Opinione

Qoka e shefit të qeverisë shqiptare, Rama, ndaj kolegut të tij, Basha, për dreq, nuk e di se si më duket, por si një vazhdim i marrëveshjes së majit të vitit të shkuar.
Shkruan Bedri Islami

Si bëjnë të ditur mediat, vëllai i shefit të opozitës, përmes gruas së tij, ka marrë licensën, më saktë, të drejtën, e hapjes së një institucioni privat arsimor, lidhur edhe me njërin nga institucionet e njohura të botës akademike angleze.

Vëllai i Bashës pak javë më parë dha dorëheqjen edhe nga pozicioni i tij në sistemin e drejtësisë dhe i shpëtoi Vettingut.

Qoka e shefit të qeverisë shqiptare, Rama, ndaj kolegut të tij, Basha, për dreq, nuk e di se si më duket, por si një vazhdim i marrëveshjes së majit të vitit të shkuar.

Të marësh një liçencë në botën e arsimit, sidomos lidhur me një institucion ndërkombëtar, është thuaj e pamundur. Shumë e kanë provuar dhe kanë ecur sa kanë ecur e pastaj kanë heshtur.

Ndërkohë, ish shefi i qeverisë, mentori i Bashës, vetë Berisha, në çdo dalje publike ia përmend Ramës vëllain e tij, Gregorin.

Ku ka tym, aty është edhe Gregori. Ku ka një sherr, aty e fut Berisha vëllain e vogës rama.

Ku hidhet një shashkë, aty shashkohet edhe Grigori.

Për opozitën, pra, për Bashën, njëra nga të këqijat më të mëdha është vëllai i shefit të qeverisë.

Për shefin e qeverisë, pasi e begenisi Bashën me miliona euro për një pallat të ndërtuar me leje fallco, i dhuroi disa minustri dhe drejtori, tani , si pak e kanë pritur, vjen qoka e rradhës.

Për opozitën vëllai i ramës është koka e krimit. Për shefin e qeverisë, një njeri që i iku Vettingut, shpërblehet përmes familjes me një licensë të dëshiruar arsimore. “Shkon paraja në dorë të horit”, thotë një aktor i shquar shkodran, Besnik Çinari.

Nuk mendoj se familjarët e opozitës nuk kanë të drejtë të jenë pjesë e strukturave. Edhe po të mendoj unë ndryshe, ata kanë hyrë kudo. kanë pushtuar Bankën e Shqipërisë, Institucionet, vëllezër e motra, sidomos kunetër e kunata.

Rruga më e saktë është të vlerësohet ndershmëria e kapitalit që do të investohet. Nga kush erdhi, cila rrugë, si është e mundur që njerëz fare të rnj, me pak vite punë, ngrenë institucione qindra mijra dollarësh.

Më kujtohet një rast, kur një deputet socialt i lutej Ftaos Nanos përt’i dhënë licensën për një universitet. Nuk ia kishte dhënë. Më takoi rastësisht dhe më tha që, meqenëse e njeh, thuaj dhe nëse e merr gjith jetën e ke të siguruar nga unë”. Nuk i them, iu përgjija. Mik të kam, por nuk është punë për mua. E ngacmova: “Jepi dçka, doshta tundohet”. U përgjegj me sinqeritet ” Ikam afruar, por nuk pranon”.

Ish deputeti nuk mori licensë. Lumin e licensave e hapi Pollo. Nuk mendoj se Nano ishte asi i ndershmërisë, por këtë lum bajat shkollash e universitetesh bajatë nuk e hapi.

Nejse, e kisha fjalën për vëllezërit er shefave të politikës. Njëri gjuhet me gurë, tjetri lëshohet në pambuk.

Kush është në pushtet?

Ndoshta për herë të parë do të duket realisht sesa vlen realisht ajo që deputetët e dy krahëve pretendojnë për moral dhe dashuri për artin, kur të ngrenë atë kartonin e tyre në votimin e këtij projekt-ligji.
Shkruan Ben Andoni

Me shumë gjasa, qeveria Rama është duke shkuar në një moment përballje morale të madhe me publikun shqiptar. Në orët e fundit, qeveria ka propozuar një projekt-ligj për t’i dhënë pa garë truallin një kompanie, ku gjendet Teatri Kombëtar dhe aksesorët e tij.

Është e vërtetë se protesta e artistëve, për këtë qëllim, ka pasur baticat dhe zbaticat e veta dhe mund të ketë shumë paragjykime për mënyrën sesi është realizuar. Veçse, nuk duhet harruar se ajo ka mbajtur lart një frymë sociale, që kishte kohë, e pavërejtur mes publikut. Problemi i vetëm mbetet përfshirja e politikës dhe mënyra sesi po mundohet të përfitojë në këtë drejtim në të gjitha format e mundshme.

Projektligji me një emër shumë të gjatë “Për Përcaktimin e Procedurës së Veçantë për Negocim dhe Lidhjen e Kontratës” me Objekt “Projektimin dhe Realizimin e Projektit Urban dhe Goditës së re të Teatrit Kombëtar” po e merr këtë truall pa bërë transparent koston dhe realisht përfitimin e publikut nga ndërtesa. Nga komuniteti i artistëve pesimizmi shkon në ekstrem: Aty nuk do bëhet fare teatër!

Nga të gjitha skenarët, më e çmendura, do ishte pikërisht mosbërja e godinës së tij. Justifikimi: “Turbina” është gati dhe ende e paprovuar. Keqardhja tjetër më e madhe është se për teatrin sot e kësaj dite nuk ka një projekt. Madje, ai i huaji, i cili u prezantua nga Rama (qëndroi vetëm pak në sallë), doli se nuk ishte autentik, kurse nga dikasteri i Kulturës, në të njëjtën kohë, kumtohej se realisht nuk kishte projekt!!! Vetë komuniteti i tërë i artistëve (u seleksionua) nuk u la të përballej me arkitektin dhe strukturat e tij.

Ajo që u vërtetua pak më vonë për ndërtimin pranë të kullave, vërtetoi se projekti kinse i teatrit po bëhej të mbulohej xhungla e ndërtimeve. Paradoksi nuk mbaron këtu: Për fat të keq është prekur dhe statusi i të ashtuquajturës zonë historike të kryeqytetit, që tregon sesa të pamëshirshëm dhe kinse jemi me trashëgiminë tonë modeste

Dhe, nuk mbaron këtu. Është i mirënjohur fakti se duhet të ketë një garë reale në mes të subjekteve, kur flitet për “partneritetit publik privat”, por qeveria po e realizon këtë operacion me një projektligj të jashtëzakonshëm dhe po ia jep një kompanie pa ndihur një konkurrencë reale, një mënyrë e cila do t’i hedhë dhe më shumë zjarr situatës jo të mirë në vend.

Ndoshta për herë të parë do të duket realisht sesa vlen realisht ajo që deputetët e dy krahëve pretendojnë për moral dhe dashuri për artin, kur të ngrenë atë kartonin e tyre në votimin e këtij projekt-ligji.

Nga ana tjetër, për qeverinë socialiste ka ardhur ora e të vërtetës të tregojë realisht parametrat e saj socialë dhe lidhjen e vërtetë me artin, të paktën atë që kumtoi gjatë qeverisjes Berisha. Një teatër i ri do të ishte i mirëpritur dhe me të gjithë atributet e tij, porse hapësira masive e saj mund të përdorej dhe mund të ishte shumë mirë një lulishte, një të vetme në qendër që tashmë na mungon krejtësisht.

Ndoshta në këto ditë ende nuk po ka një qasje politiko-kulturore-ekonomike-sociale, por me këtë hap të ri të tepruar, qeveria socialiste duhet të mendoj mirë pasojat, pasi ato mund ta kalojnë edhe parashikimet më optimiste të saj. Bjerrja morale para elektoratit të saj do ketë kosto të pallogaritshme.

Vendimi për mos kalimin në Vetting të ish kryeprokurorit Adriatik Llalla ka shkatuar zhgënjim dhe skepticizëm në rradhët e opinionit publik. Por avokati Spartak Ngjela, i cili njihet për për besimin e flaktë të implemetimit të reformës në drejtësi në vendin tonë është i bindur në realizimin e saj. Në një reagim të tij në rrjetet sociale Ngjela shkruan:
“Kemi vend shumë të bukur… pas 100 vjetësh uzurpim, edhe ne do të fillojmë ta gëzojmë. Koha e uzurpimit po bën dorëzimet. Ju siguroj…”
Ish-kryeprokurori Adriatik Llalla kërkoi që të mos jetë subjekt i ligjit të Vettingut. Më 10 shkurt 2018 Llalla depozitoi kërkesën tek organet e vettingut. Pas kësaj tërheqje nga sistemi i drejtësisë u ndërpre Vettingu, i nisur një vit më parë kur Adriatik Llalla mbante detyrën e Kryeprokurorit. Komisioneri Publik, kërkoi që ish-prokurori i Përgjithshëm të mos përjashtohej nga Vettingu, por t’i nënshtrohej atij njësoj si e gjithë trupa e sistemit të drejtësisë. KPA mori sot vendimin përfundimtar: S’ka vetting për Adriatik Llallën!

Në vitin e fundit të mandatit të tij, Llalla pati konflikt të hapur me ambasadorin e SHBA në Tiranë Donald Lu. Llalla e akuzoi se kishte ndikuar tek ai për arrestimin e Ilir Metës dhe për mbylljen e një procedimi penal në Fier për një kompani nafte.

Nga ana tjetër Lu e ka quajtur Llallën si person të korruptuar dhe që ka dashur të pengojë reformën në drejtësi. Pas largimit të Llallës nga posti i kryeprokurorit, Departamenti i Shtetit ndaloi publikisht hyrjen e Adriatik Llallës dhe familjes së tij në Shtetet e Bashkuara, me argumentin se “ka informacione për përfshirje të tij në raste domethënëse korrupsioni”. Ndërkohë që Llalla po hetohet nga Krimet e Rënda për disa vepra penale.

Pavarësisht apelimit të Komisionerit Publik, KPA ka marrë vendimin ditën e sotme që ish-Kryeprokurori Adriatik Llalla të mos i nënshtrohet procesit të Vettingut. Pas këtij vendimi kanë filluar edhe reagimet e para që shfaqin mosdakordësi .

Moderatori i njohur Denis Dyrnjaja ironizon këtë vendim dhe thotë se “Shqipëria është parajsë për maskarenjtë dhe zullumqarët, ferr për të ndershmit dhe namuzqarët.”

Reagimi i plotë:

Hehe shpëtoi Adriatik Llalla. Nuk do shkojë për vetting dhe për rrjedhojë do t’i gëzojë të gjitha pasuritë e paligjshme që ka vënë në mënyrë abuzive gjatë ushtrimit të detyrës si Kryeprokuror i Republikës.

Dmth ska problem mjafton që largohesh me dëshirë nga sistemi i drejtësisë që e ke përdorur si biznes privat dhe ato që ke përfituar abuzivisht i gëzon pa problem. Ti gëzojë Tiku dhe familja e vet pasuritë dhe miliona euro që bëri pasi erdhi nga Gramshi me valixhe druri ndërsa tani jetojnë me Range Rover dhe Louis Vuitton. Shqipëria, parajsë për maskarenjtë dhe zullumqarët, ferr për të ndershmit dhe namuzqarët.