Opinione

Arian Galdini

Kur politika ka fytyrë njerëzore, edhe pse një grua del para Senatit e tregon lot emocioni sesi është ndjerë ajo para 30 vjetësh nga një marrëzi adoleshentësh të dendur me alkool, askush nuk ia cenon apo lëndon udhën e saj të rrëfimit. Në SHBA po ndodh tani. Madje analistët nëpër televizione as po fshehin dot lotët. Tek ne, njerëzimi ka mbaruar. Në një qytet pak kilometra pranë Tiranës, një vajzë është dhunuar e përdhunuar nga i biri i një deputeti dhe shoqëria po ndahet më dysh politikisht. Askush nuk po flet për vajzën. Vajza po përdoret si shkallë për tu gjuajtur politikisht me njëri-tjetrin palloshët e politikës sonë barbare. Sa turp! Sa turp! Sa turp! Nuk gjej dot fjalë e emocion për ta përshkruar pështjellimin dhe neverinë që ndjej për këtë politikë kaq mizore që kemi. Gënjen polici, gënjen PD, gënjen policia, gënjen Balla, këto janë të vetmet fjalë të ndyta e pashpirta që lexojmë e dëgjojmë. Mjaft, o njerëz mjaft! Mjaft përdorët e masakruat shpirtra të pafajshëm!

Ndaleni politikën vetëm për një hop e mendoni se në cilën botë a hulli po e zhysni atë vajzë. Turp edhe gazetari që rendi ta intervistojë vajzën si gestapo për përdorim përgënjeshtrimi! E si mund të bëhet kjo? A ka shpirt, mend, zemër ky soj gazetari? A mendon se po i hedh botën mbi supe vajzës për të mbyllur një vrimë politike? Sa turp! Hiqjani botën nga supet asaj vajze! Jepini mundësinë të ndihet e mbrojtur, pastaj bëni politikë apo gazetari pelivanësh. Ai polici nuk duhej të fliste me emër për vajzën. Pikë. Trimëria johumane e policit nuk e ka fare simpatinë time. Vajza dhe shpirti e jeta e saj vlejnë më shumë se çdo betejë politike apo gazetareske. Nuk mund ta trajtojmë një vajzë të pafajshme si dëm anësor. Ndonjëherë nga mënyra sesi shoqëritë zgjedhin të sillen me viktimat e dobëta përcakton edhe humanitetin apo dekadencën e këtyre shoqërive. Për mua viktima dhe heroina e vetme është vajza, sido që ta trajtojë ajo botën që ia kanê hedhur mbi supe sot. Mjaft keq e ka trajtuar bota atë! Sikur të kishim sadopak njerëzizëm do ndalnim luftën politike dhe do nisnim një betejë civile njerëzore për ta siguruar atë vajzë e shumë të tjera si ajo, se ne si shoqëri po mësojmë ta mbajmë mbi shpinë botën edhe për to. Kaq.

Kemi dëgjuar shpesh në rrjetet sociale, që njerëz me ndikim në fenë islame thonë se gruaja duhet rrahur por sipas kushteve që ka vendosur Allahu. Për fat të keq kjo ide vazhdon të praktikohet edhe në kohët e sotme moderne në shumë familje shqiptare.

Por Imami i njohur i Tiranës, Elvis Naçi ka dhënë përgjigjen që nuk do ta pëlqenin shumë burra. I pyetur nga prezantuesi i një emisioni në Kosovë se a duhet të rrihet gruaja, Elvisi tha se duhet rrahur tre herë në ditë.

Ai shpjegoi:

Tani në qoftë se je njëfarë burri gruaja duhet të rrihet tre herë në ditë. Në qoftë se je njëfarë burri.”

Prezantuesi ia priti: Por s’ka burra më. Dhe Elvisi tha: Kështu që s’kemi ç’bëjmë.

Më tej imami shpjegoi se në çift duhet të ketë mëshirë dhe dashuri nga të dyja anët në mënyrë që të gëzojë e gjithë familja.

Intervista e tij është dhënë kohë më parë, mirëpo që prej ditës së djeshme është bërë virale në rrjetet sociale.

SHIKONI VIDEON KETU

Analisti Dritan Kaba, e ka cilësuar bashkëpunëtor në krim, gazetarin Muhamed Veliu, i cili detyroi të gënjente vajzën gjatë intervistës që i bëri.

Sipas Kabës, gazetari Veliu refuzoi të shihte raportet mjekësore që vërtetonin dhunën e ushtruar mbi Xhisiela Malokun, por e detyroi këtë të fundit njëlloj siç bënë kriminelët në komisariatin e policisë që të mohonte gjithçka.

Pas statusit të Kabës ka patur edhe replika mes tij dhe gazetarit Veliu.

Ja postimi i Kabës:

Mos ja vini re Metit dhe Tanit, ata jane thjesht çuna “te llastuar”! Ata nuk e shohin kete!

REAGIM PAS NJE KOMENTI !

Per ata qe e keqkuptojne ai puna e Muhamed Veliu qe nuk i pa as djegiet me cigare, nuk kerkoi te shihte as raportin mjeksor, por perkundrazi e detyroi viktimen te genjente per ngjarje qe ajo nuk ishte prezent, kjo foto eshte ilustruese.

Por intervista e Muhamed Veliut eshte reale, ne syte e te gjitheve, por eshte kriminale.

Ai duhet te merret i pandehur si bashkepunetor ne krim!

Pedagogeve te gazetarise do i keshilloja qe intervistene Metit ta fusin ne kurikul, me disa ore shpjegime dhe ushtrime, dhe me nje seminar te veçante. Me temat : Si mund te behet gazetari bashkepunetor ne krim dhe KURRE mos intervisto keshtu!

Nga Luan Rama

Mirë që kjo partia e rilindjes socialiste nuk paska burra, po as gra nuk ka?!

Si ka mundësi që asnjë shoqe prej deputeteve e ministreve rilindase nuk tha asnjë fjalë, të paktën qoftë edhe formalisht, për të dënuar dhunën e në shenjë solidariteti njerëzor me të dhunuarën Xhisiela Maloku?!…

E pastaj mburren e flasin për përqindjen e barabartë të grave e burrave në qeveri e për barazinë gjinore, për shanse të barabarta e integrim të gruas në politikë!

Të tjera detaje ka dhënë sot Artan Hoxha, në lidhje me nënkomisarin e arratisur, Emiljano Nuhu, teksa për vëllanë e tij thotë se është pjesë e bandës së Laert Haxhiut, të shumëkërkuarit lushnjar të akuzuar si autor i masakrës së Lushnjes.

Mirëpo, krahas publikimeve të Hoxhës, një prej komentuesve e ka akuzuar se është gazetari ai që sulmon oficerët e policisë.

Komentuesi shkruan:

Gazetar që sulmon oficerë policie dhe i lëpihet kryeministrit për një udhëtim falas në Stamboll. Mjerë ne ku jetojmë! Po ministri brendshëm anëtar i kujt bande është? E ke publikuar ndonjëherë Geron ( Agron Xhafën ) kështu me foto ?”.
Por, nuk ka vonuar përgjigja e gazetarit Hoxha, i cili ka zbuluar kush janë sipas tij oficerët e vërtetë të policisë.

Sipas Hoxhës:

Oficer policie eshte Erzen Brecani dhe Osman Levanaku qe jane perballe gjithe jeten me krimin, i kane hedh ne rruge e perballen cdo dite me Edi Ramen e Rilindjen dhe nuk ikin per azil politik si ata spurdhjaket tuaj qe mbyllin deren e guzhines me dryn dhe shesin trimeri ne facebook”.

Ka shpërthyer kundër asaj që ai vetë ka krijuar, medias dhe asaj që sot të gjithë shohim në televezione. Është Ylli Rakipi i cili teksa ishte i ftuar në emisionin “Provokacija” të Mustafa Nanos në ABC Neës, ka folur për gjendjen e medias në Shqipëri. Rakipi tha se televizionet janë në shërbim të pushtetit dhe bombardojnë shikuesin me propagandë.

Ja si e përshkruan Rakipi një ditë në televizionet shqiptare/ “Shiko çfarë ndodh këtu. Fillon dita, del në fillim Erion Veliaj. Ja jep ky, mender, një pordhe dhe e transmetojnë LIVE të gjithë televizionet, sepse nuk kanë asgjë tjetër. Televizionet kombëtare e ambalazhojnë me kujdes të madh dhe e japin në edicionet e lajmeve. Mbaron Erion Veliaj dhe del Lul Basha. Nëse nuk është në Bruksel, në Gjermani apo Hollandë, del dhe bën një deklaratë. Ka një sfond të bukur mbrapa dhe flet për përgjimet. Nëse nuk është ai, del Flamuri ose Vokshi. Mbaron kjo. Del pastaj, Edi Rama dhe ha një drekë në një fshat të Përmetit.

Transmetohet e gjithë dreka, ha sallatë, jep sallatë, pi ujë Edi Rama, të gjithë japin këtë gjë. Kur nuk ka drekë, ka dëgjesë publike. Të gjithë këto televizione japin vetëm këto gjëra dhe ka një shok psikologjik vrasës. Nuk ka qenë kështu. Ne kemi qenë në media që në fillim, media ka qenë e politizuar apo gjysëm e politizuar në vitet 90′, por nuk ka qenë kaq vrastare. Nuk ka qenë ky ekzekutim i njeriut. Nuk ka qenë kjo goditje, ky presion psikologjik.

Sipas Rakipit, pas transmetimit të kronikave të gatshme të partive politike dhe propagandës qeveritare, në mbrëmje televizionet shqiptare vazhdojnë agresionin ndaj publiket me emisionet politike. “Pastaj Muçi, dalim ne. Të them të drejtën, unë një herë në javë dal dhe kam shumë frikë. Këtu ka njerëz Muçi, që dalin katër herë në javë. Del ai sfilon si velinë, katër herë në javë bërtet, thërret, flet vetë. Personazhe nga më të çuditshmit, jo vetëm njerëzit që punojnë këtu”.

Është rikthyer debati i listës Basha në emisioni “Të paekspozuarit”, me Ylli Rakipin. Replikat u zhvilluan mes analisti Andi Bushati dhe Lulzim Basha kur ku ai i kujtoi kreut të PD, Lulzim Bashës, se la jashtë listave intelektualë, duke i kujtuar këtu Agron Gjekmarkajn, edhe pse ky i fundit nuk është shprehur ndonjëherë për të hyrë në politikë, por që në analizat e tij duket vokacioni djathtas.

DEBATI/ Basha: Qeveria rrëzohet edhe me dhunë, por këtë mund ta bëjë vetëm populli. Bushati: Prandaj partia politike duhet t’i hapi rrugën popullit dhe të mos bëj opozitën fasadë, sepse Edi Rama i mbyll gojën të gjithëve dhe thotë ‘këta kam përballë, këta i munda’. Basha: Cila është opozita fasadë? Ne që denoncojmë me emër e mbiemër? Që dalim alternativë me zgjidhje? Bushati: Ajo opozitë që në çdo zgjedhje që futet që kur e drejtoni ju, del gjithmonë e më pak me vota… në fund humbisni votat. Basha: Po nuk ka lidhje kjo… Bushati: Edi Rama, këtë thotë.. këta kam kundërshtarë dhe këta i mund, s’kam ç’bëj.

Basha: Partia politikë në demokraci , me vota vjen në pushtet , në momentin kur janë asgjësuar zgjedhjet dhe institucioni i demokracisë dhe ato të shtetit, detyra e opozitës është që në radhë të parë, të trajtojë këtë problem, quaje regjim apo grusht shteti. Këtë po bëjmë ne sot! Tani, në vend që të rrish aty kur unë njoftoj platformën ligjore për të konfiskuar pasuritë e vendosura përmes akteve abuzive…

Ylli Rakipi: A e zbaton dot këtë platformë para se të fitosh zgjedhjet? Jo. Atëherë si i fiton zgjedhjet? Basha: është shumë e thjeshtë. Që të flakim Ramën një orë e më parë, duhet që të bashkohemi të gjithë. Bushati: Po nuk u bashkuam ne, ju jepni dorëheqjen. Se nuk e bëni dot nëse nuk bashkohemi… Basha: Unë po shkoj të shqiptaret ka shumë shqiptarë. Kur të vij ajo ditë, ai është interes jo të rrini të bën ironi. Se të parët që dalin në protestë janë intelektualët… Bushati: ata intelektualë ti i le jashtë listave.

Basha: Cilët lashë jashtë? Bushati: Do të t’i them me emra? Agron Gjekmarkaj… Basha: Edhe çfarë? Shumë mirë, po të ishte në listë do ishte shumë mirë, dhe fakti që nuk është në listë çfarë tregon? Bushati: E gjetët të përshtatshme që më mirë të merrnin ndonjë njeri që ka çik më shumë lekë sesa ata… Basha: mos bëj tani qoka kolegësh këtu, se nuk ka fare lidhje kjo. Unë po bëj reformë brenda partisë., edhe për deputetët, edhe mënyra sesi do zgjidhen deputetët është një mënyrë tërësisht europiane. Bushati: Ore unë di ça bërë ti thua ça do bësh… Basha: Ty s’të pëlqen se ça bëra…

Bushati: Ato listat? Janë turp i Zotit, më keq se Edi Rama, jeni njësoj mo… lista që shkruan brenda natës pa pyetur asnjeri?! Basha: Me këtë që bën tani faktohesh si një shërbëtor i sofistikuar i Edi Ramës… Bushati: Po mo po… Basha: Kam vetëm një retiçencë të vogël… në listën e PD mund të mos jetë zoti Gjekmarkajn të cilin PD e ka propozuar për anëtarë të AMA dhe është anëtarë i AMA, por në listën e PD ishte Preç Zogaj, Vali Duka, Romeo Gurakuqi… pra ka pasur emra të nderuar dhe intelektualë kjo listë, dhe të tjerë emra intelektualësh…