Ky është një dorëshkrim i rrallë i të madhit Faik Konica që përshkruan një realitet të asaj kohe që ironikisht vlen edhe sot e kësaj dite.
Nuk dihet me saktësi se në cilin vit e ka shkruar Konica këtë dorëshkrim që publikohet sot nga Sokol Çunga por çdo fjalë e tij vjen kaq aktuale.
“E vërteta është që shqiptarët janë fshatarakë, primitivë dhe të korruptuar, dhe çfarëdo që të bëjë njeriu, ky popull për vetëqeverim nuk ësht’ i zoti. Me gjith’ këtë, le të punojmë, pa illuzje edhe pa shpresë, për të shkuar kohën edhe për diletantizmë. Unë, të paktën, me këtë shpirt punoj, kur më teket. Ju përshëndosh me zemër, Faik Konitza”.
Një thirrje jo e zakonshme ka qenë ajo e bërë nga analisti Fatos Lubonja për prishjen e Teatrit Kombëtar. Ai ka treguar një zgjidhje për të shmangur prishjen e Teatrit Kombëtar dhe ndërtimin e një të riu. Ai thotë se duhet reagim më i fortë dhe rezistencë fizike. Analisti ka ftuar shqiptarët që të shtrihen përpara fadromave.
“Mbledhja e sotme ishte një thirrje e gjithë atyre që kane qenë aktorë në shembjen e teatrit, aktorë, pjesëtarë nga shoqëria civile, etj. Aty u diskutua për hapat që duhen ndërmarrë pas letrës së mbërritur nga KE. Pati edhe përfaqësues nga PD, Jorida tabaku, dhe Albana Vokshi. Gjatë mbledhjes u ngrit pyetja se çfarë duhet të bëjmë. Pati mendime të ndryshme. Unë shpreha mendimin për dy gjëra që duhen bërë. Te ne nuk funksion demokracia, por ndërkombëtarokracia. Këtu nuk vepruan të gjitha institucionet tona, por një letër nga KE e ndaloi këtë proces për teatrin.
Meqë vendoska një ndërkombëtar, që është më i fortë se ky i forti që na nëpërkëmb ne. Këta nuk duket se kanë ndërmend të ndërrojnë mendje, dhe duan ta shembin siç bënë me stadiumin. Por duhet rezistencë fizike. Duhet përballje. T’i dilet përpara fadromave, dhe çfarë do bëjnë pastaj, do të vrasin njerëz?! Kjo është fatkeqësi padyshim, por kështu është kur përballesh me regjime të tilla. Përndryshe do të vijnë gjëra të tjera më vonë. Unë reagimin nuk e shoh vetëm tek rezistenca fizike, por edhe tek ndërgjegjësimi. Këta duhet të reagojnë. Sidomos pas asaj letre që erdhi nga KE”, u shpreh Lubonja.
Prishja e disa ndërtimeve pa leje në pikë të mëngjesit nga Rama në Jalë vjen që larg ‘era’ pisllëk.
Megjithatë sipas lajmit zyrtar, Inspektorati Kombëtar i Mbrojtës së Territorit, ka nisur mëngjesin e sotëm prishjen e nëntë objekteve të ndërtuara pa leje në zonën e Jalës sipas një vendimi të mëparshëm.
Por ky aksion i IKMT ka hasur në rezistencë nga banorët e zonës të cilët shprehen se nuk janë njoftuar paraprakisht për aksionin e ndërmarrë, ndërsa në dhoma kanë ende turistë.
Banorët të revoltuar janë shprehur se nuk e prisnin një goditje të tillë të papritur dhe të palajmëruar të shtetit ndaj pronës së tyre, aq më tepër që sezoni i turizmit përfundon në fund të shtatorit. Ndërkohë që nënvizojnë se janë me dokumente të rregullta pronësie.
Ndërsa IKMT thotë ka nisur aksionin për shembjen e këtyre objekteve pasi më parë për këto objekte është bërë proçesi i skualifikimit nga ana e institucionit duke u trajtuar si ndërtim i paligjshëm.
Pavarësisht kësaj, sërish ka bërë njoftimet sipas ligjit të banorëve për aksionin.
Po elementi që ka lënë shijen e hidhur në sytë e publikut ka qënë aksioni i papritur, dhe i paduruar i këtij institucionit që për hir të së vërtetës, pavarësisht emërtesës, merr urdhëra direkt nga Kryeministri.
Dhe vetëvetiu lind pyetja se çfarë e detyroi kryeministrin Edi Rama të urdhërojë prishjen e ndërtimeve në Jalë, ndërkohë që duhen minimumi dhe 12 ditë kalendarike që të përfundojë sezoni turistik?!
Nuk mund të priste Rama dhe më pak se dy javë për të bërë zbatimin e ligjit dhe për të prishur këto ndërtesa të paligjshme, të cilat nuk janë ndërtuar këtë verë, por ka sëpaku pesë vite që kanë hedhur themelet, dhe janë shfrytëzuar për turizëm nën qeverinë e Ramës.
Me sa duket Edi Rama kërkon të bëjë ndonjë pisllëk tjetër, dhe ka hedhur në tregun politik dhe publik konfliktin me banorët e Jalës, për shembjen e ndërtimeve pa leje.
Ka ndërmend që në këtë valë debati kur të gjitha mediat dhe opinioni publik është i zënë me debatin pro dhe kundër shembjes së këtyre ndërtimeve pa leje nga IKMT, të kalojë ndonjë koncesion, ndonjë vendim për resort turistik apo ndonjë pisllëk tjetër pa u vënë re.
Kështu vepronte ish Presidenti Sali Berisha, ish kryeministri Fatos Nano, ish kryeministri Pandeli Majko, ish kryeministri Ilir Meta po e po, ish kryeministri Sali Berisha kur kërkonin të bënin ndonjë pisllëk.
Sajonin një debat periferik pa zarar, ku politika, publiku dhe mediat përfshiheshin në debat dhe pa ndjerë kryeministrat bënin atë që dëshironin.
Kështu ka bërë dhe Edi Rama në afër pesë vite qeverisje dhe këtë radhë me sa duket po përgatitet ta bëjë ndonjë pisllëk, tymi i të cilit pritet të japë efektin pas 6 muajsh./Pamfleti
Lulzim Basha ka dalë ditën e sotme në një deklaratë për mediat dhe bashkëbisedim me gazetarët nga selia blu. Ai ka folur për vettingun në politike, i cili, siç tha, po kundërshtohet nga Rama, pasi krimi ka kapur politikën dhe ekonominë.
Lideri opozitar nuk nguroi të flasë as për lirimin e Ermal Hoxhës, i dënuar për trafik ndërkombëtar kokainë.
Basha tha se nipi i diktatorit Enver Hoxha, u liria për sjellje të mirë sepse nuk nxori emrin e Olsi Ramës, vëllai i kryeministrit Rama.
Kreu i PD-së u shpreh:
Doli për sjellje të mirë sepse nuk nxori emrin e Olsi Ramës. Fatmir Xhafaj dhe Saimir Tahiri kanë provat e përfshirjes së Olsi Ramës në dosjen e Xibrakës”.
Sipas Bashës, Olsi Rama është koka e laboratorit të kokainës në Xibrakë.
Ramiz Alisë-kryetar i Presidiumit të Kuvendit Popullor u takua me Nënë Terezën pak ditë para se të shpallje zyrtarisht plurazmi politik. Në procesverbalin përkatës të datës 4.12.1990 shënohet takimi me “bamirësen e njohur me origjinë shqiptare”. Në rendin e ditës së takimit ishte sjellja e 4 motrave për të hapur misionin bamirës.
Misioni bamirës i Nënë Terezë kishte këtë kohë në 94 shtete të botës: 2 mijë motra, 440 shtëpi, por asnjë në atdheun e saj të helmuar nga komunizmi. Ramiz Alia nuk i jepte një shtëpi për misionin e saj. Gjoja e pengonte kushtetuta. Në shtetin më antikushteures të Europës, Ramiz Alia fliste për kushtetutë e ligje. Interesant është se Nën Tereza mbante mend në gjuhën shqipe shprehjen “lutu për mua”.
Ekstrakt nga biseda e Ramiz Alisë me Nën Terezën
Ramiz Alia: Ju kam ndjekur vazhdimisht sepse jeni jo vetëm Nën Tereza e Kalkutës, por edhe Nënë Tereza e Shqipërisë. Nënë Tereza: Unë jam shqiptare dhe në të njëjtën kohë, lidh Shqipërinë me Indinë. Kam 62 vjet që jetoj në Indi dhe kam shtetësinë indiane. Kam shkuar atje që në moshën 18 vjeç.
Ramiz Alia: Po Shqipërinë nuk e keni harruar.Nënë Tereza: Shqipërinë nuk e kam harruar, por atje nuk kam me kë të flas shqip.
Ramiz Alia: Fjalë shqip dini? Nënë Tereza: Di, për shembull “lutu për mua”, etj. Ju kam shkruar juve disa fjalë në gjuhën shqipe për herë të parë pas kaq vitesh.
Ramiz Alia: I kam marrë letrat. Ju falënderoj shumë. Ishin letra plot dashuri e ngrohtësi për popullin shqiptar edhe për mua.
Më tej debati zhvillohet rreth kërkesës së Nën Terezës për të çelur misionin e saj bamirës. Ajo i kujton Ramiz Alisë se në Moskë kishin organizuar një mision ku i shërbenin 600 të moshuarve apo gjymtuarve. Alia ia kthen përgjigjen se në Shqipëri shteti i bënte të gjitha se kishin kushte, doktorë, infermierë, shëndetësi falas, etj. Vijimi i bisedës:
Nënë Tereza: Thjesht për t’u kujdesur e për t’i shërbyer këtyre njerëzve (të sëmurët e fatkeqët-shënim). As para, asgjë tjetër nuk kërkojmë. Jam shumë e lirë.
Ramiz Alia: Edhe ne nuk kemi (të sëmurë e fatkeqë-shënim), jemi të lirë. Prandaj i thashë nënës, më do për president të mirë apo për president të keq?
Nënë Tereza: Unë lutem për ju! Ramiz Alia: Që të jem president i mirë unë nuk kam rrugë tjetër.
Nënë Tereza: Po të më jepni mua një shtëpi, ju do të jeni një president i mirë, jo i keq. Populli i Shqipërisë, shqiptarët, më duan shumë.
Ramiz Alia: E di, por bie në kundërshtim me ligjet.Nënë Tereza: Për punë të tillë bamirësie, dashuria nuk ka ligje.
Ramiz Alia: t’jua them unë ligjin. Sot që u mor vesh që ka ardhur Nënë Tereza në Shqipëri, islamikët e Arabisë Saudite kërkuan të vijnë në Shqipëri të ndihmojnë për hapjen e xhamisë. Si të bëj unë?
Nënë Tereza: T’ju them unë, do t’i jap Nën Terezës një xhami për një kishë.
Ramiz Alia: Jo, nuk i them do ashtu se nuk më lejon kushtetuta, nuk më lejojnë ligjet. Unë do t’u them atyre kur të ndryshojë ligji. Pse ju thashë juve për më 4 mars, sepse parashikoj që në shkurt do të kemi zgjedhjet dhe do të ndryshojmë kushtetutën. Kështu që edhe ligjërisht unë jam ballëhapur përpara të gjithëve dhe të parën gjë që do e bëj, do të jetë për Nënë Terezën. Domethënë i pari favor do të jetë për Nënë Terezën.
Nënë Tereza: Është kohë e gjatë shumë deri në mars.
Ramiz Alia: Janë vetëm 3 muaj. Do ta rregullojmë, ne kemi një institucion për fëmijë e të rritur, të hendikapuar. Ne kemi mjekë e infermierë, po motrat tuaja mund të japin një ndihmë atje. Kjo do të jetë gjë e mirë. /55 news
Avokati i njohur Spartak Ngjela i ftuar në “360 Gradë” në Ora News, thotë nuk ekziston gadishull ballkanik, por vetëm ilirik.
Ngjela: Gadishull ballkanik nuk ka. Quhet gadishullin ilirik. Ballkanik e quajtën kundër nesh. Emri është simbolikë. Deri tani, Maqedonia juridikisht nuk ka emër. Këtu ka një kreshendo. Çështja është që referendumi i tyre duhet të fitojë. Ne presim të fitojë. Del një e veriut dhe një e jugut mund të ketë një prapaskenë. Federata është shqiptaro-bullgaro. Pas referendumit, atje do të ketë federatë shqiptaro-bullgaro. Problemi qëndron që për sa i përket luftës, nuk mund të ketë luftë në Ballkan brenda ballkanasve sepse janë në të njëjtin sistem.
Përmes një deklarate për mediat, deputeti PD, Ervin Salianji tha se lirimi i nipit të Enver Hoxhës i akuzuar për trafik droge është bërë me urdhër të kryeministrit Edi Rama.
“Shqiptarët duhet ta dinë se trafikanti Ermal Hoxha është liruar nga burgu për një arsye, ai ka mbrojtje direkte të Ramës. Duke mbrojtur Ermalin, Rama mbron vëllanë e tij, që është garanti kryesor i ndërtimit të fabrikës së kokainës 4 vjet më parë. Kushtet u përgatitën një vit më parë kur bandës iu ul dënimi me disa vjet. Lirimi me urdhër të Ramës i trafikanëve të drogës është thikë pas shpine edhe per partnerët tanë ndërkombëtarë”- tha ai.
Ministri i Diasporës Pandeli Majko ka reaguar, pasi opozita protestoi se pse është dëgjuar në ambientet e një shkolle kënga “Partizani i vogël Velo”.
Në një postim në rrjetet sociale Majko shkruan se bravo i qoftë asaj shkolle që ka vënë këngë partizane për ditën e parë të shkollës.
Më tej ministri shkruan se ajo është kënga e atyre që rrëmbyen armët kur atdheun ja u pushtuan të huajt dhe se ky quhet patriotizëm dhe jo komunizëm.
Gjithashtu në postimin e tij, ai ka shkruar se opozita nuk tha asnjë fjalë kur qeveria shqiptare mori vendimin për rikthimin në atdhe të eshtrave të Mithat Frashërit.
“Asnjë veteran apo familje të lidhura me Luftën nuk protestoi. Pasardhësin e Frashëllinjve megjithë ndarjet dhe kundërshtitë që vijnë nga historia e para 1944-ës si ish-kreu i Ballit Kombëtar ata e respektuan si njerëz dhe si shqiptarë dinjitozë”.
Postimi i plotë
Opozita sot ka protestuar pse është dëgjuar në ambjentet e një shkolle “kënga e partizanit të vogël Velo”… Kjo është për të qeshur dhe për të ardhur keq.
Cfarë të keqe paska kjo këngë dhe kë fyen ajo?!
Para pak kohësh, qeveria shqiptare mori vendimin për të rikthyer në atdhe të eshtrave të Mithat Frashërit. Asnjë veteran apo familje të lidhura me Luftën nuk protestoi. Pasardhësin e Frashëllinjve megjithë ndarjet dhe kundërshtitë që vijnë nga historia e para 1944-ës si ish-kreu i Ballit Kombëtar ata e respektuan si njerëz dhe si shqiptarë dinjitozë.
Opozita heshti për këtë vendim. Ajo merret sot me faktin pse këndohet kënga për një partizan që mori armët në moshë të re kundër okupatorit të vendit. “Këshillat e lagjeve” të dikurshme në kohën e komunizmit të shikonin me kë rrije, si i mbaje flokët dhe cfarë kënge këndoje…
Bravo i qoftë asaj shkolle që ka vënë këngë partizane për ditën e parë të shkollës. Ajo është kënga e atyre që rrëmbyen armët kur atdheun ja u pushtuan të huajt. Ky quhet patriotizëm jo komunizëm. Komunizmin nuk ja u sollën partizanët 14 vjecar. Shikoni sa ish-partizanë janë burgosur gjatë komunizmit dhe pastaj protestoni.
E djathta sot është në opozitë jo nga kënga që ju këndojnë kundërshtarët por nga padija për të kënduar një këngë të vetën… Sigurisht.
