Opinione

Sot lufta është në spital, teatri gjest patetik

Aktualitet, Opinione, Politike / /

Kryeministri Edi Rama deklaroi sot se “nuk kam qenë asnjëherë me një bindje tjetër për shembjen e Teatrit prej 20 vitesh.

Shembja e Teatrit Kombëtar është temë e ezauruar për mua personalisht është një temë e cila ka shumë vite, 20 vjet. Qëndrimi im është i njohur prej 20 vitesh dhe nuk besoj të ketë pasur proces më të gjatë në historinë e këtij vendi në distancë apo nga afër lidhur me këtë temë”.

Në një intervistë televizive, Kryeministri Rama tha se “besoj se ky është një atribut ekskluziv i pushtetit ekzekutiv në qeveri dhe në bashki dhe kthimi i një teme me karakter urbanistik dhe zhvillimor në një të temë politike tregon shterpësi dhe asgjë tjetër”.

Kreu i qeverisë u shpreh se “nuk ka asnjë patate të nxehtë ka vetëm një proces që zhvillohet sipas ligjit natyrshmërisë së ndarjes së punëve dhe bashkia e Tiranës në të njëjtën kohë është edhe agjencia që do të ekzekutojë të gjithë projektin”.

I pyetur nëse i ka dhënë urdhër bashkisë të prishë Teatrin, Rama u përgjigj se “jo, ne nuk i kemi thënë ‘merre prishe’ ne i kemi thënë ‘merre ndërtoje’. Ajo që mendoj se është e rëndë, është se vija e zjarrit sot në Shqipëri prej jo pak kohësh është në spital dhe lufta sot në Shqipëri jo prej pak kohësh është lufta për të mbrojtur shëndetin, për të garantuar edhe këtë fazë të dytë, që është hapja graduale, që do të thotë një thirrje e tillë për të marrë më qafë njerë,z për të bërë gjeste patetike, që nuk kanë asnjë lidhje me asnjë proces ligjor dhe me asnjë proces demokratik, dhe me asnjë proces kundërshtie të natyrshme, është papërgjegjshmëri”.

I pyetur për artistët që po mbrojnë teatrin, të cilët janë mbledhur në mjediset e jashtme të tij, Rama tha se “pas shpinës tuaj nuk shikoj aleancë për teatrin, shikoj një grup njerëzish që kanë thyer rregullat aktuale në kundërshtim me aktin normativ, duke vënë në rrezik jo vetëm veten, por edhe të tjerë, ky është fakt”, – tha Rama.

“Nuk shikoj ndonjë aleancë për teatrin. Po flas për atë që ndodh atje në errësirë dhe në kushtet kur është rreptësisht e ndaluar që njerëzit të grumbullohen në numra të tillë dhe të rrezikojnë veten dhe të tjerët, ky është fakt”, – tha Rama./atsh

Sot lufta është në spital, teatri gjest patetik Read More »

“Do të ishte dramatike nëse aty nuk do të ndërtohej teatër”/ Altin Basha pro shembjes së Teatrit, i rikujton PD-së Piramidën

Art-Kulture, Opinione / /

Regjisori Altin Basha në një intervistë për Euronews, është shprehur se Shqipëria ka nevojë për një Teatër të ri Kombëtar, që do të jetë i pari, pasi ai që ekziston sot është emëruar i tillë, por nuk ka qenë parashikuar që të funksionojë si teatër. Idenë e ndërtimit të teatrit me para të buxhetit të shtetit, sipas regjisorit të njohur, është ideja më e mirë e mundshme.

“Ideja për ta ndërtuar me para publike është ideja më e mirë e mundshme, duhet të ketë entuziazëm, pasi do t’u shërbejë qytetarëve. Ai teatër e ka humbur funksionalitetin e tij 20 vjet pasi është ndërtuar. Nuk ka qenë i projektuar për teatër, është adoptuar për teatër. Aktualisht nuk mund të quhet një teatër, e ka humbur krejtësisht funksionalitetin”, u shpreh Basha.

Sipas tij, pjesa dërrmuese e artistëve e mbështesin idenë e ndërtimit të një teatri të ri, ndërsa solli në kujtesë dhe rastet kur vende të tjera kanë shembur teatrin kombëtar.

“Po u jap dy shembuj, Hungaria e ka shembur tri herë teatrin kombëtar. Një herë e ka shembur për të ndërtuar hyrjen e metrosë së Budapestit. Suedia e ka shembur, ka pasur një teatër prej druri. Nuk shoh ndonjë gjë dramatike në shembjen e asaj ndërtese dhe ndërtimin e një teatri. Do të ishte dramatike nëse aty nuk do të ndërtohej teatër. Për sa kohë marrim më shumë salla dhe teknologji”, deklaroi regjisori.

Basha duke folur për projektin e Teatrit të ri Kombëtar tha se do të jenë tri salla me një kapacitet prej 1 mijë spektatorë, ndërsa vetëm investimi në teknologji do të arrijë në 10 milionë euro.

“Ka tri salla të mbyllura, një sallë të hapur një ka kapacitet 650, një 350 dhe 150 dhe do të përdoret një teknologji nga më të përparuarat në rajon. Është marrë për model teatri kombëtar bullgar dhe ai i Maqedonisë së Veriut. Ka një kosto shumë të madhe, 10 milionë euro vetëm në teknologji. Do të jetë një teatër jo vetëm në parametra ndërkombëtarë, por një teatër jashtëzakonisht funksional. Jemi në prag të një zhvillimi shumë të rëndësishëm kulturor në këtë vend. Produkti do të jetë teatri i ri i Shqipërisë”, tha ai.

Regjisori thotë se ka një acarim artificial për këtë çështje nga ndërhyrja e politikës, duke thënë se po ndikojnë disa militantë dhe funksionarë të opozitës. Ai kujtoi se, PD gjatë kohës kur ishte në pushtet, nuk investoi për rikonstruksionin e teatrit, por shndërroi Piramidën në teatër.

“Pjesa politike është padyshim pjesa ku nuk do të doja të hyja, sepse nëse do të duhet të futem në pjesën politike, do të doja t’i kujtoja të gjithë atyre që kundërshtojnë teatrin, kanë qenë në pushtet dhe kanë pasur mundësi që t’i shpenzojnë ato para që kanë shpenzuar tek Piramida dhe mund t’i shpenzonin për rikonstruksionin e Teatrit, por ndërtuan një teatër që nuk funksionoi asnjë ditë, e nxorën nga lista e mbrojtjes së monumenteve të kulturës”, përfundoi Basha. /atsh

“Do të ishte dramatike nëse aty nuk do të ndërtohej teatër”/ Altin Basha pro shembjes së Teatrit, i rikujton PD-së Piramidën Read More »

Spiropali: Opozita kërkon të bëjë pazar me Reformën Zgjedhore, pakica nuk mund ta marrë peng shumicën

Opinione, Politike / /

Zëdhënësja e qeverisë, ministrja e Shtetit për Marrëdhëniet me Parlamentin, Elisa Spiropali tha sot në seancën plenare të Kuvendit se opozita jashtëparlamentare kërkon të bëjë pazar me Reformën Zgjedhore.

Spiropali duke iu drejtuar Rudina Hajdarit në lidhje me ndryshimin në sistemin zgjedhor dhe prishjen e Teatrit Kombëtar tha se “ju kërkoni të ktheni orën e historisë pas, ku pakica mund të marrë peng shumicën ose mund t’i imponohet asaj jo me argumente, po me pathos, me sulme dhe me përgjithësime. Të dyja këto janë fatale, sepse në fund rezultojnë në hiç”.

Spiropali tha se opozita jashtëparlamentare kërkon të bëjë pazar dhe të mbajë sistemin e vjetër të drejtësisë.

“Konkretisht, opozita jashtëparlamentare pretendon se kundërshton Reformën Zgjedhore për dy arsye. Në fakt është duke bërë pazarin e radhës. Kundërshton se nuk do depolitizimin e administrimit zgjedhorë nga kreu në fund dhe e kundërshton sepse do që ata gjyqtarë që se kanë kaluar Vetingun apo janë përjashtuar nga Vetingu të futen në Kolegj Zgjedhor. Opozita jashtëparlamentarë do të mbajë në këmbë sistemin e vjetër të drejtësisë. Po ju çfarë kërkoni? Për cilin sistem po flisni? Nuk keni dhënë kurrë një argument, jo vetëm për meritat e këtij sistemi apo të atij të kaluar që kishim. Se dua t’ju kujtoj se edhe me atë sistemin që kishim më parë e dini mirë se çfarë deputetësh kishim në Kuvend. Herë bajraktarë, herë të fortë, herë agallarë, herë ata që ua nxirrnin votat nga hundët njerëzve. Mos hajde këtu e thoni se ky sistem ka kthyer përmbys sistemin e demokracisë në Shqipëri. Ne kemi vullnetin për të depolitizuar sistemin zgjedhor që njerëzit që administrojnë komisionet apo të numërojnë votat të jenë të depolitizuar, të jenë të trajnuar, t’i përgjigjen vetëm ligjit dhe të zgjidhen me short dhe me rotacion. Jeni ju për këtë?”, tha ajo.

Spiropali shtoi se ne nga ana tjetër jemi që në Kolegj Zgjedhor të jenë vetëm gjykatësit që kanë kaluar Vetingun për të mos u kthyer mbrapa te sistemi ku ata jo vetëm bëjnë lëmsh zgjedhjet dhe prishin standardin por edhe mbrojnë veten e tyre.

Duke iu përgjigjur Hajdarit për Teatrin Kombëtar, Sipropali tha se “nga ana tjetër për sa i përket çështjes së Teatrit zonja Hajdari, ja ku bashkoheni ju me ata. Ata nuk janë politikanë, as korifenj të artit. Ata janë politikanë teatralë ku gjithë jetën janë tallur jo vetëm me vendin, por dhe me veten dhe vendimet që kanë dhënë. Të jeni të sigurtë që Teatri Kombëtar i Shqipërisë do ngrihet aty, më i mirë, më i bukur, më i fortë dhe më dinjitoz se kurrë. Nuk kemi patur teatër, kanë qenë ca trushpërlarë aty që e mbajnë veten për korifenj, jo artistët. Aty shumica 95% e aktorëve që i kanë dhënë shpirt asaj skene do vazhdojnë të jetojnë aty përmes artit në një skenë dinjitoze. Shqipëri ka nevojë për një teatër të vërtetë kombëtar”.

“Ata po duan të bëjnë pazar për veten e tyre për sistemin për të vazhduar statuskuonë e partisë tyre. Ju po doni të mbijetoni në politikë po në të njëjtën mënyrë. Unë dua që ju personalisht dhe shumë të tjerë në këtë sallë të mbijetoni politikisht dhe pse jo të keni sukses të madh politik, por për këtë fajin nuk e ka mazhoranca, por partia që ju ka nxjerrë tradhtarë, që ju ka përjashtuar dhe nuk ju jep asnjë shans të tregoni se bëtë gjënë e duhur. Ju qëndruat në sistem e mbajtët opozitarizmin dhe ju respektuat institucionet. Ata dolën në rrugë, ata ju nxorën ju, ata ju përjashtuan dhe ju shpallën tradhtarë”, tha ajo. /atsh

Spiropali: Opozita kërkon të bëjë pazar me Reformën Zgjedhore, pakica nuk mund ta marrë peng shumicën Read More »

“Rishfaqje e COVID-19 në shtator, por jo kaq agresiv”/ Mjeku Kalo: Vetëndërgjegjësim nga qytetarët, respektim i distancës në plazhe

Opinione, Shendetesi / /

Mjeku i njohur infeksionist Tritan Kalo deklaroi sot se “nuk do të ketë një rikthim, por një rishfaqje të virusit COVID-19. Mendoj që shfaqja e këtij virusi nuk do të jetë më agresiv, hapësira kohore nga 13 maji, deri në shtator, ka disa muaj dhe kontaktet sporadike do të na ndihmojnë që të kemi më shumë imunitet”.

Në një intervistë televizive, Kalo theksoi se “virusi COVID-19 nuk është në grahmat e fundit, por si një sëmundje respiratore, shkon në një vetëshuarje, por jo të plotë. Gradualisht COVID-19 do të klasifikohet si infeksion i vijave respiratore”.

Sipas tij, në verë kemi disa infeksione që kalohen shpesh në plazh dhe kanë si simptoma gripi.

“Me ardhjen e vjeshtës do të riaktivizohen dhe pa dyshim midis tyre nga tamponet që do të merren, detyrimisht do të jetë i pranishëm edhe COVID-19”, – shtoi Kalo.

Mjeku Kalo u shpreh se “virusi në karakteristika nuk ka ngjashmëri me viruset e parafabrikuara si një pjesë e arsenalit të armëve biologjike, nuk ka asnjë gjë të saktë, duhen studime më të thelluara. Më shumë duket një betejë tërheqje vëmendjeje, se një saktësim i krijimit të këtij virusi”.

I pyetur nëse do të shkonte në një dasmë, Kalo tha se “nuk do refuzoja asnjë ftesë për dasmë, por duhet me qenë të kujdesshëm. Teprime në përqafime dhe puthje duhet të besojmë që janë të tepërta. Koka të na hyjë më shumë në veprim dhe më pak duart”.

“Edhe plazhi me kujdes. Duke respektuar distancën dhe në ato plazhe ku nuk ka derdhje të ujërave të zeza ka rrezik minimal”, shtoi ai.

I pyetur për zërat nga opozita se është fshehur numri i të vdekurve nga COVID-19, mjeku Kalo tha se “Tajlanda është vendi i parë ku janë parë të sëmurët e parë, pas Kinës. Qeveria tajlandeze mori masa të menjëhershme, nuk priti që të shpallej pandemia nga OBSH. Mori masa drastike. Është ngritur dikush nga opozita tajlandeze të thotë pse na i fshihni të vdekurit?”

“E palogjikshme të kërkosh të vdekur kur nuk ka. Nuk ka asnjë arsye për të fshehur të vdekurit pasi individët janë të regjistruar në regjistrat e spitale dhe është kollaj për të identifikuar. Është një lojë që nuk ia vlen të merresh me të, nuk bëhet politikë me të vdekur, por të bashkojmë krahët për ta luftuar”, tha Kalo./atsh

“Rishfaqje e COVID-19 në shtator, por jo kaq agresiv”/ Mjeku Kalo: Vetëndërgjegjësim nga qytetarët, respektim i distancës në plazhe Read More »

“Prej ditësh në disa zona të kuqe asnjë rast me COVID-19″/Mjeku Alimehmeti: Këtë vit duhet të bëjmë plazh

Aktualitet, Opinione, Shendetesi / /

“Përveç numrit të vogël të rasteve të reja duhet të shohim që nuk ka më raste të rënda. Tashmë jemi në ditën e 13 pa asnjë vdekje pra vdekja e fundit është në datën 30 prill pra në maj nuk ka më asnjë vdekje nga COVID-19”, tha mjeku epidemiolog Ilir Alimehmeti gjatë një interviste televizive.o

I pyetur nëse duhet bërë plazh këtë vit Alimehmeti tha se , “uji i detit përmban kripë dhe jod që e vrasin virusin. Ata që nuk lejojnë qytetarët të futen në det, nuk e paskan kuptuar akoma natyrën e virusit”.

“Edhe pishina nuk është problem. Në pishinë thjesht duhet pasur parasysh grumbullimi i njerëzve. Në pishina grumbullohen shumë persona”- tha ai.

Ai tha se bashkitë e shpallura “zona të kuqe” nga qeveria nuk kanë pse të mbahen në kufij të kuq në një kohë kur rastet pozitive me COVID-19 janë minimale, ose prej ditësh në disa prej tyre s’ka fare.

“Qyteti i Durrësit prej një jave s’ka asnjë rast pozitiv me COVID-19, pse izolohet si zonë e kuqe”, tha mjeku Alimehmeti.

Ai tha se,“kur ke kaq pak raste, kur s’ke asnjë rast sot në Krujë, kur ke dy raste në Tiranë dhe asnjë në Durrës prej më shumë se një jave, s’ke pse i mban këto bashki në zonat e kuqe”.

“Unë bëj pjesë të ajo masa që thonë që nuk duhen mbajtur këto masa. Në bazë të evidencave këto masa duhet të lirohen siç po lirohen”, përfundoi mjeku epidemiolog Ilir Alimehmeti./atsh

“Prej ditësh në disa zona të kuqe asnjë rast me COVID-19″/Mjeku Alimehmeti: Këtë vit duhet të bëjmë plazh Read More »

Pandemia/ Basha: Shqipëria, 10 herë më shumë të papunë krahasuar me vendet e tjera të rajonit

Aktualitet, Opinione, Politike / /

Kryetari i Partisë demokratike, Lulzim Basha deklaroi se, sot në Shqipëri ka 10 herë më shumë të papunë prej keqmenaxhimit të krizës nga Rama, krahasuar me vendet e tjera të rajonit.

“Sa më shumë qytetarë takoj aq më prezent bëhet shqetësimi për rrënimin e ekonomisë shqiptare. Faturat dhe taksat e larta, rënia drastike e konsumit por edhe mungesa totale e ndihmës nga ana e qeverisë Rama po e çojnë biznesin në kolaps dhe qytetarët drejt varfërisë së pashmangshme. Sot në Shqipëri ka 10 herë më shumë të papunë prej keqmenaxhimit të krizës nga Rama, krahasuar me vendet e tjera të rajonit”, tha Basha.

“Të rinisësh normalitetin pa strategji dhe pa ndihmë konkrete siç bën Rama do të thotë t’i çosh qytetarët drejt krizës së thellë ekonomike dhe greminës së mjerimit”, u shpreh Basha.

“Pandemia ekonomike ka prekur shumicën e familjeve shqiptare që sot më shumë se kurrë kanë nevojë për ndihmë dhe mbështetje konkrete. Dhe jo për fjalë dhe show në Facebook”, theksoi Basha.

“Mbi 70% e shqiptarëve janë sot pa asnjë ndihmë ekonomike dhe pa të ardhura”, shtoi Basha. //atsh

Pandemia/ Basha: Shqipëria, 10 herë më shumë të papunë krahasuar me vendet e tjera të rajonit Read More »

“4 vaksina po testohen për COVID-19”/ Brataj: Masat e dhanë rezultatin, qytetarët duhet të bëhen më të ndërgjegjshëm

Aktualitet, Opinione, Problematika / /

Drejtori i Urgjencës Kombëtare, Skënder Brataj u shpreh sot se, masat drastike e dhanë rezultatin, por shtoi ai, “lirimi i masave do të thotë që ne të bëhemi më të ndërgjegjshëm për të mos transmetuar këtë virus”.

“Do kthehemi në normalitet sepse nuk ka sëmundje që duron përjetë. Eksperienca mijëvjeçare ka treguar që çdo sëmundje ka pasur ciklin e vet, pavarësisht ku ka qenë niveli i shkencës për t’iu përgjigjur me terapi apo vaksinë. Sot për fat të mirë i kemi këto dy mundësi. Kjo periudhë do të mbarojë. Sa më shumë ta respektojmë aq më pak dëme do të kemi. Masat drastike e dhanë rezultatin. Lirimi i masave do të thotë që ne të bëhemi më të ndërgjegjshëm për të mos transmetuar këtë virus”, tha Brataj.

Brataj gjithashtu u shpreh se në SHBA, por edhe në dy vende të Europës janë duke u testuar 4 vaksina. Brataj tha se rezultatet deri tani janë pozitive.

“Për vaksinat janë bërë disa studime. Ka filluar në SHBA dhënia e vaksinës së parë në mënyrë eksperimentale për të parandaluar COVID-19 si sëmundje. Ky program është ndarë në dy faza, janë marrë shumë vullnetarë. Duhet të jenë njerëz të pa sëmur dhe para se të veprohet mbi këta persona, kontrollohen me tampon të serologjisë që nuk kanë pasur infeksion. Janë zgjedhur dy grupe, 18-55 dhe 65-85 vjeç. Të dy po trajtohen me dy mënyra të ndryshme. Në grupin e parë do të bëhet një lloj vaksine me disa doza. Ndërsa në grupin e dytë që janë më të rrezikuar do të bëhet vetëm një”, tha Brataj.

“Janë 4 vaksina PNT162 që po eksperimentohen. Janë marrë 4 forma të ndryshme të virusit. Gjëja e parë është që këta persona që po eksperimentohen, kërkuesit shkencorë në radhe të parë nuk japin dëmtime, në radhë të dytë të japim rezultat të pritshëm dhe në radhë të tretë të zhvillojnë antitrupa”, tha Brataj.

“Këtu po punohet në SHBA, në Belgjikë dhe Gjermani. Kanë filluar të duken rezultatet e para tek njeriu. Kanë filluar të tregojnë që po prodhohen antitrupa. Kjo është pozitive. Prodhuesit e vaksinës garantojnë që me përfundimin e testeve brenda 2020 do të ketë disa milionë vaksina dhe brenda 2021 do të ketë disa miliona të tjera vaksina. Pra janë 4 lloj vaksinash dhe sinjali i parë është pozitiv, po prodhojnë përgjigje ndaj kësaj sëmundje. si do të jenë rezultatet këtë do ta thonë shkencëtarët në vazhdim”, u shpreh Brataj./atsh

“4 vaksina po testohen për COVID-19”/ Brataj: Masat e dhanë rezultatin, qytetarët duhet të bëhen më të ndërgjegjshëm Read More »

Pipero: Virusi vazhdon të qarkullojë më ngadalë, nuk duhet të mungojë kujdesi

Opinione, Shendetesi / /

Mjeku infeksionist Pëllumb Pipero tha se gjendja e pacienteve në Infektiv është relativisht e mirë, një pjesë e tyre e mirë do dalin të shëruar. Nuk kemi të sëmurë rëndë të Infektivi. Gjendja e tyre është stabël.

Ai theksoi se sot nga spitali Infektiv kanë dalë 6 persona të shëruar, ndërkohë që është shtruar vetëm një.

Përsa i përket përdorimit të medikamenteve, Pipero tha se “protokoll për mjekimin e COVID-19 ende nuk ka. Ne kemi një pjesë medikamentesh te aprovuara nga FDA, një pjesë që i kanë përdorur koleget tanë që i kemi përdorur dhe ne, antivirale që kanë rezultuar të suksesshme. Përdorimi i medikamenteve shtuar i gamës së tyre ka përmirësuar mjekimin dhe kanë mundësuar se humbjet e jetëve të ishin me pakë. Në vendin tonë humbjet kanë qenë relativisht të vogla dhe efekti i medikamenteve për neve kanë qenë jashtëzakonisht i mirë dhe eksperienca është shumë mbresëlënëse”.

Përsa i përket hapjes Pipero tha se “unë besoj se çedohet tek njerëzit, që bëjnë muhabet me njëri-tjetrin. Ky është momenti më i keq për të transmetuar virusin. Pra ajo që themi vazhdimisht distanca fizike është e rëndësishëm për parandalimin e COVID-19. Sepse është një periudhe që mund të jetë pozitiv dhe nuk ka simptoma. Ndonëse virusi ka rënë, por në opinioni tim virulenca e viruesit ka rënë, gjithë sesi virusi vazhdon të qarkullojë por është e domosdoshme të ruajmë atë distancën. Edhe nesër kur të hymë në ambiente të brendshme apo siç është transporti publik duhet të vendosim maskat. Nuk do ia këshilloja askujt dorezat në rrugë nuk kanë nevojë ti përdorin as maskën kur lëvizin”.

Pipero thekson se masat lehtësuese janë të domosdoshme tani, janë graduale, janë rajonale dhe janë të qenësishme dhe të qëndrueshme dhe kështu duhet.

“Hapja është graduale dhe po bëhet graduale. Ne vazhdimisht themi se virusi vazhdon të qarkullojë, më pak, më ngadalë por vazhdon të qarkulloj, pra nuk duhet të na mungojë kujdesi. Pra po të kemi kujdes asnjë lloj rreziku nuk na kanose. Madje kjo mënyrë graduale na bënë dhe një ekspozim gradual ndaj virusit dhe na mundëson nëse ne vend të sëmuremi të fitojmë dhe imunitet. Do të doja që në fund të këtij sezoni një pjesë e qytetarëve tanë të ishin të imunizuar. Ekspozimi gradual është fitimprurës në të gjitha drejtimet”, tha ai.

Në lidhje se a transmetohet virusi nga uji dhe larjen në det, Pipero tha se “nuk është evidentuar asnjë mostër virusi në ujë, aq më tepër ta gjesh në ujin e detit. Se kam dëgjuar nga kush që uji i detit është i rrezikshëm. Nga uji i detit dhe nga rëra nuk ka asnjë rrezik”. /atsh

Pipero: Virusi vazhdon të qarkullojë më ngadalë, nuk duhet të mungojë kujdesi Read More »