Opinione

Monika “duarpastër” kërkon t’i bëjë “gropën” Ramës me Veting, paralajmëron socialistët për rrezikun që iu kanoset

Opinione, Politike / /

Monika Kryemadhi kërkon me domosdoshmëri vettingun e politikës. Numri një i LSI-së shprehet e hapur për hetimin e familjarëve.  Në një intervistë gjatë edicionit të lajmeve në Vizion Plus, Kryemadhi sulmoi reformën në drejtësi si të kapur nga kryeministri Rama.

“Patjetër që do të përfshihen familjarët. Pse ju z. Sandri mendoni që ne nuk na janë hetuar familjarët? Na janë hetuar edhe fëmijët e vëllezërve. Të gjithë familjarët tanë që kemi rreth e qark, edhe të gjithë komshinjtë, madje edhe ata që janë matanë rrugës së lagjeve tona. Përveç kësaj, jo vetëm që janë hetuar familjarë, por janë hetuar edhe ata që na kanë vdekur, duke i hetuar se ç’kanë bërë para 10 apo 20 viteve. Ajo që sipas meje është më e rëndësishme është që dhe vetë media dhe gazetarët duhet të fokusohen në dëshirën e qeverisë për ta bërë apo jo Vettingun.

Sepse unë mendoj që gjëja më e rëndësishme e jona është që njerëzit të kuptojnë që, ai që bërtet më shumë: ‘Kapeni ujkun. Kapeni Ujkun!”, është çakalli që e shqeu tufën e deleve. Në këtë rast ne flasim për Edi Ramën. Ne flasim për rrobat e gjyqtarëve, për çantat apo për këpucët e gjyqtarëve apo prokurorëve, por nuk flet njeri për charterat e Edi Ramës, që fluturon çdo javë dhe kush ja paguan charterat Me çfarë parash paguhen dhe ku shkon ky njeri. Ne flasim për taksat e shqiptarëve, flasim për biznesin, shikojmë se si shqiptarët vendosën në radhë për dekodera dhe nuk pyet njeri se sa i kushton kollarja Edi Ramës. Dhe asnjeri nuk e ka hetuar Edi Ramën, as për pasurinë e tij, as për lëvizjet dhe as për familjarët e tij”, pohon Kryemadhi.

Ajo paralajmëron edhe socialistët për furtunën që u kanoset.

“Vetëm Edi Rama ka baltosur kush i ka dalë përpara rrugës dhe mos u çudisni kur të shihni shumë shpejt që do të baltosë edhe vetë socialistët e tij.”

Nuk i heqim asnjë presje asaj çfarë thotë për Ramën, por që edhe një model i shëmtuar si Monika  të marrë guximin të falasë për vetting çudit. E shtirur deri në madhështi, Monika e di fare mirë çfarë fsheh e kaluara dhe e tashmja e saj.

Së bashku me bashkëshortin konsiderohen si baronë të një pasurie përrallore të vënë përmes korrupsionit. Për të vënë kujën, që kërkojnë të diktojnë modele!

E në këtë tentativë për t’i bërë gropën shoku-shokut, urojmë që të fundosen të gjithë!

Monika “duarpastër” kërkon t’i bëjë “gropën” Ramës me Veting, paralajmëron socialistët për rrezikun që iu kanoset Read More »

Po nuk u ngrit populli e t’ju vendosë fshesën rrugeçërve dhe sitemit kriminal politik s’ka Vetting

Opinione, Politike / /

Lufta kundër korrupsionit është duke kaluar nëpër një kuadër ligjor që do të ofrojë sistem të transparencës përmes pavarësisë së garantuar të institucioneve. E ndërsa synohet aplikimi i një legjislacioni transparent dhe profesional, që do të  bëjë të pamundur pamundur vjedhjen e shtetit, pushtetarët shqitarë kërkojnë të Vetingohen me kushte.  Çfarë kanë bërë këtu e para t’ju falet, ose të hidhet prapa krahëve pa marrë ndëshkim.

Duke komentuar nismën “Vetting në politikë”, juristi Romeo Kara thotë se kjo tronditje do të ndodhë vetëm kur populli të ngrihet në këmbë dhe të flakë jashtë sistemit të korruptuar dhe të inkriminuar.

“Vettingu më i mirë, me i drejti, me reali dhe i më i dëshirueshmi, do të jete vettingu i revolucionit, i organizuar dhe realizuar nga populli, kur t’i vëre fshesen këtij sistemi kriminal politik, kur të shpronesoje deri në qindarken e fundit këta rrugaçe të politikës, kur t’i kthehen popullit të gjitha pasuritë e grabitura apo të dhëna ne koncesion, kur të amendohen parashikimet ligjore rreth parashkrimit fitues që favorizon krimet e këtyre 28 viteve dhe kur në Shqipëri të behet realisht zot populli dhe të vendoset drejtesia.

Asnjë nga politikanët e përmendur nuk ka cipë e moral për të bëre vetting.

Politikanet tanë, mund të ikin, siç edhe po ikin, me paratë tona deri në Indi, të iluminohen dhe vettingohen poshtë e larte dhe shpirterisht, me metodat e Gurmeet Ram Rahim Singh, por përsëri do t’a kalojne atë, që kanë me shumë tmerr, gjyqin hakmarrës të këtij populli”, shkruan Kara.

Shembulli është dhënë nga Rumunia dhe Krocia, mjafton që populli ynë ta ndjekë.

Po nuk u ngrit populli e t’ju vendosë fshesën rrugeçërve dhe sitemit kriminal politik s’ka Vetting Read More »

“Mos duhet të na çojë edhe taksë për gratë ky qen bir qeni?!”, qytetarët shpërthejnë në akuza ndaj Ramës

Aktualitet, Opinione / /

Lumë ankesash nga qytetarët pas kalimit nga transmetimet analoge në dixhitale nga dita e djeshme në dy prej qarqeve më të mëdha të vendit, Tiranë dhe Durrës.
Qytetarë të shumtë kanë telefonuar mëngjesin e sotëm në emisionin “Koha për t’u zgjuar” në News24 ku si çdo ditë kanë ndarë shqetësimet për problemet e tyre të përditshme. Por një nga ankesat më të shpeshta ka qenë ajo për mbylljen e transmetimeve analoge.

Nga Tirana e Durrësit, njerëz të shumtë kanë telefonuar duke e quajtur vjedhje dhe duke hedhur akuza ndaj qeverisë. Qytetarët vetë kanë bërë thirrje për protesta.

“Pse na e ndërpretë sinjalin? Kemi forcë ne të blejmë Digitalb. Ne paguajmë taksë për televizorin pse duhet të heqë sinjalin? Mos duhet të na çojë edhe taksë për gratë ky qen bir qeni. Mos do na çojë dhe taksë për gratë që flemë në krevat. Vetëm kjo ka ngelur. A e kupton ky popull që po ikën pas politikës. Të ngrihet ky popull për veten e tij jo për këta pisa e kriminelë që na degjeneruan sot e 27 vjet. Të ngrihen për veten e tij?”, tha një telefonues.

“Ky është hajdutllëku më i madh që po bën qeveria. A ma mban 1 mijë lekëshin në muaj hajduti. Pse mi ndërpret transmetimet dixhitale mirë analoge. Kanë ndërprerë dhe transmetimet dixhitale. Ju kishit si News24 transmetim dixhital, pse e ndërpreu. Dhe këto i kanë futur nën ombrellën e Gëllçit, hajdutit të zërit të popullit. Kjo është vjedhje. Këta hajdutë janë të pafytyrë”, deklaroi një tjetër telefonues. Prej ditës së djeshme Autoriteti i Mediave Audiovizive, ka mbyllur transmetimet analoge audiovizive për qarqet e Tiranës dhe Durrësit.

Nga dita e djeshme dhe në vijim, në këto dy qarqe, ku banojnë rreth 1/3 e popullatës së Shqipërisë, ndjekësit e programeve televizive do t’i arrijnë ato vetëm në mënyrë digjitale. Fikja e transmetimeve analoge nga televizionet kombëtare apo ato lokale e rajonale është shoqëruar dhe me mbylljen e transmetimeve digjitale të palicencuara, si dhe është zgjidhur çështja e renditjes së kanaleve, sipas përcaktimeve ligjore që ka bërë AMA.

“Mos duhet të na çojë edhe taksë për gratë ky qen bir qeni?!”, qytetarët shpërthejnë në akuza ndaj Ramës Read More »

Kriza e TV-ve: Nuk na mungojnë ekranet, por na mungojnë ‘Ambrozia-t’

Opinione / /

‘E morët vesh, e kishin të gjithë portalet dhe gazetat; Ilva Tare iku nga Ylli Ndroqi dhe ka kap një punë te re, kuptohet drejtoreshë si gjithmonë; me rrogë të lartë fare.

Por ama bosi i ‘Ora News’ ka kap Sonila Meçon, i fotografuan duke ngrënë edhe darkë bashkë te Kalsbergu.

Po për Eni Vasilin e morët vesh? Iku nga Irfani i ‘News 24’, që të bëjë një emision ‘bombë’ te Vjollca e ‘Top Channel’!

Por Fania është mjeshtër në këto punë; për kunj të ‘Topit’ riktheu Ylli Rakipin me gjithë emision dhe me gjithë Andi Bushatin brenda.

Nami po bëhet, në tregun e televizioneve. Rudina Xhungën  desh ‘e bleu’ Fania, ajo rezistoi gjatë, por prapë ‘pazari’ hapur mbetet.

Mbaroi merkatoja e yjeve të futbollit, u mbyll edhe çudia e Ronaldos te Juventus, por nuk ndalet për qamet ajo e televizioneve të mëdha shqiptare.

Ka plasur sheshit pazari i ‘vipave’ televiziv; Endri Xhafo, Juli Krisafi, Denisa Pasho, Anduena Llabani … e të tjerë në bursë’.

Kjo është pak a shumë butaforia e një çmendurie verore, që kapur televizionet shqiptare. Në garë për të blerë të njëjtin ‘mall’ që ka mbirë në ekranet e shqiptarëve prej shumë vitesh.

Që u rritet pazari në proporcion të drejtë me ‘tangëllëkun’; me lidhjet që krijojnë me kryeministrin, ministrin, deputetin e radhës.

Së bashku me pronarët e radhës përhapin legjenda urbane, se pas këtyre shit-blerjeve, X TV po investon fortë, që të rrisë cilësinë e produktit. Por asnjëherë nuk thonë; Çfarë ndritën aty ku ishin më herët, për vite e radhë dhe si janë përdorur nga pronarët si lajmës te politikanët në pushtet, për punët e tyre që nuk kanë të bëjnë fare me informimin e publiku.

Nuk tregojnë kurrë rrogën që kanë, as të vjetrën dhe as të renë pas merkatos së fundit.

As dreka-darkat, pushimet e nderet që marrin nga pushteti, që natyrisht janë thërrime në krahasim me punët që mbarojnë për bosët e tyre.

Por mbi të gjitha nuk shfaqin për shqiptarët se çfarë bisedojnë, si sillen e jargaviten me pushtetarët e ftuar në studio në ato pauzat prapa skene, e jashtë tyre, ku nuk ka kamera e mikrofon live!

Prandaj një ditë të bukur kur shohin se si bosët e tyre po ‘i shfrytëzojnë’, i fusin dhe hapin edhe vetë një media të tyre personale.

Përveç Ylli Rakipit i cili funksionon si pronar i vetëm i vetvetes, gati të gjithë këta ‘vipa’ që u kanë mbirë në sy shqiptarëve, pasi kanë hapur nga një portal të tyrin, shkarkojnë aty gjithë frustrimin që mbledhin në darkë në TV-të e skllavopronarëve, nga të cilët nuk ndahen dot asnjëherë, gjithsesi.

Dhe ndërkohë që ndodh e gjithë kjo hipokrizi, reporterët me dinjitet deri në dhimbje të këtyre televizioneve, bletët e vërteta të informacionit që komentojnë me të ftuarit darkave këta ‘Vipa’, nuk i kap ky pazar gjigant me shifra marramendëse.

Ambarozia Meta, ajo vajza e thjeshtë modeste, reporterja që e bëri kryeministrin Rama të fliste me vete dhe t`ja mbathte me bisht ndër shalë, vazhdon të shfaqen me të njëjtin mikrofon në dorë; në diell e në shi, të informojë shqiptarët.

Ka dhjetëra e qindra si Ambrozia, që nuk i kap merkatoja luksoze e bosëve të Tv-ve shqiptarë… deri në ditën që do rezistojnë, për të mos shitur dinjitetin profesional dhe njerëzor. Shkrimi nuk ka për qëllim që të anatemojë gazetarët e tjerë dhe të lartësojë Ambrozian. Ndoshta dhe Ambrozia po të kishte qenë në ndonjë prej televizioneve nga u këputën ‘yjet e ekranit’ dhe ranë në prehrin e ‘kazanëve’ të reja mediatike, do të ishte menduar disa herë përpara se t’ia zgjaste më shumë se duhet liderit ‘global’.

Kriza e vërtetë e ekraneve nuk është mungesa e ‘Ambroziave’, drama e vërtetë e tyre është se pronarët e tyre nuk mund t’ia lejojnë vetes kurrësesi as 1 të qindtën e çiltërsisë dhe pavarësisë që Ambrozia Meta tregoi në përballje me Edi Ramën. Linçimi apo autolinçimi i ekraneve nuk mund ta zgjidhin milionat e paguara për gazetarë që tashmë janë formatuar të mos flasin, të nënshtrohen, apo akoma më keq të shërbejnë.

Afilacioni me CNN-in apo françajzingu i Euronews nuk e shpëton dot dekadencën e medias në një ambient që vret lirinë, përçmon dinjitetin, nëpërkëmb profesionalizmin.

Prandaj e ashtuquajtur ‘Krizë e TV-ve’ për të cilën ankohen pronarët, nuk ka për tu zgjidhur kurrë duke shkëmbyer ‘kukullat’ e njëri tjetrit. Ajo që u mungon janë, ‘Ambroziat’, dhe bimë të tilla !

Pompimi i emrave të gazetarëve që nën hyqmin e pronarëve, kanë krijuar lidhjet nën-apo sipër tavoline me shtetarët aktual nuk zgjidh krizën e ekraneve, thjeshtë e tranferon atë nga një ekran i vjetër tek një i ri.

Kazan i ndryshëm, e njëjta gjellë në fund./Syri

Kriza e TV-ve: Nuk na mungojnë ekranet, por na mungojnë ‘Ambrozia-t’ Read More »

Ngjela: SPAK dhe jo Vetting për politikanët. Kanë futur duart në thesarin e shtetit, di personat që po trajnohen në SHBA për BKH

Opinione / /

Avokati Spartak Ngjela shprehet se nisma e opozitës për Vetting në politikë nuk funksionon, pasi ky procei është vetëm për njerëzit e drejtësisë. Ai shprehet se edhe pse Rama e ka pranuar një nismë të tillë, PS-ja e ka të pamundur, pasi ka marrëveshje me SHBA-në.

“Vettingu është për gjyqtarët dhe jo për politikanët. Këta kërkojnë të shtyjnë procesin. Rama e pranoi Bashën, do bëjmë vetting. PS, nuk ka nga ja mban, sepse ka marrëveshje me SHBA.

Nuk hetohet deputeti, Saliu nuk kupton procedurat, i ka disa juristë mediokër dhe i hedh ata në luftë për të shkatërruar sistemin.

Pse janë kaq të butë me gjyqtarët, sepse nuk e kanë të qartë se nga i kanë marrë paratë. Këta kanë futur duart në thesarin e shtetit. Di që persona të caktuar, po trajnohen në Amerikë për BKH. Politikanët kanë SPAK-un (Struktura e Posaçme kundër Korrupsionit dhe Krimit të Organizuar), jo vettingun”, tha Ngjela i ftuar në studion e lajmeve në “News24”

Sipas avokatit Ngjela, politikanët kanë bërë pastrim parash në ditën për diell dhe se Byroja e hetimit i ka provat.

Ngjela: SPAK dhe jo Vetting për politikanët. Kanë futur duart në thesarin e shtetit, di personat që po trajnohen në SHBA për BKH Read More »

Marin Mema sjell fakte të reja për arrestimin e luftëtarëve të UÇK-së gjatë ’93-’97, kush i dekonspiroi te Milosheviçi, çfarë roli kishte SHIK-ku të Gazideda dhe Berisha?

Histori, Opinione / /

Kush i dekonspiroi nga Shqipëria shumë nga luftëtarët e parë të UÇK-së? Si u firmos marrëveshja në vitin 1991?

A ka dorë Shërbimi Sekret Shqiptar(SHIK) i Gazidedes dhe vetë Berisha në listat e zotëruara nga UDB në 1993, permes te cilave u arrestuan dhe u eleminuan shume nga nismetaret e UÇK?

Përse u arrestua Zahir Pajaziti dhe shumë figura të tjera dhe kush e dekonspiroi levizjen e tij tek serbet, qe solli dhe vrasjern e tij? Kush nuk e donte në Shqipëri UÇK-në…?!

Ndiqni të plotë videon e dokumentarit të gazetarit Marin Mema.

Marin Mema sjell fakte të reja për arrestimin e luftëtarëve të UÇK-së gjatë ’93-’97, kush i dekonspiroi te Milosheviçi, çfarë roli kishte SHIK-ku të Gazideda dhe Berisha? Read More »

“Më quani idealist të sëmurë, por për vendin tim do jem gjithmonë i tillë”

Opinione / /

Nga Marin MEMA

Shqipëria është një vend i bekuar nga perëndia, por i mallkuar nga politika !!

Në një territor kaq të vogël sa jemi tkurrur, korrupsioni sot e mot është gradë, është pushtet, është arritje, është tallje me të ndershmit dhe të pamundurit.

Janë të njëjtët që fshehin kokën dhe shmangin drejtësinë duke u përdredhur e shitur dëngla, gjoja parimore.

Pikërisht kjo duhet ndryshuar, kjo mendësi që e ka kthyer Shqipërinë në një vend ku asgjë nuk kryhet pa u përlyer, pa patur miq e shokë, pushtet e mundësi.

Ku i pamunduri është edhe më i pamundur, ky pensionisti konsiderohet barrë dhe ku përballë zyrtarëve të gjithëpushtetshëm, qytetari është një qenie pa zë.

Ku askush nuk dënohet, por qytetarët mund të dhunohen. Shqipëria ka plot burra e gra, djem e vajza, gjyshër e gjyshe që mundet ta bëjnë këtë vend !!

Të gjithë ata që e duan munden !! Mjafton të shohim të ardhmen bashkë, pa ngjyra politike, pa flamurë, pa ndarje e përçarje… Boll jemi vrarë e masakruar kaq shumë sa më shumë po i bëjmë vetes sesa po na bëjnë të tjerët !!

Ndoshta këto ideale janë të tepruara, sepse e di që një bazë e mirë e tyre tallen me to, tallen me mua, me ty, me të gjithë ne që e duam pa interes këtë vend, që kërkojmë më shumë nga e sotmja dhe e ardhmja e tij.

Më quani idealist të sëmurë, por për vendin tim do të jem gjithmonë i tillë !!

“Më quani idealist të sëmurë, por për vendin tim do jem gjithmonë i tillë” Read More »

Avokati shqiptar zbulon bisedën telefonike Vuçiq-Erdogan: Rexhep, po na i marrin

Aktualitet, Opinione / /

Avokati i njohur shqiptar Spartak Ngjela, ka komentuar zhvillimet e fundit politike në Kosovë. Ngjela në një postim në Facebook, ka thënë se presidenti serb Aleksandar Vuçiq, me vizitën e tij në Drenicë, deshi të fyente luftën çlirimtare të Kosovës, mirëpo sipas tij, burrat e Kosovës, nuk e lejuan këtë gjë.

Duke komentuar deklaratën e kancelares gjermane Angela Merkel se nuk do të ketë ndarje të Kosovës, avokati ka thënë se Vuçiq i ndikuar nga kjo, i ka telefonuar nga Mitrovica presidentit turk Rexhep Tajip Erdogan.

“Rexhep, po na i marrin shqiptarët të gjitha tokat e tyre që ju na i dhatë që nga viti 1878 e deri në vitin 1913”. Po cila mund të jetë ndihma që do t’i japë Erdogani? Kuptohet: mbështetjen e Ramës dhe të Thaçit”, ka shkruar Ngjela, duke zbuluar kështu bisedën mes presidentit turk dhe atij serb, i cili ka qëndruar qe dy ditë në territorin e Kosovës.

Ai më tej ka theksuar nevojën e aktivizimit të emigracionit shqiptar në Perëndim për të shpëtuar Shqipërinë dhe shqiptarët, të cilët sipas tij, janë në rrezik të shpërbërjes nga Moska, Beogradi dhe Stambolli.

Ai është shprehur i bindur se ringritja e historisë së Shqipërisë, do të shkojë deri në albanizmin real të Ballkanit Perëndimor.

Reagimi i plotë i Spartak Ngjelës:

Shqiptarë, rrini të qetë! Kosova ka ende burra.

Vuçiç nuk u lejua të shkojë në Drenicë. Ai donte të fyente luftën çlirimtare të Kosovës.

Por burrat kosovarë i treguan vendin. Ata i thanë: “Zoti Vuçiç, Adem Jashari është ende gjallë, kurse këta shqiptarë, që të perjargen ty, janë pilivesa…”

Angela Merkel në Shkup, me fjalën e saj, e shkatërroi përfundimisht planin ogurzi të ndarjes së Kosovës.
Esadistët në Tiranë dhe në Prishtinë, sigurisht që janë në hall të madh, se menduan që me ndarjen e Kosovës të krijonin shpërbërjen e dy shteteve shqiptarë me destabilizim.

“S’ka ndarje!” – tha shefja e madh e e Europës.

“FJALA e saj është ligj”, tha Vuçiç nga liqeni i Kosovës, por me zë të drobitur.

Vuçiç nga Mitrovica merr në telefon Erdoganin në Stamboll.

E dini cili është nënteksti i kësaj bisede?

“Rexhep, po na i marrin shqiptarët të gjitha tokat e tyre që ju na i dhatë që nga viti 1878 e deri në vitin 1913”.

Po cila mund të jetë ndihma që do t’i japë Erdogani?

Kuptohet: mbështetjen e Ramës dhe të Thaçit.

Po kush i pyet këta në Shqipëri!

Po të shohim tani dhe diçka: si do të precipitojnë ngjarjet?

Sigurisht në favor të botës shqiptare në Ballkanin Perëndimor.

Në Selanik ka trazira për emrin e ri të Maqedonisë, kurse politika shqiptare në Shkup është memece. Se është e korruptuar.

Blejini! Thosh kryeministri serb për krerët e shqiptarëve, në fillim të shekullit të XX-të. Dhe i blenë.

Por ajo që bie negativisht sot në sy, është fakti që emigracioni shqiptar në Perëndim edhe pse i ka sytë nga Shqipëria dhe nga Kosova, nuk është aktiv. Sot në emigracionin shqiptar në Perëndim ka njerëz me vlerë, po nuk janë aktivë. Sepse siç duket nuk e kanë të qartë se çfarë po ndodh.

Duhet të imitojnë shqiptarët e mëdhenj të Rilindjes Kombëtare që krijuan shoqata dhe komitete në Europë, në Amerikë, madje edhe në Egjipt, dhe e shpëtuan Shqipërinë nga likuidimi tërësor.

Sot është e njëjta situatë si atëherë, sepse prapë janë bërë bashkë Moska, Beogradi dhe Stambolli për të shpërbërë Shqipërinë.

Këta po i tremb shumë bota shqiptate në Ballkanin Perëndimor, dhe janë hedhur në sulm me esadistët në Tiranë dhe në Prishtinë, kundër bashkimit shqiptar.

Por dita e sotme ishte një fakt i ri për ringritjen e historisë së shqipërisë, e cila ka filluar në vitin 1999, dhe duhet të shkojë deri në albanizmin real të Ballkanit Perëndimor.

Avokati shqiptar zbulon bisedën telefonike Vuçiq-Erdogan: Rexhep, po na i marrin Read More »