Opinione

Kryetari i PD-së Lulzim Basha sot në tryezën e organizuar kundër miratimit të paketës antishpifje bëri edhe një “mea culpa” për sjelljen e PD-së me mediet përgjatë 30 viteve të pluralizmit.

Pas qëndrimit të Bashës, i menjëhershëm ka qenë reagimi i zëvendëskryeministri Erion Braçe, i cili shprehet se kjo ishte një skenë e ndyrë.

“Mea culpa” nuk e shlyen dot krimin, siç ishte ai i vrasjes së katër protestuesve në mes të Bulevardit”, thekson ai.

Po ashtu, Braçe shton se “’mea culpa’ që shleu vrasjet në Bulevard, që shleu krimet e qeverisë Berisha mbi gazetarë! I njëjti film, e njëjta histori ‘mea culpa’ si amnisti krimesh patjetër, “mea culpa” si për ata të katërt që pushkatuan në mes të Bulevardit!”, shprehet ai.

“Patjetër; “mea culpa” shlyen çdo krim pushteti! Patjetër, ti i jep një dorë me shpifjen “e vrau ky me çadër në dorë, jo pushteti” apo, “gazetari im u shpua nga glasa e një zogu, jo nga plumbi i pushkës së shtetit”! Skenë më të ndyrë se sa kjo “mea culpa” nuk ka!””, shprehet ai. /atsh

Kryetari i Partisë Demokratike, Lulzim Basha deklaroi sot se “situata me të cilën media po ballafaqohet është një ofensive kundër lirisë së shprehjes”.

Në tryezën për lirinë e medies, Basha tha se “pa lirine e medies nuk ka liri politike”. “Këtu jemi si partnerë në një interes, në interesin e informimit të qytetarëve. Mosinformimi dhe keqinformimi është objektiv i qeverisë dhe Ramës, arrestimeve, presioneve financiare duke ngushtuar informimin. Kjo është një vijë e kuqe e papranueshme për ne Partinë Demokratike dhe opozitën e bashkuar. Kjo është një luftë e shpallur kundër lirisë së medies. Qeveria po propozon një ligj për të instaluar censurën”, tha Basha.

Objektivi ynë, tha ai, “është t’i japim vendit një kuadër ligjor për t’i mbyllur derën tranzicionit ndaj medies dhe për ta zhvendosur në standarde europiane, ne praktika të autonomisë dhe lirisë së shprehjes”.

“Nëse çmenduria çohet deri në fund në parlamentin e cunguar, opozita nuk do ta njohë dhe sapo të ketë mundësinë e qeverisjes për ta zhbërë këtë legjislacion bashkë me shoqatat e gazetarëve të pezullojmë çdo masë të tillë arbitare”, tha Basha.

Sipas tij, “shteti nis kryesinë e OSBE me një sjellje rrugaçërore dhe kriminale, kundër lirisë së medies”.

“Mirënjohje për institucionet ndërkombëtare që i janë përgjigjur shqetësimit tuaj si gazetarë dhe thirrje për të gjithë për t’u bashkuar në këtë kauzë që është e medias dhe gazetarëve dhe medias por mbi të gjitha e qytetarëve. Ne na bashkon interesi publik”, tha Basha.

Basha bëri po ashtu një “Mea Culpa” në emër të PD-së për gjithçka në këto 30 vite. “Jam i gatshëm të bëj një zotim solemn për anulimin e këtij akti apo çdo akti tjetër që cenon standardet europiane në shprehjes së lirë. Zotimi im është dhënia fund e çdo praktike që ka për qëllim korruptimin e medies në transmetimin e mesazhit me kaseta, bllokim të gazetareve, listë e zezë e cila nuk ekziston”, tha Basha.

Ndërsa kryetarja e LSI-së, Monika Kryemadhi u shpreh se “jemi në krah të gazetarëve”. “Të mbyllësh gojën e gazetarëve është shkelje e të drejtave të njeriut. Duhet solidaritet me njëri-tjetrin. Kemi të njëjtën situatë si në 1945 ku nisën spastrimin e intelektualëve”, tha ajo.

Kreu i Partisë Republikane, Fatmir Mediu u shpreh se “duhet një rezolutë e përbashkët për sa i përket kundërshtimit të censurës ndaj lirisë së medias”.

“Duhet të ketë një rezolutë të përbashkët bazuar në pikat e propozuara nga Basha. Mendoj se e kemi mundësinë për takime me ndërkombëtarë të cilët analizojnë çështjen. Shqipëria merr presidencen e OSBE-së dhe vendi po ballafaqohet me një ligj censure të mendimit dhe fjalës së lirë. Duhet nje rezolutë e përbashkët”, tha Mediu./atsh

Sekretari i Përgjithshëm Gazment Bardhi ka reaguar pas urdhër ar resteve të firmosura ditëbn e sotme nga Policia e Shtetit, pas rë nie së tërmetit.

Në një postim në facebook, Bardhi ka publikuar foton e një të riu, i cili në duar mban një pankartë ku shkruhet “Ku është fletë a rresti i Vangjushit?”

Për PD një fletë ar esti duhet të ishte edhe në emër të ish-kreut të Bashkisë së Durrësit, Vangjush Dako, ndërsa shkruan se pas tërmetit të 26 nëntorit Rama vijon të bëjë shoë duke u përpjekur të mbulojë ab uzimin e qeverisë së tij me propa gandë kundër opozitës.

Postimi i plotë:

Edi Rama vazhdon të bëjë shoë mbi tragjedinë e 26 Nëntorit, duke u përpjekur të mbulojë paaftësinë, papërgjegjshmërinë dhe abuzimin e qeverisë së tij me prop agandë të shëmtuar kundër opozitës.

Për fatin e keq të Shqipërisë dhe qytetarëve të prekur nga tërmeti, këto 3 javë provuan se vendi drejtohet nga një kryeministër i dësh tuar. Edi Rama dështoi të menaxhojë situatën pas të rmetit, dës htoi t’u japë qytetarëve sigurinë për banesat e tyre, dështoi të mbrojë interesin publik, duke mbrojtur paturpësisht 150 milionë dollarë që u jep oligarkëve për koncesionet korruptive të firmosura prej qeverisë se tij.

Dëshmi e dështimit të Edi Ramës është edhe përgjegjësia direkte për vdj ekjen e 24 qytetarëve në pallatet e shpallura të pabanueshme në Thumanë pas tërm etit të 21 Shatorit, për të cilët nuk mori asnjë masë për ti strehuar, duke i lënë në mëshirën e fatit.

Dës htimi më i madh i Edi Ramës është se nuk shnd ërroi dot Partinë Demokratike dhe opozitën në fasadën e pushtetit të tij të korruptuar dhe të kr imin alizuar. Ai e ka të lidhur fatin me Vangjush Dakon dhe Arben Ahmetajn, ndërsa ne me qytetarët shqiptarë.

Në këtë kohë fatkeqësie, shqiptarët kanë parë se e vetmja forcë e përgjegjshme, që ka ngritur zërin për interesin e tyre është opozita. Ne nuk përfituam politikisht nga trag jedia, ne nuk u tallëm me vik timat dhe as nuk i përdorëm të pr ekurit nga tërmeti, siç po përpiqet prej ditës së parë, Edi Rama, i cili shpiku edhe fejesën e të birit për t’u vik timizuar para shqiptarëve që ia kanë hequr vizën me kohë.

Kryeministri Edi Rama organizoi mbrëmjen e së mërkurës në Pallatin e Brigadave, në Tiranë, pritjen me ambasadorët e akredituar në Shqipëri, të cilëve i’u shprehu mirënjohje dhe falënderim të veçantë për kontributin që po japin vendet e tyre në mbështetje të Shqipërisë, për të kapërcyer pasojat që shkaktoi tërmeti i 26 Nëntorit.

Kryeministri Rama vlerësoi me medalje task forcën e kombinuar të Forcës së Sigurisë së Kosovës dhe ekipin e zjarrëfikësve të Republikës së Kosovës.

Medaljet iu dorëzuan ambasadorit të Kosovës në Shqipëri, Nait Hasani.

“Ndjehem i priviligjuar që jam përfaqësues i shtetit të Kosovës dhe këtë katrastrofë të tërmetit e kemi ndarë dhe e kemi ndjerë bashkërisht dhe e ndjejmë që si popull, si komb t’i dalim zot njëri-tjetrit. Bashkarisht mund t’ia dalim”, tha ambasadori i Kosovës në Shqipëri, Nait Hasani./atsh

Presidenti Ilir Meta u shpreh sot se “rasti i shkeljeve të Ardian Dvoranit është tmerrësisht flagrant, ndaj shpresoj që Prokuroria të mos jetë nën presione politike dhe të bëjë punën e saj me profesionalizëm”.

Në një prononcim për mediet jashtë dyerve të Prokurorisë, Meta tha se “jam këtu në përgjigje të ftesës nga institucioni i Prokurorisë, pas kallëzimit penal që unë kam bërë për shtetasin Ardian Dvorani, për dy vepra të qarta penale, të përmbushura plotësisht me dashje prej tij, atë të shpërdorimit të detyrës dhe përvetësimit të kompetencës dhe titullit shtetëror”.

“Kjo është një provë e madhe për të gjithë të ardhmen e Reformës në Drejtësi. Kushtetuta e thotë shumë qartë në nenin 4, pika 2. Kushtetuta është ligji më i lartë në Republikën e Shqipërisë: Dispozitat kushtetuese zbatohen në mënyrë të drejtpërdrejtë, përveç rasteve kur Kushtetuta parashikon ndryshe. Bëhet fjalë për Gjykatën Kushtetuese, integriteti i së cilës është me interes mbarëkombëtar”, – tha Meta.

Presidenti siguroi edhe njëherë të gjithë qytetarët shqiptarë se presidenti i tyre “ka zbatuar në mënyrë të drejtpërdrejtë dispozitat kushtetuese dhe parashikimet e qarta kushtetuese për çështjen në fjalë”.

“Të gjitha provat e depozituara deri tani janë të mjaftueshme që Prokuroria të veprojë ndaj shtetasit Ardian Dvorani. Ne nuk bëjmë presione. Çështja është shumë e rëndë, sepse ka vënë në pikëpyetje gjithë seriozitetin e shtetit të së drejtës në Shqipëri”, – tha Meta.

Sipas tij, “kjo është një çështje që askush nuk mund t’i shmanget, ndaj ne jemi të qetë e të duruar dhe do të bashkëpunojmë ngushtë me Prokurorinë, pasi ky është një rast tepër flagrant”.

Presidenti iu përgjigj edhe pyetjes lidhur me propozimet e PS-së që shmangin rolin e tij bllokues për betimin e anëtarëve të Gjykatës Kushtetuese. “Presidenti i Republikës nuk është në punë, as në detyrë, është në mision dhe nuk provokohet nga ‘cic mice’ të tilla, nga kushdo që i orkestron ato. Presidenti i Republikës ka qenë, është dhe do të jetë garant i Kushtetutës dhe i fton të gjithë të merren me përballimin e pasojave të tërmetit në mënyrë më të përgjegjshme. Kush gjen kohë në këto momente për të provokuar Presidentin dhe popullin, ta ketë të qartë se Presidenti është i ndërgjegjshëm edhe për misionin e tij dhe e di mirë detyrën e tij”, – tha Meta. /atsh