Gazetari investigatv, Artan Hoxha, ka bërë një paralajmërim që sipas tij i fut dridhmat botës së krimit. Përmes një postimi në ‘Facebook’, gazetari Hoxha paralajmëron rikthimin e emisionit investigativ ‘Xhungël’, të drejtuar prej tij dhe që zhbiron kriminelët.
Një gjë të tillë e ka thënë edhe Hoxha, i cili shkruan përbri viodes se së shpejti do të nisë aksioni, në skutat më të errëta të botës së krimit dhe lidhjeve korrutive me politikë, ku askush nuk ka depërtuar më parë.
“A e mbani mend kete logo?!!!! XHUNGEL, se shpejti ne aksion, ne skutat me te erreta te botes se krimit dhe lidhjeve korruptive me politiken, ku askush me pare nuk ka depertuar..”, shkruan Hoxha, ndërsa shpërndan logon e emisionit.
Akuza të forta kanë ardhur nga ish-shefi i Shërbimit Informativ pas vitit 1997, Fatos Klosi, i cili ka shpërthyer ndaj ish-kryeministrit Sali Berisha. Ndërsa Berisha e akuzoi për vrasjen e kolonel Ahmet Krasniqit, ish-ministër i Mbrojtjes në qeverinë e Bujar Bukoshit, Klosi në përgjigje i ka renditur disa prej krimeve më të bujshme të kohës duke ia faturuar ato ish kryeministrit. Ish-kreu i SHISH tha se ish-kryeministri duhet të jetë pas hekurave, pasi aty e ka vendin.
“Unë aktualisht jam në Mallakastër dhe po merrem me organizimin e një festivali të polifonisë, na tha Klosi. Nuk kam kohë dhe nuk ia vlen të merresh me këtë njeri, një shpifës ordiner dhe me shumë mëkate dhe krime mbi supet e tij. Kërcënimi që ai bën është në vazhdën e muhabeteve të zakonshme të Berishës, ku përfshihen halucinacione të një njeriu anormal dhe të një krimineli që bën trimin para gazetarëve. Por nuk është aq trim sa hiqet. E kemi parë “trimërinë e tij”.
Mazhoranca dhe shqiptarët absolutisht nuk duhet ta kenë frikë. Por, Sali Berishën duhet ta marrin seriozisht në kuptim që, mazhoranca duhet ta ndalojë që të flasë broçkulla të tilla. Berisha prej kohësh dhe në vijimësi edhe kur ka qenë në pushtet, edhe në opozitë i ka përdorur kërcënimet si mjet për të arritur qëllimet e tij të mbrapshta. Por, unë mendoj se këto kërcënimet duhet të merren si broçkulla, si shashka tymuese të një të marri që kërkon të çorodisë dynjanë dhe t’u shkaktojë vuajtje të reja shqiptarëve.
Me të duhet të merret drejtësia pasi prej shumë vitesh e ka vendin atje pas hekurave. A e dini se atij i kanë shkuar dhjetëra ftesa gjyqi për një sërë krimesh, por ai nuk ka shkuar asnjëherë në gjykatë, madje ka ndaluar edhe avokatët që të shkojnë. Trimëri është kjo? Jo. Por në një sistem drejtësie të kapur nga ai vet prej më shumë se dy dekadash ai ndihej i qetë dhe trim. Mirëpo tani i ka hyrë frika dhe dihet përse.
Sali Berisha është politikani më i inkriminuar shqiptar. Mbi të rëndojnë vrasje e djegie, abuzime të rënda me pushtetin për të cilat ai duhet medoemos të dalë para drejtësisë dhe të mbajë përgjegjësi penale. Mosndëshkimi i këtij njeriu vë në pikëpyetje shumë gjëra në këtë vend, që nga reforma në drejtësi dhe deri te funksionimi i shtetit.
Sali Berisha iku me bisht ndër shalë nga pushteti për herë të parë në vitin 1997, pasi la pas një Shqipëri të djegur, një shtet të shkatërruar dhe mijëra të vrarë. Shkaktari i vetëm për atë tragjedi kombëtare që pësuam ishte pikërisht ky njeri. Në vitin 1998, pas vrasjes së Azem Hajdarit më 12 shtator (edhe për këtë akuzohet Sali Berisha si pjesëmarrës në vrasje, si njeriu që e nxori në pritë Hajdarin) ai është organizator i grushtit të shtetit më 14 shtator. Edhe për vrasjen e Azemit ai më ka akuzuar edhe mua.
Në mënyrë të përsëritur Berisha ka deklaruar se kur të vijmë në pushtet, do ta zbardhim dosjen “Hajdari”. Unë Berishës i kam kërkuar publikisht që të rihapë gjyqin e Azemit. Por ai, për 8 vjet në pushtet, nuk e preku me dorë dhe vazhdon të thotë se Azem Hajdarin e ka vrarë Fatos Klosi. Tani thuhet se dosja “Hajdari” do të rihapet dhe besoj se Berisha do të paraqitet në gjyq. Të presim e të shohim se si do të dalë nga ai ballafaqim.
Herën e dytë kur iku nga pushteti në 2013, i rëndojnë dy krime të rënda shtetërore Gërdeci me 26 të vrarë dhe 21 janari 2011me katër të vrarë në bulevard, ku përgjegjës kryesor është i njëjti person: Sali Berisha. Ky gërnjar dhe mëkatar i pashembullt, para se të dërdëllisë nëpër ekrane dhe gazeta, duhet të shkojë dhe të përgjigjet në gjykatë si i pandehur për krimet që akuzohet. Atje le ta tregojë se sa burrë është. Fakti që tani është bërë edhe më shpifës se ç’ka qenë, do të thotë se ai e ka ndjerë se po i vjen ora e gjykimit dhe ka frikën e prangave”, tha Klosi
Cili është problemi më i madh i popullit shqiptar?! Vështirë ta përkufizosh për vetë aspektin e gjerë të të gjithë problematikave që na përndjekin si mallkim për vite të tëra.
Mirëpo, historiania Elena Kocaqi mbase e ka një përgjigje. Një përgjigje që pak e a shumë e dimë të gjithë, por artikulimi i saj është brilant në 1 minutë e gjysmë.
Kocaqi ishte e ftuar në emisionin “360 gradë” dhe deklarata e saj është shpërndarë gjerësisht në rrjet sepse thotë shumë.
Elena Kocaqi shprehet ndër të tjera:
Nëse ka një kusht për humbje territoresh për të hyrën në BE, Shqipëria kurrë mos hyftë në BE. Sa ka humbur territor Shqipëria dhe shqiptarët në Ballkan nuk ka humbur asnjë vend në botë, kështu që në këtë aspket ne nuk duhet të lozim me çështjet e territorit.
Shqipëria ka probleme të tjera, të cilat nëse ne do të kishim ngritur ekonominë dhe do të kishim pasur një dinjitet kombëtar dhe do të kishim një klasë politike jo të korruptuar, (sepse ne, Kosova dhe një pjesë e shqiptarëve të Maqedonisë kemi klasën më të korruptuar në botë), ne sot nuk do të kishm nevojë fare të hynim në BE. Sepse nga ana ekonomike ti me gjithë Kosovën ke dhjetëfishin e burimeve që ka Gjermania për frymë, që do të thotë se ti nuk shtë se nuk ke pasuri por ti nuk ke një administrator politik që këtë pasuri ta menaxhojë për të mirën e popullit tënd.
Por ke një administrator politik që këtë pasuri e ka çuar me koncesion në drejtim të paditur.”
E ftuar në emisionin ‘Open’ kryetarja e LSI, Monika Kryemadhi ka bërë një deklaratë të fortë, teksa tha se në Llakatund të Vlorës është gjetur një trup njeriu pa kokë, por policia ka fshehur ngjarjen.
“Dje në Llakatund të Vlorës u gjet një person me kokë të prerë dhe nuk ka asnjë njoftim. Por ngjarja u fsheh”, tha Kryemadhi në “Open” në Top Channel. Po ashtu ajo theksoi se është survejuar nga organet ligjzbatuese. Po ashtu kryetarja e LSI-së tha se krimi e shikon politikën si mjet për të kontrolluar sistemin.
“Kriminelët duhet të shkojnë në burg, jo të hiqen nga politika dhe të fitojnë tendera. Krimi e shikon politikën si mjet për të kontrolluar sistemin. Dëgjojmë që kriminelët që janë në kërkim bëjnë sherre nëpër klube dhe nuk del asnjë njoftim. Ndërsa politika tashmë është bërë argate e krimit. Ka prezencë kriminelësh në zyrat e shtetit. Jo krimineli vetë në zyrë, por e dashura, motra ose bashkëshortja e tij”, deklaroi Kryemadhi.
Akademiku i njoihur shqiptar, Artan Fuga ka ironizuar gjendjen në të cilën ndodhet Partia Demokratike, ku sipas tij duhet një dorë e fuqishme që të ringrihet dhe të riformohet. Mesazhin drejtuar kryedemokratit, profesori dhe filozofi i njohur ia faturon personazhit të tij Qenan K.
Statusi i Artan Fugës
“Ngrihu Enver t’a reformosh dhe ringresh partinë demokratike!”
Ktheva kokën i habitur sepse kjo frazë mu duk e çuditshme.
Pashë Qenan K. që ecte pas meje dhe fliste me vete me zë të lartë!
Bënte sikur nuk më shihte.
“Sherrbudalla mbeti ky gjithë jetën!” thashë me vete
I ftuar në rubrikën ‘Opinion’ në News24, analisti Andi Bushati komentoi vendimin e sotëm të mazhornacës për të miratuar amendimet në ligjin që i hap rrugë prishjes së Teatrit Kombëtar. Bushati tha se votimi i sotëm i vuri vulën grabitjes.
“Votimi i sotëm është vënia e vulës për një grabitje. U duk sikur pati një reflektim në fillim. U hoq ligji fusha dhe u bë në atë mënyrë që mos e fitojë askush tjetër përveç Fushës. Pra është një tallje se ngelemi tek e njëjta kompani. Tallja tjetër është me publikun. Pra unë po bëj gjoja një garë, por prapë do e marrë kompania Fusha”- tha Bushati.
Ndër të tjera analisti u shpreh se opozita duhet të bojkotojë totalisht sistemin dhe jo vetëm djegien e mandatave të deputetit.
“Pse opozita duhet të qëndroje na atë parlament dhe të bëhet pjesë e këtij sistemi, ku Rama po e përdor sistemin si letër higjienike për t’i shërbyer ligjit Fusha. Nuk po përfillet as populli dhe as presidenti për këtë çështje. Ligji tregoi që këtu kemi të bëjmë me një vjedhje. Pra rolin për të treguar se këta njerëz janë për të vjedhur opozita e ka bërë. Opozita duhet të bojkotojë totalisht sistemin dhe jo vetëm djegien e mandateve”- tha Bushati.
Pas incidentit të ndodhur në protestën e organizuar për Teatrin Kombëtar, aktorja Eva Alikaj ka treguar se si ka ndodhur kjo ngjarje. Në një lidhje telefonike me “Panorama Online”, artistja Alikaj ka thënë se është sulmuar nga një grua. Aktorja shoti me tej se është zgjedhja e qytetarëve që të protestojnë në format që dëshirojnë, por shprehur keq ardhje për sulmet që bëhen ndaj artistëve. “Nëse ti i thua për surratin tuaj artistëve, nuk ka kuptim dhe kauza pastaj. Në këtë rast e shpaguajnë aristët, unë mendoj se Yllka Mujo është një zonjë e nderuar një artistë e shtuar e teatrit. Nuk më vjen mirë që të sulmohen artistet, dhe në këtë rast po e paguajnë artistët”, shtoi aktorja.
Është e vërtet kjo ngjarje? Po është shumë e vërtetë. Ka ndodhur sot? Po sot. Çfarë ndodhi aty? Ishte një grua e inatosur, dhe tha” po ju mi pse nuk luftoni për Teatrin, po luftojmë në për të luajutr ju, për surratin tuaj”. Pastaj tha dhe disa fjalë për Yllka Mujon. Ishte me një pllakat në dorë. Vetëm ishte apo ishin njerëz në grup? Po vetëm një grua ka qenë. Keni ndonjë koment për këtë ngjarje?
Është e drejta e asaj për të bëj çfarë të dojë. Secili ka mundësitë e tija të drejtën e tij. Ne jemi në punë aty, jemi të punuar aty. Saç kanë të drejtën ata të protestojnë, ne kemi të drejtën të punojmë. Por nuk mendoj se njerëzit duhet të jenë agresiv me artistët, nëse është fjalë për mbrojtjen e godinës, duhet të mbrohen dhe njerëzit, artistët. Nëse ti i thua për surratin tuaj artistëve, nuk ka kuptim dhe kauza pastaj. Në këtë rast e shpaguajnë aoristët, unë mendoj se Yllka Mujo është një zonjë e nderuar një artistë e shtuar e teatrit. Nuk më vjen mirë që të sulmohen artistet, dhe në këtë rast po e paguajnë artistët. Mirë keq nuk po gjykojë se kush ka të drejtë.
Ndërkohë që artistja tjetër e njohur yllka Mujo, e kontaktuar nga “Panorama Online” nuk pranoi që të komentonte këtë ngjarje. “Nuk merrem me gjëra të tilla”, ishte ky komenti i vetëm i Yllka Mujos në një lidhje telefonike.
Largimi i Lulzim Bashës dhe opozitës së bashkuar nga salla e Kuvendit që prej fillimit të këtij sesioni parlamentar për shumë analistë, opinionistë, ish politikanë është vlerësuar si një fakt që i hap rrugë Ramës të bëjë ç’të dojë në sallën e parlamentit. Dhe duket se kështu do të ndodhë edhe me ligjin për Teatrin Kombëtar.
Një prej tyre është edhe Koço Kokëdhima. Ai thotë se kjo gjë që ka bërë Basha, është maskarallëk. “Qeveria do të kalojë sot me urgjencë ndryshimet në ligjin për prishjen e Teatrit Kombëtar në Tiranë. Deputetët e saj kanë braktisur luftën në parlament dhe kanë marrë arratinë. Do të “protestojnë” në Vlorë! Është e njëjta skemë që përdorën më 17 shtator për të mbytur luftën e kuksianëve për traun te “Rruga e Kombit”. SHQUP-i është blerë nga Rilindja dhe dashnorët e betonit. Ky është maskarallëk”, thotë Kokëdhima.
