Opinione

Lëkundjet e tërmetit të pasdites së sotme kanë shqetësuar qytetarët, një pjesë e të cilëve kanë dalë në rrugë pasi trauma e tërmetit të 26 nëntorit është ende e freskët.

Por, sizmologët këshillojnë të ruhet qetësia, pasi bëhet fjalë për paslëkundje të tërmetit të 26 nëntorit.

Sizmologu Rrapo Ormeni u shpreh pasditen e sotme, se nuk ka vend për panik dhe frikë pas dridhjeve të tokës.

“Nuk ka asnjë efekt, janë gjëra normale deri në 5 ballë, ndërsa ai që ra pak më parë ishte 4.3 ballë. Këto janë pasgoditje pas lëkundjes së madhe të 26 nëntorit. Nuk ka asnjë vend për panik as në zonën që ra tërmeti, por as në Tiranë pasi lëkundjet vijnë shumë të vogla. Duke qenë se jemi në situatë të tillë pas 26 nëntorit, tashmë na duket sikur lëviz edhe krevati” tha ai. /atsh

Deputeti i Partisë Socialiste, Besnik Bare deklaroi sot se opozitës nuk i mbetet gjë tjetër vetëm të duartrokasë ngritjen e SPAK.

Në një intervistë televizive i pyetur për përshëndetjen që opozita bëri për ngritjen e SPAK Bare tha se, “unë do të thosha vetëm një shprehje për këtë qëndrim, “kërcen prifti nga belaja”, dhe kjo lidhet me faktin se kemi tre vjet që pengohet reforma në drejtësi, kemi tre vjet që vihen shkopinj nën rrota dhe s fundi ndodhi kjo që ndodhi dhe uroj që të jetë e sinqertë. Për mendimin tim kjo ndodhi ashtu siç detyruan 140 deputetë për të iniciuar reformën në drejtësi faktori ndërkombëtar. Fakti që faktori ndërkombëtar është këmbëngulës e konsideron një nga momentet më të rëndësishme të tranzicionit të zgjatur shqiptar gjë që është mbështetur dhe është fakt edhe nga mazhoranca, tregon qartë se opozita që është sot jashtë parlamentin e ka treguar që nuk ka kthim pas, dhe në këto rrethana nuk mbetet gjë tjetër vetëm të duartrokasë”.

I pyetur për paketën antishpifje të miratuar dje në Kuvend dhe për kundërshtitë që pati ndaj kësaj pakete, Bare tha se, “shumica në Shqipëri është populli dhe do të ishte mirë që media të bënte një sondazh. Cili është problemi në në vend, problemi i lirisë së shtypit apo problemi lajmeve të shtrembra që krijojnë drama, problematikë etj. Ligji aktual, do të doja që të pyeten gazetarët e kanë lexuar draftin apo jo dhe po të thosha se po ta kishin lexuar do ta kenë vënë re se ai ka ndryshuar goxha. Edhe forma fillestare nuk ishte unike për Shqipërinë por analoge për shumë vende që kanë adaptuar një legjislacion të tillë”.

Bare tha se, “zhvillimi i internetit ka suksese të jashtëzakonshme pasi në nivel global ka sjellë dhe probleme të jashtëzakonshme, në përgjithësi, interneti, ekspozimi publikimi, interneti, ekspozimi ndaj krimit, pedofilisë dhe pornografisë. Kjo është bërë një problematikë globale dhe mendoj se ky ligj i rregullon këto problematika, insistoj në këtë fakt se në Shqipëri nuk ka problematikë të mungesës së lirisë dhe fjalës së lirë dhe ne e shikojmë këtë në raport me mazhorancën”.

“Ne shikojmë se në shumicën e televizioneve shqiptare anatemohet mazhoranca, dhe ky e shikojnë ne se cili është anatemuar kryeministrin apo tjetrin. Në këtë rrethanë unë do të thosha se sensibiliteti i popullit lidhet me fakte të tjera. Para disa ditës ndodhi një vdekje tragjike dhe ne lexuam lajmin që një çift është helmuar me fostoksinë, por në të vërtetë pa u vërtetuar. Ky lajm krijon një konflikt në familje mes njërës palë dhe palës tjetër. Kemi rastin “Babalja” është një fakt tjetër, dhe në 21 janar u hap lajmi se katër veta janë vrarë me thika dhe me çadra pistoletë, atëherë a mban njeri përgjegjësi për këtë lajm? Të gjitha këto janë një konfuzion në raport me lirinë dhe problematika në Shqipëri nuk është liria e shprehjes dhe e shtypit, ajo që dua të them është se problem është shtrembërimi i lajmeve dhe futja në qorrsokak marrëdhënia brenda familjes marrëdhënia brenda politikës etj”, theksoi Bare.

I pyetur për reformën zgjedhore që nuk u mbyll brenda dhjetorit, Bare tha se, “nuk besoj se keni dyshim se vonesa edhe në këtë proces është për faktin se opozita ka dalë nga parlamenti nuk pranon të ulet në tavolinë dhe jep disa konsiderata të përgjithshme dhe nuk vjen me element konkretë për të nisur mekanizma konkretë që i shërbejnë kësaj reforme, unë mendoj se opozita nuk është e përgatitur edhe për të pasur zgjedhje edhe në 2021 jo më të ketë zgjedhje të parakohshme”./atsh

Kryetari i grupit Parlamentar të PS-së, Taulant Balla ka përshëndetur sot krijimin e Struktura e Prokurorisë së Posaçme kundër Korrupsionit dhe Krimit të Organizuar, SPAK.

Balla thekson se SPAK do të luftojë korrupsionin dhe krimin e organizuar në të gjitha nivelet.

“Sot është një moment historik për Drejtësinë. SPAK do të luftojë korrupsionin në të gjitha nivelet dhe do të godasë fort krimin e organizuar. Kush bërtiste se Reforma në Drejtësi nuk po ecën përpara, apo ka ngecur, kush u përbetua se do ta bllokonte, sot ka marrë përgjigjen“ -tha ai./atsh