e të Kushtetutës. Po e vërteta?

E vërteta është që këto njëzet e tetë vite shumica e gjykatësve dhe prokurorëve kanë qenë “krokodilë” që kanë gllabëruar, kanë zhvatur e janë pasuruar “në emër të popullit”, “në emër të ligjeve dhe të së drejtës që u jep Kushtetuta”! Por, a e kupton gjyqtari Laze dhe kolegët e tij “Llazo”?

“Kam dënuar kriminelë të ndryshëm, thotë ai, kam marrë shumë përgjegjësi mbi vete dhe për vendimet që kam marr, më kanë kërcënuar edhe me jetë! Duhet të jesh gjyqtar Apeli i tipit Lazaj, që të mos kuptosh as alfën e detyrës së gjyqtarit. Në emër të kujt e jep vendimin gjyqtari more gjyqtar që nuk je i tillë? Gjyqtari është në radhë të parë mbrojtësi i ligjit dhe të gjitha vendimet që ai jep, nuk i jep në emër të Artanit apo të “Lazes” por i jep në emër të Ligjit.

Nëqoftëse vendimet gjyqtari do t’i japi në emër të “Maliqit” të parasë e të mikut, patjetër që do të marri edhe kërcënime. Si nuk e gërryente sado pak ndërgjegjja Antarin e Gjykatës së Lartë, Thanza, të molepsur me vjedhje e krime, të dënuar nga gjykatat e huaja, që fsheh pasurinë e grabit pronat e tjetrit dhe sot del para KPK-së dhe përlotet?

A është ky një antar i Gjykatë së Lartë apo një mashtrues ordiner? Pse nuk është lotuar ndonjëherë ky gjyqtar që ka shkaktuar lot nënash për bijtë e tyre, me vendimet e shtrembra që ka dhënë ky farë gjyqtari? Po ata kolegë të tij si të mos e kenë njohur këtë gjyqtar?

A kemi të drejtë ta quajmë këtë antar të Kolegjit të Gjykatës së Lartë një “çerdhe infeksioni” që kanë shkaktuar “lumenj” lotësh me padrejtësitë dhe shtrembësitë, që ata kanë dhënë “në emër të popullit”?

Kriminelët i kanë futur në burgje nga penxherja dhe i kanë nxjerrë nga dera, në darkë i kanë dënuar dhe në mëngjes i kanë ndihmuar që të marrin arratinë! Nuk kanë bërë ligjin këta gjykatës “në emër të popullit” e “në emër të Republikës” por “në emër të parasë”, “në emër të korrupsionit”!

Presin nënat, gratë e fëmijët e viktimave të 21 Janarit e lotët e të cilave, kanë shtatë vjet që derdhen lumë e presin të japin drejtësi këta gjykatës e prokurorë që qeshin me lotët e tyre e dosjet i kanë mbyllur me kohë për një grusht me para!

Kanë dhjetë vite në pritje që drejtësia të thotë fjalën e saj nënat, vëllezërit e motrat e atyre që humbën jetën në Gërdec e që iu shkatërruan qindra shtëpi, dhe nuk e dinë që dosjet janë mbyllur me kohë për një grusht para! A janë lotuar ndonjëherë këta gjykatës e prokurorë për lotët e tyre që derdhen me vite?

Viktimat ikin, politikanët qeshin e gjyqtarët dhe prokurorët qëndrojnë të pashqetësur nga milionat që marrin. E shteti nga ana e tij ka shtatë vjet që “jargavitet” e “jargavitet” e premton se do të japi drejtësi! “Prit gomar të mbijë bar”! Vallë, nga këta gjykatës do të presësh që të kapin “peshqit e mëdhenj”? Si do të mund të dënojnë “peshqit e mëdhenj” këta gjykatës, kur këta “hanë bukë” në sajë të tyre?

Njëri prej këtyre “peshqve” i shkoi atje me zë e figurë dhe këta “zotërinj” as nuk e “panë” dhe as nuk e “dëgjuan”! Pse ky “peshk i madh” të mos bëjë sot një vesh shurdh e një sy qorr, e të qëndrojë në krye të KLD-së me “qetësi e dashuri” që qesh e qëndron gjakftohtë, e që e ka marrë drejtësinë “urtë e butë e plot tigani?

Nuk zbaton “plotfuqishmërinë” e tij as për çështjen e detit, as për çështjen e SHISH-it e shumë çështje të tjera të nxehta, por vazhdon të qëndrojë në kolltukun presidencial me qetësi e dashuri. Në ç’vend tjetër të botës ka ndodhur që nën hundën e funksionarit të lartë të Bankës së Shtetit të vidhen miliona dhe ai, jo vetëm që nuk ndëshkohet, por shpërblehet me miliona të tjera për “nëpërkëmbjen e dinjitetit të tij”, për atë “që natën sheh ëndrra dhe flet me vete” dhe për ta qetësuar, i japin edhe më shumë se gjysëm miliardi të tjera, që ai të qëndrojë i qetë!

Ky sistem, nga njëra anë derdh lumë paratë për hajdutët e kriminelët dhe nga ana tjetër rrit pensionet që nuk mund të blesh as një kg domate në verë, jo në dimër!

Por, a janë të gjithë gjykatësit e prokurorët “krokodilë”? Nuk janë të gjithë të tillë, ka edhe shumë “hardhuca”, në kuptimin që nuk e kanë “gojën e madhe” që të gllabërojnë, por ç’mund të bëjnë këto “hardhuca” përpara atyre që “bëjnë ligjin”? Ato nuk e ngrenë zërin, por do të bëjnë aq sa të munden për të mbijetuar dhe të mos “kollofiten” apo të hanë ndonjë grusht të tipit “Llalla”!

Por, a mbaron këtu e keqja? E keqja është më thellë akoma, ajo shkon në majë të “Piramidës” të këtij sistemi që u nis si sistem demokratik, por vazhdon në “Udhën e Çakejve”!

Këtë sistem, të tillë e nisi Saliu i “parë” apo “Monark”, të tillë ja dorëzoi Saliut të “dytë” në krye të Pushtetit Ekzekutiv, të tillë ja la edhe “litarin” jashtë dhe ja “dorëzoi” krerëve të organeve të drejtësisë, të SHISH-it, të medias etj., etj., që të gjitha pushtetet e këtij monarku që sot çirret për “drejtësi”, të zbatojnë amanetet e tij edhe mbasi është i larguar. Shikoni, dëgjoni dhe po të doni mos qeshni e mos qani! Dëgjojmë opozitarët në Komisionin e Ligjeve që “dërdëllisin” e “dërdëllisin”! Mirë bëjnë, po përse?

Thepthe Kdhyeminithtdhi, duhet të hetohet pët mathtthimin e vidioth me “Babadhen”! “Thepthe Athta Mathku” ëthtë dhgedhur në mënydhë antikushthtetuthse, jo me tetëdhjetë e katëth vota, por me gjathtëdhjetë e nëntë” etj., “gaxha” të kësaj natyre.

Por a qëndrojnë këto shqetësime që ata ngrenë për Kryeprokuroren? Patjetër që ajo dhe organi i akuzës, duhet të merren. Kjo është njëra anë. Po pse kjo opozitë nuk foli për këtë drejtësi, për këta prokurorë e gjykatës që i ka mbjellë vetë gjatë njëzet e tetë viteve qysh me “Plepat”? Pse nuk foli kush për deformimin e këtij sistemi pikërisht nga organet e drejtësisë?

Pse nuk foli kush për pronat dhe pasuritë e qytetarëve që janë gllabëruar nga politikanët dhe organet e drejtësisë? Pse nuk e hapi gojën askush për ish kreun e akuzës që qëndron në egzil pikërisht nga zullumet e shumta që ka bërë dhe nuk vjen të japi llogari? Pse nuk foli kush për dallaveret dhe manipulimet që ka bërë Saliu i “dytë” me gjyqtarin Thanza për ta emëruar atë e për të qenë “litar” mbas ikjes së Saliut e të “Salinjve” duke blerë edhe deputetë të tipit “Kastriot” e “Asllan”?

Mendja e këtyre opozitarë i thënçin, ka mbetur tek karrigia e pushtetit të tyre të humbur dhe nuk e kuptojnë që me këto veprime, pushteti i tyre është “varrosur” njëherë e përgjithmonë! Është paguar shumë, është investuar shumë nga opozita e sotme, pa përjashtuar edhe mazhorancën për emërimin në krye të drejtësisë të gjyqtarëve e prokurorëve të korruptuar! Të gjitha këto janë bërë me bekimin e këtij sistemi që po zë frymën këtij vendi. Të gjithë e dinë se si ky sistem e nxit, e stimulon krimin dhe korrupsionin.

Asnjë drejtues deri më sot nuk ka qëndruar shumë në detyrën funksionale dhe më pas shkarkohet. Shkarkohen mbasi kanë vjedhur e kanë bërë ç’kanë dashur. Vijnë të tjerët dhe këta ecin në gjurmët e të parëve të tyre. Vjen një forcë politike dhe akti i parë që bën, largon nga puna krerët kundërshtarë. Qytetarët u qajnë atyre hallin!

Ata që pushohen, i drejtohen gjykatave të tipit “Thanza” dhe fitojnë miliona, më shumë se sa të kishin qëndruar në punë për njëzet apo tridhjetë vjet. Po pse të mundohen përderisa i marrin këto para për një periudhë katër-pesë mujore?

Faji nuk është as i gjyqtarëve e as i prokurorëve. Faji është i këtij sistemi të korruptuar. Nuk është vetëm drejtësia e tillë.

E tillë është edhe shëndetësia, e tillë është edhe administrata e institucioneve, arsimi etj., ku vegjetojnë militantë dhe debilë që marrin sa të duan dhe nuk japin asgjë. Përderisa “peshku është qelbur nga koka” e mund të bëhet fjalë për “luspat” e lëkurës së tij, pushtetin lokal, për biznesmenë, për të gjitha “nyjet e këtij sistemi?

Vërtet mendoni se ka një shtet në botë që të ketë si gjytqtar të Gjykatës së Lartë një individ që ka qenë dënuar më parë për vjedhje? Ky vend është vetëm Shqipëria, dhe një gjyqtar të tillë mund ta emërojë vetëm Berisha dhe tabori i tij i korruptuar.
Shkruan Spartak Ngjela

l. Shoqëria shqiptare është në gjendjen e një krize të rëndë morale brenda Shqipërisë, por ndërkohë është në një sukses të madh historik të jetës së saj ndërkombëtare. Kriza morale shoqërohet gjithmonë me mungesën e drejtësisë. Një shoqëri që sundohet, dhe ku nuk ka drejtësi, ka një krizë morale të përhershme.

Shqipëria është vepër e njerëzve të saj të mëdhemj, Rilindasve të Mëdhenj, por shqiptarët kanë mbijetuar me një sakrificë sublime nga lufta shfarosëse që i kanë bërë: osmanët, Rusia, fqinjët, sllavët e ardhur nga stepat, dhe grekët e ardhur nga Anadolli në territoret shqiptare. E gjithë historia e Shqipërisë territoriale është falsifikuar, por falsitetin historik po e rëzon gjuha shqipe.

Kudo sot në rrethet shkencore të universiteteve të mëdhenj në Europë dhe në Amerikë, po flitet për gjuhën shqipe dhe historinë e Arbërisë dhe shqiptarëve në një sens kombëtar. Kjo vërehet dhe në të gjithë Gadishullin Ilirik. Por janë në krizën shqiptare të korrupsionit të lartë shtetëror shqiptarët e Shqipërisë, një krizë e thellë morale kjo që imponohet nga defekti i madh historik i qeverisjeve të korruptuara – sigurisht. Shenja më e fundit është gjyqtari i lartë, Thanza, i dënuar për vjedhje në Itali.

Kurrë nuk duhet menduar se ky rast është më tipiku i krizës morale që po kalon Shqipëria. Bëmat korruptive të Berishës dhe Metës, e bëjnë rastin e gjyqtarit Thanza të quhet minor. Kjo është një bandë që ka uzurpuar Shqipërinë.

ll. Dy kanë qenë armiqtë më të mëdhenj të shqiptarëve: fqinjët aneksues territoresh shqiptare, të përkrahur nga Stambolli dhe Moska, dhe korrupsioni i liderëve shqiptarë që kanë qeverisur Shqipërinë nga viti 1925 e deri më sot. Këta kanë qenë hajdutë dhe renegatë – shpejt do të shihen me fakte të gjitha bëmat e tyre.

Historia korruptive e Shqipërisë ka kaluar nga një mbret që vrau kundërshtarët e tij me anë të vrasësve të paguar nga Beogradi, te një gjeneral terrorist që, për llogari të Beogradit, vrau në vitin 1945-1946 gjithë intelektin e lartë patriot të shqiptarizmës, dhe eliminoi fizikisht të gjithë krerët e klerit katolik shqiptar, njerëz të mëdhenj që provonin autoktoninë shqiptare në çdo orë të ditës.

Por historia ka ecur pastaj, nga general Enver Hoxha, vasal i Beogradit që vrau intelektin e lartë shqiptar dhe krerët e kishës katolike, te mjeku i Beogradit, Sali Berishs, që shkatërroi arsimin shqiptar, ekonominë e Shqipërisë dhe goditi të gjithë intelektualizmin shqiptar.
Kurse sot, gjendja ka ardhur, nga mjeku i Beogradit, te mësuesi i vizatimit Rama, që vërtitet e nuk lodhet në mbrojtje të korrupsionit shtetëror, por që shkon e kullot në Stamboll kur vetë Erdogani kërkon ndihmën e Serbisë për shfuqizimin e Shqipërisë.

Të gjithë janë të trembur nga partnershipi shqiptaro-amerikan, dhe janë hedhur në sulm për ta frenuar Emerikën nga brenda Shqipërisë. Kjo sigurusht që është një ndërmarrje e çmendur por që në fakt është mendimi i vobegtë i Edi Ramës, që kujton se mund ta mposhtë politikën amerikane në Shqipëri me anë të Erdoganit dhe presidentit serb.

ll.
Si rrjedhojë historike, kjo krizë morale që konstatohet, nuk ka filluar sot, por sot është në kulmin e vet.Pasi ka qenë pronë e tiranëve për 65 vjet (1925-1990), në 25 vjetët e fundit, Shqipëria ka qënë pronë e qeverive abuzive, e gjyqtarëve dhe prokurorëve të korruptuar të cilët, të gjithë bashkë, kanë përbuzur dhe kanë varfëruar shqiptarët pasi i kanë vjedhë ata. Të gjithë kanë urryer drejtësinë shoqërore. I tillë është dhe korrupsioni i sotëm kryeministror.

Po si jànë lidhur këta , dhe, a kanë më të ardhme? Çfarë përfaqësojnë dhe çfarë do të bëhet me ta?
Si do të zhvillohet më tej historia e Shqipërisë dhe e të gjithë botës shqiptare në Ballkan?
Në çfarë niveli është sot aleanca shqiptaro-amerikane kundrejt historisë së Shqipërisë dhe shqiptarëve?
Cila janë kartat që po luan sot korrupsioni kryeministror Berisha-Meta-Rama kundër interesit shqiptar në Ballkan?

A do ta çojë deri në fund politika Amerikanë likuidimin Berisha-Rama-Meta si qëndrat kryesore të korrupsionit shqiptar dhe të shitjes së interesit kombëtar te fqinjët pushtues territoresh shqiptare?

Korrupsion i aktual shqiptar nuk ka më të ardhme, të gjitha këto që bien si këmbanat nga politika amerikane, në ndihmë të shqiptarëve dhe të çështjes shqiptare, janë pjesë e marshit funebër që po përcjell korrupsionin kryeministror shqiptar.

Politika amerikane nuk ka shkelur asnjë marrëveshje dhe asnjë zotim; dhe ajo është zotuar botërisht për ndihmën anti – korrupsion që do t’u japë shqiptarëve. Por kjo ndihmë antikorrupsion që po iu jep shqiptarëve, është me rëndësi për shqiptarët, sepse vetë kjo është në fakt pjesë e politikës amerikane globale që ka të bëjë më Ballkanin Perëndimor. Prandaj, kjo është arsyeja që lufta antikorrupsion në Shqipëri ka të bëjë më suksesin e politikës amerikane në Europën e ardhshme.

Dhe kjo është shumë për historinë e ardhme të Shqipërisë. Pikërisht këtu vjen dhe e merr forcën e vet morale angazhimi amerikan; por këtu e gjen garantimin e aktit amerikan anti-korrupsion edhe shoqëria shqiptare që po e pret këtë akt, i cili në fakt ka filluar.

Gjykimi kryesor në këtë angazhim amerikan, është ky: klasën e korruptuar të politikës aktuale shqiptare nuk e pranojnë as shqiptarët dhe as Uashingtoni. Po shqiptarët a janë të ndërgjegjësuar kundër korrupsionit kryeministror? Janë të ndërgjegjësuar, po nuk kanë forcë.

lll.

Shoqëria shqiptare nuk është e strukturuar demokatikisht prandaj nuk mund të ketë forcë kundërshtuese. Mbrojtja e të drejrave bëhet vetëm institucionalisht, si mund të mbrohen të drejtat kur edhe institucionet, edhe gjykatën e drejton korrupsioni? Prandaj këtu del në pah angazhimi amerikan dhe marrëveshja shqiptaro-amerikane për politikën e ardhëshme në Ballkanin Perëndimor. Por, ndërkohë kjo marrëveshje ka vetëm një armik: korrupsionin kryeministror shqiptar?

Cila janë kartat që po luan sot korrupsioni kryeministror Berisha-Meta-Rama kundër interesit shqiptar në Ballkan?

E para është bashkimi i tyre pavarësisht nga ngjyrat. Por janë të gjithë si të çakërdisur: Basha shkon në Amerikë se kërkon të ndalojë ambasadoren e re në Senat. Është mendim fëminor, por në fakt kjo duhet të jetë mendja e Saliut.

Rama mbeti në Ankara te Erdogani, se është një mendje e vobegtë politike, dhe e kujton Shqipërinë një kafshatë që mund ta hanë fqinjët, sikurse e kanë ngrënë para një sjekulli. Jo, sot është e kundërta: shqiptarët do t’i marrin të gjitha aneksimit e fqinjëve. Por kjo në fakt ka bashkuar presidentin truk me presidentin serb; kurse Ramë ziu e mban shpresën këtu, të këta të dy. Ndersa i trembur Rama, në samitin e NATO-s dje, vërtitej që ta shihte presidenti amerikan për t’i treguar se tani është i tij. Injorant që e kujton presidentin amerikan si Ilir Metën kur e gënjeu për ta kandiduar në Tiranë si kryebashkiak.

Prandaj këtu del kjo pyetje:

A do ta çojë deri në fund politika Amerikane likuidimin Berisha-Rama-Meta si qëndrat kryesore të korrupsionit shqiptar dhe të shitjes së interesit kombëtar te fqinjët, të cilët historikisht janë pushtues territoresh shqiptare?

Sigurisht që po. Politika amerikane tani ka marrë kushtetutën shqiptare. Prandaj e ka gjithçka në dorën e vet. Ndërkohë pritet që të krijohet SPAK-u dhe të fillojnë goditjet penale., sepse me këtë gjykatën e sotme është e pamundur që të luftohet korrupsioni kryeministror shqiptar.

Angazhimi amerikan patjetër që do të shkojë deri në fund. Të tre kryeministrat Meta, Berisha dhe Rama do të jenë subjektet e parë të goditjes penale, sepse, nëse nuk do të ishte kështu, nuk do të kish një zotim amerikan anti-korrupsion në Shqipëri.

Por shqiptarët janë skeptikë… dhe kanë të drejtë, sepse janë zhgënjyer në 150 vjet rresht në një luftë për jetë a vdekje. Por tani kanë fituar përfundimisht.

Regjisori i njohur Altin Basha ka dhënë një intervistë të gjatë për gazetën “Panorama”, ku sqaron marrëveshjen e arritur mes artistëve dhe kryebashkiakut Erion Veliaj për ndërtimin e një Teatri të ri Kombëtar. Por, nga ana tjetër ai ka zbuluar se Aleanca për Mbrojtjen e Teatrit është një grupim që drejtohet kryekëput nga Partia Demokratike dhe prezenca e PD aty është absolute.

Me tone keqardhëse, Basha shton se ai dhe kolegët e tij u tradhtuan nga Aleanca për Mbrojtjen e Teatrit, por edhe se ajo drejtohet nga njerëz që nuk e dinë çfarë duan dhe i ndryshojnë qëndrimet e tyre vazhdimisht.

Basha është i mendimit se lëvizja Aleanca për Mbrojtjen për Teatrin është kthyer kthyer në një lëvizje partiake, ku Partia Demokratike flet me zërin e Aleancës.

“Prezenca e PD ka qenë shumë e fortë gjatë gjithë historisë së protestës, por tani mendoj se prezenca e tyre është absolute. Ne nuk e kemi konsideruar problem këtë… përderisa qëndrimet tona ishin parimore. Mbështetja e partive na interesonte, edhe sepse unë kam deklaruar që nuk duhet ta kthenim lëvizjen në vegël të opozitës në luftën politike, por na intereson zgjidhja e problemit të teatrit. Sigurisht që, kjo nuk ndodhi dhe ajo tanimë është një lëvizje tërësisht politike. Ajo është kthyer në lëvizje partiake. Aty është Partia Demokratike që flet me zërin e Aleancës, nuk ka asgjë të keqe të jetë politike, që flet me zërin e aleancës. Nuk ka asgjë të jetë politike, por jo partiake, pasi tanimë del që ne që kemi një mendim ndryshe, jemi blerë ose jemi të së majtës dhe ata që dalin atje, janë njerëz të ndershëm. Megjithëse për të qenë të ndershëm me publikun, ata duhet t’ua bëjnë të qartë që ajo sallë nuk mban. Njerëzit punojnë atje, e dinë fare mirë se në çfarë gjendje është”, deklaroi Basha.

Regjisori shtoi se në dy orë debat me kryebashkiakun Veliaj, është rënë dakord për tre pika:  truallin, dy përfaqësues në negociata dhe është kërkuar konkurs ndërkombëtar.

“Kur u takuam për të shkuar në Bashki, Derhemi më thotë që Çeloaliaj nuk vjen, sepse ka vendosur të mos vijë. Kemi ndenjur dy orë tek Erion Veliaj. Kemi negociuar, ramë dakord që të mos cenohej trualli; ramë dakord për dy përfaqësues të komunitetit që do të jenë në komisionin e negociimit për kontratën dhe kemi mbrojtur çështjen e konkursit ndërkombëtar. Kemi pasur debate shumë të forta, me argumente dhe kundërargumente dhe në fund, u gjet si zgjidhje që konkursi të merrej parasysh, por do të vendosej në një dëgjesë të tretë. Parimisht konkursi ndërkombëtar u pranua. Kemi dalë nga takimi me Veliajn dhe kemi takuar Gjergj Bojaxhiun, që na lexoi një deklaratë të Aleancës, e cila shprehej pro konkursit ndërkombëtar. Me atë deklaratë ishte dakordësuar Kastriot Çipi dhe Alert Çeloaliaj. SASE na tradhtoi, na prezantoi para opinionit publik si njerëz që kishim shkuar atje për biseda private, çka nuk është e vërtetë, pasi ne kishim biseduar me përfaqësues të tyre dhe të Aleancës. Kam qenë dhe jam i hapur për çdo lloj ballafaqimi, unë nuk kam asgjë për të fshehur dhe ata e dinë, por ata kanë një problem me të vërtetën e tyre sepse nuk e dinë se çfarë qëndrimi të mbajnë. I kanë ndryshuar ato në mënyrë të vazhdueshme, sepse adoptojnë pjesë të qëndrimeve të paunifikuara”, deklaroi Basha.

Sa i përket mendimit të tij personal në lidhje me fatin e teatrit, regjisori Basha thotë se ka ardhur koha që Tirana të ketë një teatër të ri modern, pasi ai aktuali nuk ofron më asgjë mundësi për zhvillimin e krijimtarisë artistike. “Unë mendoj se duhet një godinë e re. Pjesa muzeale mund të zgjidhet brenda godinës së re. Jam gati të debatoj me këto për këtë pikëpamje. Si regjisor po ju deklaroj me përgjegjësi se ajo godinë nuk ofron mundësinë për zhvillimin e një krijimtarie cilësore teatrore dhe si rrjedhim, një cilësi  të ulët produkti për spektatorët”, theksoi Basha. /atsh